Në rast shkeljesh të rënda është e mundur edhe sekuestrimi i veturës.

Disa vende evropiane janë shumë strikte kur bëhet fjalë për shkelje të rënda të trafikut.

Danimarka është një nga vendet që parashikon masën e konfiskimit të automjeteve dhe gjithçka bazohet në ligjin që dënon “ngasjen e çmendur”.

Konfiskimi i makinës është i mundur në Danimarkë në rast të shkeljeve të rënda, transmeton Telegrafi.com

Nëse vozitni më shumë se 100 km/h dhe e kaloni kufirin e shpejtësisë më shumë se dy herë (për shembull 110 km/h në vend të shpejtësisë së kufizuar prej 50 km/h).

Gjithashtu, makina juaj do të konfiskohet menjëherë nëse vozitni mbi 200 km/h.

Ka edhe kundërvajtje të tjera trafiku që mund të dërgojnë në konfiskim, përkatësisht: drejtimi i mjetit nën ndikimin e alkoolit, vozitje e pakujdesshme, dëmtim të konsiderueshëm të shëndetit personal në rrethana veçanërisht të vështira./Media Ndërtimi

Një nga temat më të rëndësishme në botën e automobilave në vitin 2023 është lufta e çmimeve, e cila aktualisht po shkakton probleme të shumta për disa prodhues.

Lufta e çmimeve po shkaktohet nga prodhuesit e veturave elektrike nga Kina, si dhe nga Tesla. Korporatat evropiane i qasen të gjithë fenomenit në mënyra të ndryshme. Disa luftojnë për çmime më të ulëta, të tjerë kritikojnë praktika të tilla dhe disa thjesht nuk mund ta përballojnë atë.

Pra, a do të thotë kjo se nëse duam të blejmë një veturë elektrike të lirë, por të besueshme, do të duhet të zgjedhim markat kineze? Në fund të fundit, rezulton se blerësit evropianë nuk duhet të dënohen me një të ardhme të tillë.

Vitin e ardhshëm, Citroën w-C3 duhet të jetë në dispozicion në Evropë, si një hatchback më i vogël elektrik, versioni bazë i të cilit pritet të jetë me çmim nën pragun magjik prej 25,000 euro.

Duket se tani në lojë po hyn edhe Opel. Demonstrimi publik i konceptit të tij Eksperimental dhe premiera e versioneve të reja elektrike të Astra dhe Corsa janë vetëm disa nga informacionet interesante. Florian Huettl, drejtor menaxhues i markave Opel dhe Vauxhall, pranoi se zhvillimi i grupit Stellantis hap perspektiva krejtësisht të reja për automjetet e tyre elektrike./Media Ndërtimi

Mercedes-Benz nuk pret që shitjet e automjeteve të tij në Evropë të jenë vetëm me modele elektrike deri në vitin 2030, por do ta ketë gati linjën e saj, tha shefi ekzekutiv Ola Kaellenius në një panair të automjeteve në Mynih.

Prodhuesi premium i automjeteve ka thënë prej kohësh se synon të bëjë shitjen e veturave tërësisht elektrike deri në vitin 2030 “aty ku tregjet lejojnë”, duke thënë se klientët në fund do të vendosin se çfarë produkti duan dhe duke treguar nevojën për infrastrukturë për të mbështetur kalimin në automjete elektrike (EV), transmeton Telegrafi.

Tregu evropian për vetura elektrike është rritur ndjeshëm viteve të fundit, por ka gjasa që nuk do të jetë gati nga viti 2030 për shitjen e veturave vetëm elektrike, tha Kaellenius.

“Kjo shifër nuk do të jetë 100 për qind (e veturave elektrike) në vitin 2030… nga i gjithë tregu evropian, por ndoshta edhe nga ana e Mercedesit”, tha ai.

“Ne do të jemi gati… por do të kemi gjithashtu fleksibilitet taktik”, tha ai, duke iu referuar kapacitetit për të prodhuar automjete elektrike ose me motor me djegie në të njëjtën linjë prodhimi./Media Ndërtimi