Connect with us

Trashëgimia

Zbulohet një thesar arkeologjik nën dyshemenë e katedrales së Notre Dame

Published

on

Gërmimet arkeologjike në Katedralen Notre Dame në Paris e kanë zbuluar një pasuri të pabesueshme në formën e statujave, skulpturave, varrezave dhe copëzave të kulmit origjinal, që daton që nga shekulli i 13-të, bën të ditur gazeta The Guardian.

Në këtë zbulim arkeologjik përfshihen edhe disa varreza antike të mesjetës, si dhe një sarkofag i plumbit në formën e trupit të njeriut i cili ishte varrosur nën dyshemenë e katedrales së shkatërruar nga zjarri, kurse ekspertët francez e kanë përshkruar këtë zbulim si “të pabesueshëm dhe emocional”, shton kjo gazetë britanike.

“Gjithçka është zbuluar vetëm 10-15 centimetra nën pllakat e dyshemesë. Ishte goxha e papritur që të gjenim gjëra të tilla. Këtu gjenden artefakte të rëndësishme të cilat e dokumentojnë historinë e këtij monumenti”, ka deklaruar Christophe Besnier, i cili është duke e udhëhequr ekipin e shkencëtarëve të cilët janë duke i kryer gërmimet në përgatitje të terrenit për punimet e rindërtimit.

“Ky ishte një moment mjaft emocional. Papritur i gjetëm disa qindra pjesë, fragmente më të vogla dhe blloqe më të mëdha, në mesin e të cilave përfshihen skulptura të duarve, shputave të këmbëve, fytyrave, dekoreve arkitekturale dhe bimëve. Disa prej pjesëve e kanë ende ngjyrën origjinale,” theksoi arkeologu francez.

Zbulimi është bërë i ditur nga Instituti Kombëtar Arkeologjik i Francës. Ekipi që i ka gërmuar artefaktet, ishte ftuar nga ky institut për të kryer “gërmimet parandaluese” nën dyshemenë e katedrales, përpara se të ngrihej skela mbi 100 metra e lartë dhe 600 tonelata e rëndë, e cila do të shërbejë për renovimin e kulmit të kullës./Media Ndërtimi.

Trashëgimia

Kinemaja Lumbardhi në Prizren shënon 70 vjetorin e themelimit

Published

on

Në kuadër të programit për 70 vjetorin e themelimit të Kino Lumbardhit u promovua libri “Lumbardhi: një histori episodike” dhe filloi programi i filmit LXX në Kino Bahçe.

Në këtë ngjarje morën pjesë edhe Ministri i Kulturës, Hajrulla Çeku, zëvendës ministri, Sejnur Veshall dhe këshilltarët Nora Arapi Krasniqi dhe Onur Canhas.

Ministri Çeku në fjalën e tij bëri të ditur rëndësinë shoqërore dhe historike të kinemasë Lumbardhi si aset në mbrojtje të shtetit, i cili trajtohet me prioritet nga ana e Ministrisë së Kulturës, në kuadër të programit të restaurimeve dhe të reformimit ligjor të institucioneve të kulturës dhe kinematografisë, ndërsa theksoi përkushtimin institucional që kjo kinema të vazhdoj të ruaj vlerat e saj dhe funksionin në shërbim të komunitetit dhe shoqërisë.

Fjalën e morën edhe drejtoresha e Qendrës Filmike të Sarajevës, Ines Tanović, si dhe kuratorët e programit të filmit.

Ngjarja vazhdoi me promovimin e librit “Lumbardhi: një histori episodike” nga Bengi Muzbeg dhe Tevfik Rada, i mbështetur nga Ministria e Kulturës, libër ky që flet për takimin dhe ndërveprimin mes Kino Lumbardhit dhe Prizrenit, prej rrethanave që sollën te hapja e kinemasë në vitin 1952 e deri te ndalja e aktivitetit pas falimentimit të ndërmarrjes shoqërore “Kino Bistrica” në fillim të shekullit të ri.

Në Kino Bahçe programi do të vazhdoj deri në muajin shtator, me mbi 40 shfaqje filmike të prezantuara në orare dhe formate të ndryshme./Media Ndërtimi.

Continue Reading

Trashëgimia

Polakët pa dy vjetësh rinisin gërmimet arkeologjike në Shkodër

Published

on

Rikthehen gërmimet arkeologjike të ekspeditës shqiptaro-polake!

Projekti kërkimor arkeologjik i misionit Polako-Shqiptar i instaluar në Shkodër që në vitin 2011, rinis gërmimet në Bushat pas një ndërprerje 2-vjeçare për shkak të pandemisë #Covid19.

Këtë vit ekspedita është përqendruar në nivelin e mesëm të qytetit për të kuptuar dhe më mirë shtrirjen e tij, zhvillimin urban dhe një datim më të saktë të fazave të vendbanimit, ndërsa sfida për gërmimet do të vazhdojë deri më gjetjen e emrit të këtij qyteti antik.

Nga 2018, ky mision tashmë po kryen kërkime arkeologjike në zonën e Bushatit, ku vit pas viti po del në dritë një qytet antik i panjohur që daton kryesisht në shek.IV-II para erës sonë.

Projekti drejtohet nga Prof. Piotr Dyczek- Arkeolog, Drejtues i Qendrës për Kërkime në Antikitet për Europën Juglindore në Universitetin e Varshavës- Poloni, Ass.Prof. Saimir Shpuza nga Instituti i Arkeologjisë, Tiranë dhe Helidon Sokoli, arkeolog, Drejtoria Rajonale e Trashëgimisë Kulturore, Shkodër./Media Ndërtimi.

Continue Reading

Trashëgimia

Promovohet monografia “Ruajtja praktike e trashëgimisë arkitektonike në Kosovë”

Published

on

Shoqata e Intelektualëve “Jakova” ka organizuar promovimin e monografisë profesionale të arkitektit Flamur Doli.

Në muzeun etnografik të Gjakovës, u promovua monografia “Ruajtja praktike e trashëgimisë arkitektonike në Kosovë”.

Kjo monografi, sipas arkitektit Sali Spahiu është udhërrëfyes jo vetëm për arkitektët.

Monografia shtejllon projektet për restaurimin rindërtues të kullave të tipit të Rrafshit të Dukagjinit, i shtëpisë së familjës në konakun e Jashar Pashësh në Pejë dhe Mullirit tradicional në Mitrovicë./Media Ndërtimi.

Continue Reading

Trending