Connect with us

Aktuale

“Vjedhja e pyllit”, i akuzuari pranon fajësinë̈ për prerjen e mbi 230 trungje të llojit “Ahu”

Published

on

I akuzuari për veprën penale “Vjedhja e pyllit”, Fehmi Karameta është deklaruar fajtorë në seancën e shqyrtimit fillestar, të mbajtur të mërkurën në Gjykatën Themelore në Prishtinë, dega në Lipjan.

Karameta, pranimin e fajësisë për veprën me të cilën po ngarkohet nga prokuroria, e bëri pas leximit të aktakuzës nga prokurori Rrahim Podvorica, raporton”Betimi për Drejtësi”.

I pandehuri  Karameta  deklaroi se e ndjen vetën fajtorë, dhe se këtë pranim po e bënë pa presion me vetëdije të plotë dhe vullnetin e tij.

Tutje Karameta ka shtuar se drunjet i ka prerë për familje për shkak gjendjes se rëndë materiale dhe sociale pasi nuk kishte mundësi t’i blinte, duke  shprehur pendesë dhe i premtoi gjykatës se nuk do ta përsërisë më këtë vepër penale.

Pranimin e fajësisë nga ana e të pandehurit Karameta e ka pranuar prokurori Podvorica dhe si i tillë ky pranim është aprovuar edhe nga gjykatësi Selman Salihi.

Shpallja e aktgjykimit për këtë rast pritet të bëhet më 8 nëntor 2021 në ora 15:00.

Ndryshe, sipas aktakuzës së Prokurorisë Themelore në Prishtinë, të 10 korrikut 2019, Fehmi Karameta akuzohet se me 9 qershor 2019, në orën 11:58, me qëllim të vjedhjes në pyll me të cilin qeverisë Agjencia Pyjore e Kosovës, në vendin e quajtur “Hija e Shales”, në regjionin ekonomiko-pyjor i Drenicës, i pandehuri Karameta ka prerë 237 copë trungje të llojit ahu me dimensione të gjata 7 metra me diametër mesatar 15 cm, me vëllim të përgjithshëm prej 9.48 m3 me sharrë motorike duke dëmtuar pyllin në pronësi publike./Media Ndërtimi.

Aktuale

Hapni dyert për instalimin e Valvulës Termostatike nga ekipet e autorizuara të Prishtina HeatSave

Published

on

Hapni dyert për ekipet e autorizuara ashtu që të përfitoni pajisjet si dhe instalimin e tyre falas. Pas nëntorit, këto pajisje së bashku me instalim do të kushtojnë deri në 500 euro për konsumator.

Andaj, nëse nuk do të jeni në shtëpi në datat e paralajmëruara për instalim në lagjen tuaj, ju lutem kontaktoni në 080099000 sa më parë, që të mos humbisni rastin për instalimin e pajisjeve të reja për radiatorët tuaj si:

Valvulës Termostatike e cila rregullon qarkullimin e ujit të ngrohtë nga sistemi i Ngrohtores Termokos deri tek radiatori.

Termo-Kokës e cila ndihmon në përcaktimin e temperaturës në radiator. Rrotullojeni për të caktuar temperaturën dhe për të kontrolluar shpenzimet e energjisë.

Alokatorit cili vendoset në radiator për të matur temperaturën dhe për të përcjellur shfrytëzimin e energjisë.

Prishtina HeatSave është investim 10M dollarësh nga Fondacioni i Mileniumit i Kosovës (MFK) & Korporata e Sfidave të Mileniumit (MCC), me qëllim të modernizimit të sistemit të matjes së shpenzimeve të ngrohjes përmes Termokos./Media Ndërtimi.

Continue Reading

Aktuale

Raporti i UN-Habita alarmon qytetet botërore

Published

on

UN-Habitat sapo ka publikuar Raportin e tij vjetor të Qyteteve Botërore gjatë sesionit të njëmbëdhjetë të Forumit Urban Botëror, i cili u zhvillua në Katowice, Poloni nga 27 qershor deri më 30 qershor 2022.

I titulluar “Parashikimi i së ardhmes së qyteteve”, pikat kryesore të publikimit të vitit 2022 janë njohuri për të ardhmen e sferës urbane, bazuar në “tendencat, sfidat dhe mundësitë ekzistuese, si dhe kushtet përçarëse, duke përfshirë mësimet e vlefshme nga pandemia COVID-19”.

Në fakt, ai synon t’u paraqesë qyteteve mënyra për t’u përgatitur për sfidat e ardhshme dhe për të adresuar çështjet aktuale.

Meqenëse popullsia globale që jeton në zonat urbane do të rritet nga 56 përqind në 2021 në 68 përqind në 2050, kryesisht në Afrikë dhe Lindjen e Mesme, transformimi i qyteteve tona për të arritur një të ardhme më të mirë duhet të jetë një interes global.

Duke pasur nevojë urgjente për “zgjidhje inovative për zonat urbane për t’iu përgjigjur kësaj krize të trefishtë C të COVID, klimës dhe konfliktit”, siç deklarohet nga Nënsekretari i Përgjithshëm i OKB-së dhe Drejtori Ekzekutiv i UN-Habitat Maimunah Mohd Sharif, Raporti i Qyteteve Botërore 2022 bën thirrje për më shumë angazhim nga qeveritë kombëtare, rajonale dhe lokale dhe inkurajon adoptimin e mëtejshëm të teknologjive inovative dhe koncepteve të jetesës urbane./Media Ndërtimi.

Continue Reading

Aktuale

Studentët e Arkitekturës të UP-së eksplorojnë ndërtimin e zonave urbane në Cottbus të Gjermanisë

Published

on

Studentët Behar Iberhysaj, Tringa Rama, Vanesa Nikqi, Dafina Balaj, Marina Frrokaj, ishin pjesë e Summer School – Introverted and Extroverted Spaces: Neë pedagogical approaches to the house and the city, në Cottbus të Gjermanisë, me dt. 11.06.2022 – 19.06.2022. Kjo vizitë është realizuar fal marrëveshjeve që Fakulteti i Arkitekturës ka me profesorët dhe universitetet në Gjermani.

Studentët kanë eksploruar se si është ndërtuar dhe përvetësuar hapësira urbane në disa territore në Cottbus përmes përjetimit të përvojës së tyre.

Gjate hulumtimit dhe punës së bërë janë përdorur metoda etnografike dhe vizuale për të identifikuar hapësirat që janë dhe mund të bëhen të dukshme dhe ato që janë dhe mund të mbeten të padukshme.

Qëllimi i shkollës verore ka qenë të rikonceptohet raporti mes shtëpisë dhe qytetit, duke reflektuar mbi nocionin se pjesët e dukshme dhe dimensionet prezentë e përbëjnë qytetin, ndërsa e padukshmja dhe jo-prezentja përfaqësojnë shtëpinë./Media Ndërtimi.

Continue Reading

Trending