Connect with us

Auto

Vetura e parë elektrike e Jeep, “Avenger”, zgjedhet vetura e vitit nga një juri gazetarësh

Published

on

Më e vogla e Jeep, Avenger, është Makina e Vitit 2023.

Çmimi iu dha nga një juri gazetarësh europianë të specializuar. Avenger prodhohet në Europë, në Poloni, në Tychy.

E dyta, në mesin e 7 finalisteve, renditet VW ID.Buzz, me 87 pikë më pak, kurse Nissan Ariya, e treta, me 211 pikë.

Jashtë nga vendet e para gjejmë Kia Niro (200 pikë), Renault Austral (163 pikë), Peugeot 408 (149 pikë) dhe binjaket elektrike, Toyota bZ4X dhe Subaru Solterra (133 pikë).

Avenger, modeli i parë elektrik i Jeep

Avenger është modeli i parë elektrik i Jeep. E prezantuar në Sallonin e Parisit, përfaqëson një model strategjik për Jeep, pasi është jo vetëm i pari me bateri, por synon edhe një sektor me shumë konkurrencë si ai i B-Suv, që grupi Stellantis është gati të ofrojë edhe dy alternativa të tjera – Fiat dhe Alfa Romeo.

Modelet finaliste në garë

Në mesin e makinave finaliste, të zgjedhura nga një gamë e gjerë prej 27 emrash, përveç Jeep Avenger përfshihet Kia Niro, Nissan Ariya, Peugeot 408, Renault Austral dhe Volkswagen ID. Buzz, përveç binjakeve Subaru Solterra dhe Toyota BZ4x, që në fakt konsiderohen si një kandidat i vetëm.

Katër nga këto makina – VW ID.Buzz, Nissan Ariya dhe binjaket japoneze zotërojnë powertrain elektrikë, por parashikohen të jenë full electric në gamën aktuale apo të ardhshme të Peugeot 408 dhe Kia Niro.

Jeep nuk kishte qenë kurrë në mesin e finalistëve për çmimin “Makina e Vitit” (Car of The Year).

 

Shtëpitë automobilistike protagoniste në vitet e kaluara

Nga markat përfaqësuese në mesin e finalistëve, Peugeot dhe Renault janë ato që kanë marrë më shumë çmime, duke e fituar titullin “Makina e Vitit” me 6 makina të tyre.

Dy markat franceze rezultojnë ndër ato që kanë fituar më shumë çmime, pas Fiat, e cila, deri më tani, ka fituar nëntë çmime.

Volkswagen, e pranishme në Belgjikë me modelin elektrik Bulli, e ka fituar katër herë çmimin “Makina e Vitit”, ndërsa shtëpitë japoneze Toyota dhe Nissan, përkatësisht tre dhe dy herë./Media Ndërtimi

Auto

Ferrari elektrik mund të kushtojë rreth gjysmë milioni euro

Published

on

Sekreti më i mirëmbajtur në Maranello këto ditë është Ferrari EV.

Gjithçka që dimë deri më tani është se do të ndërtohet në një fabrikë të re në qytetin e lindjes së kompanisë dhe është planifikuar të dalë në treg në tremujorin e fundit të 2025.

Dhe mediat shkruajnë se “elektrikja italiane” do të kushtojë të paktën 500,000 euro, përcjell Telegrafi.

Veç kësaj, thuhet se për të shmangur “ekskluzivitetin”, besohet se kompania synon të kufizojë prodhimin në jo më shumë se 20,000 automjete në vit, të paktën për një kohë./Media Ndërtimi

Continue Reading

Auto

Volkswagen Jetta GLI i ri debuton këtë muaj

Published

on

Volkswagen po rigjallëron linjën e tij amerikane me përditësime në të gjithë gamën.

Gjithçka fillon në javët e ardhshme me Jetta-n e re dhe motrën e saj sportive GLI, përcjell Telegrafi.

Bëhet e ditur se sedanët janë planifikuar të prezantohen në fund të muajit qershor.

Siç raportohet, gjatë tremujorit të parë të vitit, shitjet e Jetta-s u rritën për 185 për qind në mbi 13 mijë njësi, duke e bërë atë produktin e tretë më të shitur pas Tiguan dhe Atlas.

Andaj, Jetta 2025 nuk ka gjasa të sjellë ndonjë ndryshim të madh.

Shumica e VW-ve të vitit 2025 po marrin një asistent zanor me ChatGPT, kështu që edhe modeli i ri ka të ngjarë ta ketë atë./Media Ndërtimi

Continue Reading

Auto

Bosch ka një sistem të ri hibrid për veturat

Published

on

Bosch ka konfirmuar se teknologjia e saj për veturat hibride, e cila është testuar në 24 Hours of Le Mans, do të vijë shumë shpejt në automjetet rrugore.

Sipas portalit Automotive News, këtë synim e ka konfirmuar edhe zëdhënësi i kompanisë. Sot, në Bosch, ata po studiojnë se si të instalojnë të gjithë sistemin dhe mekanizmat e ndryshëm të sistemit hibrid në makinat rrugore.

Kompania beson se qindra mijëra kilometra të përzënë në kushte konkurruese janë më se të mjaftueshme për të testuar sistemet e tyre dhe për t’i shpallur ato të përshtatshme për konsum masiv. Sipas tyre, ky sistem mund t’i përshtatet nevojave të çdo prodhuesi, në varësi të qasjes dhe orientimit të tij brenda tregut, por gjithmonë duke garantuar që jeta e sistemit të jetë luksoze.

Bosch është i vetëdijshëm për bumin që automjetet hibride po përjetojnë në publikun e gjerë. Ka shumë marka që vënë bast për hibride, ndër të tjera si Toyota, Mazda apo Renault. Kjo për shkak të stagnimit të numrit të regjistrimeve të makinave elektrike. Sot, Bosch po negocion me disa prodhues makinash për ta pozicionuar veten si furnizuesi kryesor i komponentëve për sistemet hibride. Më shumë informacione do të bëhen publike në muajt në vijim.

Bosch ka zhvilluar të gjithë komponentët e sistemit të tij hibrid, duke përfshirë softuerin inteligjent hibrid të menaxhimit të energjisë. Zemra e sistemit hibrid është motori elektrik i tensionit të lartë, i cili quhet dhe jep deri në 200 kW dhe lidhet drejtpërdrejt me transmisionin. Mund të funksionojë si gjenerator ose motor./Media Ndërtimi

Continue Reading

Trending