Connect with us

Aktuale

Vazhdojnë protestat për lirimin e plazheve publike në Shqipëri

Published

on

“Përgjatë gjithë këtyre ditëve ju kemi treguar sesi janë zaptuar hapësirat në vijën tonë bregdetare. Jeni një vend i bekuar që lagemi nga dy dete, e prap se prap, shqiptarët nuk kanë se ku të bëjnë plazh.”, shkruan në reagimin e Nisma#Thurrje që po vazhdojnë të tregojnë të tjera prova me video sesi na kanë përzënë të fortët e plazhit nga hapësira që me të ashtuquajturën VKM, na takonte ne qytetarëve.

Shkuam në Durrës zonja ministre për të bërë plazh. Shkresa e qeverisë thotë se nga rreshti i parë i shezllonave, në një distancë 2.5 metra, hapësira i takon publikut. Nuk na lanë zonja ministre. Turp për ju që gënjeni shqiptarët se plazhi publik ekziston dhe privatët janë ca zotërinj të sjellshëm që janë pro ligjeve dhe të drejtave të qytetarëve.

Tri herë na erdhën dhe na kërcënuan zonja ministre, madje duke përdorur fëmijë minorenë duke u nxitur atyre dhunën verbale që nuk kishin guxim të vinin të bënin vetë. Kjo është edhe më e patolerueshme kur fëmijët që punojnë muajt e verës, i mësojnë sesi të sillen si gango, u japin nga karakteri i tyre. Ne nuk preferuam të nxisim konflikte, por deshëm të tregojmë një të vërtetë të madhe.

Mashtrime, vetëm mashtrime nga zyra juaj e propagandës që këtë herë shkuat përtej imagjinatës. Po i marrim turistët Greqisë tha ministrja, Greqisë që plazhet më të bukura i ka falas, nuk paguan për shezllon. Po u marrim turistët Greqisë tha ministrja, Greqisë që nuk lejon që plazhin ta menaxhojnë të fortët e partisë por u jep mundësi biznesit të ndershëm të rritet ekonomikisht.

Rezultati? Sot vijën bregdetare të jugut e keni boshë, dh ekjo arritje falë përpjekjeve të pafundme të ministres së Turizmit për të shkatërrkuar një nga sektorët më të  rendësishëm të vendit. Zonja ministre, turizmi nuk zhvillohet kur një herë në dy ditë kërcet arma për menaxhimin e shezlloneve mes privatëve lakmitarë.

Zonja ministre, turizmi nuk zhvillohet duke përzënë nga plazhi shqiptarët që vijnë me çadra me vete. Nuk zhvillohet as duke përzënë të huajt, siç ishte rasti publik i dy turistëve nga Suedia në një plazh të Sarandës. Nuk është vetëm ky rast ka me qindra turistë që i përzënë çdo ditë. Ndaj ne kemi vendosur të përshkallëzojmë protestën dhe denoncimet tona.

Thirrje për të gjithë shqiptarët, e sidomos për bashkëmoshatarët tanë që kanë vendosur të jetojnë në Shqipëri e nuk kanë marrë rrugën e kurbetit: Më 30 korrik, ora 8 e mëngjesit, do të mblidhemi bashkë në shëshin Skëndërbej, dhe do të nisemi për të çliruar një plazh nga zaptuesit tuaj. Kush ka mundësi të marr një çadër me vete është i lutur ta bëjë, të tjerët mjafton një kapele dhe një peshqir për të vendosur përpara shezlloneve të tyre.

Boll më, boll u sollën si pronar në një tokë publike që e kemi ruajtur brez pas brezi. E kemi ruajtur edhe nga pushtuesit e huaj, por tani duhet ta ruajmë edhe nga pushtuesit vendas. Le t’i përzëmë nga plazhi ata që na kanë përzënë deri më tani.

Më Më 30 korrik, këtë të shtunë, ora 8 e mëngjesit, mblidhemi dhe nisemi. Për detajet do të qëndrojmë në komunikim të vazhdueshëm nëpërmjet rrjeteve sociale./Media Ndërtimi.

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending