Shqipëria, një perlë e panjohur evropiane, është konsideruar të jetë një pikë e njohur e pushimeve në vitin 2024 falë çmimeve të përballueshme, shkruan në një artikull gazetarja Aimee Robinson të botuar në të përditshmen britanike “Daily Express”.

Mund të duket sikur vera e 2023 sapo ka kaluar, por për ata që presin pushimet e tyre verore vitin e ardhshëm, ekziston një perlë evropiane e panjohur që është në rrugën e duhur për t’u bërë një destinacion në trend në 2024.

Sipas hulumtimit vjetor të Parashikimeve të Udhëtimit të Booking.com, britanikët ka të ngjarë të synojnë alternativa më të lira në disa nga pikat më të njohura të pushimeve në botë.

Ekspertët e Booking.com kanë sugjeruar plazhet mahnitëse të Shqipërisë, të ngjashme me Maldivet.

Dhe kjo është arsyeja pse qyteti bregdetar i Vlorës në Shqipëri konsiderohet si një nga destinacionet e kryesore në trend për vitin 2024.

Shqipëria ofron pamje të ngjashme të oqeanit dhe temperatura të ngrohta të verës, por me një çmim më të përballueshëm.

Xhevahiri i Ballkanit, Shqipëria është arratisja më në trend për pushime në vitin 2024 për shkak të ujërave të kaltra, maleve mbresëlënëse dhe përballueshmërisë për të gjithë udhëtarët.

Shtëpia e disa prej plazheve më të bukura të Shqipërisë, vija bregdetare e shndritshme u ofron vizitorëve përgjigjen e Europës për Maldivet, një opsion i mirëpritur nga 43 për qind e udhëtarëve në Britaninë e Madhe që kërkojnë pushime luksoze me kosto më të ulët./Media Ndërtimi

Kroacia është një destinacion turistik mjaft i kërkuar. Industria e turizmit e këtij vendi të Evropës Juglindore pritet që këtë vit t’i tejkalojë shifrat e vitit rekord, 2019, vitit të fundit para koronës. Kështu njofton Ministria kroate e Turizmit. Arsyeja kryesore për këtë bum është se Kroacia që nga fillimi i vitit është anëtare e zonës Shengen dhe për shumicën e turistëve nuk ka më kontrolle në kufi. Përveç kësaj monedha e mëparshme kuna është zëvendësuar me euron. Dhe kjo lehtëson udhëtimin.

“Krahasuar me vitet e mëparshme dhe me periudhën para pandemisë, në gjysmën e parë të 2023 ka patur rritje të lëvizjes së turistëve”, thotë një zëdhënës i Ministrisë. Vitet e fundit turizmi ka sjellë deri në 20 për qind të prodhimit të brendshëm bruto të Kroacisë, duke u bërë një faktor ekonomik vendimtar, sidomos në rajonet bregdetare.

Euro lehtëson udhëtimet

Anëtarësimi në Eurozonë nga ana tjetër ka rritur transparencën e tregut, raporti çmim-ofertë është bërë më i qartë për pushuesit, thotë një zëdhënës i Ministrisë. Po ashtu pasiguritë, që lidheshin me luhatjet e kursit të këmbimit, janë zhdukur. Kjo ua lëhtëson turistëve që të planifikojnë udhëtimin dhe buxhetin. “Hyrja në zonën Shengen dhe në Eurozonë do të sjellë përfitime të rëndësishme për turizmin kroat”, bën të ditur Ministria. “Vetëm duke marrë parasysh se rreth 80 për qind e pushuesve, që akomodohen në hotele në Kroaci, vijnë nga zona Shengen dhe gati 60 për qind nga Eurozona.”

Po që situata e re sjell me vete edhe probleme të reja, këtë e pohojnë edhe në Zagreb. Kështu kohët e fundit ka pasur shpesh ankesa për rritjen e madhe të çmimeve. “Ne jemi të vetëdijshëm për këtë”, shprehet një zëdhënës i Ministrisë. “Por fajtor nuk është aq ndryshimi i monedhës sa inflacioni global. Analizat kanë treguar se çmimet janë rritur edhe në destinacione të tjera të Mesdheut, të cilat prej një kohe të gjatë janë pjesë e Eurozonës. Për fat të keq ka pasur edhe raste, kur futja e euros është përdorur si pretekst për rritjen e çmimeve. Të tilla “praktika të padrejta” monitorohen nga autoritetet përkatëse, thotë zëdhënësi, duke tërhequr vemendjen se në Kroaci, për shembull, mund të gjenden ende çmimet më të ulëta të benzinës në BE.

Kritika nga ambientalistët

Por megjithatë është e qartë se rritja e popullaritetit të vendit me 1880 kilometra vijë bregdetare, me më shumë se 600 ishuj dhe me pika të nxehta turistike si Dubrovniku ka edhe një anë tjetër të medaljes. Pasojat negative të turizmit masiv janë të pashmangshme. Si në Istria, në veri të vendit, në rajonin me numrin më të madh të pushuesve. Ky zhvillim kritikohet për shembull nga ambientalistët e Zelena Istra (Istria e Gjelbër).

Duket se edhe në kryeqytet e kanë kuptuar se ky objektiv nuk mund të arrihet pa ndërhyrë fort. Qeveria planifikon tani një ligj për turizmin, që do të kontrollojë zhvillimin në bazë të të dhënave objektive, bën të ditur Ministria. Krahas masave të tjera është parashikuar edhe një taksë pushimi. Të ardhurat nga kjo taksë duhet të shkojnë në dobi të mjedisit. Taksa, që nuk planifikohet të vendoset para vitit 2025, do të vlejë vetëm për zonat, që vuajnë nga efektet negative të bumit të pushuesve. “Padyshim, që nuk është turizmi masiv, ai që duam”, thuhet nga ministria. Megjithatë në Zagreb janë të lumtur për rritjen e numri të vizitorëve.

Organizata “7Arte” ka shënuar realizimin e turit të parë të hapur për vizitorët në kompleksin industrial të Trepçës dhe hapësirat tjera që trajtojnë historinë e bujshme të xehtarëve të këtij rajoni. Ky tur historik dhe kulturor u ofroi një aventurë të rrallë për të zbuluar pasurinë e vjetër industriale dhe trashëgiminë e kësaj zone të Kosovës.

Me qëllimin për të promovuar trashëgiminë industriale dhe kulturore të Trepçës, turin e parë e shoqëruan historian, inxhinierë dhe ciceronë me përvojë, të cilët çuan vizitorët në një udhëtim mjaft të ngjeshur, duke filluar me historinë e qytetit, të minierave, fabrikave dhe kompleksit industrial, për të vazhduar më pas me njohjen e objekteve të kultit dhe atyre që kanë shërbyer për nevoja të akomodimit.

“Ndjehemi të kënaqur që tashmë idenë e kahmotshme e vëmë në praktikë, duke promovuar trashëgiminë tonë industriale dhe kulturore për vizitorët e parë,” tha z.Lulzim Hoti, drejtor i “7 Arte”. “Ky është vetëm fillimi i një nisme premtuese, që synon të krijoj një ndërthurje në mes historisë, kulturës, dhe zhvillimit ekonomik të këtij vendi.”

Visit Trepça ka për qëllim të bëhet një destinacion i njohur për turistët vendas dhe ndërkombëtar që janë të interesuar të eksplorojnë trashëgiminë industriale dhe kulturën e pasur të Trepçës. Turin e parë e ndoqën vizitorë të apasionuar nga Prishtina, Prizreni, si dhe disa turistë ndërkombëtarë. Visit Trepça është gati të pres vizitorët e tjerë për të ndarë këtë aventurë unike. Së shpejti lansohet edhe “Purple Tour” me destinacion minierat e Artanës/Novoberdës.

Ky pilot-projekt është pjesë e programit vjetor të organizatës 7Arte, i cili është përkrahur nga Ministria e Kulturës, Rinisë dhe Sportit, si dhe DEZHTIE – Komuna e Mitrovicës./Media Ndërtimi