Connect with us

Infrastrukturë

Tenderi 1.2 milionë euro që u vlerësua nga ‘dostat’ për t’ia dhënë shokut të Përparim Ramës!

Published

on

Vetëm pak ditë i janë dashur kompanive fituese që ta bëjnë projektin për tulltoren e Prishtinës.

Hartimi i këtij projekti i ka kushtuar Komunës së Prishtinës fiks 1.2 milionë euro, që mund të konsiderohet një shumë mjaft e lartë krahasuar me investimin që do të ndodhë më pas aty. Demokracia.com ka zbuluar detaje të reja lidhur me mënyrën e dhënies së këtij tenderi.

Në fotografinë e mëposhtme janë pronari i kompanisë fituese për tulltoren, vlerësuesi i tenderit dhe nënshkruesi i tenderit Përparim Rama.

Personi i shënuar me numrin 2 është Bekim Ramku, fituesi i tenderit. Ndërsa, me numrin 1 është arkitekti Visar Geci, i cili ka qenë njëri nga vlerësuesit e tenderit. Dhe, po ashtu, numrin 3 e njihni. Është kryetari Përparim Rama, i cili e ka nënshkruar tenderin. Kjo fotografi është shkrepur kohë më parë, para se të nënshkruhej kontrata.

Ditë më parë, Komuna e Prishtinës ka lidhur kontratë me konzorciumin “ORG Urbanisum&Architecture BV”; “Rafi Segal Architecture Urbanisem”; “O.U.D -ARCHITECTS SHPK” për tenderin “Konkurs projektimin – Art&teknology Hub – Tulltorja”, në një vlerë prej 1.2 milionë euro.

Dy ofertuesit e parë janë të huaj, ndërsa e treta “O.U.D -ARCHITECTS SHPK” është me pronar kosovar. Ajo është në pronësi të Bekim Ramkut, i cili ndonëse ishte vetëm pjesë e konzorciumit e ka nënshkruar kontratën.

Demokracia.com ka siguruar qasje në Raportin e Vlerësimit për këtë tender. Aty shihet se personat që e kanë bërë vlerësimin nuk kanë qenë fare zyrtarë të Komunës së Prishtinës, por ishin tre arkitektë të angazhuar nga jashtë, për të cilët nuk dihet mënyra e angazhimit në këtë tender.

Arkitektja Vildane Maliqi, arkitekti Gzim Kastrati dhe arkitekti Visar Geci kanë qenë ata që e kanë bërë vlerësimin e tenderit.

Visar Geci me Gzim Kastratin janë arkitektë që kohëve të fundit janë shfaqur mjaft të afërt me kryetarin Përparim Rama. Pos që janë angazhuar në vlerësimin e këtij tenderi, kjo dyshe ishte angazhuar para disa javësh nga komuna e Përparim Ramës edhe për të bërë një vlerësim të punëve të kulmit që ishte rrëzuar nga objekti i Komunës së Prishtinës në lagjen “Arbëria”, ku ishte lënduar rëndë një vajzë. Raportin e tyre ata e kishin dorëzuar në komunë. Po ashtu, kjo dyshe së fundmi janë angazhuar edhe tek “Arkitekti i kryeqytetit”, kontratë kjo e lidhur nga Astrit Nixha dhe Komuna e Prishtinës në vlerë mbi 10 milionë euro.

Geci dhe Kastrati për shumë vite kanë qenë bashkëpronarë te kompania “Innarch”. Pra, nga rreth 1000 arkitektë sa ka Kosova, Komuna e Prishtinës ka gjetur t’i marrë në vlerësim të tenderit dy shokë, ish bashkëpronarë në një kompani, të cilët janë shokë edhe të kryetarit Përparim Rama, ndërsa në bazë të fotografisë Geci njihet edhe me fituesin e tenderit, Bekim Ramkun.

Deri sa fituesi ka ofertuar me 1.2 milionë euro, Komuna e Prishtinës kishte vendosur një çmim prej 1.3 milionë euro, çmim ky që është mjaft i lartë kur kihet parasysh se do të bëhet vetëm një plan arkitektonik urban për të gjithë kantierin, i cili përmban restaurimin e strukturave ekzistuese dhe projektimin e strukturave të reja dhe hapësirës së hapur publike.

Nga ana tjetër, kryeqyteti dhe Fondacioni Kosovar i Arkitekturës (KAF) kanë bërë marrëveshje në vitin e kaluar për Konkursin “Ide për Prishtinën”, që sipas tyre fokusohet tek përmirësimi i pamjes dhe funksionalitetit të qytetit të Prishtinës, shfrytëzueshmërisë dhe veçanërisht jetueshmërisë së tij. Drejtor i këtij fondacioni është Bekim Ramku./Media Ndërtimi

Infrastrukturë

Webber fiton kontrata me vlerë 1.2 miliardë dollarë në Amerikën e Veriut

Published

on

Firma e ndërtimit Webber ka fituar 10 projekte të reja ndërtimi dhe mirëmbajtjeje në Amerikën e Veriut që arrijnë në 1.2 miliardë dollarë.

Webber me bazë në Hjuston është një degë e kompanisë evropiane të infrastrukturës Ferrovial dhe ka fituar një sërë projektesh në lidhje me përmirësimin e rrugëve, ndërtimin e urave dhe impiantet e trajtimit të ujit.

10 kontratat përfshijnë dy në Teksas për Departamentin e Transportit të Teksasit:

IH 27 në Randall County: 312.5 milion dollarë: Projekti për Departamentin e Transportit të Teksasit, shtrihet 6.9 milje, duke shtuar një korsi shtesë në IH 27 në Randall County. Pas përfundimit, ai do të ndihmojë në mbështetjen e rritjes së trafikut të mallrave në korridorin “Ports to Plains” midis Laredo, TX dhe Denver, CO.

Autostrada (SHBA) 60 Parmer County në Friona: 69.9 milionë dollarë: Projekti 5.3 milje i gjatë për Departamentin e Transportit të Teksasit përfshin ndërtimin e korsive të nxitimit dhe ngadalësimit, një kuvertë ure dhe mure dheu të stabilizuara mekanikisht (MSE). Ky projekt do të lejojë një hyrje më të sigurtë në US 60 për volumin e lartë të automjeteve industriale dhe të rënda që operojnë në zonë./Media Ndërtimi

Continue Reading

Infrastrukturë

Auditori: NPB-ja shkurtoi afatin për tenderin mbi 300 mijë euro për riparim të rrugëve pa arsyetim të qëndrueshëm

Published

on

Zyra Kombëtare e Auditimit (ZKA) ka gjetur se Ndërmarrja Publike Banesore (NPB) ka shkurtuar pa ndonjë arsyetim të qëndrueshëm afatin kohor për dorëzim të ofertave në tenderin mbi 300 mijë euro për riparim të rrugëve.

Sipas raportit të auditimit për vitin 2023 për NPB-në, kjo ndërmarrje publike lokale afatet kohore për tenderin “Riparimi i Rrugëve Urbane dhe Rurale” në vlerë 313 mijë euro, i ka shkurtuar për 7 ditë, nga 20 ditë sa duhet të jetë sipas ligjit, në 13 ditë.

“Afati kohor për dorëzimin e tenderëve/aplikacioneve është shkurtuar me arsyetimin se natyra e punëve ka të bëjë me intervenime urgjente” – thuhet në gjetjen e ZKA-së, shkruan Kallxo.com

Në lidhje me këtë, sipas ZKA-së, Departamenti i Monitorimit në Komisionin Rregullativ të Prokurimit Publik (KRPP), ka vlerësuar se nuk ka pasur ndonjë detyrim emergjent, duke marrë parasysh lëndën dhe natyrën e aktivitetit.

“..andaj ka rekomanduar NPB-në të veprojë sipas nenit 44 të LPP-së dhe këtë aktivitet të prokurimit ta realizojë me afate të rregullta, mirëpo ky rekomandim nuk ishte zbatuar nga ndërmarrja” – thuhet tutje në raport.

Në gjetjen e saj, Zyra Kombëtare e Auditimit ka thënë se shkurtimi i afateve pa arsyetime bindëse dhe të bazuara ligjore, mund të kufizojë konkurrencën dhe për rrjedhojë mosmarrjen e ofertave më të përshtatshme për kompaninë.

Me këtë gjetje të ZKA-së, Ndërmarrja Publike Banesore është pajtuar./Media Ndërtimi

Continue Reading

Infrastrukturë

Nga 1 qershori bllokohet një pjesë e rrugës Kaçanik-Hani i Elezit

Published

on

Ministria e Infrastrukturës njofton se duke filluar nga data 1 qershor 2024, do të bllokohet për qarkullimin e automjete një pjesë e segmentit të rrugës nacionale N2, Kaçanik- Hani I Elezit.

Bllokimi I këtij segmenti bëhet për arsye të zhvillimit të punimeve në hekurudhë-pjesa jugore e hekurudhës 10 (Fushë Kosovë- Hani I Elezit), shkruan Indeksonline.

Nëpër Autoudhën “Arbën Xhaferi” do të mund të qarkullojnë automjetet e rënda që kalojnë transit në Kaçanik.

Ndërsa, automjetet tjera mund ta shfrytëzojnë bajpasin e ndërtuar në rrugën “Agim Bajrami”( përjashtohen mjetet e rënda).

Punimet në hekurudhë është duke i realizuar kompania “G.C.F Generate Construzioni Ferroviarie-dega në Kosovë.

Ky vendim hyn në fuqi që nga sot dhe do të mbetet në fuqi deri në njoftimin e radhës./Media Ndërtimi

Continue Reading

Trending