Connect with us

Infrastrukturë

Stacioni i ri në Podujevë, ende jofunksional

Published

on

Në përvjetorin e Ditës së çlirimit të Podujevës është bërë përurimi i stacionit të ri të autobusëve në Podujevë. Por, pavarësisht përurimit, ende nuk ka një datë se kur do të bëhet funksionalizimi i tij.

Qytetarët e kanë mirëpritur këtë projekt, por kanë vërejtje se është larg nga qendra.

“Jemi në fazën finale të kompletimit me inventar të nevojshëm brenda objektit të stacionit dhe një punë tjetër që jemi në pritje është vendosja e energjisë elektrike që është punë e KECIT, jemi në negociata me ta”, tha Shpejtim Bulliqi, kryetar i Komunës së Podujevës.

“Është një projekt i mirëpritur pasi që prek direkt mirëqenien e qytetarëve por problem është te distanca nga qendra e qytetit pasi nuk kemi edhe një trafik urban ka me qenë e pamundshme funksionalizimi i stacionit. Tani kemi një javë që është pre shiriti dhe ende nuk është aktiv pra nuk kemi edhe një datë të caktuar kur do të aktivizohet stacioni”, tha Qëndrim Softolli, asamblist i LDK- së në Podujevë.

Ndonëse iu gëzuan këtij projekti, qytetarët patën ankesa rreth lokacionit të ri. Kjo pasi sipas tyre stacioni i ri i autobusëve është larg qendrës.

“Krejt autobusët ka enën aty vijnë dhe e lan kontribut aty vend ma i mirë s’ka po për udhëtar pak larg”, tha Halim Lata, qytetar.

“Ideja e stacionit të autobusëve më ka pëlqyer por prapë nuk është në rregull se çdo udhëtar që zbret aty pa pasur autobus lokal nuk bënë, lokali me pension të vogël, dy -tri herë për të paguar, unë që të vijë në Podujevë”, tha Xhafer Syla, qytetar.

Të gjitha linjat ndërkomunale, lokale dhe ndërkombëtare do të kalojnë nga ky stacion, në të cilin janë investuar 1.3 milion euro./Media Ndërtimi

Infrastrukturë

Komuna e Ferizajt nuk mbledh paratë për lejet ndërtimore e tatimin në pronë

Published

on

Borxhet ndaj Komunës së Ferizajt vazhdimisht po rriten sipas ZKA-së.

Më së shumti borxhe Komunës së Ferizajt po i vijnë nga tasktat për lejet e ndërtimit dhe tatimi në pronë.

Sipas ZKA-së Komuna e Ferizajt nuk ka pasur menaxhim efektiv në mbledhjen e borxheve.

ZKA tregon se në raport me vitin 2022, në vitin 2023 borxhet janë rritur për 857 mijë e 337 euro e 30 centë.

“Sipas komunës gjendja ekonomike e sociale e komunës, ka ndikuar, deri te mos pagesa e borxheve tek tatimi në pronë, derisa sa i përket bizneseve komuna nuk na ka dhënë ndonjë arsye konkrete pse nuk është duke ndërmarr veprime për inkasim” – thuhet mes tjerash në raportin e ZKA-së.

Auditori i Përgjithshëm thotë se mos marrja e veprimeve për mbledhjen e borxheve ndikon në përkeqësimin e performancës së inkasimit, ndikohet trendi negativ i rritjes si dhe reflekton negativisht në financimin dhe realizimin e projekteve nga të hyrat vetanake.

“Kryetari duhet të siguroj që po shqyrtohen në mënyrë aktive të gjitha opsionet e mundshme, duke vendosur politika dhe rregullore me qëllim të rritjes së efikasitetit në mbledhjen e borxheve duke shqyrtuar gjitha masat në pajtim me ligjin, ndaj operatorëve të cilët nuk i përmbushin obligimet” – është rekomandimi i ZKA-së për kryetarin e Ferizajt.

Komuna e Ferizajt është pajtuar me gjetjen e ZKA-së.

Kjo Komunë është vlerësuar me “Opinion të kualifikuar” i cili formulohet kur janë zbuluar keqdeklarime dhe/ose mospajtueshmëri, qoftë një i vetëm apo një grumbull, “që janë të barabartë me ose e tejkalojnë nivelin e materialitetit për pasqyrat financiare si tërësi; ose kur keqdeklarimi dhe/ose mospajtueshmëria e zbuluar brenda një klase të caktuar transaksionesh është i barabartë ose e tejkalon nivelin e materialitetit më të ulët të vendosur për këtë klasë të transaksioneve”.

Agim Aliu, kryetari i Ferizajt ka konfirmuar pranimin e raportit dhe i ka thënë ZKA-së se brenda 30 ditësh do e dorëzoj planin e veprimit për adresimin e rekomandimeve të ZKA-së.

Për vitin 2022, Ferizaj kishte pranuar 19 rekomandime nga ZKA. Sipas raportit, vetëm 6 rekomandime janë zbatuar kurse 13 nuk janë zbatuar./Media Ndërtimi

Continue Reading

Infrastrukturë

Qyteti i Barcelonës po përgatitet të organizojë edicionin e 15-të Manifesta

Published

on

Qyteti i Barcelonës dhe rajoni po përgatiten të presin Manifestën, bienalen nomade evropiane të artit, arkitekturës dhe urbanizmit, e cila do të festojë edicionin e saj të 15-të më 8 shtator 2024. Ngjarja do të zhvillohet në dymbëdhjetë qytete gjatë dymbëdhjetë javëve, ku një listë e gjerë pjesëmarrësish do të materializojë projekte që synojnë riimagjinimin e së ardhmes përmes artit dhe arkitekturës.

Edicioni i parë i Manifesta u zhvillua në Roterdam në vitin 1996. Gjatë 14 edicioneve të mëparshme përgjatë 25 viteve, ai ka vizituar qytete të ndryshme evropiane si Luksemburgu, Ljubljana, Frankfurt, San Sebastián, Trentino-Tirol Jugor, Murcia, Genk, Shën Petersburg, Cyrihu, Palermo, Marsejë dhe Prishtinë. Një nga shtyllat kryesore të Manifesta bazohet në kërkimin kritik urban, duke promovuar ndërtimin e komuniteteve dhe programeve kulturore me një identitet lokal që veprojnë si agjentë ndryshimi. Ndërsa karakteri nomad është një shenjë dalluese e ngjarjes, çdo qytet punon me komunitetet artistike lokale, qytetarët dhe organizatat për të realizuar projekte që adresojnë çështjet e natyrshme të vendndodhjes.

Për këtë edicion të ardhshëm, Barcelona paraqiti kandidaturën e saj për të pritur Manifesta me premisën për të rimenduar marrëdhëniet midis qendrës historike të qytetit dhe rrethinave të tij urbane dhe natyrore, duke përfshirë lumenjtë, malet dhe Detin Mesdhe. Për më tepër, ai synon të rishqyrtojë funksionet aktuale të këtyre zonave në lidhje me Barcelonën.

Edicioni i 15-të i Manifesta do të eksplorojë sfidat urbane, mjedisore dhe politike me të cilat duhet të përballet rajoni metropolitane dhe se si këto ndikojnë në zonë, duke i projektuar gjithashtu këto çështje në kontinentin evropian dhe në pjesën tjetër të botës.

Kuadri konceptual i programit Manifesta 15 fokusohet në eksplorimin e mënyrave të reja të jetesës në harmoni me mjedisin natyror dhe anasjelltas. Pjesëmarrës nga disiplina të ndryshme janë ftuar të zhvillojnë projekte dhe ndërhyrje të përshtatura në mënyrë specifike për secilin kontekst në vendndodhje të ndryshme në të dymbëdhjetë qytetet.

Programi organizohet në tre kategori tematike dhe gjeografike: Balancimi i konflikteve në deltën e Llobregatit, Kujdesi dhe kujdesi për veten, i cili do të zhvillohet në malet Collserola dhe zonën e Vallès, dhe Imagjinimi i së ardhmes në zonën e lumit Besòs dhe bregun verilindor.

Për më tepër, gjatë Manifestës 15, do të organizohen FocusWeeks, javë të dedikuara për të diskutuar tema të ndryshme specifike për çdo qytet pritës. Për të inauguruar secilën prej këtyre FocusWeeks, do të ndërtohet një “selinë e lëvizshme” në bashkëpunim me studentët nga IAAC (Instituti për Arkitekturën e Avancuar të Katalonjës), i cili do të veprojë si një qendër kulturore dhe hapësirë ​​e lëvizshme e komunitetit për të pritur aktivitete të ndryshme në çdo vend ku është. ngritur.

Manifesta 15 fton vizitorët të eksplorojnë hapësira të ndryshme ikonike të arkitekturës dhe historisë katalanase, si dhe të eksplorojnë rrugët brenda qyteteve pritëse të ngjarjes. Në këtë mënyrë, së bashku me projektet e përshtatura dhe të ndërtuara posaçërisht për bienalen, synohet të nxisë reflektimin mbi mjedisin e ndërtuar dhe natyror, drejt së ardhmes dhe ndryshimit, duke njohur fuqinë e arteve për të katalizuar transformimin shoqëror./Media Ndërtimi

Continue Reading

Infrastrukturë

Hapet tenderi i projektit 7 milionë euro që ndërlidhë lagjen “Arbëria” me Pallatin e Rinisë

Published

on

Komuna e Prishtinës e ka hapur sot garën për tenderin me vlerë të parashikuar prej afro shtatë milionë eurosh për projektin që do të ndërlidhë lagjen “Arbëria” me Pallatin e Rinisë.

Afati i fundit për pranimin e ofertave për këtë tender është 14 gushti.

Sipas njoftimit të Komunës së Prishtinës, tenderi është titulluar: “Ndërtimi i ishullit urban Arbëri-Pallati i Rinisë” dhe vlera e parashikuar e kontratës është saktësisht 6.76 milionë euro.

Kompanitë e interesuara të marrin pjesë në tender janë njoftuar që të dërgojnë ofertat përmes platformës së prokurimit online, e-prokurimi.

“Projekti për këtë aktivitet për arsye të madhësisë që përmban fajlli, nuk ka mundësi që të ngarkohet në platformë. Andaj, secili OE i interesuar mund të vijë ta marrë projektin në zyrat e prokurimit me CD”, thuhet në njoftimin e Komunës së Prishtinës.

Continue Reading

Trending