Connect with us

Infrastrukturë

Si u sekuestrua Hotel “Princ” në Golem, pronari kosovar pretendon se i është kërkuar ‘haraç’ nga një avokat

Published

on

Biznesmeni kosovar Fadil Syla për pesë vite i është ndaluar të futet në territorin e Shqipërisë me arsyetimin se është i padëshirueshëm nga Tirana zyrtare.

Kjo, sipas biznesmenit, është bërë direkt nga avokati Sokol Tahiri. Ky i fundit, siç pretendon biznesmeni kosovar, i ka kërkuar 500 mijë euro haraq.

Mollë sherri i kësaj ndalese, sipas Sylës është prona që kishte fituar para disa vitesh në plazhin e Golemit. Në një intervistë ai ka treguar se para 7 vitesh kishte blerë një hotel në Shqipëri (Hotel Prince) në Malin e Robit nga Banka BKT, që ishte në ankand.

“Nga ai moment kanë filluar problemet me një person që quhet Sokol Tahiri. Ai nuk është ndal kurrë. Dyshoj se ai ka ma ka bërë ndalesën për Shqipëri për 5 vite. M’i ka kërkuar 500 mijë euro. Më ka thënë se nëse ja jap ai do ta heq ndalesën për 5 ditë dhe mund të futesh në Shqipëri.

Unë s’kam pranuar aso gjëra kurrë dhe nuk do ta pranojë, kërkoj drejtësi se çka janë duke bërë me investitorët kosovarë. Çdo ditë vazhdon të më bëjë presione të gjitha të paligjshme. Ndalesa është bërë qe 4 vite duke më thënë se “jam i padëshirueshëm për shtetin shqiptar”. Unë s’kam probleme në Shqipëri, Evropë apo diku tjetër”, është shprehur ai.

Tutje, biznesmeni llapjan thotë se ka kontaktuar edhe me autoritetet shqiptare, me kryeministrin, Edi Rama, Ambasadën e Shqipërisë në Kosovë.

“… dhe më kanë thënë se jam shumë i pastër por autoritetet shqiptare nuk më lejojnë deri 2023-ës. Do të ankohem deri në gjykatën e Strasburgut do të vazhdojë të kërkojë drejtësi. Sokoli ka disa njerëz në Prokurorin e Kukësit”, u shpreh ai.

Ndërsa, lidhur me këto akuza, është shprehur shkurtimisht edhe avokati nga Shqipëria, Sokol Tahiri. “Jo more burrë, jemi në proces gjyqësor. Janë gjyqe të hapura. Jo more vëlla, jo”, u shpreh avokati.

Media ka kontaktuar edhe me Bankën Kombëtare Tregtare.

“Sa’i përket procesit të blerjes se një prone në pronësi të BKT-se e llojit Hotel me vendndodhje në Malin i Robit, Kavajë nga shtetasi kosovar Fadil Syla. Banka ka fituar pronësinë mbi pronën në zbatim të të gjithë proceduarave ligjore të ekzekutimit të detyrueshëm dhe pas përfundimit të tyre është regjistruar rregullisht në pronësi të BKT Shqipëri. Kjo pronë i është shitur nëpërmjet një procesi krejtësisht të rregullt dhe ligjor Shtetasit Kosovar Fadil Syla, i cili ka përmbushur të gjitha kushtet e kontratës së shitje duke kryer pagesën e plotë të çmimit të shitjes te pronave objekt kontrate. Me përmbushjen e kushteve kontraktuale, Banka ka lëshuar një deklarate noteriale, duke finalizuar kështu edhe procesin e regjistrimit te kësaj prone ne Hipoteke ne favor te blerësit shtetasit Fadil Syla. Ne nuk jemi ne dijeni te asnjë problemi ligjor qe po përballet ky shtetas, pasi pasuria është ne titull pronësor te tij”, ishte përgjigja e Bankës.

Kujtojmë, se para tri ditësh, media nga Shqipëria kanë raportuar se Hotel “Princ” është sekuestruar.

Sipas mediumit “Newsbomb.al” Gjykata vendosi që hotel “Princ” me vendndodhje në Golem të Kavajës, pronë me 6 kate dhe e ndërtuar në 500 metra katror, t’i kalojë për menaxhim Agjencisë së Administrimit të Pasurive të Sekuestruara./Media Ndërtimi.

Infrastrukturë

Vazhdojnë punimet intensive për ndërtimin e tunelit të Llogarasë

Published

on

Kryeministri Edi Rama ka njoftuar për ecurinë e punimeve në tunelin e Llogarasë. Në një postim në rrjetet sociale, kreu i qeverisë ka ndarë një video dhe thotë se po punohet me ritme të larta.

Sipas tij, kjo vepër në infrastrukturë ul kostot dhe rrit sigurinë rrugore drejt bregdetit të jugut.

“Mirëmëngjes, dhe nga tuneli i Llogarasë ku punohet me ritme të larta për veprën që shkurton kohën, ul koston dhe rrit sigurinë rrugore drejt bregdetit të jugut, ju uroj një fundjavë të mbarë” ka shkruar Rama./Media Ndërtimi

Continue Reading

Infrastrukturë

Punimet për ndërtimin e impiantit të ujërave të zeza në Sferkë të Klinës, drejt përfundimit

Published

on

Në fshatin Sferkë të Komunës së Klinës po vazhdojnë punimet për ndërtimin e impiantit të ujërave të zeza.

Për të parë nga afër punimet që po kryhen për ndërtimin e këtij impianti ishte edhe kryetari i kësaj Komune Zenun Elezaj.

Elezaj tha se ky projekt do të përfundojë brenda një kohe të shkurtër.

““Ndërtimi i impiantit për trajtimin biologjik të ujërave të zeza në fshatin Sferkë ka qenë një nga premtimet e mia elektorale, për të cilin jam zotuar para banorëve të Sferkës e para qytetarëve të Klinës, premtim i cili tashmë po realizohet dhe do të përmbushet brenda një kohe të shkurtër” tha Elezaj.

Ndërtimi i këtij impianti është investim nga buxheti komunal dhe ka një kosto prej 178 mijë euro./Media Ndërtimi

Continue Reading

Infrastrukturë

Komuna e Podujevës shpërblen me kontratë ofertuesin më të shtrenjtë për asfaltimin e disa rrugëve

Published

on

INPO shpreh shqetësimin e thellë lidhur me keqpërdorimin e parasë publike nëpërmjet procedurave të prokurimit nga Komuna e Podujevës, në bashkëpunim me operatorët ekonomik.

Në kuadër të monitorimit sistematik të prokurimit publik, INPO është duke monitoruar aktivitetin e prokurimit me titull: “Asfaltimi i disa rrugëve në fshatrat Orllan-Brainë-Turuqicë-Herticë-Barainë”, me numër të prokurimit 615-22-4693-5-2-1 dhe vlerë të parashikuar 120,000 euro, të udhëhequr nga Komuna e Podujevës.

Për këtë aktivitet të prokurimit kanë ofertuar gjithsej pesë (5) operator ekonomik. Sipas procesverbalit të hapjes së tenderëve Grupi i Operatorëve Ekonomik “Quality Asphalt & World Medium”, me vlerë të ofertës prej 101,730.96 euro, ishte oferta më e lirë. Ndërkaq, fitues i kontratës është shpallur “Rahovica Comerce”, me vlerë të ofertës prej 106,478.30 euro, respektivisht, rreth 5 mijë euro më shtrenjtë se oferta parë më e lirë.

Gjetjet e INPO-s, tregojnë se komisioni për vlerësimin e tenderëve kishte konstatuar se ky Grup i OE-ve “Quality Asphalt & World Medium” është i papërgjegjshëm pasi që nuk e plotëson kërkesën e dosjes së tenderit për kapacitet teknik dhe profesional, respektivisht nuk e plotëson kërkesën për “një (1) Menaxher të projektit – inxhinier i diplomuar ose master i ndërtimtarisë” pasi që sipas këtij komisioni “Menaxheri i emëruar për këtë aktivitet është i punësuar edhe në një kompani tjetër me orar të plotë”.

INPO ka kërkuar qasje në ofertat e të dy (2) ofertuesve respektiv, dhe pas analizimit të tyre vlerëson se vendimi i komisionit ka qenë krejtësisht i pabazuar në ligj dhe i dëmshëm për institucionin e komunës. INPO ka gjetur se Grupi i OE-ve “Quality Asphalt & World Medium” me të gjithë menaxherët e propozuar sipas kërkesave të dosjes së tenderit, ka lidhur parakontrata të vërtetuara me akt noterial. Andaj, arsyetimi i vendimit për eliminimin e Grupit të OE-ve “Quality Asphalt & World Medium”, është i padrejtë dhe paragjykues, rrjedhimisht i kundërligjshëm. Ligji për Prokurim Publik dhe Rregullat e prokurimit nuk e obligojnë operatorin ekonomik që të ketë stafin apo pozitat profesionale të punësuar paraprakisht, por kërkon që OE t’i ofrojë dëshmi të mjaftueshme autoritetit kontraktues se të gjitha kërkesat për kapacitet teknik dhe profesional i përmbush dhe i ofron në shërbim sipas termave të kontratës.

Rrjedhimisht, ky arsyetim sipas vlerësimeve të INPO-s, ka për qëllim manipulimin me procedura të prokurimit dhe favorizimin e OE-ve të caktuar.

Tutje, INPO ka gjetur se pronari i kompanisë “Quality Asphalt” i cili ishte lider i Grupit të OE-ve i shpallur i papërgjegjshëm për kontratë dhe pronari i kompanisë “Rahovica Comerce”, e cila është shpërblyer me kontratë janë vëllezër. Rrjedhimisht, INPO me arsye dyshon se kjo është një skemë e planifikuar dhe e koordinuar në mes të OE-ve dhe Autoritetit Kontraktues. Këtë e argumenton edhe fakti se kundër vendimit të Autoritetit Kontraktues, Grupi i OE-ve “Quality Asphalt & World Medium”, nuk kishte parashtruar fare kërkesë për rishqyrtim apo ankesë në Organin Shqyrtues të Prokurimit.

Andaj, INPO kërkon nga Kryetari i Komunës së Podujevës marrjen e masave të menjëhershme administrative dhe disiplinore brenda përgjegjësive të tij ligjore kundrejt Zyrtarit Përgjegjës të Prokurimit dhe anëtarëve të komisionit për vlerësimin e tenderëve, si dhe të sigurohet se Komuna e Podujevës zbaton me përpikëri ligjin dhe rregullat e prokurimit dhe lufton skemat e manipulimeve që dëmtojnë konkurrencën e lirë dhe trajtimin e barabartë të OE-ve në procedura të prokurimit.

INPO fton organet zbatuese të ligjit që të ndërmarrin masat e nevojshme ligjore kundrejt keqpërdorimit të detyrës zyrtare, keqpërdorimit dhe mashtrimit në prokurimin publik të argumentuar në këtë reagim./Media Ndërtimi.

Continue Reading

Trending