Connect with us

Aktuale

Si duket nga brenda fshati me tenda i ndërtuar për tifozët në Katar

Published

on

‘Është ende në ndërtim e sipër dhe gjatë ditës është si një ferr atje! Është shkretëtirë dhe është shumë nxehtë’. Kështu e përshkruan Shogo Nakashima, një tifoz 31-vjeçar nga Japonia, qëndrimin e tij në fshatin e tifozëve në Katar në veri të Dohas.

Ai do të qëndrojë për 2 javët e ardhshme aty, ndërsa në disa zona enda vijohet dhe punohet.

“Nuk mund ta ndryshoj vendin ku të qëndroj tani, kështu që duhet ta pranoj atë dhe të pres ndeshjen e Japonisë”, tha ai. “Unë do të jem këtu vetëm për të fjetur. Do të dal dhe do të eksploroj qytetin – nuk dua të qëndroj këtu.”

Shumë kohë përpara se shumica e tifozëve të mbërrijnë në vend, kishte indikacione se gjërat mund të mos ishin siç priteshin.

Vinçat e ndërtimit arrijnë deri lart në qiell dhe punëtorët janë të zënë me punë që variojnë nga shtrimi i gurëve të trotuarit deri te dritat e instalimeve elektrike.

Ka 1800 tenda, secila mund të strehojë dy persona.

Brenda një tende në fshatin e tifozëve

Pedro dhe Fatima jetojnë në Spanjë, por janë taje për të brohoritur për Meksikën. Ata u martuan në prill dhe ky udhëtim është pjesë e muajit të mjaltit.

“Kjo kushton rreth 175 £ një natë. Për të qenë i sinqertë, nuk ishte ajo që prisja. Kur shihni fotot dhe lexoni përshkrimin dhe është Kupa e Botës FIFA, dhe pret pak cilësia’- tha Pedro.

“Kjo është si një bujtinë nën nivelin që mund ta gjesh në të gjithë botën. Është si të jesh në një serë, kështu që nuk mund të flinim pas orës 9 të mëngjesit edhe pse ishim të rraskapitur për shkak të fluturimit.”- shtoi ai.

Tendat, prej plastike të trashë, përmbajnë secila dy krevate teke dhe një komodinë me një llambë. Një shtresë e hollë tapeti e mbështetur mbi rërë dhe një ventilator i vetëm elektrik plotëson paraqitjen e dhomës.

“Nuk ka asnjë organizatë, askush nuk di asgjë”, tha Fatima për BBC Sport.

“Dyqanet janë të mbyllura, nuk ka ujë të pijshëm. Kjo nuk është me të vërtetë, padyshim, ajo për të cilën kemi paguar.”- u shpreh ajo. Ndërsa ecim përreth, të gjithë me të cilët flasim kanë mendime të ngjashme.

Për disa, realiteti i situatës kërkon veprime më drastike. Djamal, i cili ka udhëtuar nga Parisi, ka paguar rreth 2,700 £ për një qëndrim tre-javor në fshatin e tifozëve – por pas më pak se 24 orësh në vend, ai po paketon valixhet dhe po shkon për në dalje.

Shiko videon në linkun më poshtë:

 www.youtube.com/watch?v=3mk8VnlTpbo

Mbështetësi i Francës Djamal thotë se akomodimi nuk është i rehatshëm

“Për mua nuk është një përvojë e mirë. Nuk ka xhel dushi, furçë dhëmbësh, pastë dhëmbësh.” tha ai.

Djamal tregoi gjithashtu fletën e tij të konfirmimit të rezervimit dhe faktin që ai mendoi se po shkonte në një hotel.

Një avantazh, megjithëse i vogël, është se stafi këtu është entuziast, i dobishëm dhe gjithmonë i buzëqeshur.

Parku i tifozëve të klubit të plazhit

Një shëtitje e shkurtër nga fshati i tifozëve është parku i tifozëve të klubit të plazhit. Ka një ekran të madh ku do të tregohen ndeshjet dhe ku do të jetë në shitje alkooli. Me vend, duke pasur parasysh njoftimin e fundit për ndalimin e tij në stadiume.

Grumbullimet e materialit ndërtimor janë të shpërndara rreth zonës, dhe ka një zhurmë të vazhdueshme të automjeteve në lëvizje dhe zhurmë metalike ndërsa janë ngritur struktura.

Aktuale

Falsifikonin dokumente të pronave të serbëve për shqiptarët nga Kosova, arrestohen 17 persona në Serbi

Published

on

Në Serbi janë arrestuar 17 persona, anëtarë të dy grupeve të organizuara kriminale, të cilët dyshohet se kanë falsifikuar 400 dokumente për shqiptarët nga Kosova dhe në këtë mënyrë kanë krijuar përfitime të paligjshme financiare në shumë prej të paktën 100 mijë euro.

Sipas urdhrit të Prokurorisë Publike për Krim të Organizuar (PKO), në bashkëpunim me Shërbimin për Luftën Kundër Krimit të Organizuar (ShLKKO) arrestimi i tyre ka ardhur për shkak të dyshimit të bazuar se kanë kryer veprat penale të falsifikimit të dokumenteve në periudhën nga prilli i vitit 2023 deri më sot, dhe për shpërdorim të pozitës zyrtare.

Grupi i parë i organizuar kriminal, siç thuhet, përbëhej nga gjashtë persona, përkatësisht: M.N, N.G, V.S, L.R.S, S.B dhe N.P, ndërsa grupi i dytë i organizuar kriminal përbëhej nga 11 persona dhe përkatësisht: R.B, A.B, B.D, D.G, I.D, Z.V. , M.B, M.P, S.K, B.Gj dhe S.K

Siç shkruan portali serb “N1”, nga Prokuroria për krim të organizuar kanë thënë se “ekziston dyshim i bazuar se këto grupe të organizuara kriminale kanë prokuruar dhe krijuar dokumente të falsifikuara, përkatësisht: karta identiteti, kontrata e autorizime që kanë të bëjnë me blerjen dhe shitjen e ngastrave kadastrale në Kosovë në pronësi të personave serbë të zhvendosur nga Kosova, dhe në këtë mënyrë u mundësonin personave të nacionalitet shqiptar nga Kosova, të cilët janë të interesuar të marrin statusin e shtetasve të Serbisë, të regjistrojnë vendbanimin, të marrin shtetësinë dhe dokumentet personale”.

Gjithashtu, sipas portalit serb, personave të interesuar u janë dhënë vërtetime të falsifikuara, diploma të arsimit të mesëm dhe të lartë dhe në këtë mënyrë u kanë mundësuar që këto dokumente të falsifikuara t’i përdorin si të vërteta.

“Në këtë mënyrë kanë krijuar rreth 400 dokumente të ndryshme dhe kanë përfituar përfitime pasurore të kundërligjshme në shumën prej 100 mijë eurosh deri më tani”, citohet të ketë thënë Prokuroria.

Mes anëtarëve të këtyre dy grupeve të organizuara kriminale janë dy ofiqarë, një pjesëtar i MPB-së, një ish-punonjës i Universitetit “Megatrend” dhe një këshilltar i punësuar në Ministrinë e Arsimit të Serbisë./Media Ndërtimi

Continue Reading

Aktuale

Ministria e Turizmit përgatit aplikimin për futjen e Vjosës në UNESCO

Published

on

Ministrja e Turizmit dhe Mjedisit Mirela Kumbaro ka njoftuar nisjen e punës për përfshirjen e Vjosës në listën e pasurive botërore të mbrojtura nga UNESCO, nën programin “Njeriu dhe Biosfera”.

Kumbaro ka pasur një takim me delegacionin e UNESCO-s që ka mbërritur në Tiranë, i cili do të ndjekë përgatitjen e dosjes së aplikimit. “E lumtur të prisja në Ministrinë e Turizmit dhe Mjedisit ekipin e UNESCO, me të cilët nisim punën për përfshirjen e Vjosës në listën e pasurive botërore përmes programit “Njeriu dhe Biosfera”. Është ky program global që synon të krijojë një bazë shkencore për të përmirësuar marrëdhëniet midis njerëzve dhe natyrës ku jetojnë, për zhvillimin e qëndrueshëm që mbron mjedisin.

Na pret një punë intensive në përgatitjen e dosjes së aplikimit, që Ministria e Turizmit dhe Mjedisit dhe Agjencinë Kombëtare të Zonave të Mbrojtura do të dorëzojnë në UNESCO brenda këtij viti, për t’i dhënë një tjetër pasaportë ndërkombëtare mbretëreshës së lumenjve europiane e për të shtuar një tjetër xhevahir shqiptar në listën e UNESCO”, shprehet Kumbaro.

Vjosa u shpall Park Kombëtar në mars të vitit 2023. Më herët, Drejtoresha e Përgjithshme e UNESCO Audrey Azoulay vizitoi Vjosën me ftesë të Ministres së Turizmit dhe Mjedisit Mirela Kumbaro me qëllim përfshirjen e saj në listën e siteve të mbrojtura nga UNESCO, duke e vlerësuar si një prej lumenjve të fundit të egër në Europë dhe i pari Park Kombëtar i një lumi të paprekur.

Përgatitja e aplikimit është një proces i gjatë sipas standardeve të Organizatës Botërore të Kombëve të Bashkuara për Edukim, Shkencë dhe Kulturë, dhe Shqipëria do të asistohet nga ekipi i programit “Man and Biosphere”./Media Ndërtimi

Continue Reading

Aktuale

AKP-ja shpall për shitje dy asete në Mal të Zi

Published

on

Agjencia Kosovare e Privatizimit (AKP) ka mbajtur të mërkurën ceremoninë e hapjes së ofertave të shitjeve përmes Likuidimit nr. 65, e cila përmban 26 aseteve atraktive që gjenden në Kosovë, raporton Ekonomia Online. Zëvendësdrejtori i AKP-së Muharrem Arifi, falënderoi të gjithë pjesëmarrësit duke e bërë të ditur se për herë të parë janë ofruar për shitje dy prona jashtë republikës së Kosovës.

“Ne sot po e përmbyllim procesin e tenderimit për – shitjen e 26 aseteve te Ndërmarrjeve Shoqërore ne likuidim përmes kësaj metode. Më lejoni të ju njoftoj se deri më tani janë privatizuar 2, 939 asete të ndryshme përmes shitjeve të aseteve të Ndërmarrjeve Shoqërore në administrim të Agjencisë. Nga privatizimi i përgjithshëm i ndërmarrjeve shoqërorë dhe aseteve të tyre deri më tani janë grumbulluar 784 milionë e 114 mijë euro”, tha ai.

“Nga numri i përgjithshëm prej 602 Ndërmarrjeve Shoqërore në administrim te Agjencisë procesi i likuidimit deri me tani ka filluar për 589 Ndërmarrje. Deri me tani shuma e fondeve te shpërndara tek kreditorët e ligjshëm është 61 milionë e 700 mijë euro për 307 ndërmarrje shoqërore në likuidim. Për sa i përket shpërndarjes së 20 për qind, Agjencia po vazhdon me miratimin e listave të punëtoreve dhe shpërndarjen e shumës se 20 për qind të të  hyrave nga shitjet e aseteve për punëtorët e ndërmarrjeve shoqërore dhe deri me tani kemi arritur te shpërndajmë 163,379.229. EUR numri i përgjithshëm i përfituesve te 20 për qind është 52, 092 ish-punëtorë”, deklaroi ai.

Në rajonin e Prishtinës ofrohen për shitje 4 lokale afariste të madhësive të ndryshme duke filluar me lokalin 113m² në rrugën “Luan Haradinaj” deri në 24.66m² lokali në Dardani, të përshtatshme për zhvillim të veprimtarive afariste. Në rajonin e Prishtinës, konkretisht në Lipjan ofrohet poashtu një objekt për shitje si dhe në Gadime.

Në rajonin e Mitrovicës ofrohen 9 lokale afariste për shitje, lokalet kanë hapësira të ndryshme duke filluar prej 168m² deri tek lokali me 56.4m². Në rajonin e Mitrovicës në këtë shitje është përfshirë edhe toka dhe objekti i NSh Agrokultura Stacioni i Vjetër i Veterinës në rrugën “Adem Voca”.

Ndërkaq në rajonin e Prizrenit ofrohen tri lokale atraktive të përshtatshme për zhvillim të industrive të ndryshme tjera afariste me hapësirë prej 134m² deri tek lokali me hapësire prej 60m². Në këtë shitje janë përfshirë edhe dy lokale të NSh IMF në Podgoricë, Mal të Zi./Media Ndërtimi

Continue Reading

Trending