Connect with us

Infrastrukturë

Shpallet fituesi i kontratës 2.7 milionë euro për Shirokë-Zogaj-Mali i Zi

Published

on

Rikonstruktimi dhe përmirësimi i rrugës Shirokë-Zogaj dhe kufi Mali i Zi si dhe sistemet e ujësjellësit dhe ujërave të përdorura në Shirokë-Zogaj pritet të jenë gati brenda korrikut të vitit të ardhshëm.

Në faqen e Bankës Europiane për Rindërtim dhe Zhvillim e cila po zbaton programin infrastruktura në Shqipëri dhe mundësimi i turizmit është njoftuar se tashmë është lidhur kontrata me kompaninë fituese e cila do të bëjë zbatimin e projektit.

Autoriteti Kontraktor i palës shqiptare është Fondi Shqiptar i Zhvillimit dhe kostoja e kontratës së nënshkruar me kompaninë Gener 2 është 2.7 milionë euro, raporton Monitor.al

Ndërhyrja për këtë rrugë si dhe mundësimin e sistemit të ujësjellës-kanalizimeve ka kohë që nënvizohet duke pasur parasysh se kjo është një zonë me potencial për zhvillimin e turizmit i cili edhe tani është kryesisht i fokusuar tek turizmi ditor.

Sipas dokumenteve veprimi i propozuar do të bazohet në nismat ekzistuese dhe synon të finalizojë një qasje të integruar të zhvillimit të qëndrueshëm për bregun perëndimor të Liqenit të Shkodrës, duke u përqendruar në promovimin e aseteve mjedisore të zonës me potencialin që do të shtrihet në të ardhmen përgjatë bregdetit, në anën malazeze të kufirit.

Shiroka dhe Zogaj, dy qendra banimi, janë tashme pjesë e qytetit të Shkodrës, ndodhen në pjesën verilindore të qytetit të Shkodrës, në bregun e liqenit të Shkodrës, në një distancë 5 km dhe 10 km larg respektivisht.

“Rruga Shiroke-Zogaj, që do të ndërtohet është vazhdim i rrugës turistike Ura e Bunës-Shirokë, dhe vendoset në trupin e malit të Taraboshit ndër funksionet e rëndësishme të saj, përveç si nevojë për të jetuar banorët e zonës, është mundësia komode e shijimit të resurseve klimaterike të ajrit dhe ujit, dhe atyre turistike të zonës, dhe në një lidhje ndërkufitare me Malin e Zi (me krahinën e Krajës) lëvizja drejt këtyre dukurive, e ka berë të domosdoshme ndërhyrjen për ndërtimin e kësaj rruge.

Rruga që do të ndërtohet ka një gjatësi prej rreth 6448 metrash linearë” thuhet në dokumentet paraprake të projektit.

Rruga ekzistuese në këtë zonë është e asfaltuar por e dëmtuar dhe jo në pak raste është bërë pjesë e thirrjtes së banorëve të këtij rajoni për të ndërhyrë me rikonstruksion diçka që pritet tashmë të bëhet konkret vetëm vitin e ardhshëm pas përfundimit të punimeve./Media Ndërtimi

Infrastrukturë

Prokuroria Themelore në Gjakovë në aksion kundër shkatërruesve të mjedisit

Published

on

Një kamion transportues dhe një ekskavator janë sekuestruar për shkak të aktivitetit ilegal të nxjerrjes së zhavorrit përgjatë shtratit të lumit Drini i Bardhë.

Lajmin e ka bërë të ditur Prokuroria Themelore në Gjakovë, përmes një njoftimi për media, teksa ka bërë të ditur se në disa fshatra të Komunës së Rahovecit, është duke u degraduar ambienti për shkak të aktivitetit të tillë ilegal.

“Prokurori koordinator për hetimin e krimeve kundër mjedisit, Kastriot Memaj, ka urdhëruar inicimin e rastit për veprën penale ‘Ndotja, degradimi ose shkatërrimi i mjedisit’ nga neni 338 i KPRK-së. Njëkohësisht, në koordinim me policinë, janë duke u ndërmarrë veprime aktive në drejtim të kapjes së kryesve të kësaj vepre penale”, thuhet në njoftim.

Tutje, thuhet se prokuroria mbetet e përkushtuar maksimalisht në luftimin e dukurive të tilla të kundërligjshme që degradojnë ambientin dhe u bëhet thirrje qytetarëve për bashkëpunim në luftimin e këtyre dukurive./Media Ndërtimi

Continue Reading

Infrastrukturë

Ura e Kukësit pritet të hapet më 1 qershor

Published

on

Segmenti tre kilometra i aksit Kukës-Morinë, pjesë e Rrugës së Kombit nga mbikalimi i Gostilit deri te ura e Kukësit tashmë është hapur për qarkullimin e mjeteve.

Plot tri javë iu deshën kompanisë koncensionare për vendosjen e shtresave të stabilizantit dhe asfaltimin e njërit segment rrugor që lidh dy anët e Urës së Re me Rrugën e Kombit, ndërsa po punohet për përgatitjen për asfaltimin e segmentit tjetër rrugor në hyrje të Urës së Re.

Konstrukti metalik i urës së re mbi Drin, tashmë është pozicionuar në bazamentin përfundimtar të saj ndërsa po punohet për montimin e pjesëve dhe vendosjen e shtresave të nevojshme drejt përmbylljes së projektit dhe vënien në funksion të plotë brenda muajit qershor, e gatshme për sezonin e verës.

I gjithë trafiku i mjeteve nga Shqipëria drejt Kosovës dhe anasjelltas, përgjatë tri javëve u devijua në qytetin e Kukësit përmes tri hyrjeve dhe një dalje.

Gjatë gjithë kësaj periudhe, nuk u shënuan incidente që kishin të bënin me pengesa në qarkullim për shkak të fluksit, ndërsa u arrit të mirëmenaxhohej siç duhet e me një orar të paracaktuar për mjetet e vogla dhe ato të transportit të mallrave.

Ura e Madhe lidh Rrugën e Kombit dhe dy brigjet e liqenit të Fierzës dhe konsiderohet si një nga urat me hapësirën më të madhe në Ballkan në tipologjinë e saj./Media Ndërtimi

Continue Reading

Infrastrukturë

Inspektorati aksion për lirimin e hapësirave publike në Prishtinë

Published

on

Kryetari i Komunës së Prishtinës, Përparim Rama, ka njoftuar se Inspektorati i Kryeqytetit po vazhdon me lirimin e hapësirave publike.

Rama përmes një postimi në ‘Facebook’, ka bërë me dije se po lirohen hapësirat që janë zënë me terrasat e lokaleve, në qendër në afërsi të “Pallatit të Rinisë”.

“Nuk lejohet uzurpimi i pronës publike! Inspektorati i Kryeqytetit po vazhdon me lirimin e hapësirave publike të cilat ishin nxënë dhe po shfrytëzoheshin si pjesë (terrasa) të lokaleve. Këto ditë një e tillë është duke u larguar në zonën qendër në afërsi të “Pallatit të Rinisë””, ka shkruar Rama./Media Ndërtimi

Continue Reading

Trending