Connect with us

Infrastrukturë

Shkeljet e njëpasnjëshme në tenderin për mirëmbajtjen e rrugëve të rendit të katërt në Vushtrri

Published

on

Më 23 gusht të vitit 2023 janë bërë një vit që kur Komuna e Vushtrrisë e kishte hapur tenderin “Mirëmbajtja e rrugëve të rendit të katërt”, por e njëjta ende nuk ka arritur të nënshkruajë kontratën me asnjë nga 11 operatorët ekonomikë që kanë ofertuar në këtë tender.

Në këtë tender, që kishte një vlerë të parashikuar prej 130 mijë euro, komuna ka planifikuar të shtrojë me zhavorr rrugët e kategorisë së katërt.

“Kemi të bëjmë me shtruarje të zhavorrit, prerje të drunjve, gërmim, hapje të kanaleve, pastrim i kanaleve, gërmim dhe planifikim i trasesë, furnizim me zhavorr, shpërndarje me greder, ngjeshje me cilindër, vendosje e lëshesave, vendosje e gypave të betonit, furnizim dhe punim i mureve mbrojtëse, furnizim dhe punim i kokave hyrëse dhe dalëse nga betoni” – thuhet në tenderin e shpallur nga Komuna e Vushtrrisë.

Nga Autoriteti Kontraktues ishte kërkuar që kompanitë të kishin disa mjete teknike të cilat janë të specifikuara.

“Operatori Ekonomik duhet të posedojë mjete, stabilimentet dhe pajisjet teknike që janë të domosdoshme për realizimin e projektit. (Një) Bager minimum 20-30 tonë; (Një) Bullduzher për rrafshimin e terrenit minimum 8 tonë; (Një) Ekskavator me kapacitet minimum 16 tonë; (Një) Cilindër vibrues 12-16 tonë; (Një) Grejder rrafshues min. 12 tonë, (Tre) Kamionë kiper me kapacitet minimum 10m3” – thuhet në dosjen e tenderit.

Karakteristikë e këtij tenderi të hapur nga Komuna e Vushtrrisë ka qenë mënyra e ofertimit dhe vlerësimit të ofertave. Kriter për dhënie të kontratës ka qenë çmimi i lirë i peshuar, pra vlerësimi është bërë me poentim bazuar në një formulë që komuna paraprakisht e ka bërë publike. Pozicionet e ofertimit janë ndarë në katër pjesë/kategori.

Kategoria e parë kishte 20% të pikëve në vlerësim e në të cilën është paraparë të bëhen punët përgatitore dhe punimet e dheut. Në këtë kategori janë katër pozicione.

Shembull, në pozicionin e katër është paraparë të bëhet “pastrimi i kanaleve ekzistuese të rrjedhave ujore të cekëta dhe rrëkeve nga mbeturinat, rregullimi i tyre nga rrëshqitjet e dheut, materiali i gërmuar të transportohet në vendin e caktuar nga organi mbikëqyrës”.

Njësia matëse për këtë pozicion është metër/kub (m3), mirëpo tek sasia është vetëm numri 1, pra OE kanë ofertuar për vetëm 1 metër/kub.

Shembull, në procesverbalin e hapjes së ofertave, kompania “Agro Invest 1 sh.p.k” ka ofertuar me 108.20 euro; grupi i operatorëve “Gurëbardh sh.p.k” & “AlkoImpex sh.p k” ka ofertuar me 274 euro. Ndërsa, kompania “N.T.SH Ramadani” ka ofertuar me vetëm 15.90 euro, që në dukje ka një çmim dukshëm më të lirë se oferta më e shtrenjtë prej 274 eurove.

Kompania “NNP Hysnia” ka ofertuar me 45.90 euro; “Pouk Group shpk” me 50.60 euro; “Haxha Kom sh.p.k” me 53.90 euro; “EL BAU sh.p.k” ka ofertuar me 48.90 euro; “BENI COM shpk” me 130.60 euro; grupi i operatorëve “DESHISHKU GP sh.p.k” & “GASHI ING sh.p.k” me 88.11 euro; kompania “AdnanBislimi B.I sh.p.k” me 91.95 euro dhe “NNP Wenda” me 42.64 euro.

Rivlerësim pas rivlerësimiDy muaj pas hapjes së tenderit, operatori ekonomik “NTSH Ramadani” me seli në Mitrovicë, me ofertën 15.92 euro ishte rekomanduar për kontratë dhe ishte vlerësuar oferta më e lirë e përgjegjshme pas vlerësimit në bazë të poentimit për katër kategoritë e pozicioneve.

Operatori ekonomik, “NNP Hysnia”, bazuar në nenin 108/A të Ligjit të Prokurimit Publik, në kërkesën për rishqyrtim të dorëzuar tek Komuna e Vushtrrisë kishte kërkuar që tenderi të kthehet në rivlerësim./Media Ndërtimi

Infrastrukturë

Fillon asfaltimi i rrugës së Patrikanës në drejtim të Rugovës

Published

on

Mëngjesin e sotëm ka nisur asfaltimi i rrugës së Patrikanës që çon në drejtim të Rugovës.

Kjo rrugë ka kohë që ishte në gjendje te mjerueshme dhe shkaktonte ndotje nga pluhuri i madh pas kalimit të veturave.

Ky është një lajm i mirë edhe për turistët që frekuentojnë bukuritë e Rugovës gjatë stinës së verës./Media Ndërtimi

Continue Reading

Infrastrukturë

Komuna e Prishtinës fton qytetarët në diskutim të përgjithshëm publik

Published

on

Komuna e Prishtinës përmes një njoftimi ka bërë të ditur se kryetari Përparim Rama do mbajë diskutim të përgjithshëm publik me qytetarët më 25.06. 2024 në Sallën e Kuvendit Komunal me anë të live stream.

Në diskutim përpos kryetarit, të pranishëm do jenë edhe nënkryetarët, Alban Zogaj, Donjeta Lushaku si dhe ekipi i drejtorëve të drejtorive komunale.

Komuna u ka bërë thirrje qytetarëve të marrin pjesë, si mundësi për hapjen e temave të rëndësishme në interesin e përgjithshëm.

Qytetarët mund të lënë koment dhe sugjerime deri më 25.06.2024 në adresat e publikuara në link.

https://prishtinaonline.com/lajmet/4171/komuna-e-prishtines-organizon-diskutim-te-pergjithshem-publik

Continue Reading

Infrastrukturë

Ferrovial shet aksionet e kompanisë indiane të ndërtimit të rrugëve për 214 milionë euro

Published

on

Kompania e infrastrukturës me seli holandeze Ferrovial ka shitur aksionet e saj të kompanisë indiane të ndërtimit të rrugëve IRB Infrastructure Developers nëpërmjet degës së saj Cintra.

Ferrovial njoftoi se kishte shitur 5% të aksioneve të saj në IRB për 214 milionë euro (231.4 milionë dollarë amerikanë) nëpërmjet një ‘marrëveshjeje blloku’ ose vendosjes së 301.9 milionë aksioneve me investitorët institucionalë në Bursën Kombëtare të Stock (NBE) dhe Bursën e Bombeit (BSE). ).

Pavarësisht shitjes, Ferrovial mbetet aksioneri i dytë më i madh i IRB me 19.9% ​​të aksioneve.

Kompania holandeze gjithashtu do të mbajë të njëjtin përfaqësim në bordin e drejtorëve të IRB dhe se shitja e 5% të aksioneve do të rriste likuiditetin e aksioneve të IRB.

Operacioni vjen pas njoftimit të fundit për blerjen e 24% në IRB Infrastructure Trust. Ferrovial tha se kjo do të “plotësonte” strategjinë e saj në Indi, një treg me “perspektiva të shkëlqyera rritjeje afatgjata”./Media Ndërtimi

Continue Reading

Trending