Connect with us

Infrastrukturë

SHBA tenton të ulë varësinë ndaj paneleve solare nga Kina, si zgjidhje shihet prodhimi vendor

Published

on

Prodhuesit dhe konsumatorët amerikanë tani kanë më shumë arsye për të përdorur panelet diellore për energji, pas miratimit të paketës së re ekonomike që synon të ulë inflacionin. Në këtë paketë ofrohen stimuj financiarë për zhvillimin e një industrie më të fuqishme në Amerikë për prodhimin e paneleve diellorë.

Përveç kazinove, në Las Vegas ka më shumë se 300 ditë me diell në vit. Kjo ka një ndikim të madh tek faturat e energjisë për banorët.

E Jason Livingston nga ky qytet, thotë se faturat e larta të energjisë elektrike kanë bërë që ai të investojë në panele solare.

“Në një shtëpi si e jona, dykatëshe me pishinë, shpenzon 800-900 dollarë në muaj energji elektrike” thotë Livingston.

Punonjës të kompanisë së tij “Sol-Up” në Las Vegas po instalojnë panele nga Gjermania. Por lojtari dominues në këtë lloj industrie është Kina.

Një raport i Agjencisë Ndërkombëtare të Energjisë në korrik vinte në dukje se Kina luan një rol në më shumë se 80% të fazave kryesore të prodhimit të paneleve diellore. Por varësia nga Kina ka krijuar një rrezik në zinxhirin të furnizimit.

Për këtë SHBA-të kanë rritur tarifat për panelet diellore të cilat përmbajnë silikon kristalor nga Kina. Sipas vendimit të Uashingtonit ndalohen të blihet pajisje të prodhuara nga ujgurët myslimanë, të cilët i nënshtrohen punës së detyruar në rajonin Xinjiang të Kinës.

Por i menjëhershëm ishte reagimi i ambasadës kineze në SHBA, e cila bëri thirrje për ndalimin e gënjeshtrave nga ana e SHBA-së, dhe anulimin e zbatimit të këtij vendimi.

Ky vendim ndikoj në ndalimin e shumë projekteve të cilat kishin në qendër përdorimin e paneleve solare në SHBA, kjo si shkak i tarifave.

E synim i Shtëpisë së Bardhë është trefishimi deri në vitin 2024 i prodhimit vendor të paneleve solare./ Media Ndërtimi

Infrastrukturë

15 kompani do të ndërtojnë katër lote në rrugën Kijevë-Dollc në vlerë 21 milionë euro

Published

on

Dy ditë më parë janë nënshkruar kontratat për ndërtimin e rrugës Prishtinë-Pejë, përkatësisht segmenti Kijevë-Dollc (llotet 2,3 dhe 4).

Vlera e ktyre kontratave është 21 milionë euro. Punimet pritet të fillojnë brenda pak ditëve.

Kontratat e kompanive fituese të tenderit tashmë janë publike.

Në garë kanë qenë gjithsejtë 26 operatorë, shkruan Indeksonline.

Loti 1 do të ketë vlerën e 7.3 milionë eurove dhe do të ndërtohet nga Rukolli, Saba Belca dhe Elmazaj Konstruksion.

Loti 2 ka vlerë mbi 6 milionë euro dhe do menaxhohet nga Empreus, Jaha Compani, Premium, Toifor, NNT ABC SHPK dhe Metag Insaat Ticaret.

Loti 3 është me vlerë më të ulët me 5.4 milionë euro dhe do të punohet nga kompania Lika.

Loti 4 ka vlerën më të madhe me mbi 9 milionë euro. Kompanitë fituese janë Famis CO-HC, SH.A KIT-AK, Gradnje, KAG-Asphalt Company./Media Ndërtimi

Continue Reading

Infrastrukturë

Nga 415 rrugë në Prishtinë, vetëm 9 mbajnë emra të grave

Published

on

87% e rrugëve në Prishtinë mbajnë emra individësh; megjithatë, vetëm 2% janë emëruar me emra të grave.

Nga 415 rrugë në Prishtinë, vetëm 9 mbajnë emra të grave.

Këto të dhëna janë siguruar nga iniciativa Mapping Diversity (platformë për zbulimin e fakteve kryesore rreth diversitetit dhe përfaqësimit në emrat e rrugëve në të gjithë Evropën).

Sipas Endrit Pllashnikut, që ka përpiluar tabelën, të dhënat tregojnë një hendek të theksuar gjinor në emërtimin evropian të rrugëve: mesatarisht vetëm 9% e emrave të rrugëve në kryeqytetet e listuara evropiane më poshtë nderojnë gratë.

Continue Reading

Infrastrukturë

MINT mbështetë me 2.5 milionë euro ndërmarrjet mikro, të vogla dhe të mesme

Published

on

Ministria e Industrisë, Ndërmarrësisë dhe Tregtisë, Rozeta Hajdari, ka mbajtur konferencë për medie, në të cilën janë lansuar tri thirrje publike për përkrahjen e ndërmarrjeve mikro, të vogla dhe të mesme për blerjen e makinerive prodhuese dhe përpunuese, raporton Ekonomia Online.

Ministrja Hajdari, tha se vlera e programit është 2.5 milionë euro, ndërsa aplikimi do të bëhet përmes aplikacionit e-Kosova.

“Janë grant, skema të reja që po i lansojmë sot si grant skema për blerjen e makinerive prodhuese dhe përpunuese, grant për certifikimin e produkteve dhe atë për digjitalizimin e bizneseve. Përkrahja dhe fuqizimi i bizneseve tona që janë shtytës kryesor të zhvillimit dhe transformimit socio ekonomik dhe mjedisor në vendin tonë, është një nga synimet kryesore të qeverisjes sonë. Vlera e mbështes është 2.5 milionë euro, aplikimi bëhet përmes aplikacionit e-Kosova”, ka thënë ajo.

Hajdari ka thënë se kjo mbështetje përkthehet në fuqizimin e ekonomisë dhe zhvillimin e ndërmarrësve, duke theksuar se në vitin 2030 industria e Kosovës do të transformohet në një industri më të integruar.

“Ndërsa nga vlera prej 2.5 milion euro, 1.7 do të jenë të dedikuara për grant skena për blerjen e makinerive prodhuese dhe përpunuese, 500 mijë euro për gram skemën për certifikimin e produkteve, si dhe 300 mijë euro për për digjitalizimin e bizneseve, ku kjo e fundit është në bashkëpunim dhe financim me projektin nga mbështetja e agjencisë austriake për zhvillim dhe bashkëpunim. Përkrahja financiare ka për qëllim të kontribuojë në rritjen e prodhimit dhe përpunimit, përmirësimin e bilancit tregtar, qoftë përmes rritjes së eksportit, përmes certifikimit apo rritjes së pjesëmarrjes së produkteve në tregun vendor, rritjen e investimeve, dhe punësimit”.

“E gjithë kjo mbështetje përkthehet në fuqizimin e ekonomisë sonë dhe zhvillimin e ndërmarrësve tanë të mëtejmë që kanë shumë potencial. Deri në vitin 2030 industria e Kosovës do të transformohet në një industri më të integruar globalisht që është në gjendje të prodhojë produkte me vlerë të lartë të shtuar dhe të ofrojë punësim të denjë për qytetarët tanë “, ka thënë ajo./Media Ndërtimi

Continue Reading

Trending