Connect with us

Infrastrukturë

Rusia i shkaktoi dëme prej 63 miliardë dollarësh infrastrukturës së Ukrainës

Published

on

Kostoja e dëmtimit të drejtpërdrejtë në infrastrukturën e Ukrainës që kur Rusia pushtoi vendin ka arritur në 63 miliardë dollarë, sipas një analize nga Shkolla e Ekonomisë e Kievit (KSE).

Sipas të dhënave nga KSE, nga fillimi i pushtimit nga 24 shkurti deri më 24 mars, janë shkatërruar nga bombardimet të paktën 4,431 ndërtesa banimi, 92 fabrika dhe magazina, 378 shkolla, 138 institucione shëndetësore, 12 aeroporte dhe shtatë termocentrale dhe hidrocentrale.

Për sa i përket infrastrukturës, dëmi më i shtrenjtë ka ndodhur në rrugë – kostoja në rrugët e dëmtuara vlerësohet në mbi 27 miliardë dollarë. Dëmi i banesave vlerësohet në 13.5 miliardë dollarë me 6.8 miliardë dollarë dëme në aeroportet civile.

Ukraina prodhon materiale ndërtimi si çeliku, druri, paletat dhe argjila për pllaka qeramike – konflikti do t’i bëjë materialet si këto më të shtrenjta dhe më të vështira për t’u siguruar për industrinë globale të ndërtimit.

Sipas Bankës Botërore, ekonomia e Ukrainës pritet të tkurret me rreth 45% këtë vit, megjithëse madhësia e tkurrjes do të varet nga kohëzgjatja dhe intensiteti i luftës. E goditur nga sanksione të paprecedentë, ekonomia e Rusisë tashmë është zhytur në një recesion të thellë me prodhimin e parashikuar të tkurret me 11.2% në 2022.

“Përmasat e krizës humanitare të shkaktuar nga lufta janë tronditëse. Pushtimi rus po i jep një goditje masive ekonomisë së Ukrainës dhe ka shkaktuar dëme të mëdha në infrastrukturë”, tha Anna Bjerde, Zëvendës Presidente e Bankës Botërore për rajonin e Evropës dhe Azisë Qendrore.

“Ukraina ka nevojë për një mbështetje masive financiare menjëherë pasi ajo përpiqet të mbajë ekonominë e saj në këmbë dhe qeveria të vrapojë për të mbështetur qytetarët ukrainas që po vuajnë dhe po përballen me një situatë ekstreme.”/Media Ndërtimi.

Infrastrukturë

Komuna e Gjakovës hap afatin për konsultime publike të Hartës Zonale

Published

on

Komuna e Gjakovës, përkatësisht drejtoria për Urbanizëm dhe Mbrojtje të Mjedisit, duke filluar nga data 23 maj 2022 deri me datën 21 qershor 2022, shpallë të hapur afatin për konsultime dhe sugjerime publike ne lidhje me draftin e Vlerësimit Strategjik Mjedisor për Hartën Zonale Komunale.

Ndërsa, me datë 10 qershor, e premte, me fillim prej orës 13:30, në Sallën e Kuvendit Komunal, në objektin e ish- Bankosit, mban Konsultim Fizik me Publikun./Media Ndërtimi.

Draftin e këtij dokumenti, mund ta gjeni në ueb faqen e komunës së Gjakovës, në linkun e më poshtëm:

https://kk.rks-gov.net/…/Draft-i-Vleresimit-Strategjik…

Continue Reading

Infrastrukturë

Asfaltohet njëri segment i “Muharrem Fejza”, nuk përdoret rrjeta për të ruajtur rrugën nga gropat  

Published

on

Që nga orët e hershme të mëngjesit të së premtes ka nisur të asfaltohet njëri segment i rrugës “Muharrem Fejza” duke përfshirë rrugët lidhëse prej rrethrrotullimit të rrugës “B” në drejtim të lagjes Mati përkatësisht deri te rruga “Ibrahim Oruçi”.

Drejtoria e Investimeve Kapitale dhe Menaxhimit të Kontratave-KK Prishtina njoftoi se të premten më 20 maj do të asfaltohen hyrjet në rrugët lidhëse dhe rruga “Muharrem Fejza” nuk do të mbyllet këtë ditë për qarkullim.

Qarkullimi në këtë rrugë do të mbyllet për dy ditë:

E premte, 20 maj 2022, prej orës  06:00-18:00.

E shtunë, 21 maj 2022, prej orës  08:00-18:00.

“Kërkojmë nga banorët e lagjes që automjetet mos tii parkojnë në parkingun paralel me shiritat qarkullues të rrugës dhe as në trotuare për arsye se pengojnë realizimin e punimeve dhe automjetet mund të dëmtohen gjatë spërkatjes me emulsion.”, shkruan në njoftimin e Komunës së Prishtinës.

Mirëpo, gjatë punimeve të shtrirjes finale të asfaltimit nuk është përdor rrjeta në mënyrë që kjo rrugë t’i përballoj krijimit të gropave.

Ndryshe nga Komunat, Ministria e Infrastrukturës ka premtuar se do shtoj cilësinë e punimeve gjatë asfaltimit të rrugëve, duke përdorur kështu produkte të reja dhe efektive.

“Sanimet më nuk do të bëhen si në të kaluarën, por do të përdoren rrjeta, para se të shtrohet shtresa e asfaltit.”, kishte deklaruar zv.ministri i Infrastukturës Hysen Durmishi.

“Prej projektit në projekt vazhdojmë të punojmë për një Prishtinë sa më funksionale dhe praktike.”, është ky zotimi i Drejtorisë së Investimeve Kapitale dhe Menaxhimit të Kontratave të Komunës së Prishtinë./Media Ndërtimi.

Continue Reading

Infrastrukturë

Nënshkruhet marrëveshja për fasadimin e Soliterave në Ulpianë

Published

on

Lajm fantastik për banorët e lagjes “Ulpiana” e ka cilësuar  kryetari i Komunës së Prishtinës, Përparim Rama, marrëveshjen ku do të fasadohen ndërtesat ikonike në kryeqytet.

“Nënshkruam “Marrëveshjen e Bashkëfinancimit” me Millennium Foundation Kosovo për rinovimin dhe përmirësimin e furnizimit me energji të ripërtërishme në Ndërtesat Shumëbanesore, të njohura për qytetarët si ‘Soliterët e Ulpianës’.”, deklaroi Rama.

Renovimi është projekt i përbashkët i Komunës së Prishtinës me Bankën Botërore dhe fondet e Korporata e Sfidës së Mijëvjeçarit (MCC), si një nga shtatë komunat që është përzgjedhur për renovimin e objekteve të vjetra.

Komuna e Prishtinë për një projekt të tillë nuk ka organizuar paraparakitsh asnjë debat publik në të cilën do të mund të shprehshin mendimet për sa i përket këtij renovim në ndërtesat ikonike të Prishtinës./Media Ndërtimi.

Continue Reading

Trending