Connect with us

Infrastrukturë

Rritja e çmimit enorm tre herë brenda vitit, mblidhen prodhuesit e çimentos, sektori i ndërtimit në gjendje kaotike!

Published

on

Dhoma e Tregtisë, MINT, AKK dhe bizneset diskutojnë për ngritjen enorme të çmimit të çimentos

Ngritja enorme çmimit të betonit për herë të tretë nga 1 janar 2022 e deri më sot ishte arsyeja kryesore që shtyu Dhomën e Tregtisë dhe Industrisë Kosovë, sektori i ndërtimit, të mbledhi në një takim të përbashkët bizneset e sektorit të betonit e ndërtimit, Ministren e Industrisë, Ndërmarrësisë dhe Tregtisë (MINT), Rozeta Hajdari dhe kryesuesen e Bordit të Autoritetit Kosovar të Konkurencës (AKK) Naime Bunjaku Isufi.

Dhoma e Tregtisë dhe Industrisë Kosovë falënderoi Ministren dhe Kryesuesen e AKK për bashkëpunimin, duke u prezentuar ndryshimin e çmimit të çimentos nga viti 2019.

Ndërsa, Naim Mahmutaj si përfaqesues i sektorit të ndërtimit, theksoi që ndërtimtaria në Kosovë është në gjendje kaotike, ani pse sot në këtë sektor janë përqëndruar investimet më të mëdha, e gjithashtu është një ndër punëdhënësit më të mëdhenjë në Kosovë.

Përfaqësuesi i sektorit të betonit, Bujar Avdyli shtoi që është e nevojshme të analizohen më në detaje arsyet që kanë shtyer deri tek një ngritje të tillë enorme të çmimeve të çimentos, e cila efektin më të madh e ka tek konsumatori final, sepse kjo do të ndikoj direkt në ngritje të çmimit të ndërtimit të objekteve të baninit si dhe atyre afariste.

Gjatë takimit bizneset e njoftuan Autoritetin e Konkurencës që të ketë parasysh faktin se “Titan Group” që është pronari i “Sharrcem” SH.P.K., ka në pronësi edhe fabrikat e çimentos që operojnë në rajon, siç është ajo në Maqedoninë e Veriut, Shqipëri dhe Serbi.

Ministrja Hajdari përgëzoi Dhomën e Tregtisë për organizimin e lobimin për trajtim të sfidës së sektorit të betonit dhe shtoi që është tejet i nevojshëm bashkëpunimi i institucioneve me bizneset, ashtu që të luftohen dukuritë e papranueshme.

Ministrja dhe Autoriteti i Konkurencës gjatë diskutimit të hapur dëgjuan brengat e bizneseve dhe premtuan që do e analizojnë rastin në afat sa më të shkurtër kohor dhe të dalin më një përgjigje konkrete.

Gjatë diskutimit të hapur u theksuan edhe brenga tjera që preokuprojnë sektorin e ndërtimit dhe bizneset në përgjithësi, ku u kërkua nga MINT dhe AKK të ketë reagime dhe përkrahje më të shpejtë në rastet e situatave të jashtëzakonshme, siç është ngritja e çmimit apo të ngjashme.

Tutje, bizneset kërkuan përkrahje edhe për ndryshimin e çmimeve të kontratave publike të nënshkruara para pandemisë për shkak të rritjes enorme të çmimeve të importit të mallrave (aktualisht Kosova ka raportin import/eksport 90/10) sepse kështu bizneset po detyrohen të shkelin ligjet, siç është shitja nën çmimin e blerë./Media Ndërtimi.

Infrastrukturë

Asfaltohen disa rrugë në Komunën e Prizrenit

Published

on

Në vazhdën e punimeve të shumta infrastrukturore, në rrugë të ndryshme, lagje e fshatra, në Komunën e Prizrenit, të martën kryetari i Prizrenit, Shaqir Totaj vizitoi nga afër punimet që po zhvillohen në rrugën “Rugova” në lagjen mbi spital.

Poashtu, në këtë lagje së shpejti fillon asfaltimi në Rrugën “Norë Kelmendi”, pasi të bëhet nivelizimi i pusetave.

Kryetari i Prizrenit, Shaqir Totaj, këto projekte i konsideroj se janë shumë të rëndësishme për rregullimin e infrastrukturës për banorët e zonës duke e lehtësuar jetën e tyre pas një periudhe të gjatë me vështirësi.

“Gjatë muajit tetor do të punojmë për rregullimin e infrastrukturës në shumë lagje brenda qytetit dhe në segmentet që lidhin të gjitha zonat e Komunës së Prizrenit, në përgjithësi, me ç’rast do të lehtësohet jeta e të gjithëve. Së bashku e ndërtojmë Prizrenin!”, deklaroi kryetari Totaj./Media Ndërtimi.

Continue Reading

Infrastrukturë

Hapen dy objektet e reja parashkollore në Gjakovë

Published

on

Të martë, u hapën dy objektet e reja parashkollore në kuadër të Institucionit parashkollor “Ganimete Tërbeshi”, njërën në lagjen e Çabratit dhe tjetrën në Novosellë.

“Jemi përkujdesur në detaje që këto ambiente të përmbushin të gjitha kriteret e nevojshme për edukim të duhur për më të vegjlit tanë. Investime si këto do të vazhdojnë edhe më tutje në lagje dhe fshatra të tjera të komunës, për faktin se kërkesat vazhdojnë të jenë të mëdha” u shpreh Kryetari i Komunës, Ardian Gjini.

Continue Reading

Infrastrukturë

Planet e Gjermanisë, të bëhet me central të gjelbër

Published

on

Kompania energjetike me bazë në Gjermani, Lausitz Energie Bergbau AG (LEAG) thuhet se po planifikon të vendosë 7 GW kapacitet të energjisë së rinovueshme në zonat minerare të Luzacias deri në vitin 2030. Kompania shpreson se kjo do të funksionojë duke i dhënë një shtysë të konsiderueshme tranzicionit të energjisë në rajon.

LEAG vlerëson se plani do të përfshijë investime prej më shumë se 10 miliardë euro (9.7 miliardë dollarë amerikanë) përveç krijimit të vendeve të punës në Gjermaninë lindore.

Nisma, me nofkën GigawattFactory, do të kombinojë zgjidhjet e ruajtjes së energjisë, hidrogjenin e gjelbër si dhe termocentralet e erës dhe diellore për të vënë në dispozicion energjinë miqësore me mjedisin në rajonin e Gjermanisë Lindore.

Parqet fotovoltaike (PV) dhe me erë do të ndërtohen në zonat pas minierave të LEAG në bashkëpunim me partnerin dhe zhvilluesin e projektit EP New Energies GmbH (EPNE).

Drejtori menaxhues i EPNE, Dominique Guillou, komentoi se Fabrika Gigawatt me një kapacitet prej 7 GW dhe potenciali i mëtejshëm përtej 2030-ës janë një moment historik në tranzicionin gjerman të energjisë dhe do të avancojë ndjeshëm ndryshimin strukturor në zonat e minierave të hapura të Luzacias./Media Ndëtimi.

Continue Reading

Trending