Mercedes do të investojë miliarda euro për të modernizuar fabrikat e saj në Kinë, Gjermani dhe Hungari gjatë viteve të ardhshme, raportoi revista Automobilwoche, teksa prodhuesi i makinave përgatitet të kalojë në automjete elektrike dhe të reduktojë emetimet.

Bashkimi Evropian ka vendosur një objektiv për të përgjysmuar emetimet e CO2 për makinë pasagjerësh gjatë ciklit të tyre jetësor deri në fund të kësaj dekade krahasuar me vitin 2020 dhe po kërkon marrëveshje për një afat kohor të vitit 2035 për t’i dhënë fund shitjes së veturave me lëndë djegëse fosile.

Mercedes ka thënë se do të jetë gati të prodhojë vetëm vetura elektrike deri në fund të kësaj dekade, aty ku lejojnë kushtet e tregut, raporton Reuters, përcjell Telegrafi.

“Ne po investojmë një shumë milionëshe për fabrikë sa për fillim”, citohet të ketë thënë menaxheri i prodhimit Joerg Burzer, duke shtuar se këto investime do të jenë në fabrikat në Pekin të Kinës, Rastatt të Gjermanisë dhe Kecskemet të Hungarisë./Media Ndërtimi.

Turqia ka zbuluar çmimin e markës së parë të vetura elektrike të prodhuara në vend dhe porositë do të jenë të disponueshme nga e enjtja.

Ëndrra 60-vjeçare e automobilave të Turqisë po bëhet realitet.

Modeli i parë, një SUV i segmentit C i quajtur Togg T10X, do të ketë një çmim që varion nga 953,000 TL (rreth 46836 euro) deri në 1.22 milion tl (rreth 60 mijë euro), njoftoi kompania.

Pasi filloi prodhimin masiv në fund të tetorit, Togg të martën tha se porositë paraprake do të pranoheshin midis 16-27 marsit.

Togg tha se T10X plotësisht elektrik do të shitet fillimisht me një motor dhe dy opsione baterish. Dërgesat janë planifikuar të fillojnë në fund të tetorit të këtij viti.

Modeli do të ketë një distancë prej 314 ose 523 kilometrash (195 dhe 325 milje) në varësi të madhësisë së baterisë, tha kompania.

Lloji me dy motorë do të ofrohet gjithashtu në shitje në periudhën e ardhshme.

Duke e quajtur veten një markë teknologjike që ndërthur përvojat dixhitale dhe fizike, Togg ka bashkuar duart me shumë startup për të krijuar një ekosistem të ri lëvizshmërie.

Përveç SUV-it, Togg do të prodhojë katër modele të tjera – një sedan, C-hatchback, B-SUV dhe B-MPV – deri në vitin 2030. Prodhimi masiv i SUV-së do të pasohet nga sedani.

Kompania synon të prodhojnë deri në 20 mijë vetura këtë vit.

Edhe pse shënon një nivel të ulët në krahasim me standardet globale, Togg duke arritur këtë nivel prodhimi do ta shohë atë më shumë se dyfishimin e flotës së makinave elektrike të Türkiye brenda një viti.

Kapaciteti aktual i prodhimit qëndron në rreth 100 mijë automjete në vit, një shifër që pritet të arrijë në 175 mijë sapo fabrika e Togg të arrijë kapacitetin e saj të plotë.

Marka synon të prodhojë 1 milion automjete në të pesë segmentet deri në vitin 2030.

Shitjet e automjeteve elektrike në Turqi u rritën 172 për qind nga viti në vit në 2022 në 7,300 njësi. Megjithatë, pjesa e tyre mbeti nën 1 për qind në tregun total të automjeteve, i cili ishte rreth 783 mijë njësi vitin e kaluar.

Numri i përgjithshëm i makinave elektrike u rrit pothuajse dyfish vitin e kaluar, por qëndroi në rreth 15,000 njësi. Përqindja e automjeteve elektrike brenda flotës totale të veturave që përbëhet nga 14.3 milionë njësi mbetet shumë e ulët në një për mijë pavarësisht rritjes së shpejtë.

Në atë që është parë si një nxitje për projektin kombëtar të makinave, Turqia javën e kaluar njoftoi se do të vendoste një taksë doganore shtesë prej 40 për qind për automjetet elektrike të prodhuara në Kinë./Media Ndërtimi

Vetura e re elektrike “për të gjithë” nga Volskwagen, do të kushtojë më pak se 25 mijë euro

Volkswagen planifikon që në treg të plasojë dhjetë vetura të reja elektrike deri në vitin 2026, por një prej tyre do të kushtojë më pak se 25 mijë euro, transmeton Telegrafi.

Fjala është për modelin që do të paralajmërohet me konceptin VW ID.2all, që tregon se bëhet fjalë për veturën kompakte elektrike të dedikuar për masën, ashtu siç kishte vepruar dikur hatchbaku kompakt Golf me motorët SUS, që janë dëshmuar si shumë të suksesshëm.

Pak detaje janë zbuluar në prag të zbulimit të konceptit ID.2all, por në VW kanë konfirmuar se është në përgatitje të modelit “hyrës” ID.1 që do të përdor platformën e re MEB për veturat elektrike.

Të njëjtën platformë Volkswagen Groupo do ta përdorë edhe në modelet si Cupra Urban Rebel, dhe kështu ID.2all do të ketë të njëjtën bazë.

Me konceptin e ID.2all në segmentin e veturave kompakte, Volkswagen paralajmëron veturën e parë elektrike nga VW për të gjithë. Çmimi fillestar do të jetë më pak se 25 mijë euro./Media Ndërtimi