Connect with us

Auto

Rimac Nevera, hipervetura elektrike me shpejtësi rekord

Published

on

Kompania Rimac Automobili ka publikuar në kanalin e saj në YouTube një video të arritjes së hiperveturës së saj elektrike Nevera, e cila vendosi një rekord të ri të shpejtësisë maksimale për veturat elektrike të prodhimit.

Nevera arriti një shpejtësi prej 412 km/h në Gjermani dhe në timon ishte Miroslav Zrnçeviq, shefi testues i kompanisë Rimac Automobili.

“Një shpejtësi e pabesueshme prej 412 km/h nuk është diçka që bëni çdo ditë. Kur vendosëm të konfirmonim këtë shpejtësi, ne u siguruam që kishim gjithçka që na nevojitej, një vendndodhje që do të na jepte hapësirë të mjaftueshme për të arritur shpejtësinë dhe për të ndaluar të sigurt gomat e duhura që janë në këtë rast Michelin Cup 2R, një ekspert për të kontrolluar gjendjen e tyre, një profil i posaçëm aero Nevera që redukton forcën e përparme të veturës duke e balancuar atë për stabilitet dhe një njeri në një mision për t’u bashkuar me klubin 400+, drejtuesi ynë i testimit dhe zhvillimit Mir”, është bërë e ditur nga kompania.

Kujtojmë se vitin e kaluar Nevera përshkoi 402 metra për 8.582 sekonda, duke e bërë atë veturën e prodhimit me përshpejtimin më të mirë në botë.

Meqë ra fjala, Rimac ua dorëzon klientëve Nevera me një shpejtësi të kufizuar elektronikisht prej 352 km/h, por ata gjithashtu mund të përjetojnë shpejtësinë maksimale në ngjarje të veçanta për klientët me mbështetjen e ekipit të ekspertëve të Rimac dhe në kushte të kontrolluara.

Nevera zhvillon 1,914 HP dhe 2,360 Nm çift rrotullues, përshpejton nga 0 në 100 km/h në 1,97 sekonda dhe deri në 300 km/h në 9,2 sekonda. Kapaciteti i baterisë është 120 kWh./Media Ndërtimi

Auto

Lucid hap fabrikë në Arabinë Saudite

Published

on

Prodhuesi i automjeteve elektrike Lucid Group deklaroi të mërkurën se kishte hapur fabrikën e tij të parë ndërkombëtare të prodhimit në qytetin Jeddah të Arabisë Saudite, sipas një marrëveshjeje të krijuar për të çuar më tej shtytjen e vendit për prodhimin e veturave elektrike.

Lucid njoftoi planet për fabrikën e saj në qytetin Jeddah vitin e kaluar dhe tha se mbretëria kishte nënshkruar një marrëveshje për të blerë deri në 100,000 automjete nga kompania gjatë 10 vjetëve, transmeton Telegrafi.

Në vitin 2022, mbretëria lansoi brendin e saj të parë për vetura elektrike Ceer.

Prodhesi Tesla thuhet se gjithashtu është në diskutime të hershme për të hapur një fabrikë prodhimi në Arabinë Saudite./Media Ndërtimi

Continue Reading

Auto

Volkswagen pezullon prodhimin e dy modeleve elektrike

Published

on

Volkswagen do të pezullojë prodhimin e dy modeleve elektrike ID.3 dhe Cupra Born në fabrikat e tij në Zwickau dhe Dresden në Gjermani në dy javët e para të tetorit për shkak të kërkesës më të dobët, tha një zëdhënës i prodhuesit të makinave.

Për shkak të situatës aktuale të tregut, prodhimi i automjeteve do të reduktohet gjatë festave të vjeshtës në Saksoni nga 2 tetori deri më 13 tetor në fabrikën e Volkswagen në Zwickau, tha zëdhënësi. Lajmin e raportoi fillimisht agjencia gjermane e lajmeve dpa, transmeton Telegrafi.

Prodhimi i modelit ID.3 në Dresden do të pezullohet nga 2 tetori dhe do të rifillojë nga 16 tetori e tutje.

Volkswagen nuk pranoi të deklarohej lidhur me numrin e punonjësve të prekur. Prodhuesi i makinave tha në fillim të këtij muaji se nuk do të zgjaste kontratat me afat të caktuar të 269 punonjësve në fabrikën e tij të prodhimit tërësisht elektrik në Zwickau.

Prodhuesi gjerman i makinave po përballet me konkurrencë në rritje nga Tesla dhe një grupi në rritje të prodhuesve kinezë të automjeteve, si dhe kërkesën e zbehur në tregun evropian të automjeteve elektrike për shkak të inflacionit të lartë dhe shkurtimeve të subvencioneve./Media Ndërtimi

Continue Reading

Auto

Nissan tani e tutje do të lansojë vetëm vetura elektrike në Evropë

Published

on

Nissan ka njoftuar se nga tani do të lansojë vetëm automjete plotësisht elektrike në Evropë si pjesë e planeve për të shitur vetëm automjete elektrike në rajon duke filluar nga viti 2030.

“Veturat elektrike janë zgjidhja përfundimtare e lëvizshmërisë. Më shumë se shumë një milion klientë tashmë i janë bashkuar rrugëtimit tonë dhe kanë përjetuar kënaqësinë e një automjeti elektrik Nissan dhe nuk ka kthim prapa tani”, tha presidenti dhe CEO i Nissan, Makoto Uchida, transmeton Telegrafi.

“Automjetet me energji nga burime të rinovueshme janë çelësi për ne që të arrijmë neutralitetin e karbonit, i cili është thelbësor për vizionin tonë Ambition 2030. Nissan do të kalojë në versione tërësisht elektrike deri në vitin 2030 në Evropë – ne besojmë se është gjëja e duhur për të bërë për biznesin tonë, klientët tanë dhe për planetin”./Media Ndërtimi

Continue Reading

Trending