Connect with us

Aktuale

Reagojnë artistët për anulimin e procedurës për “Blerjen e veprave të artit” në vlerë prej 250 mijë €

Published

on

Anulimi i procedurës për “Blerjen e veprave të artit” është veprim përmes së cilit MKRS instrumentalizon 68 artistë për të mbuluar neglizhencën dhe keqmenaxhimin e këtij institucioni ndaj krizës që ka kapluar skenën e kulturës që nga fillimi i pandemisë, në mars të vitit 2020.

Nga maji i vitit 2020, përmes deklarimeve publike, PART ka shprehur domosdoshmërinë që Pakoja Emergjente e zotuar nga Qeveria e Kosovës në mars të po atij viti, të implementohet ashtu siç ka qenë e parashikuar – të intervenojë në dëmet sociale dhe ekonomike të shkaktuara nga kriza pandemike. Pakoja Emergjente asnjëherë nuk është ekzekutuar por është kamufluar me Pakon e Ringjalljes Ekonomike, kapërcim i cili deri tani nuk është i justifikuar nga institucionet publike për artistët dhe publikun.

Kapërcimi jo-transparent i intervenimit emergjent si dhe mungesa e strategjisë së qartë për implementimin e Pakos së Ringjalljes Ekonomike ka krijuar një narrativë ku MKRS tenton që njëkohësisht të ofrojë ndihmë sociale për artistët dhe në anën tjetër të pasurojë ‘Fondin Shtetëror’ me vepra të artit përmes një ‘thirrjeje’ të vetme. Ky synim është i pamundur duke qenë se ndihma sociale dhe pasurimi i fondit shtetëror janë dy procese që kërkojnë qasje, kritere dhe forma vlerësimi të ndryshme nga njëra-tjetra. Kjo politikë në vetvete është kontradiktore dhe si e tillë e ka të pamundur përmbushjen substanciale të të dy qëllimeve, pa sakrifikimin e njërës apo tjetrës. Pikërisht, kjo kontradiktë është shpërfaqur me antagonizmin e shprehur në diskursin publik, pas shpalljes së “veprave të zgjedhura” më datën 8 dhjetor 2021 dhe anulimin e menjëhershëm të saj me datën 10 dhjetor 2021.

Vendimi ad-hoc, i pajustifikuar dhe autoritar i MKRS-së, për anulimin e procedurës “Thirrja publike për blerjen e veprave të artit të artistëve vendor” ka dëmtuar dhe rrezikuar thellësisht kohezionin shoqëror duke shkaktuar antagonizëm në mes artistëve, MKRS-së, dhe publikut, e fuqizuar përmes mbulimit të njëanshëm të çështjes në fjalë nga mediet. Përmes këtij anulimi, në formë indirekte, MKRS e ka delegjitimuar vetveten duke e përmbysë si të parregullt politikën që vet e ka përpiluar. Ndërsa, në formë direkte, ky vendim ka shkaktuar dëmtim të statusit të artistëve, cënim të veprimtarive të tyre artistike si dhe kërcënim të mirëqenies ekonomike në të ardhmen.

Duke u bazuar në të gjithë parametrat që shtjellohen në këtë deklaratë, PART i parashtron MKRS-së kërkesat si mëposhtë:

  1. Kërkojmë nga MKRS që të ofrojë justifikim zyrtar rreth bazës mbi të cilën është marrë vendimi për anulimin e procedurës “Thirrje për blerjen e veprave të artit të artistëve vendorë”.
  2. Kërkojmë që procedura e krijimit të Fondit Shtetëror me vendimin Nr. 11/24, të datës 11.08.2021 të Qeverisë së Republikës së Kosovës të kthehet në fuqi dhe të implementohet siç është deklaruar në thirrjen zyrtare të MKRS-së:

“Pasurimi i fondit shtetëror të artit të Kosovës ka për qëllim ruajtjen dhe mbështetjen institucionale të praktikave artistike multi-disiplinare, që në vetëvete përmbajnë trajta të ndryshme estetike, dhe që tregojnë përkushtim dhe ngrisin në diskutim diskurse të rëndësishme të kohës, duke kontribuar drejt një ekosistemi kulturor të barabartë dhe gjithëpërfshirës në Kosovë. Përmes pasurimit të këtij fondi publiku vendor dhe ndërkombetar do të ketë qasje në vepra artistike bashkëkohore të krijuara në Kosovë.”

  1. Kërkojmë nga MKRS që t’i marrë parasyshë kërkesat e vazhdueshme të artistëve të pavarur dhe të krijojë rregulloren adekuate për të mundësuar intervenim në zbutjen e dëmeve në mirëqenien sociale të shkaktuara nga pandemia. Deklarojmë se ky proces duhet të implementohet ndaras prej politikave të “blerjes së veprave për pasurimin e fondit shtetëror”.

PART (Punëtorët në Art)

PART është lëvizje që ka për qëllim përmirësimin e kushteve materiale dhe të politikave publike në art dhe kulturë. Punëtorët në Art përbëhet nga artistët, hulumtuesit, kuratorët si dhe punëtorët e pavarur kulturorë në Kosovë./Media Ndërtimi.

 

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending