Connect with us

Infrastrukturë

Raporti gjashtë mujor i punës së Përparim Ramës, opozita thotë se kryetari përvetësoi punët e të tjerëve

Published

on

Raporti që “pasqyron të arriturat” e ekipit të kryeqytetit është përcjellur me kritika nga partitë opozitare në Kuvendin Komunal të Prishtinës, pas prezantimit të raportit që e bëri kryetari Përparim Rama.

Kryetari i Prishtinës, Përparim Rama në seancën e kuvendit komunal që është duke u mbajtur të hënën përmendi disa projekte që kanë shënuar angazhimin e tij dhe të ekipit për gjashtë muaj në udhëheqje të kryeqytetit.

Rama fjalimin e tij e nisi duke përmendur projektin e ndërtimit të “Rrugës A”, punimet e të cilës përsëriti se do të fillojnë këtë vit. Pjesa e parë e rrugës do të përfshijë segmentin nga “Veterniku” deri tek vazhdimi i “Rrugës B”.

“Ndër të mëdhatë e projekteve infrastrukturore, është  Rruga ‘A’, e cila do të fillojë punimet këtë vit, duke përfshirë instalimet nëntokësore. Ndërtimi i segmentit të parë do të kushtojë rreth 8.5 milionë euro. Përfunduam për 40 ditë edhe rrugën ‘Muharrem Fejza’. Rruga Rimanisht – Siqevë si dhe dhjetra rrugë tjera periferike që janë në ndërtim e sipër, të gjitha këto do të përfundojnë gjatë muajit tetor. Nënshkruam kredi të butë BERZh-in për projektin e efiçiencës së energjisë në ndërtesat publike, kurse me MMPHI lidhëm marrëveshjen për realizimin e projektit “Unaza e Mesme e Prishtinës’”.

“Me Bankën Botërore dhe SupwrWien kemi nisë diskutimet për zgjatimin e shëtitores ‘Nënë Tereza’. Shumë nga hapësirat, rrugët, trotuaret e sheshet publike janë liruar nga uzurpimi i paligjshëm. Ndër ta është atriumi i Pallatit të Rinisë, tashmë i kthyer në shesh loje për fëmijët. Janë heqë e po hiqen shitësit ambulantë, ndërtesat e braktisura po revitalizohen dhe po profilizohen. Ndër këto vlen të përmenden Tullëtorja, ish-bibilioteka ‘Hivzi Sulejmani’, si dhe ish-kinema Rinia, që kthehet në pronësi të Kryeqytetit” – tha kryetari Rama.

I pari i Prishtinës në raportin e tij të punës e ka të përmendur edhe krijimin e Zyrës së Arkitektit të Qytetit.

Për këtë çështje, i janë kushtuar tri fjali në raportin e punës ku thuhet vetëm se “janë identifikuar nevojat e shërbimeve inxhinierike/investive. Janë përpiluar termat e referencës konform nevojave të identifikuara. Lënda është në proces të prokurimit”.

Kallxo.com ka raportuar me 6 gusht 2022 se Komuna e Prishtinës e cila udhëhiqet nga një arkitekt, ka hapur tender për “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës”.

“Ka filluar procesi për caktimin e Arkitektit të Qytetit, me Policinë e Kosovës kemi vendimin e përbashkët për vëzhgimin me kamera të hapësirave publike, është vënë në binarë edhe procesi për ndërtimin e Spitalit të Kryeqytetit, të Pallatit të Operas dhe Baletit, tre soliterat ikonikë me dy ndërtesat shoqëruese shumëbanesore po rinovohen, projekti HeatSave i Termokosit po ec mbarë, procesi për një revilatizim dinjitoz të Tregut të Gjelbër është inicuar, kemi ndarë lokacionin për Liceun Artistik dhe kemi bërë ndërhyrje infrastrukturore në shumicën e shkollave në gjithë terrirorin e Komunës, kemi subvencionuar shtimin e serrave në zonat rurale, kemi të dhëna empirike për jetësimin e Unazës së Brendshme të qytetit, si dhe po i shtojmë bashkësitë lokale në fshatra e në lagje të qytetit” – tha tutje kryetari Rama.

Raportin e plotë mund ta lexoni në këtë LINKGëzim Sveçla, shefi i grupit të asamblistëve të Lëvizjes Vetëvendosje (LVV), e ka quajtur “raport kozmetik pa përmbajte”. Sipas tij në këtë raport, kryetari Rama ka marrë merita për punët e të tjerve.

Sveçla tha se festivalet të cilat në raport janë përmendur si punë të kësaj qeverisje, janë festivale që ndër vite janë zhvilluar në kryeqytet./Media Ndërtimi.

Infrastrukturë

Pse markat e makinave luksoze po ndërtojnë rrokaqiej?

Published

on

Në 18 muajt e fundit kemi parë një mori rrokaqiejsh të prezantuar nga prodhuesit e makinave luksoze duke përfshirë Bentley, Mercedes-Benz dhe Aston Martin.

“Tifozët e markës nuk duhet të jenë vetëm në gjendje të ngasin një Porsche, ata duhet të jenë në gjendje të jetojnë në një të tillë”, tha CEO i Porsche Lifestyle Group Stefan Buescher për vendimin e markës për të lëvizur në pasuri të paluajtshme.

Përderisa pronat e paluajtshme janë qartësisht fitimprurëse, kompanitë e makinave kanë motive të tjera për ndërtimin e rezidencave, të cilat janë qartësisht të markës.

Aston Martin Residences – një rrokaqiell 66-katësh në Miami, ka përfunduar së ndërtuari këtë muaj.

Markat luksoze të automobilave nuk e fshehin faktin se gjithnjë e më shumë duan të jenë shumë më tepër për klientët e tyre sesa thjesht prodhues të automjeteve.

Porsche mund të bëjë një pretendim të fortë se ka filluar trendin, duke zbuluar planet për Kullën e Dizajnit Porsche 198 metra të gjatë – e kompletuar me ashensorë makinash – në 2013 dhe duke përfunduar projektin e Miami në 2017. Një projekt i dytë sapo ka përfunduar në Shtutgart.

Markat luksoze të të gjitha llojeve po diversifikohen, por kjo ide për të qenë aspekti përcaktues i jetës së konsumatorit ka peshë të veçantë midis prodhuesve të makinave, sipas ekspertit të industrisë Andrew Graves.

Pavarësisht ngjashmërive të dukshme, ata që qëndrojnë pas rezidencave të markës së makinave janë të prirur të theksojnë veçantinë e projektit të tyre.

Secili është përpjekur të përshkruajë se si arkitektura pasqyron etikën e projektimit të makinave përkatëse, duke përdorur shpesh terma të paqartë si “performancë”, “mjeshtëri” dhe “ADN”./Media Ndërtimi

Continue Reading

Infrastrukturë

Icon është afër përfundimit të ndërtimit të lagjes më të madhe në Amerikë me beton 3D  

Published

on

Kompania me bazë në SHBA për printimin e betonit 3D, Icon, njoftoi se është afër përfundimit 100% të nënndarjes së saj Wolf Ranch, e cila përfshin 100 shtëpi të printuara me beton pranë Austin, Teksas, SHBA.

Duke përdorur robotin e tyre të printimit Vulcan 3D të stilit të portave, ICON thotë se ka pastruar shenjën e 90 njësive në Georgetown, Teksas, në mes të një bashkëpunimi me ndërtuesin amerikan të shtëpive Lennar. Shtëpitë u koduan nga Icon dhe Bjarke Ingels Group, një firmë shumëkombëshe projektimi.

Padgett tha se qëllimi i shtëpive të printuara me beton të Icon është të ofrojnë çmime konkurruese për shtëpitë e një familjeje; Kursimet në kohë dhe materiale nga procesi i mbajnë çmimet e shtëpive në ose nën mesataren rajonale.

Shtëpitë në Wolf Ranch, të cilat variojnë në madhësi nga rreth 1,850 metra katrorë (172 m2), fillojnë nga rreth 430,000 dollarë amerikanë. Vulcan mund të printojë struktura deri në 3000 sq ft (279m2) brenda kornizës së tij gati 16-ft (4,9m) nga 47-ft (14m).

Duke supozuar se kostot mund të qëndrojnë atje, duhet të jetë një treg produktiv në Teksas – veçanërisht Georgetown jashtë Austin – i cili është një nga rajonet me rritje më të shpejtë në vend./Media Ndërtimi

Continue Reading

Infrastrukturë

Me tenderë njëburimorë, këta pronarë do t’i gëzojnë së shpejti shtëpitë e reja në veri

Published

on

Ministria e udhëhequr nga ministri Liburn Aliut, Ministria e Mjedisit, Planifikimit Hapësinor dhe Infrastrukturës, vazhdon të japë tenderë njëburimorë.

Për ndërtimin dhe renovimin e shtëpive në veri në të dy tenderët ka vazhduar me procedurë të negociuar, shkruan Indeksonline.

Me procedurë të negociuar pa publikim të kontratës për ndërtimin dhe renovimin e shtëpive në pjesën veriore të Mitrovicës ka shpërblyer dy kompani.

Sipas dosjes së tenderit të publikuar në platformën E-prokurimi për ndërtim të 11 shtëpive e ka shpërblyer me kontratë kompaninë “Limitproject Sh.P.K” me vlerë të kontratës mbi 63 mijë euro.

Lista e pronarëve të cilëve do të iu ndërtohet shtëpia.

Po ashtu edhe për renovimin e 4 shtëpive në veri të vendit me procedurë të negociuar pa publikim të kontratës kjo ministri e ka shpallur fituese kompaninë “Able Group Sh.P.K nga Prishtina me vlerë të kontratës 18 mijë e 255 euro.

Continue Reading

Trending