Connect with us

Infrastrukturë

Rama njofton se për 1 muaj e gjysmë përfundon rregullimi i rrugës “Muharrem Fejza”

Published

on

Janë zhvendosur kiosqet në rrugën “Muharrem Fejza”, në Prishtinë.

Nga sot, për 40 ditë pritet të përfundojë rregullimi i kësaj rruge.

I pranishëm në inspektimin e procesit të zhvendosjes së kiosqeve është edhe kryetari i Prishtinës, Përparim Rama i cili tha se gjendja e asaj rruge deri më tani ka qenë katastrofike, raporton Indeksonline.

“Kemi ardhë deri te negociata, jemi duke bërë zhvendosjen e këtyre kabinave që do të na lejon përfundimin e rrugës Muharrem Fejza deri te në pikën ku është hap, e gjithë ajo që është me zhavor. Krejt rruga deri tani ka qenë në një gjendje të keqe, gjendje katastorfale, e ne kemi marrë masat e menjëhershme për me shtru me zhvor sepse gjatë kohës me temperaturë përfundi 0 gradë nuk mundesh me kry punë tjera. Po ashtu edhe kohërave me të reshura, me shi e me bore nuk janë kushtet për zhvillim të rrugëve. I kemi edhe 39 ditë prej sot që do ta përfundojmë gjithë rrugën Muharrem Fejza. Më pastaj vazhdojmë me analizën e gjendjes ekzistuese edhe me kanalizimet”, thotë Rama.

Kryetari Rama njoftoi se tash e tutje çdo projekt që bëhet do të planifikohet në mënyrë të mirëfilltë.

“Më mirë me planifiku pak më gjatë që kur të fillon zhvillimi i projektit mos të ketë probleme, puna shkon më shpejtë pastaj. Kështu do jetë tash e tutje në Prishtinë”, thotë ai./Media Ndërtimi.

Infrastrukturë

Proceset teknologjike të trajtimit të ujit nga Kompania Rajonale e Ujësjellësit “Prishtina”

Published

on

Uji fillestar merret direkt nga liqeni me pompa dhe dërgohet në Impiantet e trajtimit të ujit, me ç’rast i nënshtrohet proceseve teknologjike për trajtim.

Proceset teknologjike janë: paraoksidimi i cili bëhet me klor të gaztë për t’i oksiduar materiet organike dhe inorganike. Procesi pasues është ajrimi, qëllimi i të cilit është pasurimi me oksigjen, largimi i erës, shijes dhe oksidimi i manganit dhe hekurit.

Koagolimi është procesi i radhës i cili ka për qëllim kthjellimin e ujit.

Për t’u larguar këto papastërti, rol të rëndësishëm ka flokulimi që është proces kimik që si kemikat përdoret polielektroliti. Grimcat e formuara ndalen përmes procesit të filtrimit, ku ky proces është mjaft i rëndësishëm për pastrimin e ujit që është i përbërë prej rëre dhe antracidit ose karbonit aktiv.

Nga filtrat uji shkon në rezervuar grumbullues dhe i nënshtrohet procesit të dezinfektimit ose klorizimit dhe është i gatshëm për pije.

Sasia e klorit në ujë prej rezervuarit duhet të del 0.5 miligram për litër dhe te konsumatori i fundit nuk duhet të jetë më pak se 0.2 miligram për litër.

Kjo sasi është e mjaftueshme si preventivë gjatë rrugëtimit të tij nëpër gypa shpërndarës, pra si preventivë për kontaminim.

I tërë ky proces përcillet me analiza fiziko-kimike dhe bakteriologjike që duhet të jenë brenda kufijve të lejuar për ujin e pijshëm sipas Udhëzimit 10 /2021, për konsum njerëzor./Media Ndërtimi.

Continue Reading

Infrastrukturë

Lipjani nis hartimin e Planit Zhvillimor Komunal për periudhën 8 vjeçare

Published

on

Në sallën e Kuvendit të Komunës, të enjten është mbajtur takimi i parë mes përfaqësuesve të Komunës së Lipjanit dhe kompanisë së angazhuar për përkrahje profesionale për fillimin e hartimit të Planit Zhvillimor Komunal për periudhën e ardhshme 8 vjeçare.

Me këtë rast, Kryetari i Komunës së Lipjanit Imri Ahmeti, ka thënë se është i hapi parë i angazhimit tonë në hartimin e Planit Zhvillimor Komunal, andaj kërkoj angazhimin maksimal të të gjithë akterëve të përfshirë në këtë aktivitet në mënyrë që ky plan të jetë sa ma i sakte dhe sa më kredibil, një plan që do të na ndihmonte shumë në zhvillimin e gjithmbarshëm të Komunës së Lipjanit.

Kryetari Imri Ahmeti po ashtu ka theksuar se gjatë procesit të hartimit të Planit do të ketë sfida të ndryshme por jam i bindur që edhe me ndihmën profesionale të kompanisë dhe kontributin tonë,  në fund do ta kemi një dokument që i plotëson nevojat e qytetarëve të Komunës së Lipjanit dhe me të cilin synohet vazhdimi i hapjes së perspektivave  zhvillimore për një zhvillim sa më gjithëpërfshirës dhe të ekuilibruar brenda territorit të Komunës së Lipjanit

Ndërsa, drejtori për Planifikim dhe Urbanizëm, Imri Semetishti, tha se Plani Zhvillimor Komunal është akti më i lartë i planifikimit hapësinor në nivel lokal një plan strategjik multisektorial me të cilin përcaktohen caqet e zhvillimit hapësinor, ekonomik dhe social.

Drejtori Semetishti ka potencuar se me Planin Zhvillimor Komunal planifikohet zhvillimi hapësinor në kontekst të ndryshimeve të bëra dhe harmozimin e tyre me nevojat reale dhe mundësitë për të arritur kushte optimale të zhvillimit dhe organizimit hapësinor dhe të ndërtimit në territorin e Komunës së Lipjanit. Ai po ashtu ka thënë se qëllimi i hartimit të planit nuk është vetëm përmbushja e një detyrimi ligjor, në fakt ne si komunë qëllim themelor kemi që të zhvillojmë një plan jo ideal por  një plan real me objektiva të qarta dhe të mundshme për zbatim.

Nga ana tjetër, Isamil Baftiari, përfaqësues i Institutit për Shkencë dhe Teknologji, është shprehur i nderuar që i’u është besuar puna për hartimin e këtij dokumenti shumë të rëndësishëm të komunës. Ai me tej ka bërë një prezantim të hapave për zhvillimin e dokumentit dhe angazhimeve që priten në të ardhmen./Media Ndërtimi.

Continue Reading

Infrastrukturë

Në fundjavë bëhet pastrimi gjeneral i një rruge në Bregun e Diellit

Published

on

Të shtunën, më 1 tetor 2022, nga ora 09:00, do të bëhet pastrimi gjeneral i rrugës “Qazim Bobaj” me parkingjet përreth, rrugët lidhëse, si dhe hapësirat tjera publike në këtë zonë.

Më pas do të bëhet edhe pastrimi i sipërfaqeve të gjelbëruara në këto hapësira.

U bëjmë thirrje banorëve të lagjes që në këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare për të mos penguar në realizimin e punimeve.

Lusim qytetarët tanë të bashkëpunojnë, sepse në rast të mos respektimit të këtij njoftimi nuk do të marrim përgjegjësi për dëmtime të veturave apo mjeteve tjera motorike në këto rrugë dhe hapësira tjera publike të kësaj zone./Media Ndërtimi.

Continue Reading

Trending