Connect with us

Ndërtim

QKUK-së i kushtoi mbi 2.2 milionë euro ndërtimi i aneksit të Klinikës së Ortopedisë që nuk i plotëson kushtet sanitare

Published

on

Mbi 2.2 milionë Euro i kanë kushtuar QKUK-së katër sallat e operacionit të cilat u mbyllën nga inspektorati sanitar për shkak të mungesës së kushteve tekniko-sanitare, vetëm disa ditë pasi u hapën nga menaxhmenti i SHSKUK-së.

Projekti ka filluar në vitin 2019 në kohën kur Shërbimi Spitalor Klinik Universitar udhëhiqej nga ish-drejtori Basri Sejdiu. Tenderin e kishte fituar kompania “Ada Consulting Group” në vlerë 2 milionë e 209,447 Euro, shkruan Gazeta Shneta.

Por ndërtimi i aneksit në Klinikën e Ortopedisë i paraparë si bllok operativ për këtë njësi me katër salla të operacionit, nuk po i plotëson kushtet tekniko-sanitare.

Së paku kështu ka konstatuar ekipi i Agjencisë së Ushqimit dhe Veterinës gjatë javës së kaluar. Ky organ vendosi që t’i mbyllë sallat vetëm disa ditë pasi ato u hapën nga menaxhmenti i SHSKUK-së në një ceremoni ku mori pjesë edhe ud. drejtoresha e përgjithshme Pranvera Zejnullahu-Raçi.

“Hapësirat e këtij blloku operativ nuk i plotëson kushtet teknike sanitare dhe higjienike për ushtrim të veprimtarisë si sall operative. Korridori që lidhë bllokun operativë me dhomat është punuar nga materiali qe nuk është higjienik. Disa nga pajisjet janë të vjetruara-dëmtuara dhe koroduara. Dyshemeja është pjesërisht e dëmtuar. Ka mungesë të ujit të ngrohtë rrjedhës. DDD nuk është kryer në të gjitha hapësirat. Nuk ka qenë i mirë pastrim gjeneral, i cili do të mundësonte nivel të mirë higjienikë. Për të gjitha këto  të gjeturat është njoftuar drejtori i kësaj klinike. I cili njëkohësisht është informuar me ndryshimet të cilat duhet të bëhen për tu arritur niveli i plotësimit të kushteve për lëshim të serishëm në punë”, kanë konstatuar ekipa e AUVK-së.

Në këtë njësi poashtu ende nuk është përfunduar edhe nënstacioni i oksigjenimit qendror dhe sallat planifikohet të furnizohen me oksigjen përmes bombolave të cilat vendosen pranë makinave të anestezionit në sallat përkatëse.

Gazeta Shneta ka kërkuar sqarime nga SHSKUK për të gjitha këto çështje, por drejtoria nuk ka kthyer përgjigje. Sqarime janë kërkuar edhe nga kompania “Ada Consulting”, por as nga kjo kompani nuk kanë dhënë përgjigje.

Gazeta ka adresuar disa pyetje tek “Ada Consulting” në lidhje me përmbushjen e kontratës së tyre, përfundimin e punimeve, materialet e përdorura të cilat nuk janë higjienike siç kanë konstatuar inspektorët sanitar, mosvendosjen e nënstacionit të oksigjenit, por për asnjërën nga këto çështje nuk kanë dhënë sqarime. /Media Ndërtimi.

Ndërtim

Kanada do të ndërtojë impiantin për të furnizuar mbi 300,000 shtëpi me energji elektrike

Published

on

Kompania e infrastrukturës Aecon dhe inxhinieri SNC-Lavalin kanë nënshkruar një marrëveshje për të ofruar atë që ata pretendojnë se do të jetë reaktori i parë i vogël modular i shkallës së rrjetit të Amerikës së Veriut (SMR).

Filiali i SNC Lavalin, Candu Energy, ka hyrë në një marrëveshje me Ontario Power Generation (OPG) për Projektin e Ri Bërthamor Darlington.

Projekti synon të vendosë BWRX-300 SMR të General Electric Hitachi (GEH) Energy përpara fundit të dekadës.

Aecon, SNC-Lavalin dhe GEH kanë nënshkruar një marrëveshje gjashtëvjeçare me OPG dhe do të punojnë sipas një modeli të ofrimit të projektit të integruar (IPD). Sipas marrëveshjes, GEH do të zhvillojë teknologjinë për centralin e vogël bërthamor, duke projektuar dhe furnizuar komponentët kryesorë. SNC-Lavalin do të shërbejë si arkitekt dhe inxhinier, transmeton Ndërtimi.info

Aecon do të ofrojë të gjitha shërbimet e ndërtimit, duke përfshirë menaxhimin e projektit dhe planifikimin e ndërtimit.

Impianti i ri 330 MWe do të prodhojë mjaftueshëm energji elektrike për të furnizuar mbi 300,000 shtëpi.

Në tetor 2022, Banka shtetërore e Infrastrukturës së Kanadasë (CIB) ra dakord të angazhojë 970 milionë dollarë kanadezë (715 milionë dollarë amerikanë) për projektin./Media Ndërtimi.

Continue Reading

Ndërtim

Nis zgjidhja e problemit për ndërtimin e Spitalin Rajonal të Ferizajt  

Published

on

Ministri i Shëndetësisë, Arben Vitia, ka treguar se kanë filluar të zgjidhen problemet rreth ndërtimit të Spitalit Rajonal të Ferizajit.

“Spitali i Ferizajit ka filluar të ndërtohet me shumë probleme, më në fund në javën e kaluar u zgjidh një nyje dhe po pritet të zgjidhet edhe nyja tjetër” ka thënë Vita për emisionin Context.

Ministri Vitia ka bashkëbiseduar me kryetarin e komunës së Ferizajt për zgjidhjen e problemeve, ku me mbarimin e këtyre problemeve të fillojë edhe procesi i ndërtimit të spitalit.

“Sot kam komunikuar me kryetarin e komunës së Ferizajt Agim Aliu, ku javën tjetër do të kemi një takim ku do t’i tregojë për zgjidhjen e kësaj nyje, ku bashkërisht Ministra e Shëndetësisë dhe Komuna e Ferizajt, më në fund edhe spitalin do të zgjidhet nyja dhe do të vazhdojë procesi i ndërtimit” ka thënë Vitia.

Poashtu Vitia ka thënë që nuk duhet të përqendrohet vetëm në QKUK por edhe në investimet e spitaleve regjionale.

“Edhe mos të harrojmë se sistemi shëndetësor në Republikën e Kosovës nuk është vetëm QKU-ja i ke edhe spitalet regjionale ku brenda nuk ka as ndriçimit e as rrugë adektuate të shtruar, e të gjitha këto janë në këtë planin e veprimit të cilat janë intervenime për me u rrit edhe siguria natyrisht por edhe qasja më e lehtë e qytetarëve në shërbimet shëndetësore nëpër këto institucione publike” tha Vitia.

Ndërtimi i këtij spitali ka filluar që nga viti 2018, ndërsa vlera totale e projektit fillestar ishte 10 milionë euro, ku më vonë kësaj kontrate përmes ankesave i ishin shtuar edhe rreth 1 milion euro të tjera për punë shtesë.

Më vonë kanë kërkuar edhe mbi 5 milionë euro të tjera për përfundimin e projektit.

Ministri e Shëndetësisë kishte bërë kallxim penal kundër kompanisë “Arbëria” që ka kontratë për ndërtimin e spitalit të Ferizajt me pretendimin se kjo kompani ka fituar kontratë me çmime manipulative, në atë mënyrë që çmimet e punëve fillestare janë vendosur shumë më të larta se çmimet reale në treg./Media Ndërtimi.

Continue Reading

Ndërtim

Viti 2023 fillon me ‘vrull pozitiv’ për industrinë e ndërtimit

Published

on

Ndërtimi total botëror u rikuperua në dhjetor i vitit që lamë pas, për të rezultuar me një fitim prej 27% për një normë vjetore të rregulluar sezonalisht prej 1.185 trilion dollarë.

Sektori i ndërtimit u drejtua nga ndërtimi i objekteve jorezidenciale, të cilat u rritën në 549.6 miliardë dollarë në bazë vjetore të rregulluar sezonalisht, një rritje prej 51% nga nëntori.

Ndërtimet të cilat përfshijnë projekte infrastrukturore si rrugë dhe ura, si dhe shërbime komunale dhe tubacione, u rritën gjithashtu me 30%, në 281.4 miliardë dollarë, ndërsa fillimet e ndërtimit të banesave ishin të sheshta.

Për gjithë vitin 2022, fillimet totale të ndërtimit ishin 15% më të larta se një vit më parë.

Ndërtesat jorezidenciale, pronat komerciale dhe impiantet – fituan 38% nga viti në vit, ndërsa sektori jo-ndërtues shënoi një rritje prej 19%. Nisjet për banim, të dëmtuara nga normat më të larta të hipotekave, ranë me 3% për vitin./Media Ndërtimi.

Continue Reading

Trending