Connect with us

Aktuale

Qendra për trajtimin e kafshëve në Hajvali pritet të funksionalizohet brenda pak ditësh

Published

on

Qentë endacakë rrezikojnë banorët e kryeqytetit. Prezenca e tyre nëpër rrugët e kryeqytetit është bërë diçka e zakonshme, ndërsa Komuna e Prishtinës e ka gati qendrën për trajtimin e kafshëve në Hajvali.

Menaxheri i Qendrës së Trajtimit të qenve endacakë, Habib Qorri, ka deklaruar për Ekonomia Online, se si pasojë e motit të ligë, janë detyruar t’i ndërpresin punimet.

Kjo qendër, sipas tij do të jetë në funksion shumë shpejtë dhe se kanë mbetur disa punë të lehta brenda objektit.

“Qendra për trajtimin e kafshëve, më saktësisht të qenve endacakë, është të them në fazën finale të realizimit të punimeve”.

Ai tregon se për shkak të temperaturave të ulëta, janë disa punë ndërtimore të cilat janë ndalë për shkak se kërkohen kushte klimatike më optimale për t’u përfunduar. “Në temperatura nën zero ato punë veç dështojnë, kështu që nuk kemi guxuar të vazhdojmë. Janë shumë të ndjeshme sidomos pjesa e dyshemesë që është material shumë i ndjeshëm. Pra, jemi në finalizim të punëve brenda qendrës, domethënë jemi krejt në përfundim të punëve”, ka deklaruar Qorri.

Ai shton se bashkëpunim kanë edhe me Agjencinë e Veterinës dhe Ushqimit.

“Ne jemi në bashkëpunim të ngushtë me institucionin e veterinarisë, dhe do t’iu përshtatemi të gjitha kushteve dhe specifikave të cilat kërkohet sipas udhëzimeve administrative dhe Ligjit për Përkujdesjen ndaj Kafshëve të cilat janë në fuqi. Në bazë të tyre, ne duhet të përgatisim edhe funksionalizimin e qendrës, mandej përgatitja e stafit për arsye se ne kemi pasur kontrata të gatshme me operatorët të cilët i kanë plotësuar të gjitha kushtet për t’u marrë me këtë veprimtari që edhe tani kemi kontrata të tilla në realizim. Mirëpo që ne drejtpërdrejt të merremi me këtë proces, s’kemi brenda komunës kuadro të gatshme. Kështu që të gjitha këto janë duke u bërë përgatitje pas përfundimit të punëve ndërtimore, të vijë faza e funksionalizimit të qendrës”, u shpreh Qorri.

E kostoja e kësaj qendre kap shifrën e afër 250 mijë eurove.

“Komplet ndërtimi i qendrës me të gjitha punët ndërtimore, është 249 mijë euro kontrata dhe si e tillë është veç pa punë shtesë, vetëm ashtu si ka qenë projekti është realizuar. Tash jemi duke e bërë një përshkrim të punëve për arsye se ne deri më tani kemi pasur operatorë të cilët i kanë plotësuar të gjitha kriteret dhe ne jemi marrë vetëm me menaxhimin, monitorimin e punës së operatorëve, kurse tash ne do t’i marrim të gjithë edhe stafi që do të merret me kapjen e qenve edhe ata që do të merren me mirëmbajtjen e qendrës, pastrimit, ata që do të merren me trajtimin që duhet të jetë së paku një veterinar dhe dy ndihmës të profesionit të njëjtë, të profilit të njëjtë kështu që jemi duke e bërë një përshkrim të pozitave të punës, mandej është edhe sigurimi, është një numër i konsiderueshëm i stafit që duhet kompletuar, për të funksionalizuar qendrën”, u shpreh ai.

Teksa ka folur për funksionimin e kësaj qendre, Qorri tha se një veteriner do të përkujdeset për 8 qen brenda ditës. Thotë se do të kenë kapacitete të mjaftueshme.

“Kapaciteti është i mjaftueshëm ashtu siç parashihet me udhëzime administrative për arsye se aty vazhdimisht duhet të kemi një veterinar, varësisht prej nevojës mund të rritet kapaciteti për intervenime mirëpo, sipas përvojës që kemi deri më tani operatorët që kemi pasur një veterinar mund të trajtojë 7 deri në 8 qen brenda ditës, aty nëse çdo ditë trajtohet një numër i tillë qysh kemi pasur, gjithmonë i referohem përvojës që kemi pasur deri më tani që është një përvojë goxha e mirë dhe e suksesshme se janë kryer të gjitha punët ashtu siç kanë qenë të planifikuara dhe të parapara me udhëzimet administrative që janë në fuqi”, deklaroi Qorri./Media Ndërtimi

Aktuale

Mbahet dëgjim publik për restaurimin dhe ndërtimin e kompleksit memorial “Masakra e Reçakut”

Published

on

Nga Departamenti i Shpronësimit pranë Ministrisë së Mjedisit, Planifikimit Hapësinor dhe Infrastrukturës, sot në Shtime u mbajt dëgjimi publik për shqyrtimin e mëtejmë të kërkesës për shpronësim për interes publik të pronave të paluajtshme të pronarëve dhe zotëruesve në interes, të cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.

Në këtë takim mori pjesë edhe kryetari i Komunës së Shtimes, Qemajl Aliu i cili tha se me vullnet të Qeverisë së Kosovës, dhe kërkesave të vazhdueshme nga Komuna e Shtimes ky projekt tanimë do të realizohet. “Do t’a nxjerim më të mirën e mundshme për këtë projekt dhe do të ecim para”, tha Aliu.

Ndërsa përfaqësuesit nga Departamenti i Shpronësimit-MMPHI dhe përfaqësuesit nga Agjensioni i Memorialeve të Kosovës, bënë të ditur pronat të cila do të shpronësohen e të cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.

Nga ana tjetër edhe qytetarët e pranishëm në këtë takim, që kryesisht ishin nga fshati Reçak patën kërkesat e tyre, të cilat i adresuan te përfaqësuesit e këtyre institucioneve./Media Ndërtimi

Continue Reading

Aktuale

Skica e ndërtimit të Pallatit të Rinisë, tashmë edhe në versionin i BIM

Published

on

Ndërtuar mbi skicat dhe vizatimet origjinale, versioni i BIM-izuar (Building Information Modeling) i Pallatit të Rinisë e ka kthyer këtë ikonë të qytetit në ndërtesën e parë digjitale në vend.

Në këtë mënyrë, të gjitha informacionet e nevojshme mbi çfarëdo detaji konstruktiv, cilindo dimension dhe çdo të dhënë tjetër të rëndësishme, është e qasshme menjëherë dhe në çdo kohë, shkruan në njoftimin e Agjencisë këshillimore Shërbimi i Arkitektit të Kryeqytetit.

Kjo bën të mundur që, për çfarëdo ndërhyrjeje të nevojshme, institucionet komunale dhe palët tjera të interesit, ta kenë informacionin e plotë dhe qind për qind të saktë.

Duke i digjitalizuar ndërtesat publike, të gjitha ndërhyrjet e nevojshme dhe kostot e tyre, mund të dihen në avans. Po ashtu, për çdonjërën ka një historik, i cili ruhet dhe nuk mund të tjetërsohet.

Kjo do të jetë Prishtina digjitale./Media Ndërtimi

Continue Reading

Aktuale

‘Muret janë përgjigja e gabuar arkitekturore ndaj migrimit masiv’, thotë arkitektja meksikane Carrillo

Published

on

Muret janë përgjigja e gabuar arkitekturore ndaj migrimit masiv dhe dhunës në qytetet kufitare, thotë arkitektja meksikane Gabriela Carrillo.

“[Emigrantët] po ikin nga çështje shumë komplekse në vendet nga janë,” deklaroi në një intervistë për Dezeen, fituesja e Çmimit Dorfman të Akademisë Mbretërore 2023 Carrillo.

“Ne besojmë se ky fenomen ka ndikim në qytetet dhe arkitekturën dhe mënyrën e banimit.

Duhet të ketë burime që mund të lehtësojnë vërshimin e njerëzve që janë pjesë e botës sonë sot – jo vetëm në Meksikë, por kudo”, shtoi ajo.

Infrastruktura dhe shërbimet sociale në qytetet kufitare të Amerikës së Veriut janë nën presion të vazhdueshëm mes një rritjeje të dukshme të migrimit, veçanërisht nga Meksika në SHBA, me gati 2.5 milionë njerëz që përpiqen të kalojnë në vitin 2023.

Carrillo tha se meksikanët po ikin gjithnjë e më shumë “krizës humanitare të fatkeqësive natyrore dhe zhvendosjeve të detyruara për shkak të dhunës”.

Shumë nga emigrantët që tentojnë të kalojnë në SHBA janë nga vende të tjera përveç Meksikës dhe shpesh përfundojnë të mbërthyer dhe të varfër në qytetet kufitare meksikane pasi u larguan nga forcat amerikane të sigurisë.

Megjithatë, Carrillo vuri në dukje gjithashtu se projektet e mëdha arkitekturore nuk janë gjithmonë zgjidhja më e mirë.

“Operimi, mirëmbajtja, organizimi i një projekti në shkallë më të gjerë kërkon logjistikë më komplekse,” tha ajo.

Ajo beson se një pjesë e instinktit për të përdorur muret si masë sigurie është më shumë një çështje zakoni sesa e rrënjosur në idetë për arkitekturën apo urbanizmin.

“Problemi është se ne jemi mësuar dhe përsërisim veprime; ne e përsërisim atë arkitekturë dhe ne përsërisim atë mënyrë të të bërit arkitekturë. Kjo ide e ndërtimit të madh është gjithashtu ideja e një bote kapitaliste dhe perëndimore, por ne kemi një mundësi për të rikrijuar veten. Ka shumë optimizëm pas punës sonë.”, tha Carrillo./Media Ndërtimi

Continue Reading

Trending