Grupi i konservimit Docomomo dhe UNESCO kanë thënë se janë “thellësisht të shqetësuar” për shkatërrimin e ndërtesave të trashëgimisë në Ukrainë pas pushtimit nga Rusia.

Në një postim të shkruar nga qyteti ukrainas i Kharkiv, një anëtar i paidentifikuar i grupit ndërkombëtar të ruajtjes Docomomo shpjegoi se si ndërtesat e qytetit po shkatërroheshin ndërsa trupat ruse pushtuan qytetin.

“Kjo nuk është vetëm një katastrofë humanitare, jo vetëm një krim lufte, por edhe shkatërrim barbar i trashëgimisë arkitekturore të qyteteve të Ukrainës, kujtesës dhe kulturës sonë”, thuhet në postimin e Docomomo.

Të paktën 30 objekte të trashëgimisë kulturore janë dëmtuar rëndë gjatë bombardimeve ruse në tentim për ta pushtuar Ukrainën/

Qyteti në Ukrainën lindore është bombarduar rëndë nga trupat ruse, me ndërtesa duke përfshirë një teatër opere, sallë koncertesh dhe zyra qeveritare që thuhet se janë goditur nga predha. Në përgjigje, presidenti ukrainas Volodymyr Zelensky ka thënë se sulmet janë krime lufte.

Anëtari i ekipit të Docomomo beson se “të paktën 30 vende të trashëgimisë të listuara janë shkatërruar ose dëmtuar rëndë” në qytet.

Që nga fillimi i pushtimit, shumë arkitektë, projektues dhe organizata kulturore kanë treguar solidaritet me Ukrainën. Dizajnerët kanë krijuar ilustrime për të treguar solidaritet me vendin.

Si përgjigje, shumë studio të mëdha arkitekturore, duke përfshirë studiot në Mbretërinë e Bashkuar Zaha Hadid Architects dhe Foster + Partners, dhe studio holandeze MVRDV, janë tërhequr nga puna në Rusi.