Connect with us

Infrastrukturë

Pse kontestohet shpronësimi në veri?

Published

on

Qeveria e Kosovës ka filluar procesin e shpronësimit në Komunën e Leposaviqit dhe atë të Zubin Potokut në mesin e muajit janar, kur një pjesë të tokës e ka shpallur “pronë të paluajtshme me interes të veçantë publik, e cila është e nevojshme për realizimin e projekteve infrastrukturore me interes publik”.

Më 2 shkurt, ka miratuar një vendim, me të cilin ka autorizuar Ministrinë e Mjedisit, Planifikimit Hapësinor dhe Infrastrukturës që “të kryejë punë përgatitore për të përcaktuar përshtatshmërinë potenciale të një ose më shumë parcelave të patundshmërisë, për realizimin e projekteve infrastrukturore me interes publik”.

Në fshatin Dren, ndërkohë, kanë filluar punimet për ndërtimin e stacionit të Policisë Kufitare të Kosovës – gjë të cilën popullata vendase e ka kundërshtuar me protesta.

Asokohe, Policia e Kosovës i ka thënë REL-it se qëllimi i ndërtimit të këtij stacioni është “të garantojë sigurinë e qytetarëve, të menaxhojë kufirin dhe të parandalojë kontrabandën në atë rajon”.

Pasi banorët kanë penguar vazhdimin e punimeve me protesta, Qeveria e Kosovës, në mes të shkurtit, ka mbajtur debate publike në Leposaviq dhe në Zubin Potok, ku janë dëgjuar akuza për shkelje të procedurave ligjore nga autoritetet qendrore.

Banorët, toka e të cilëve është objekt i shpronësimit, e kanë ngritur këtë çështje edhe në Gjykatën Themelore dhe atë të Lartë në Prishtinë.

Avokati i tyre, Nebojsha Vllajiq, ka thënë në debate publike se vendasit nuk mund të bien dakord për një çështje me rëndësi publike, nëse nuk u thuhet zyrtarisht se çfarë do të ndodhë me lokacionin që është objekt i shpronësimit. Sipas tij, i gjithë procesi është jotransparent.

REL-i e kontaktoi Vllajiqin më 15 maj, por ai refuzoi të flasë me arsyetimin se Zyra për Kosovën në Qeverinë e Serbisë, e cila e ka angazhuar, është përgjegjëse për deklaratat lidhur me shpronësimin.

Nga kjo zyrë, deri në publikimin e këtij teksti, nuk pranuan të japin ndonjë deklaratë.

Përndryshe, shpronësimi në veri është kundërshtuar edhe nga Lista Serbe – partia më e madhe e serbëve në Kosovë – e cila ka mbështetjen e Beogradit zyrtar.

Zyra e Bashkimit Evropian në Kosovë u ka bërë thirrje autoriteteve të Kosovës që “t’i respektojnë me përpikëri procedurat ligjore lidhur me shpronësimin e pronës së paluajtshme” dhe të sigurojnë respektimin e të drejtave pronësore të pronarëve.

Shqetësim ka shprehur edhe për “krijimin e bazave të Policisë së Kosovës në tokën private dhe shoqërore – në disa raste edhe para fillimit të procedurës së shpronësimit”.

Paraprakisht, raportuesja e Parlamentit Evropian për Kosovën, Viola von Cramon, ka reaguar me mesazhin se është në dijeni me vendimin e Qeverisë së Kosovës lidhur me shpronësimin, por se në këtë moment “nuk duhet shtuar benzinë në zjarr”.

Çështja e shpronësimit pason tensionet në veri të Kosovës, në fund të vitit të kaluar.

Asokohe, popullata vendase ka ngritur barrikada, me qëllim që ta pengonte Qeverinë e Kosovës në zbatimin e vendimit për riregjistrimin e automjeteve me targa serbe./Media Ndërtimi.

Infrastrukturë

Turbulenca të vazhdueshme në tregun e shitjes së pajisjeve të ndërtimit

Published

on

Duke përjashtuar Kinën, shitjet e pajisjeve do të kenë një ulje të butë dhe do të bien vetëm 5% këtë vit, dhe ky parashikim mbetet i pandryshuar nga fillimi i vitit.

Pas dy vitesh shitjesh anormalisht të larta në 2020 dhe 2021 falë shpenzimeve stimuluese, tregu kinez ra në vitin 2022 me një rënie prej 39%. Kjo nuk ishte vetëm për shkak të mbarimit të parave të stimulit, por ndikimi u ndërlikua nga turbulencat në sektorin kinez të pasurive të paluajtshme së bashku me vështirësitë e vendit për t’u përballur me COVID.

E vetmja pikë e ndritshme në Kinë gjatë një ose dy viteve të fundit ka qenë miniera, e cila ka investuar në kamionë hale dhe ekskavatorë të mëdhenj për të përfituar nga çmimet e larta globale të mallrave.

Përtej Kinës

Diku tjetër në botë, industria e pajisjeve të ndërtimit duket mjaft mirë këtë vit. Shumica e tregjeve po qetësohen nga nivelet më të larta të vitit të kaluar, por rëniet duken të vogla dhe vëllimet janë ende shumë të mira në terma historikë.

Ka gjithashtu një pjesë të vogël të tregjeve që pritet të rriten këtë vit, më i rëndësishmi në terma vëllimi është India.

Duke parë pak më tej, ka më shumë pasiguri rreth perspektivave për vitin 2024. OEM-të raportojnë se marrja e porosive të tyre po bie dhe kjo mund të nënkuptojë një rënie të mëtejshme më të keqe se sa pritej në shitjet globale vitin e ardhshëm.

Parashikimi aktual i kërkimit jashtë autostradës është për një rënie prej 7% në përgjithësi në 2024. Nëse ka ndonjë rishikim për këtë, ato ka të ngjarë të jenë në rënie, jo lart./Media Ndërtimi

Continue Reading

Infrastrukturë

Kjo shtëpi është 4 vjet më e vjetër se sa vetë Zvicra si shtet

Published

on

Kjo shtëpi është 4 vjet më e vjetër se sa vetë Zvicra, e cila është themeluar në vitin 1291

Shtëpia e Betlehemit në Schwyz është ndërtuar në vitin 1287, e cila jo vetëm që e bën një ndër shtëpitë më të vjetra të banimit në Evropë, por edhe 4 vjet më të vjetër se vetë Zvicra, e cila është themeluar në vitin 1291, përcjell albinfo.ch.

Pjesa e jashtme përfshin panele prej druri të errët, me çati të pjerrëta. Shtëpia ka një sërë hyrjesh. Ambientet e brendshme janë një pamje e vërtetë e mrekullueshme që mund të shihet pasi tavani është i gdhendur nga druri si dhe ka disa relikte prej druri./Media Ndërtimi

Continue Reading

Infrastrukturë

Përfundon me sukses matja e rrugëve të reja në teren, Sistemi i Adresave në Kosovë drejt kompletimit

Published

on

Në kuadër të projektit REGIP të Bankës Botërore, Agjencia Kadastrale e Kosovës ka paraparë edhe komponentin për kompletimin e Sistemit të Adresave në Republikën e Kosovës.

Në kuadër të këtij komponenti janë paraparë disa aktivitetet si: Matja e rrugëve të reja në teren, mbledhja dhe përditësimi i të dhënave të adresave, prodhimi dhe instalimi i tabelave të emrave të rrugëve dhe numrave të adresave për komunat e ku mungojnë, ndërlidhja e qytetarëve me Adresa zyrtare dhe zhvillimi i aplikacionit ARIS mobile.

Aktiviteti për matjen e rrugëve të reja në teren ka përfunduar me sukses.

Ky aktivitet ka filluar në maj dhe ka përfunduar në gusht të vitit 2023.

Ky aktivitet ka pasur për qëllim matjen e rrugëve të reja të cilat kanë qenë të skicuara paraprakisht nga ana e komunave dhe më pastaj përmes GPS është bërë matja e rrugëve.

Gjatësia e rrugëve të skicuara nga komunat ka qenë rreth 635.628 metra, kurse rrugë të matura në fund të projektit ishin rreth 7.977.165 metra.

Ky aktivitet ka qenë shumë i rëndësishëm për faktin që komunave iu është dhënë mundësia që të dhënat e adresave të jenë sa më të përditësuara.

Përditësimi i të dhënave të adresave është shumë i rëndësishëm për faktin që Sistemi paraqet një gjendje më reale për numrin e tabelave të emrave të rrugëve dhe numrave të adresave që kanë nevojë për prodhim dhe instalim, e më pastaj është i rëndësishëm edhe për pajisjen e qytetarëve me adresë zyrtare./Media Ndërtimi

Continue Reading

Trending