Connect with us

Infrastrukturë

Shqiptarët po blejnë prona për të jetuar apo investuar në qira!

Published

on

Në Tiranë, rreth 10% e blerësve të pronave kanë si qëllim investimin, e kryesuar nga dhënia me qira dhe rishitja për të përfituar të ardhura. Agjencitë imobiliare pohojnë se blerja e pronave për investim kryesohet nga individë me të ardhura mbi nivelin mesatar dhe bizneset.

Në bregdet, 60% e blerësve kanë qëllim investimin për dhënie qiraje. Blerësit janë nga Europa Perëndimore dhe ajo e Veriut. Në bregdet pritet sërish shtrenjtimi i çmimeve, ndërsa në Tiranë, agjencitë parashikojnë rritje të tyre në zonat elitare.

K.B., me profesion avokat, vitin e kaluar bleu një apartament me vlerë 78,000 euro, me sipërfaqe 55 metër katrorë, për ta përdorur për ambiente zyre në ushtrimin e profesionit të tij, raporton revista Monitor.al

Prona e blerë tashmë po funksionon si B&B e regjistruar në platformat ndërkombëtare, pasi vendndodhja në zonën e ish-kinema “Agimi” shumë afër me qendrën e kushtëzoi blerësin të ndryshonte qëllimin e përdorimit.

K.B. tha për “Monitor” se gjysmën e vlerës së blerjes së apartamentit e financoi nëpërmjet kredisë, ndërsa pjesën tjetër nga të ardhurat e aktivitetit të tij si avokat. Qiraja ditore për këtë pronë varion nga 40 deri në 50 euro nata. Deri tani, për shkak të kërkesës së qëndrueshme për qira ditore nga pozicioni i favorshëm me qendrën, investimi ka rezultuar i leverdishëm.

Për disa nga agjencitë kryesore të sektorit të pasurive të paluajtshme në Tiranë, numri i kategorisë së blerësve të apartamenteve me qëllim investimi është shumë i vogël në raport me kërkesën për apartamente banimi.

Arsyeja e kërkesës së ulët të këtyre blerësve, sipas agjentëve imobiliarë, mbeten çmimet e larta të pronave. Kategoria më e interesuar për blerje pronash me qëllim investimi për qiradhënie, rishitje apo zyra mbeten profesionistët e profesioneve si juristë, inxhinierët IT, mjekët, arkitektët apo dentistët dhe bizneset.

Pse investohet për prona në Tiranë?

Nëse në bregdet, një shtëpi blihet për dhënie me qira, për shkak të turizmit, në Tiranë blerja e një apartamenti me qëllim dhënien me qira, mbetet forma kryesore. “Prona në Tiranë ka disa forma përdorimi, për të zhvilluar biznes me pronën që blen, apo për të gjeneruar të ardhura.

Me një ROI (rikthim investimi) gjithmonë e më stabël dhe gjithmonë në rritje. Ndërkohë që në bregdet, është vetëm një hoteleri ose qiradhënie afatshkurtër”, nënvizon Dritan Leka nga “Century 21 CPM Smart”.

Drejtuesi i agjencisë imobiliare “Century 21 Albania”, Jonian Antoni, thekson se rritja e vlerës së pronës ndër vite që i krijon të ardhura pronarit nga rishitja mbetet gjithashtu një nga format më të përdorura për investim.

“Duke qenë se këto prona mbahen në pronësi për shumë vite në pjesën më të madhe krijohet dhe rritje e kapitalit. Kjo do të thotë se rritet vlera e pronës dhe ndër vite, edhe vlera e qirasë. Për shembull, nëse në një zonë elitare të Tiranës do të blije një pronë 10 vite më parë në 2013, me shumë gjasa vlera e saj do të ishte rreth 150,000 euro.

Për një qira mesatare të asaj kohe për zonën elitare 600 euro, kjo pronë prodhonte rreth 5% në vit.

Nëe blerësi këtë pronë e ka mbajtur deri më sot atëherë, ai ka dy përfitime:

  1. a) qiraja sot në këto zona është 1,200 euro në muaj. Pra relativisht me qiranë sot dhe investimin e atëhershëm, ai merr një interes mbi 10% në vit.
  2. b) Prona sot do të vlente të paktën 60% më shumë. Investimi fillestar prej 150,000 euro sot do të kishte vlerën 240,000 euro nëse pronari do të detyrohej ose do të donte ta rishiste.

Për ta përmbledhur, pronari për 10 vjet ka fituar një fitim pasiv prej 70,000 deri në 90,000 euro, ndërsa ai ka fituar edhe një fitim nga rritja e vlerës kapitale të pronës prej 90,000 euro. Në parim, në gati 10 vite, ka dyfishuar investimin e tij”.

Për njohësin e sektorit të pasurive të patundshme, investimet në prona në Shqipëri po zhvillohen edhe për shkak të mungesës së formave të tjera, ku kryesisht kategoria e të pasurve mund të investojnë të ardhurat e tyre.

“Duke mos pasur forma të tjera investimi, si për shembull në bursa ose instrumente të tjera financiarë në Tiranë, pjesa më e madhe e atyre që blejnë për investim kanë synimin e krijimit të një të ardhure nga qiraje. Kjo qira që në gjuhën teknike quhet “yield” jep 4% deri në 6% të ardhura në vit”, nënvizon z. Antoni.

Stela Dhami, menaxhere ekzekutive e “Colliers International Albania”, pohon se referuar të dhënave të kompanisë, 50% e klientëve të tyre janë të interesuar për të blerë prona për qëllim investimi, duke ditur se investimi në pasuri të paluajtshme mbetet një ndër format më të përhapura në Shqipëri.

“Interesi mbetet i lartë për prona me vendndodhje në qendër, të cilat kanë kërkesë më të lartë për qiradhënie dhe rrjedhimisht, kanë kthim investimi më të sigurt”. Blerja e pronave për dhënie me qira, sipas menaxheres ekzekutive të “Colliers International Albania” mbetet nga rastet më të shpeshta, e ndjekur nga rishitja.

“Të dyja format janë të pranishme, por kryeson ajo e dhënies së pronës me qira. Tërheqëse mbetet dhe alternativa e blerjes me qëllimin e rishitjes, sidomos në fillim të ndërtimit të një projekti, sepse atëherë nga blerësi mund të sigurohet dhe një çmim më tërheqës”, shtoi Dhami./Media Ndërtimi

Infrastrukturë

Durmishi: Punimet në rrugën Mitrovicë-Prishtinë po realizohen me ritme të shpejta

Published

on

Zëvëndësministri i Infrastrukturës, Hysen Durmishi ka publikuar pamje nga punimet në rrugën Mitrovicë-Prishtinë.

Durmishi ka thënë se po ecin me ritëm të shpejt.

“Punimet në rrugën Mitrovicë-Prishtinë, po ecin me ritme të shpejta, ku po punohet çdo ditë.

Kjo rrugë ka një rëndësi të veçantë pasi është rrugë e cila përballon një fluks të lartë lëvizjeje, dhe ka rëndësi të veçantë pasi është rrugë që lidh qytete e fshatra të vendin tonë” shkruan zëvëndësministri në njoftim./Media Ndërtimi

Continue Reading

Infrastrukturë

Barcelona shpallet nga UNESCO kryeqyteti Botëror i Arkitekturës për vitin 2026

Published

on

Duke iu bashkuar Kopenhagës dhe Rio de Zhaneiros, Barcelona është emëruar Kryeqyteti Botëror i Arkitekturës i UIA-s për vitin 2026 nga UNESCO.

Ky titull njeh angazhimin e qytetit për të promovuar vlerat e arkitekturës, planifikimit urban dhe qëndrueshmërisë. Duke kaluar Pekinin si pretendenti tjetër për titullin e vitit 2026, Barcelona fitoi ofertën me propozimin e saj të titulluar “Një sot, një nesër”, me një plan për të pritur një seri ngjarjesh transformuese në të gjitha rrethet e saj dhe për t’u bërë një laborator kërkimor që analizon kapacitetin e arkitektura për të transformuar realitetin me kalimin e kohës.

Për dhjetë muaj, nga festivali i Santa Eluàlia në shkurt në Santa Llúcia në dhjetor, qyteti planifikon të jetë i gjallë me një gamë të gjerë aktivitetesh që synojnë angazhimin e publikut. Sipas përditësimit të fundit të qytetit, kalendari do të përfshijë ekspozita, rrugë arkitekturore të drejtuara, seminare, dyer të hapura për ndërtesa të rëndësishme, instalime dhe konferenca të nivelit të lartë.

Kryetari i bashkisë, Juame Collboni dhe UNESCO-UIA kanë paraqitur një qasje gjithëpërfshirëse për edukimin dhe përfshirjen e qytetarëve në ligjërimin arkitektonik. Kryebashkiaku Callboni theksoi qëllimet e dyfishta të këtyre nismave: thellimin e të kuptuarit publik të rolit të arkitekturës në përmirësimin shoqëror dhe nxitjen e një vlerësimi të ri për peizazhin ekzistues urban. Nisma planifikon gjithashtu një ceremoni hapëse dhe mbyllëse me ndikim, duke shfaqur ndriçimin e vendeve të Trashëgimisë Botërore të UNESCO-s në të gjithë qytetin, duke shtuar një festë vizuale të trashëgimisë arkitekturore të Barcelonës.

Në lajme të tjera të ngjashme në Barcelonë, përfundimi i shumëpritur i Sagrada Familia pritet të bëhet në vitin 2026, që përkon me 100 vjetorin e vdekjes së Antoni Gaudi. Këtë vit, Bienalja Evropiane Nomadike, Manifesta 15 Barcelona Metropolitana ka zbuluar një program të decentralizuar që përfshin peizazhin e qytetit nga 8 shtatori deri më 24 nëntor.

Themeluar në vitin 1948, Unioni Ndërkombëtar i Arkitektëve (UIA) është një organizatë joqeveritare e mbështetur nga UNESCO dhe synon të nxjerrë në pah rolin e arkitekturës dhe planifikimit urban në formësimin e një të ardhmeje të qëndrueshme dhe trajtimin e sfidave globale. I caktuar çdo tre vjet, Kryeqyteti Botëror i Arkitekturës së qytetit do të bëhet një forum ndërkombëtar për debat rreth çështjeve që lidhen me mjedisin urban./Media Ndërtimi

Continue Reading

Infrastrukturë

Prezantohet koncepti i çerdhe-kopshtit në lagjen Kolovicë e Vjetër

Published

on

Synimi i këtij projekti është të përfshijë prioritizimin e sigurisë, krijimin e hapësirave të përshtatshme dhe fleksibile për moshën, maksimizimin e dritës natyrore dhe sigurimin e ventilimit të duhur.

Zonat e lojēs në natyrë, stimulimi ndijor`dhe konsideratat akustike  kontribuojnë në një mjedis të të mësuarit holistik. Qasshmëria për të gjithë dhe hapësirat e aktiviteteve janë elementë thelbësorë. Integrimi i teknologjisë, duke i dhënë përparësi qëndrueshmërisë dhe përzgjedhja e mobiljeve për femijët ndikojnë në ngritjen e dizjanit në një nivel më të lartë.

Sinteza e këtyre elementëve do të sigurojë një mjedis edukues dhe frymëzues, që pērputhet me filozofinë arsimore, duke promovuar mirëqenien dhe zhvillimin e  nxënësve të rinj.

Ndērtesa ka një masë dhe formë tẽ  balancuar, duke kombinuar funksionalitetin me tërheqjen estetike. Ajo pērfshin karakteristika të qëndrueshmërisë si kulmi me panele  diellore, duke treguar një pěrkushtim  ndaj pērgjegjësisë mjedisore

Elemente arkitekturore, të tilla si dizajni i thjeshtẽ dhe mikëpritës i fasadave dhe ndriçimi natyral, kontribuojnë si në formë ashtu edhe  nẽ funksion. Në përgjigje të lokacionit, ndërtesa merr parasysh orientimin për efikasitet optimal të energjisë, integron peizazhin për një lidhje pa probleme me mjedisin dhe  demonstron ndjeshmëri kontekstuale ndaj strukturave fqinje./Media Ndërtimi

Continue Reading

Trending