Connect with us

Infrastrukturë

Sipas projektligjit, pronat e sekuestruara në Kullat e Tiranës, do i rishiten pronarëve

Published

on

Këshilli i Ministrave miratoi të mërkurën projektligjin për administrimin e ndërtimeve pa leje. Këto ndërtimet u konfiskuan pas një Vendimi të Këshillit të Ministrave (VKM), që u akuzua se do të amnistonte ndërtuesit e kullave, duke i dhënë mundësinë t’i shpëtojnë dënimit dhe të ribljenë sipërfaqet e ndërtuara në shkelje të ligjit.

Projektligji u miratua nëdëkohë që VKM-ja ku ai bazohet u padit nga opozita në Gykatën Kushtetuese, ku është ende në gjykim.

Sipas projektligjit, pasi objekti është konfiskuar, pronari ka të drejtën e parablerjes në procesin e shitjes që kryen qeveria. Kjo parablerje bëhet me vlerën e tregut. Po ashtu ka të drejtë në këtë proces përpos pronarit të truallit, subjekti ndërtues, persona të tretë që kanë marrëveshje juridiko-civile për pronën e konfiskuar.

Nëse asnjë prej palëve nuk kanë interes për ta blerë, objekti del në ankand publik.

Po ashtu parashikohet ngritja e Komisionit të Objekteve të Konfiskuara, një strukturë që do të jetë pranë Kadastrës. Ky komision do të kryejë të gjitha veprimet e vlerësimit teknik dhe financiar të pronave të konfiskuara.

Në shtator 2022, qeveria nisi konfiskimet ende pa publikuar VKM-në në fletore zyrtare. Sipas VKM-së, shteti ka të drejtën e konfiskimit të ndërtimeve pa leje dhe përdorimin e tyre për interes publik.

Ky vendim u prit me kundërshtime nga ekspertët dhe opozita, që e quajtën atë një formë amnistimi në favor të ndërtuesve, të cilëve iu dha mundësia që katet e ndërtuara pa leje t’i dhurojnë ose t’i ri-blejnë me çmimin e tregut.

Sipas nenit 199/a të Kodit Penal, ndërtimi pa leje i kryer për qëllime fitimi dënohet me burgim nga tre deri në tetë vjet. Sipas ekspertëve, kjo VKM është mbivendosje e ligjit. Nga njëra anë ka Kodi Penal që parashikon vepër penale ndërtimet pa leje, nga ana tjetër ka legjislacionin për legalizimet që parashikon mundësitë e legalizimeve të ndërtimeve pa leje dhe rasteve kur këto legalizime nuk plotësojnë kriteret.

Qeveria pretendoi në shtator, se kjo VKM erdhi si nevojë për të rregulluar situatën e ndërtimeve pa leje, pasi “prokuroria dhe institucionet e drejtësisë nuk po veprojnë”. Ishte kryeministri Edi Rama dhe ministri i Brendshëm Bledi Çuçi të cilët akuzuan organet e drejtësisë për mos hetim dhe korrupsion.

Në një përgjigje për Citizens Channel, Prokuroria e Tiranës u shpreh se: “nga verifikimi në indekset e kallëzimeve penale dhe procedimeve penale, rezulton të jenë regjistruar disa procedime penale në lidhje me këto ndërtesa”.

Edhe në këtë rast VKM krijon mbivendosje me ligjin ekzistues.

Në një analizë të mëparshme Citizens Channel tregoi se si konfiskimi i pallateve pa leje nuk i shërben të pastrehëve, ndryshe nga sa kishte premtuar qeveria dhe parashikon kjo VKM.

Ligji “Për Strehimin Social”, i miratuar në vitin 2018, parashikon në nenin 19 se çdo subjekt privat që aplikon për leje ndërtimi me sipërfaqe mbi 2000 m2, është i detyruar t’i kalojë shtetit 3% të sipërfaqes për fondin e banesave sociale.

“Miliona euro sipërfaqe e ndërtuar pa leje”

Në një artikull të mëparshëm Citizens Channel analizoi sipërfaqjen totale të sekuestruar që prej publikimit të VKM-së në shtator 2022.

Këshilli Kombëtar i Territorit miratoi 10 vendime konfiskimi. Ajo që vihet re është se të gjitha ndërtimet pa leje i përkasin zonave më të lakmuara të kryeqytetit, si qendra e Tiranës, Liqeni Artificial, Myslym Shyri, rruga Kont Urani dhe rruga e Elbasanit.

Një metër katror në kullën “Eyes of Tirana” në qendër të Tiranës sipas njoftimeve çmimeve të tregut të shitjes online kushton 3,175 euro. Në vendimin e sekuestrimit shteti shqiptar tashmë zotëron 4,646 metra në “Eyes of Tirana”, me një vlerë prej 14.7 milion euro.

Ndërsa sipërfaqja prej 11,828 m2 e sekuestruar në zonën e Liqenit të Thatë, sipas njoftimeve dhe në bazë të komunikimit me një prej agjencive imobiliare, ka një vlerë 18 924 800 euro.

Sipërfaqja e sekuestruar në zonën e Myslym Shyrit prej 7819 m2, kushton 12.5 milion euro.

Një përllogaritje e secilës sipërfaqe me çmimin e tregut tregon se shteti shqiptar tashmë disponon 71,989 m2 kulla dhe pallate, me një vlerë prej rreth 127 milion euro.

Sipërfaqja totale e sekuestruar është e barabartë me një kullë prej 144 kateshe, e përllogaritur me një bazament prej 500 m2, i ngjashëm me atë të kullës “Forever Green” që ndodhet në qendër të Tiranës. Kulla kap një lartësi prej 720 metër./Media Ndërtimi

Infrastrukturë

I nxehti në Kosovë: Punëtorët në kulme e në skele

Published

on

Ndonëse Ministria e Shëndetësisë e Kosovës mori vendim për ndalimin e punës në sektorin e ndërtimtarisë nga ora 11:00 deri 17:00, shumë kompani nuk janë duke e respektuar.

Radio Evropa e Lirë gjatë javës ka fotografuar punëtorë në vendpunishte të ndryshme duke punuar në pikë të zhegut.

Fotografitë janë shkrepur nëpër lagje të ndryshme të Prishtinës.

Për shkak të rrezikut nga temperaturat e larta, Ministria e Shëndetësisë e Kosovës, nëpërmjet një vendimi ndaloi punën në sektorin e ndërtimtarisë nga ora 11:00 deri 17:00.

Disa punëtorë të një kompanie duke punuar për mirëmbajtjen dhe pastrimin e rrugëve në Prishtinë.

Temperatura ka arritur deri në 39 gradë celsius ditëve të fundit në Kosovë.

Por, vendimi i MSH-së nuk është duke u respektuar nga shumë kompani.

Ministria e Shëndetësisë thotë se është vërejtur përmirësim në respektimin e vendimit.

Në një vendpunishte është vendosur një afishe me mbishkrimin “Nuk punohet”.

Ditën e parë pas marrjes së vendimit janë shqiptuar mbi 25 gjoba, por është vërejtur përmirësim i dukshëm në respektimin e tij gjatë ditëve në vijim, pasi të gjitha kategoritë janë më të informuara rreth vendimit”, tha MSH-ja në një përgjigje për Radion Evropa e Lirë.

Sipas parashikimit të motit, Kosova do të vazhdojë të përballet me temperatura të larta edhe në ditët në vijim.

Vendimi i MSH-së liron nga puna gratë shtatzëna deri më 20 korrik, si dhe redukton punën për personat me sëmundje kronike në 4 orë në ditë./Media Ndërtimi

Continue Reading

Infrastrukturë

Raporti i DASH konfirmon se ligji për investimet strategjike është klientelist

Published

on

Departamenti Amerikan i Shtetit e konsideron klientelist ligjin për Investimet Strategjike. Sipas raportit të DASH për Klimën e Investimeve, ky ligj u përdor për të favorizuar biznese në lidhje të forta me mazhorancën, ndërsa e vendos theksin tek mungesa e konkurencës dhe e kompanive të huaja.

“Pjesa e parëndësishme e investitorëve të huaj që kanë përfituar nga statusi i investitorëve strategjikë ka nxitur perceptimin tek investitorët e huaj se nga ligji kanë përfituar kryesisht kompanitë vendase me lidhje të forta me mazhorancën qeverisëse” – thuhet në raport.

Raporti analizon zhvillimin ekonomik të Shqipërisë dhe nënivzon se ndër problemet kryesore mbetet korrupsioni, konkurrenca e pandershme që pengohet nga koncesionet PPP, si dhe mungesa e fuqisë punëtore.

Duke u ndalur tek ligji për Investimet Strategjike, raporti thekson se ai u hartua nga Partia Socialiste në vitin 2015 me qëllimin kryesor për të thithur investitorë të huaj dhe seriozë, por rezultoi të thithte vetëm kompani afër qeverisë, “edhe pse afati u shty disa herë”, përmend raporti.

“Shumë pak investitorë të huaj kanë përfituar nga statusi “Investitor Strategjik” dhe pothuajse të gjitha projektet u janë dhënë kompanive vendase që operojnë në sektorin e turizmit”, thotë raporti.

Më tej citohet se investitorët e huaj janë shprehur se u janë vonuar përgjigjet nga AIDA.

Afati i ligjit skadoi në dhjetor 2023 dhe parlamenti zgjati mandatin e tij deri në dhjetor 2024, vendim që u prit me kritika.

“Shumica prej rreth 60 projekteve të miratuara fokusohen në sektorin e turizmit dhe dominohen nga investitorët vendas”, konfirmon raporti.

Citizens ka hulumtuar mbi sipërfaqen që kanë përfituar kompanitë në bregdet dhe se si ky ligj ka favorizuar kompanitë e afërta me pushtetin. Rezultoi se qeveria shqiptare i ka dhënë 5.8 milionë metër katror tokë investitorëve strategjikë në të gjithë vendin.

Janë dhënë 17 projekte në bregdet, përmes këtij ligji dhe po ashtu Citizens analizoi se si këto projekte po ndikojnë negativisht në mjedis. Kompanitë fituese vendosin emra që në pamje të parë sugjerojnë një projekt miqësor me mjedisin, sikurse është “Green Coast”, por në të vërtetë ndërtimet sipas ekspertëve rezultojnë të mos jenë aspak miqësore, përkundrazi po gërryejnë mjedisin dhe po e betonziojnë atë.

Opozita ka këkruar hetimin e investitorëve strategjik, por kjo nuk është bërë deri më tani. Korrupsioni është kryefjalë e raporit të DASH po ashtu.

“Korrupsioni vazhdon të minojë shtetin e së drejtës, të rrezikojë zhvillimin ekonomik” thuhet në raport.

Mungesa e fuqisë punëtore nënvizohet si një problem që ngec zhvillimin ekonomik të vendit, ku përmendet migrimi i mjekëve dhe i ekspertëve të IT.

“Dhoma Amerikane e Tregtisë thekson se gjetja e stafit të kualifikuar mbetet shqetësimi kryesor, ndërkohë që ka një shqetësim në rritje për mungesën e fuqisë punëtore”, thotë raporti.

DASH nënvizon se vitet e fundit, një numër i konsiderueshëm mjekësh dhe infermierësh kanë emigruar në Bashkimin Evropian, veçanërisht në Gjermani.

“Ka pasur edhe emigrim të konsiderueshëm në Mbretërinë e Bashkuar. Sipas Bankës Botërore, Shqipëria ka numrin më të ulët të mjekëve për frymë në rajon me vetëm 1.9 mjekë për 1000 banorë në vitin 2020”, përcjell raporti./Media Ndërtimi

Continue Reading

Infrastrukturë

Teatri “Aleksandër Moisiu” në Durrës pritet t’i nënshtrohet rikonstruksionit

Published

on

Teatri “Aleksandër Moisiu” në Durrës pritet t’i nënshtrohet rikonstruksionit në një projekt që do të zbatohet nga Bashkia Durrës.

Një procedurë prokurimi e çelur nga kjo e fundit në sistemin e Agjencisë së Prokurimit Publik parashikon një objekt kontrate “Rikonstruksion i Pallatit te Kulturës” me një fond limit 496 milionë lekë apo rreth 5 milionë euro.

Në relacionin arkitektonik që shoqëron këtë procedurë nënvizohen edhe ndërhyrjet që do të kryhen.

Si fillim shpjegohet se teatri “Aleksandër Moisiu” është një objekt 3-katesh me tarracë i cili ndodhet në Veri të sheshit Liria dhe nevoja për rinovimin lidhet me gjendjen aktuale të tij, shkruan Monitor.al

“Ky objekt shërben si një pikë kyçe e qytetit, duke luajtur një rol të rëndësishëm në siluetën arkitektonike të qytetit të Durrësit. Teatri ka një kapacitet prej 250 spektatorësh, të cilët akomodohen në 2 plate dhe 3 llozha.

Përveç sallës kryesore të teatrit, në objekt ka dhe hapësira të tjera të cilat janë në funksion të qytetarëve dhe mund të kenë përdorime të ndryshme në funksion të artit.

Aktualisht në objekt, krahas problemeve të ndryshme të tilla si lagështia apo rënia e suvasë kërkohet dhe një riorganizim i hapësirave për një shfrytëzim sa më optimal të objektit” thuhet në dokument.

Qëllimi i kësaj ndërhyrje është rikualifikimi i Teatrit “Aleksandër Moisiu” dhe hapësirave që ndodhen në të. Identiteti i objektit nuk do të ndryshojë duke ruajtur kështu vlerat e tij historike dhe identitetin urban të zonës përreth.

“Me këtë projekt synojmë të krijojmë një ndërtesë shumëfunksionale dhe inovative, e cila i përgjigjet dëshirave dhe nevojave të komunitetit duke stimuluar zhvillimin e veprimtarive artistike dhe kulturore.

Projekti synon të stimulojë rritjen sociale dhe ekonomike përmes përfshirjes në ndërtimin e funksioneve që kanë rëndësi në një shkallë urbane” nënvizon relacioni. Konkretisht projekti synon të jetë

1- Qendra teatrale, që synon trajnimin e valltarëve, muzikantëve dhe këngëtarëve të rinj, promovimin e përhapjes së kulturës muzikore dhe artistike në qytet;

2- Qendra komunitare, një vend eksperimentimi në dispozicion të qytetarëve me hapësira për përdorim kolektiv dhe shërbime të ofruara për territorin;

3- Bërthama e ekspozitës së Arteve, e hapur për qytetarët për koncerte, shfaqje dhe ekspozita.

“Ndërtesa e re duhet të jetë një pikë referimi për qytetarët, e përdorshme për shumë përdorime që mund të alternohen gjatë ditës dhe javës;

një vend hibrid, ku prodhimi kulturor, përdorimet kolektive dhe ofrimi i shërbimeve do të bashkëjetojnë, në mënyrë që të bëhet një pikë takimi për qytetarët dhe një motor për zhvillimin e praktikave inovative.

Projekti synon rritjen e kapacitetit të sallës kryesore duke e çuar numrin e vendeve të spektatorëve ne 360 vende. Ndërhyrja në ndërtesë do të krijojë kushte të përshtatshme për aksesin dhe lëvizjen e personave me aftësi të kufizuar (P.A.K).

Kjo gjë nënkupton prezencën e rampave apo projektimin e hapësirave në një nivel duke e lehtësuar lëvizjen e tyre” thuhet në dokument./Media Ndërtimi

Continue Reading

Trending