Connect with us

Aktuale

Prokuroria: Pronari i një kompanie të patundshmërive në Pejë dyshohet se kishte bërë dhuratë dhjetëra parcela

Published

on

Prokuroria Themelore e Pejës ka urdhëruar ditë më parë ngrirjen e mbi 80 parcelave në Pejë, Gjakovë, Deçan, Klinë dhe Istog, pasi Apeli e ka vërtetuar fajësinë e Agron Kelmendit për uzurpim të pronave.

Kelmendi pronar i një kompanie të patundshmërive në Pejë, kishte bërë dhurata të pazakonta vite më parë. As më shumë e as më pak, ai u kishte falur parcela toke në pesë komuna të rajonit të Dukagjinit

Në mesin e këtyre parcelave ka të tilla që iu kanë falur personave të njohur si ish-kryetarëve të komunave, ish-gjyqtarëve, zyrtarëve policorë e artistëve.

Një nga personat që i është sekuestruar prona është edhe ish-deputeti i PDK-së, Andin Hoti.

Hoti që tani është Kryetari i Komisionit qeveritar për personat e pagjetur, pretendohet se përfitoi nga pronat e falura nga biznesmeni Kelmendi dhe të njëjtat janë ngrirë nga prokuroria sepse nuk kanë qenë te justifikuara në proporcion me pasurinë, raporton Insajderi.com.

Ai i ka pranuar 3.5 ari tokë në Istog i ka pranuar duke i deklaruar si dhuratë në vlerë prej 20 mijë euro.

“Në vitin 2014 më është falur toka në siperfaqe 3.5 ari në Istog, dhe arsyeja e faljes së tokes ka qenë: Dua t’i ndihmoj familjes së Ukshin Hotit… Me sa më është thënë mua, ajo pronë është blerë nga serbët dhe pronari ka dashur ta dhurojë tek disa familje kontribut-dhënëse”, tha Hoti për Gazetën Express.

Në prezencën e këtyre rrethanave Prokuroria Themelore në Pejë ka iniciuar hetimin për konfiskimin e pasurisë konform Ligjit për kompetencat e zgjeruara për konfiskimin e pasurisë.

Prokuroria e Pejës pretendon se të ardhurat e biznesmenit nuk e arsyetojnë këtë pasuri sepse siç thuhet në kërkesën për “Lëshimin e Urdhrit Kufizues Përfundimtar”, të cilën e ka siguruar Express, nga të dhënat e ATK-së, “i pandehuri për bizneset “Agron Kelmendi” BI, me emrin tregtar të biznesit A.P “Kontakti”, për periudhën kohore 2005-2019 ka deklaruar 00 qarkullim”.

“Për të gjitha këto pasuri, duke vlerësuar gjasat, provohet se të hyrat legjitime të të pandehurit nuk mjaftojnë për blerjen dhe posedimin e tyre, për faktin se i njëjti ka të hyra të deklaruara 00 por posedon pasuri tejet të madhe”, ka deklaruar prokuroria.

Por kush ishin disa nga përfituesit e këtyre pronave?

Berat Kelmendi, Kumri Kelmendi, Leotrim Kelmendi, Agron Hagji Ahmetgjekaj, Valon Kelmendi, Elinda Muriqi , Ramiz Muriqi, Shkumbin Manaj, Ali Lajqi, Servete Kelmendi, Sali Lukaj, Bekë Lajqi, Idriz Lajqi, Artan Mavraj, Kumrije Hajdaraj, Fatos Lajqi, Pren Marashi, Kol Krasniqi, Hasan Rizaj, Sanije Rexha, Ilir Muriqi, Vesel Berisha, Hazir Berisha, Edon  Kelmendi, Flamur Bytyqi, Dardan Lajqi, Andin Hoti, Vllaznim Kryeziu, Alban Raci, Servete Ethemi, Besim Bardhaj, Ismet Krasniqi, Fetah Rudi, Alban Muriqi, Shukrie Ramadani, Augustin Quni, Kadri Prekaj, Dervish Vuqetoviq, Sadik Ramaj, Minire Ukaj, Musa Ramaj, Afrim Mushkolaj, Ali Berisha, Hole Qekaj, Mejreme Krasniqi, Selim Bashota, Hamëz Kryeziu, Atom Krasniqi, Muhamet Lladrovci, Naim Maloku, Ibrahim Imeraj, Florije Bruqi, Kimete Kodra, Qazim Dajakaj, Mehdin Krasniqi, Çun Lajqi, Vera Maloku, Mal Krasniqi, Gani Kuqi, Gjyljeta Kasapi, Fuad Ramiqi, Jeton Kelmendi./Media Ndërtimi.

Aktuale

Komunat, ndërmarrjet publike e përmbaruesit privat – Ndër më të korruptuarat

Published

on

Institucionet më të korruptuara në vend janë komunat, ndërmarrjet publike dhe përmbaruesit privat, thotë anketa e Odës Ekonomike Amerikane në Kosovë (OEAK), e cila ka realizuar Studimin mbi Perceptimin e Korrupsionit në Kosovë.

Për të pestin vit me radhë, OEAK në bashkëpunim me programin e USAID për Drejtësi Komerciale, ka realizuar Studimin mbi Perceptimin e Korrupsionit në Kosovë.

Drejtori i Odës Ekonomike Amerikane në Kosovë (OEAK), tha se krahas bizneseve që e shohin korrupsionin prezentë në Kosovë, ka edhe të atillë që e thonë të kundërtën, ndonëse me një përqindje të vogël.

“Mbi 46% të tyre e vlerësojnë korrupsionin si çështje kritike. Ekziston një numër i vogël i bizneseve që mendojnë se nuk ka korrupsion, vetëm 4.5% e thonë të kundërtën. Anketa është kryer me 198 biznese, në të gjithë rajonin e Kosovës, pra 7 rajone. Si ka lëvizur korrupsioni në 5 vite, ky është një indikatorët pozitiv, raporton Ekonomia Online.

Ndryshimet në Qeveri megjithatë kanë ndikuar në perceptimin e bizneseve. Ndër format më të zakonshme në vendin tonë është, nepotizmi është forma më e dytë më shprehur”, u shpreh Zeka, teksa tregoi edhe faktorët kryesor për nivelin e korrupsionit në vend.

“Tek faktorët që ndikojnë në korrupsion janë sundimi i dobët i ligjit, mungesa e vullnetit politik për ta luftuar korrupsionin. Institucionet më të korruptuara janë komunat, ndërmarrjet publike. 10 për qind e respondentëve vlerësojnë se përmbaruesit privat janë të korruptuar. Dallimi më i madh është ndërmjet atyre që besojnë se ka korrupsion me ata që nuk besojnë. 31 për qind janë ballafaquar me korrupsioni ndërsa 36 për qind jo”, tha Zekaj.

Nefije Latifi, nga USAID, tha se arsyet e mosraportimit të korrupsionit nga bizneset, është hakmarrja.

“Sa i përket zyrave të prokurorisë nga vendi i tetë kanë lëvizur në vendin e dytë sivjet. Në sektorin privat, këto janë rezultate që kanë ardhur nga bizneset. Arsyeja se pse bizneset ngurrojnë ta raportojnë korrupsionin, është frika e hakmarrjes ndaj biznesit nga ai institucion”, tha Latifi.

Continue Reading

Aktuale

Hapet në Tiranë Panairi dhe Forumi Ndërkombëtar i Energjisë

Published

on

Në datat 29-31 Mars 2023, Expocity Albania organizon Edicionin e 5-të të Panairit dhe Forumit Ndërkombëtar të Energjisë.

“Mundësi në vorbullën e krizës”: Energy Expo & Forum 2023 do të trajtojë situatën aktuale të sektorit të energjisë, krizën në të cilën ndodhet sot bota, ndaj të cilës nuk është imune as Shqipëria.

Ekonomistët botërorë e kanë cilësuar këtë një moment kulminant që do të formësojë të ardhmen e energjisë duke e bërë këtë sektor më fleksibël ndaj goditjeve, më të larmishëm dhe ku roli i burimeve të rinovueshme do të jetë thelbësor. Energy Expo & Forum 2023 ka në fokus politikat energjetike dhe aspektet ligjore në Shqipëri dhe rajon,

orientimin dhe konsolidimin e planit kombëtar të energjisë, sfidat e bashkëpunimit rajonal të tregjeve, risitë, skemat mbështetëse që ofrohen nga qeveritë për promovimin e investimeve në këtë fushë, efikasitetin e përdorimit të energjisë; planifikimin ekologjik; zhvillimet klimatike; tregun dhe aktorët e tij; teknologjinë e ndërtimit në funksion të ruajtjes së energjisë; trajtimin e hidrokarbureve, investimet në naftë dhe gaz; riciklimin;

informacionet për të rejat e procedurave dhe legjislacionit, bursën e energjisë, etj. Edhe në këtë edicion, energjia e rinovueshme do të jetë temë kryesore. Synimi është diversifikimi i burimeve të energjisë, rritja e sigurisë së furnizimit dhe zvogëlimi i importeve./Media Ndërtimi.

Continue Reading

Aktuale

Gastronomia dhe hoteleria paguajnë 117.08 % më shumë tatim

Published

on

Monitorimi i fokusuar i hotelerisë/gastronomisë dhe funksioneve që lidhen me to, si këngëtarëve, stilistëve etj, ka nis përmes projektit specifik për përmbushje tatimore në vitin e kaluar. Ky projekt ka dhënë rezultatet e veta në trajtimin e sektorëve të lartcekur, të cilët në sistemin e Administratës Tatimore të Kosovës  kanë paraqitur nivel të konsiderueshëm të riskut.

Thirrjet e shpeshta nga ATK për të përmubushur detyrimet dhe puna në teren, kanë rezultuar që statistikat nga ky sektorë të jenë në një nivel të kënaqshëm, duke filluar nga qarkullimi i deklaruar me 24.24% ose 64 milion euro, pagesa 117.08% ose 10 milion euro dhe numri punëtorëve 14.45% ose 2,820 punëtorë më shumë se viti i kaluar. Pastaj, duke vazhduar me gjetjet nga tereni, si qarkullimi shtesë nga vizitat me dallim enorm prej 321.95% më shumë se vitin e kaluar.

Dihet që në sektorin e gastronomisë dhe hotelerisë përveç atyre që u përmend, si dukuri e cila mbetet ndër faktorët kyç të informalitetit janë edhe punëtorët e padeklaruar, e kjo është dëshmuar edhe nga puna e inspektorëve, të cilët për 2022 kanë formalizuar 111.84% punëtorë më shumë se vitin e kaluar. Ajo çka vlen të potencohet është se ky sektor prin me statistika sa i përket fiskalizimit, por mbetet sfidë lëshimi i kuponëve fiskal.

Projekti për përmbushje tatimore në hoteleri dhe gastronomi, si dhe zinxhirin e tyre bashkëpunues do të vazhdoj të  implementohet,  me qëllim të formalizimit plotë të aktiviteteve.

Administrata Tatimore e Kosovës vazhdon me kërkesën për tatimpaguesit, që të përmbushin obligimet e tyre tatimore, si një e mirë e gjithmbarshme./Media Ndërtimi.

Continue Reading

Trending