Connect with us

Aktuale

Projekti për Kompleksin Memorial “Adem Jashari” në Prekaz, nuk pritet të fillojë deri në pranverën e vitit të ardhshëm

Published

on

Në janar të këtij viti Ministria e Kulturës, Rinisë dhe Sportit kishte njoftuar se tashmë kanë nisur punimet fillestare për restaurimin e objekteve brenda Kompleksit Memorial “Adem Jashari” në Prekaz të Skënderajt.

Dhe për këtë qëllim kjo ministry kishte ndarë 45 mijë, me punimet që kishin filluar për renovimin e shtëpisë së Sala dhe Hamit Jasharit

Por renovimit do t’i nënshtrohet i gjithë kompleksi, i cili nuk është në gjendje fort të mirë.

Bislim Zogaj, drejtor i Agjencisë për Menaxhimin e Komplekseve Memoriale, thotë për Ndërtimi.Info se Kryeministri Albin Kurti bëri një memorandum me Fakultetin e Ndërtimarisë për vlerësimin e gjendjes se objekteve.

Zogaj thotë se aty u ndan afër 50 mijë euro për ndërhyrje në dy objekte.

“Themelimi i komitetit ndërministror i udhëhequr nga Kryeministri i Kosovës z. Albin Kurti, në mbledhjen e parë të mbajtur vitin e kaluar vendosi që të bëj një memorandum me Fakultetin e Ndërtimtarisë për të vlerësuar gjendjen ekzistuese të shtëpive – cila prej tyre kërkon ndërhyrje emergjente deri sa të filoj realizimi i përgjithshëm i projektit për konservim dhe restaurim të këtyre objekteve. Komisioni profesional kishte vlerësuar se për momentin kishte nevojë për ndërhyrje emergjente në dy objekte dhe kishin paramasën për realizimin e këtyre ndërhyrjeve (rreth 50 mijë euro).

Ndërsa sa i përket projektit të përgjithshëm, Zogaj thotë se ekspertërt e angazhuar nga komiteti ndërministror ka pasur për detyrë të paraqes projektin e përgithshëm brenda këtij viti.

“Komiteti ndërministror ka caktuar një komision të ekspertëve i cili ka për detyrë që ta paraqesë detyrën projektuese para komitetit, që pastaj të fillojnë procedurat tenderuese për hartimin e projektit realizues. Fillimisht ky komision i ekspertëve ka premtuar që deri në fund të këtij viti do të përgatis detyren projektuese, por në ndërkohë kanë shtuar aktivitetin e tyre dhe kanë premtuar se deri në fillim të muajit tetor, ky projekt do t’i dorëzohet komitetit ndërministror”

Mirëpo sipas Zogajt, punët për realizimin e këtij projekti, vështirë se do të fillojnë deri në pranverën e vitit 2023.

“Momentin që do të dorëzohet detyra projektuese, do të filloj procedura për projektin zbatues dhe po shpresojmë se në pranverën e vitit të ardhshëm do të fillojmë me realizimin e këtij projekti” ka përfunduar Zogaj./Media Ndërtimi

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending