Connect with us

Ndërtim

Prezantohet një pajisje e re sigurie për ndërtim, redukton incidentet e punëtorëve

Published

on

Tenty, një kompani e re e teknologjisë së ndërtimit, ka lançuar një sistem sigurie telematike në pritje të patentës për industrinë e ndërtimit në SHBA.

Kompania thotë se do të reduktojë incidentet e punëtorëve dhe do të ndihmojë kompanitë e ndërtimit dhe firmat e konsulencës së biznesit të menaxhojnë vendet e punës në mënyrë më efikase.

Tenty Rover, lidh punëtorët dhe pajisjet për të siguruar kushte të sigurta pune dhe për të rritur produktivitetin duke përdorur teknologjinë e pozicionimit në nivel inç të bazuar në GPS.

Duke u mbështetur në një pozicion shumë të saktë të punonjësit dhe në një mori sensorësh fizikë dhe mjedisorë, ai mund t’i paralajmërojë punëtorët për rreziqet e mundshme, të tilla si pajisjet celulare në hyrje, ngarkesat e sipërme, kushtet mjedisore dhe më shumë.

“Tenty është një sistem i lehtë për t’u instaluar që rrit sigurinë e punëtorëve dhe paralajmëron punëtorët për rreziqet e mundshme në të gjithë vendin e punës,” tha Gustavo A. Anzola, Bashkëthemelues i Tenty.

“Tenty gjithashtu rrit produktivitetin e vendit të punës me mjete unike për të komunikuar me punëtorët, duke pasur njohuri për performancën e vendit dhe duke siguruar pajtueshmërinë me rregulloret. Së fundi, ne do të përmirësojmë reagimin e vendit ndaj emergjencave duke u dhënë punonjësve mundësinë për të dërguar një sinjal shqetësimi te personeli aty pranë dhe duke ofruar menaxhim në kohë reale të pikave të grumbullimit dhe procedurave të evakuimit.

Tenty Rover është një pajisje me peshë të lehtë e pajisur me dy butona: një buton konfirmimi dhe një buton SOS. Butoni i Konfirmimit i lejon punonjësit të pranojnë dhe regjistrojnë automatikisht kur dëgjohen dhe kuptohen informimet e sigurisë, duke eliminuar procesin që kërkon kohë të organizimit si grup dhe kalimit të fletëve të nënshkrimit.

Butoni SOS do t’i ndihmojë punëtorët të thërrasin për ndihmë gjatë një emergjence ose incidenti dhe do t’i lejojë menaxherët të gjejnë dhe ndihmojnë punëtorët e përfshirë në një emergjencë shumë më shpejt.

Tenty Rover pritet të dalë në treg në tremujorin e parë të 2023./Media Ndërtimi.

Ndërtim

1 miliard paund kostoja e ndërtimit të stadiumit “San Siro”, punimet kryhen në 2030  

Published

on

Stadiumi i ri që do të bëhet për skuadrat e Milan dhe Inter dhe që pritet të kushtojë 1 miliard paund do të ketë një kapacitet maksimal prej 65,000 vendesh.

“San Siro” me një kapacitet maksimal prej 80 mijë vendesh, do të prishet për t’u zëvendësuar nga një stadium i ri, i cili pritet të përfundojë në vitin 2030.

Super Sport shkruan se megjithatë planet dhe vendndodhja ende nuk janë finalizuar, pavarësisht se klubet synojnë të fillojnë ndërtimin që në janar 2024.

Deri në këto momente diçka është e sigurt, stadiumi deri më tani njohur si “Katedralja” nuk do të ketë kapacitet më të madh se 65,000 vende dhe kjo gjë pritet të ndodh për faktin se tifozët që i ndjekin shumicën e ndeshjeve nga afër janë reduktuar dhe klubet duan të evitojnë sa më shumë vendet bosh.

Continue Reading

Ndërtim

Vendimi për të sekuestruar dhe konfiskuar ndërtimet pa leje në Shqipëri erdhi si domosdoshmëri për të frenuar abuzimet

Published

on

Lufta me ndërtimet pa leje, nuk është vetëm një betejë ligjore me biznesmenët që abuzojnë, por është dhe betejë për të ‘pastruar’ imazhin e qeverisë, përballë akuzave të opozitës që pas kullave fshihet mazhoranca.

“Këtë problematikë e ngritëm ne, e ngritëm dhe natyrisht e ngritëm për një arsye shumë të thjeshtë; sepse asnjë nga ata të cilët ndërtojnë metra katrorë për qëllim fitimi, nuk na mban dot lidhur me asgjë. Kjo masë rrëzon të gjithë mitin e pazareve dhe të gjitha legjendat urbane të fshehjes sime apo tonën prapa kullave apo pallateve”, tha Rama.

Vendimi i qeverisë për të sekuestruar dhe konfiskuar ndërtimet pa leje apo shtesat e kateve, erdhi si domosdoshmëri për të frenuar abuzimet të cilat po lejoheshin hapur edhe nga drejtësia, shkruan Report TV.

“Ky është një mjet i ri që ne përdorim që ka dalë duke parë se çfarë shtegu ka mbetur hapur. Shtegun e hapur të drejtësisë ne nuk e mbyllim dot, do ta mbylli reforma, do ta mbylli një proces që kërkon kohën e vet, por ama ne mund ta bëjmë krejtësisht absurd shpenzimin për të ndërtuar metra katrorë”, tha Rama.

Mirëpo nuk do të ketë vetëm bllokim të objektit, sekuestrim, gjobë, konfiskim dhe ndjekje penale për ndërtuesit që shkelin lejet që marrin. Këshilli i Ministrave nëpërmjet një vendimi të miratuar ka vendosur që për të gjitha ndërtimet që do të bëhen të caktohet një mbikëqyrës, i cili do të kontrollojë të gjithë mbarëvajtjen e punimeve.

Sipas vendimit të qeverisë mbikëqyrësi ka detyrimin të njoftojë on-line brenda 5 ditëve në sistemin e-leje pranë autoriteteve përkatëse në rastet kur vëren se punimet e kryera janë në shkelje apo në tejkalim të lejes së ndërtimit. Nëpërmjet këtij sinjalizimi, do të ndërhyhet në kohë për të parandaluar shkeljet e kontratave me lejet e ndërtimit, siç është rasti i ndërtimit të kateve shtesë.

Mbikëqyrësi do të jetë një person fizik ose juridik i licencuar për ushtrimin e aktivitetit për mbikëqyrjen e punimeve, i regjistruar në QKB dhe që disponon një NIPT. Mbikëqyrësi do të caktohet nga vetë zhvilluesi, i cili e ka të detyrueshëm, dhe do të kontraktohet duke pasur parasysh llojin e punimeve që do të mbikëqyren në zbatimin e veprës.

Po ashtu në nenin 11 në pikën 2 të vendimit thuhet se “Në rastin e punimeve shtesë, mbikëqyrësi kërkon nga zbatuesi i punimeve prova dhe inspektime shtesë për të verifikuar konformitetin e punimeve me projektin e specifikimet teknike, sipas kushteve të kontratës. Këto punime shtesë janë objekt i një raportimi të veçantë pranë autoritetit që lëshon lejen e ndërtimit në sistemin on-line të lejeve të ndërtimit”.

Në përfundim të ndërtimit, mbikëqyrësi kontrollon dhe përllogarit koston përfundimtare të objektit, duke përputhur vlerën e preventivuar dhe të kontraktuar me atë të paraqitur në situacionin përfundimtar, si dhe bën sqarimet përkatëse në rastet e mospërputhjes. Për raportin përfundimtar mbikëqyrësi mban përgjegjësi ligjore./Media Ndërtimi.

Continue Reading

Ndërtim

Javën e ardhshme fillon ndërtimi i dy çerdheve në Gjilan

Published

on

Javën e ardhshme fillon ndërtimi i çerdhes në Gjilan dhe asaj në Dobërçan, ka njoftuar kryetari i Komunës së Gjilanit, Alban Hyseni.

“Në financim të Ministrisë së Arsimit, Shkencës dhe Teknologjisë do të shtohen dy çerdhe në Gjilan.

Edukimi i hershëm, rritja e përfshirjes së sa më shumë fëmijëve në të dhe çerdhet e reja janë disa nga zotimet tona që po realizohen.”, deklaroi Hyseni.

Continue Reading

Trending