Connect with us

Art

Prezantohet në shkretëtirën e Nevadës vepra më e madhe e artit tokësor në botë

Published

on

Quhet City dhe është vepra më e madhe e artit bashkëkohor në histori. Një instalacion gjigant më shumë se 2 km i gjatë dhe 500 metra i gjerë ku alternohen lugina, kodrina, konstruksione betoni, argjinatura dhe bimë. Vepra, e krijuar nga artisti amerikan Michael Heizer midis viteve 1970 dhe 2022, dëshiron të jetë një homazh për strukturat megalitike të së kaluarës, nga piramidat te ndërtimet Maja, të rishikuara në një çelës minimalist.

Qyteti ndodhet në shkretëtirën e Nevadës, në Shtetet e Bashkuara, dhe ka kushtuar mbi 40 milionë dollarë për t’u ndërtuar. Për të financuar veten, Heizer, tani shtatëdhjetë e shtatë vjeç, kishte krijuar një organizatë jofitimprurëse, Fondacioni Triple Aught, i cili tani është përgjegjës për menaxhimin e ndërtimit të madh, raporton a2news.com

Vepra përbëhet nga disa instalime, më të rëndësishmet prej të cilave janë monumenti 45 °, 90 °, 180 ° i përbërë nga një sërë pykash që hedhin hije në tokë dhe “Complex One”, Kompleksi Një, vepra e parë e krijuar nga Heizer në vitet ’70, frymëzuar lirisht nga piramida e madhe egjiptiane e Zoserit.

Qyteti është një labirint i madh i kufizuar nga bordurat e ulëta, shpatet e betonit, zonat e mbuluara me bimësi, rërë, dhe kodra të buta ose shpate të pjerrëta. Materialet e përdorura janë të gjitha me burime lokale dhe, pavarësisht nga përmasat e saj kolosale, kjo vepër arti tokësore është e integruar në mënyrë të përkryer me mjedisin përreth.

Heizer sigurisht që nuk e vendosi aksesueshmërinë ndër kriteret kryesore që udhëhiqnin punën e tij. Qyteti është i rrethuar nga qindra kilometra shkretëtirë dhe mund të vizitohet, me prenotim, nga grupe të vogla njerëzish. Kushdo që dëshiron ta shikojë nga lart, mund ta kërkojë në Google Maps në këtë adresë.

Art

Ekspozita “Ukraina në 10 orë nga Ben Blushi” hapet sonte në Muzeun e Kosovës

Published

on

Të hënën nga ora 19:00, në lapidariumin e Muzeut Kombëtar të Kosovës mbahet ceremonia e hapjes së ekspozitës fotografike “Ukraina në 10 orë, nga Ben Blushi”, organizuar nga Ambasada e Shqipërisë në Kosovë dhe Qendra për Hapje dhe Dialog në Shqipëri, me mbështetjen e Muzeut Kombëtarë të Kosovës.

“Sot jam në Prishtinë për të hapur ekspozitën me fotografitë e mia nga lufta në Ukrainë.

Kjo ekspozitë që qëndroi e hapur në Tiranë gjatë gjithë shtatorit, shkon në Kosovë me mbështetjen e mikut tim Qemal Minxhozi ambasador i Shqipërisë dhe natyrisht me përgatitjen dhe organizimin special të vajzave të COD, Eridanës dhe Enës, pa dyshim.

Ekspozita nis më ora 19.00 dhe do rrijë e hapur gjatë gjithë javës në Muzeun Kombëtar të Kosovës.

Në këtë ekspozitë janë fotografitë që munda të realizoj gjatë 10 orëve qëndrimi në Ukrainë, ku fotografova zonat e bombarduara të Irpinit dhe Borodyankës si dhe Kievin, qytetin që jeton në paqe dhe njëkohësisht në panik.

Fotot e Zelensky-t dhe poetit të pushkatuar Shevcenko janë pjesë e kësaj ekspozite.

Ju pres të gjithëve.”, shkruan autori i ekspozitës, publicisti Ben Blushi./Media Ndërtimi.

Continue Reading

Art

Cili është intervenimi që Manifesta mund ta praktikojë për ta rrëfyer “suksesin”!

Published

on

Objekt i lënë pas dore, që njihet si Biblotekeka e Qytetit “Hivzi Sylejmani”, ishte harruar që kur doli në objekt të ri. Ai u shndërrua në një objekt që simbolizonte histori për banorët e lagjes dhe letrarët e ndryshëm.

Çka bëri Manifesta?

Fillimisht është për tu vlerësuar qasja që Manifesta i ka bërë objektit dhe historisë që mbanë ai. Ka angazhuar një ekip që ka bërë hulumtim mbi historinë e objektit si Bibliotekë, e më pas e ka renovuar duke e shndërruar në një objekt që mori edhe emër “Qendra për Praktikë Rrëfyese”. Praktikisht ndërhyrja në këtë objekt është projekti më serioz dhe më i sukseshëm i Manifestës në krejt listen e objekteve dhe hapësirave në të cilat intervenoi. Brenda mureve të objektit u realizuan ekspozita të artistëve, ndodhën bisedat më të rëndësishme dhe performancat më të rëndësishme të Bienales, madje edhe në oborr të saj, ku një artist mbolli një bashqe, shkruan Nacionale.com

Sa është investuar?

Edhe ky projekt hynë në buxhetin e përbashkët prej 764 mijë eurove, që përfshinë rigjallërimin e Korridorit të Gjelbër dhe “të paturit qasje publike në Grand Hotel Prishtina”. Manifesta nuk ka specifikuar se sa saktësisht është investuar në objektin e Biblotekës “Hivzi Sylejmani” por nga investimi që duket dhe sasia e ngjarjeve që kanë ndodhur gjatë tre muajve aty, duket se ka marrë shumicën e buxhetit të përbashkët me Korridorin dhe Gandin.

Cili është plani pas Manifestës?

Për “Manifestën” ish-objekti i Biblotekës “Hivzi Sylejmani” tashmë objekt i një “institucioni të ri ndërdisiplinor e kulturor i themeluar për të vijuar veprimtatinë në vitet 2023-2027 me një investim të projektuar prej 1 milion eurosh për katër vitet e ardhshme”. Do të mbesë pronë e Qytetit të Prishtinës.

Ky projekt është ndoshta i vetmi në të cilin “Manifesta” përmes Fondacionit “Manifesta 14 Prishtina” që e ka krijuar për Bienalen në kryeqytetin e Kosovës, do të vazhdojë të jetë e angazhuar. Nuk është specifikuar se çka saktësisht nënkupton ky “institucion i ri ndërdisiplinor” por duket se planet e Manifestës për këtë projekt janë serioze, shkruan Nacionale.com.

Çka duhet të investohet që të arrihet plani?  

Meqënse duket se “Manifesta” vetëm e ka një plan, por nuk e ka bërë ende publike se cili është ai, është e zorshme që të flitet për nevojat që ka ai objekt tash si institucion i ri kulturor e social në Prishtoinë por ajo që ka nevojë emergjente është që “Qendra për Praktikë Rrëfyese” të ketë një ekip që do të vazhdojë punën e menaxhimit të hapësirës dhe objektit, derisa ky plan 2023-2027 të fillojë të ekzekutohet. Por se kujt do t’i hyjë në punë, mbetet të shihet./Media Ndërtimi.

Continue Reading

Art

Klubi i Boksit hap dyert sonte për ekspozitën të çmimit “Artistët e së nesërmes” 2022

Published

on

Këtë të mërkurë, më 9 nëntor, Klubi i Boksit hap dyert për ekspozitën të çmimit “Artistët e së nesërmes” 2022. Punimet artistike të finalisteve Mimoza Sahiti, Valdrin Thaqi dhe Agrina Vllasaliu janë pjesë e ekspozitës që ju ftojmë ta shihni dhe mos humbisni!

Çmimi “Artistët e së nesërmes” 2022

Mimoza Sahiti, Valdrin Thaqi, Agrina Vllasaliu

Puna kuratoriale: Albert Heta dhe Vala Osmani

Arkitektura e ekspozitës: Vala Osmani

09/11/2022 – 10/12/2022

Hapja: 09/11/2022, ora: 19:00

Shpallja e fituesit: 03/12/2022, ora: 19:00

Mbyllja e ekspozitës: 10/12/2022

Adresa: Klubi i Boksit, Mark Isaku 8, 10000 Prishtinë, Republika e Kosovës

Punimet e papërpunuara dhe të gjalla të Mimoza Sahitit sfidojnë konvencionet tradicionale në pikturë. Duke transmetuar një zemërim të caktuar përmes vetë sipërfaqes së bojës, puna e saj pasqyron një feminizëm të ashpër që mbështet qasjen e saj ndaj kapitalizmit, identitetit, traumës personale dhe kolektive. Në përshkrimet e saj të figurës njerëzore, një ndjenjë frike dhe cenueshmërie pasqyron shqetësimet e saj rreth statusit të gruas në shoqëri dhe natyrës së pasigurt të ekzistencës njerëzore në përgjithësi.
Mimoza Sahiti ka lindur dhe është rritur në Offenbach të Gjermanisë. Ajo ka studiuar ekonomi deri në vitin 2018 dhe ka filluar studimet për pikturë në akademinë e arteve të bukura në Vjenë që nga tetori i vitit 2022. Gjatë studimeve të para për ekonomi ka filluar të pikturojë me aril dhe një vjet pikturon me vaj në një eksperiment jotradicional dhe në mënyrë të improvizuar. Gjatë qëndrimit të saj në Kosovë nga viti 2020 – 2022 ajo ka ekspozuar në disa hapësira në Prishtinë, Gjilan dhe ka marrë pjesë në Manifesta 14, në muzeun e artit bashkëkohor të Sofjes, Bullgari dhe tashmë është pjesë e koleksionit në Galerinë Kombëtare të Prishtinës.
Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme. Puna e tij aktuale fokusohet në ndikimin e njeriut në mjedis, shkrirjen e inteligjencës natyrore dhe artificiale dhe dilemat morale dhe etike që lindin në lidhje me modifikimin gjenetik.
Valdrin Thaqi u lind në vitin 1994, në Skenderaj. Diplomoi në Fakultetin e Arteve në Prishtinë, në vitin 2019, dega e piktures. Praktika e tij artistike përfshin, pikturen, skulpturen dhe artin konceptual. Thaqi, dha një kontribut të madh në skenën e artit kosovar, përgjatë 5 viteve të fundit. Ishte fitues i dy cmimeve prestigjioze: Cmimi i parë në bienalen Muslim Mulliqi (2018) dhe Cmimi i parë Artistët e rinj (2019). Në fund të vitit 2020 u shpërngul në Berlin, ku dhe sot jeton dhe vepron në mes Berlinit dhe Prishtinës.

Duke përfshirë pikturën, skulpturën, instalacionin dhe ndërhyrjet e llojeve të ndryshme, vepra e Valdrin Thaqit është e frymëzuar nga filozofia dhe ekzistencializmi, dhe ajo që artisti i sheh si absurditete që rrjedhin nga proceset, gjendjet dhe ngjarjet në jetën e përditshme. Puna e tij aktuale fokusohet në ndikimin e njeriut në mjedis, shkrirjen e inteligjencës natyrore dhe artificiale dhe dilemat morale dhe etike që lindin në lidhje me modifikimin gjenetik.

Valdrin Thaqi u lind në vitin 1994, në Skenderaj. Diplomoi në Fakultetin e Arteve në Prishtinë, në vitin 2019, dega e piktures. Praktika e tij artistike përfshin, pikturen, skulpturen dhe artin konceptual. Thaqi, dha një kontribut të madh në skenën e artit kosovar, përgjatë 5 viteve të fundit. Ishte fitues i dy cmimeve prestigjioze: Cmimi i parë në bienalen Muslim Mulliqi (2018) dhe Çmimi i parë Artistët e rinj (2019).

Në fund të vitit 2020 u shpërngul në Berlin, ku dhe sot jeton dhe vepron në mes Berlinit dhe Prishtinës./Media Ndërtimi.

Continue Reading

Trending