Connect with us

Aktuale

Pezullohet lënda e caktimit të mexhes mes parcelave të NPB-së e AKP-së në Lakrishtë

Published

on

Kthehet në gjendjen e mëparshme kadastrale dhe pezullohet lënda ku përcakton vijat ndarëse të parcelave të dy institucioneve.

Ish qeverisja komunale e Prishtinës e drejtuar nga Shpend Ahmeti, në përfundim të mandatit të saj, ka pezulluar vendimin e kundërligjshëm që e kishte miratuar vet për caktimin e kufirit mes parcelës së Agjencisë Kosovare të Privatizimit dhe Ndërmarrjes Publike Banesore në Lakrishtë.

Lajmin për pezullim e ka bërë të ditur, pas shumë përpjekjeve, Agjencia Kadastrale e Kosovës, pasi qeverisja e kaluar nga Komuna e Prishtinës përfshirë kryetarin Ahmeti dhe drejtoreshën e kadastrit, Valbona Osmani Mehmetaj nuk kanë kthyer përgjigje për mbi një muaj.

Më 27 tetor 2021, Agjencia Kadastrale ka kërkuar rishqyrtimin e vendimit pas konstatimit se Drejtoria e Kadastrit e Komunës së Prishtinës kishte aprovuar dhe ekzekutuar lëndën e caktimit të kufirit, pa autorizim nga Agjencia Kosovare e Privatizimit.

Për caktimin e kësaj mexheje, Ndërmarrja Publike Banesore poashtu kishte kontraktuar një teknik me shkollim të mesëm i cili kundërligjshëm kishte kryer punën e gjeodetit të licencuar gjë që përkundër kësaj shkeljeje lënda ishte miratuar në komunë.

E tërë kjo për t`i hapur rrugë realizimit të projektit të dyshimtë 120 milionësh afaristo-banesor në Lakrishtë ku u shkaktua skandali mjedisor i shkatërrimit të azbestit nga ana e Ndërmarrjes Publike Banesore si poseduese e lejeve.

Zyra Kadastrale Komunale (ZKK), ndonëse herën e parë ë kishte miratuar kundërligjshëm lëndën, para se të anuloj këtë vendim u ka dhënë afat 10 ditë, Ndërmarjes Publike Banesore dhe Agjencia Kosovare e Privatizimit për të sjellë dokumentacion plotësues,  i cili nuk ka mundur të sigurohet.

“Sipas informacioneve që AKK posedon, pas kalimit të këtij afati, ZKK Prishtinë ka regjistruar aktvendim refuzues për rregullimin e kufirit të parcelave të sipër përmendura dhe të njëjtin e ka kthyer në gjendjen paraprake. Sipas informacioneve të AKK-së, pas kalimit të këtij afati, ZKK Prishtinë ka bërë regjistrimin e aktvendimit për pezullim, ndërsa palët kanë pasur afat 30 ditësh për ankimim. Në AKK nuk është pranuar asnjë ankesë në ndërkohë” thuhet në njoftimin e AKK-së.

Sipas burimeve nga Ndërmarrja Publike Banesore SH.A. Prishtinë sot prej orës 10:00 kryeshefi i kësaj ndërmarrjeje, Hajdar Hoxha do të zhvillojë një takim në zyrat e AKP-së me ushtruesin e detyrës së kryetarit të Agjencisë Kosovare të Privatizimit, Avni Jashari në përpjekje për të çuar përpara projektin e dyshimtë afaristo-banesor ndaj të cilit tashmë kanë nisur hetimet nga Policia e Kosovës.(Artikulli është shrkuar nga gazetari i mediumit publik, Arsim Halili)./Media Ndërtimi.

 

Aktuale

Një kompani ndërtimi kabllot e rrjetit nëntokësor në lagjen “Pejton”, mbesin pa energji elektrike një numër i caktuar i konsumatorëve

Published

on

Një kompani ndërtimi, teksa kryente punime në lagjen “Pejton”, ka shkaktuar dëmtimin e kabllove të rrjetit nëntokësor.

Me këtë rast kanë mbetur pa rrymë një numër i caktuar i konsumatorëve të kësaj lagjeje dhe asaj të Dardanisë.

Ekipet e KEDS-it kanë dalë menjëherë në vendin e ngjarjes për të evituar dëmin e shkaktuar. Falë përkushtimit të tyre deri më tash është arritur që pjesërisht të rikyçen në rrjet disa konsumatorë, derisa po punohet në mënyrë intensive që furnizimi t’u rikthehet të gjithë konsumatorëve të afektuar.

Për këtë rast janë informuar organet e rendit, dhe KEDS u bën thirrje kompanive të ndërtimit që të kenë kujdes të shtuar gjatë realizimit të punëve, meqë përveçse dëmtojnë asetet elektroenergjetike të KEDS-it, lënë pa furnizim me energji elektrike edhe konsumatorët./Media Ndërtim

Continue Reading

Aktuale

“Termokos” përfundon sezonin ngrohës 2023/2024

Published

on

Në harmoni me parashikimet meteorologjike për përmirësimin e motit, NP “Termokos” SH.A. ka marrë vendim, që të përmbyllë sot sezonin ngrohës 2023/2024.

Pas 195 ditësh furnizim të mjaftueshëm dhe cilësor me ngrohje për rreth 30 mijë konsumatorë, përfundon një nga sezonat më të suksesshme ngrohëse, në kuadër të cilës ndërmarrja ka shënuar një varg arritjesh në të gjitha fushat.

Gjatë sezonit ngrohës 2023/2024 janë prodhuar rreth 328 mijë MWh energji termike apo 7% më shumë se sezonën e kaluar, nga KEK-u janë ekstraktuar 303.15 GWh energji, që në raport krahasues me sezonin ngrohës paraprak ka një rritje prej 14.6%, ashtu sikur edhe tek liferimi i energjisë termike, që ka qenë 270 GWh. Rrjeti i ngrohjes është zgjeruar edhe për 317 objekte banesore me 13.313 njësi banimi dhe me një sipërfaqe totale prej 1,122,538.00 m².

Ky sezon ngrohës ka qenë fazë testuese para fillimit të aplikimit të metodës së re të faturimit sipas konsumit. Si rrjedhojë e testimeve, analizave e krahasimeve, që janë realizuar, tanimë mbi 1 mijë konsumatorë i kanë marrë faturat e para testuese sipas konsumit, bazuar në të cilat 33% e konsumatorëve si rezultat i kursimit të energjisë ngrohëse kanë pranuar fatura më të ulëta se ato që kanë marrë më parë.

NP “Termokos” do të vazhdojë të angazhohet për modernizimin e mëtutjeshëm të shërbimeve dhe realizimin e projekteve të shumëta, që do të kenë ndikim të shumëfishtë pozitiv në mirëqenien e qytetarëve tanë./Media Ndëtimi

Continue Reading

Aktuale

Vazhdon organizimi i punëtorive me komunat partnere në kuadër të aktivitetit Qeverisja e Pronës

Published

on

Agjencia Kadastrale e Kosovës në bashkëpunim me USAID-in, po vazhdon me organizimin e punëtorive me komunat partnere në kuadër të Aktivitetit Qeverisja e Pronës për të prezantuar të arriturat, sfidat e rekomandimet për ZKK-të në fushën e të drejtave pronësore, si dhe për rritjen e cilësisë së shërbimeve kadastrale. Këtë sesion të punimeve ishte radha e Kryeqytetit, Prishtinës.

Në punëtori përveç përfaqësuesve të Agjencisë Kadastrale e Kosovës, përfaqësuesve nga Aktiviteti për Qeverisje Pronësore i USAID-it dhe Zyres Kadastrale Komunale të Prishtinës, kishte pjesëmarrës edhe nga drejtori tjera komunale dhe përfaqësues për barazi gjinore.

Punëtorinë e mbështeti Nënkryetari i Komunës së Prishtinës Z. Alban Zogaj i cili në fjalën e tij theksoi rëndësinë e ofrimit të shërbimeve sa më të mira për qytetarët e komunës, duke vlerësuar edhe këtë aktivitet si ndihmë për administratën në rritjen e performancës dhe ofrimin e shërbimeve më të mira e më të shpejta.

Temë qëndrore diskutimi ishin gjetjet në Raportin e USAID-it për ZKK-në e Prishtinës, në lidhje me organizimin e mbrendshëm të ZKK-së, rrjedhën e punës së lëndëve, rrespektimi i afateve kohore, kushtet e punës, etj, si dhe hapat që duhet të ndërmarrë ZKK-ja me qëllim të ngritjes së nivelit të shërbimeve kadastrale./Media Ndërtimi

Continue Reading

Trending