Connect with us

Aktuale

Pasiguria në Ashensore, një grua nga Ferizaj pëson lëndime pasi bie nga kati i nëntë

Published

on

Një grua me inicialet M.R nga Ferizaj ka pësuar lëndime trupore pasi ashensori në të cilin kishte hipur ka rënë me shpejtësi nga kati i nëntë në bodrum.

Ajo ka paraqitur rastin në polici teksa ka thënë se ka pasur lëvizje të ç’rregullta dhe ka rënë dy herë me shpejtësi të madhe.

Ajo thekson se ka pësuar “dhimbje të gjunjëve, qafës, boshtit kurrizor, si dhe trullosje deri në vjellje”, me ç’rast është detyruar të pranojë trajtim mjekësor.

Viktima deklaroi se për lëndimet e pësuara ka kontaktuar edhe me pronarin, porse sipas saj, ai është tallur duke i thënë se do t’i duhej të i vinte në ndihmë me karrocë.

Për këtë rast ka folur edhe edhe Drejtori i Policisë në Ferizaj, Basri Shabani.

“Rreth orës 14:00 stacioni policor i Ferizajt është njoftu se një qytetare është duke marrë trajtim mjekësor në Emergjencë e Ferizajt dhe pas trajtimit e njëjta është paraqitur në stacionin policor dhe ka raportuar rastin. E njëjta derisa ishte në agjensor duke u ngjitur lartë në ndërtesën ku banon ashensori ka lëvizur pa kontrollë me shpejtësi të madhe duke u ngritur lartë-poshtë deri në katin e 9-të dhe më pas ka përfunduar në bodrum, si pasojë qytetarja ka marrë lëndime trupore”, ka thënë Shabani./ Media Ndërtimi

Aktuale

Ministria e Ekonomisë dhe Komuna e Gjilanit nënshkruajnë Marrëveshjen për realizimin e Projektit “Qyteti i Mençur”

Published

on

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Projekti “Pilotimi i konceptit të “Smart City (Neutral Host)” do të jetë bashkëfinancim i Ministrisë së Ekonomisë dhe Komunës së Gjilanit dhe ka vlerën financiare 550,000,00 euro.

Ministrja Rizvanolli ka theksuar se duke adoptuar teknologji të reja të bazuara në Internet of Things (IoT), po mundësojnë zgjidhje të ndryshme për shfrytëzimin efiçient të energjisë elektrike, sistemin digjital për menaxhimin e trafikut, mbeturinave dhe ofrimin e shërbimeve digjitale komunale.

“Suksesi i këtij projekti do të shërbejë si model për komunat e tjera në Kosovë, për të ofruar zgjidhje të mençura për qytetarët e tyre përmes teknologjive të avancuara”, ka thënë Rizvanolli.

Projekti i “Qytetit të Mençur” i mundëson komunës që të menaxhojë më mirë resurset dhe të ofrojë shërbime më të mira, duke u bazuar në të dhënat të cilat vijnë nga senzorët e ndryshëm dhe në përfundimet që vijnë nga interpretimi i tyre.

Teknologjia e “Qytetit të Mençur” është një mënyrë e lehtë dhe e shpejtë që komunat të ofrojnë shërbime të qëndrueshme dhe të nevojshme për të përcjellë në mënyrë efektive zhvillimin urban, por edhe atë rural.

Po ashtu, teknologjitë ekzistuese me mundësi të zgjeruara, sigurojnë një infrastrukturë të mençur të menaxhimit të sensorëve dhe kontrollit të tyre, e cila lejon qytetet të mbledhin dhe analizojnë të dhënat nga shumë pajisje të lidhura në një mënyrë të efektshme, në mënyrë që autoritetet të marrin vendime të duhura rreth shërbimeve që duhet të ofrojnë.

Continue Reading

Aktuale

Para disa vite punonte në ndërtim, ai mori ftesën nga Kroacia! Kush është sulmuesi që do sfidojë Shqipërinë në Euro 2024?

Published

on

Marco Pasalic është zgjuar nga ëndrra dhe po jeton realitetin. Sulmuesi anësor i Rijekas ka marrë ftesën për të qenë pjesë e Kroacisë në Europianin 2024 që zhvillohet nga 14 qershori – 14 korrik në Gjermani.

Historia e 23-vjeçarit është e denjë për një film, ku në fund mundi dhe djersa triumfojnë përballë sfidave të jetës. I lindur në Karlsruhe (Gjermani), Pasalic u rrit mes jetesës së vështirë dhe dëshirës për futbollin.

I riu, me mbarimin e shkollës së mesme nuk kishte dëshirë të vijonte universitetin, paçka se i ati e këshilloi të ndiqte shkollën. Në të tilla kushte, në moshën 17-vjeçare ai u detyrua të punonte në ndërtim dhe këtë e ka treguar vetë sulmuesi.

“Kam filluar në vitin 2017. Babai më regjistroi në fakultet pas gjimnazit, por unë nuk doja ta mbaroja për shkak të futbollit, më tha që nëse nuk shkoja në shkollë, duhet të shkoja të punojë në ndërtim. Çdo mëngjes në orën 8 mblidheshim unë, vëllai dhe dy punëtorë”, tha ai.

Më pas 23-vjeçari ka treguar edhe vështirësitë e punës.

“Gjëja më e keqe për mua ishte të punoja kur ishte dimër si dhe verës kur jashtë ishte 35 gradë. Pas gjashtë apo shtatë muajsh, fillova të mësohesha. Në fund, bëhet fjalë për të pasur bukë në shtëpi. Kur nuk e bëra si duhet, më goditën me grusht në hundë. Nuk kam kryqëzuar kurrë rrugët me ndërtimtarinë. Po të isha tani në Gjermani dhe vëllai im të kishte nevojë për ndihmë, do ta ndihmoja”, tha Pasalic.

Nga të rinjtë e Karlstruhes, ai kaloi në ekipin e dytë të Stuttgart dhe më pas te Dortmund 2, para se në verën e 2023 të kalonte te Rijeka në Kroaci. Në Grupin B të Euro 2024 Kroacia ka përballë Shqipërinë, Spanjën dhe Italinë./Media Ndërtimi

Continue Reading

Aktuale

Rama takon arkitektin e mirënjohur botëror Marco Casamonti për disa projekte në kryeqytet

Published

on

Në vazhdën e takimeve me investitorë potencial, kryetari i Komunës së Prishtinës, Përparim Rama është takuar me arkitektin e mirënjohur botëror Marco Casamonti, bashkë me përfaqësuesit e Lika Holding AG, një kompani e suksesshme që operon në Zvicër, themeluar dhe menaxhuar nga Esat Likaj.

Pas organizimit të Konferencës së Investitorëve në janar të këtij viti, shumë investitorë kanë shprehur gatishmëri të investojnë dhe të bëjnë projekte zhvillimore në Kryeqytet. Në këtë kontekst, me Marcon dhe përfaqësuesit e Lika Holding AG diskutuam mundësitë e investimit dhe zhvillimit të projekteve në Kryeqytet.

“Përveç zhvillimit të Kryeqytetit, iniciativat sikur kjo synojnë avancimin e bashkëpunimit me diasporën tonë dhe krijimit të kushteve për investim të kapitalit të diasporës në Kosovë.”, deklaroi kryetari Rama.

Marco Casamonti është arkitekt dhe projektues si dhe profesor i rregullt në Fakultetin e Arkitekturës të Genovas. Ai kryen një punë intensive të analizave të thella dhe reflektimit kritik mbi temat arkitekturore, duke botuar ese dhe duke marrë pjesë në konferenca dhe leksione./Media Ndërtimi

Continue Reading

Trending