Infrastrukturë
Objektet banesore në lagjen “Mati 1” për herë të parë kyçen në “Termokos”
Lagjja ‘Mati 1’ dhe 86 objekte të vjetra banesore në ‘Ulpianë’, ‘ Dardani’, ‘Pejton’, ‘Qafa’ ‘Bregu i Diellit’ do kyçen nga ky vit në rrjetin e ngrohtores së qytetit ‘Termokos’.
Kështu ka bërë të ditur për Kallxo.com zëdhënësja e kësaj ndërmarrje Afërdita Uka.“Në sezonin e ri ngrohës 2022/2023 për herë të parë në rrjetin e ngrohjes do të kyçen 141 objekte të reja banesore të lagjes “Mati 1”.
Në kuadër të këtij projekti do të ketë edhe dendësim të rrjetit të ngrohjes në disa zona të kryeqytetit për disa nga objektet më të vjetra banesore, të cilat nuk e kanë pasur të instaluar as infrastrukturën e brendshme të sistemit të ngrohjes, raporton Kallxo.com.
Janë gjithsejtë 86 objekte banesore të lagjes “Ulpiana”, “Dardania”, “Pejton”, “Qendër”, “Qafa” dhe “Bregu i Diellit”, të cilat gjatë këtij sezoni ngrohës do të kyçen për herë të parë në rrjetin tonë të ngrohjes” – ka deklaruar Uka.
Ajo tutje shtoi se arsyet pse ‘Mati 1’ nuk është kyçur nga viti i kaluar siç ka qenë në plan, është për shkak se prej kohës së planifikimit për shtrirje të rrjetit ka pas vazhdimisht ndërtim të objekteve të reja banesore, duke i detyruar të bëjnë ridizajnim të shtrirjes së rrjetit.
Projekti për zgjerimin dhe rehabilitimin e rrjetit të ngrohjes, është duke u realizuar me fondet e ndara nga Qeveria gjermane nëpërmes Bankës Gjermane për Zhvillim (KfW) në vlerë të 12 milionë eurove.
“Duke u bazuar në master planin për zgjerimin e rrjetit të ngrohjes të hartuar nga ekspertë gjerman, ka qenë e planifikuar kyçja në rrjetin e ngrohjes të 100 objekteve banesore të kësaj zone. Nga koha e planifikimit deri tek fillimi i realizimit të punimeve në terren situata ka ndryshuar shumë dhe ndërkohë atje janë ndërtuar edhe 41 objekte të reja banesore” – tha Uka.
“Për faktin se rrjeti i ngrohjes do të kalonte edhe përskaj këtyre objekteve të reja dhe që të mos anashkalohen ato, është ridizajnuar plani fillestar për shtrirjen e rrjetit dhe janë përfshirë edhe këto 41 objekte banesore, kyçja e të cilave është mundësuar nga fondet e ndara nga NP “Termokos” në vlerë të mbi 1 milion eurove” – shtoi më tej Uka./Media Ndërtimi.
Infrastrukturë
Bujqit e Pestovës bllokojnë punimet në magjistralen Prishtinë-Mitrovicë, duan rrethrrotullim
Banorët e fshatit Pestovë kanë dalë me traktora në rrugë dhe kanë bllokuar punimet dhe qarkullimin.
Ata po protestojnë për një rreth që, sipas tyre, është larguar nga projekti.
Banorët i kanë thënë se në vitin 2019 në projekt ka qenë rrethi, i cili tani u largua.
Infrastrukturë
Rinovimi i Teatrit Kombëtar, projekti ende në fazat e hershme
Ushtrimet e shfaqjet, aktorët e Teatrit Kombëtar të Kosovës, tash e dy vjet, po i realizojnë në Amfiteatrin e Pallatit të Rinisë.
Për shfrytëzimin e kësaj hapësire, Ministria e Kulturës, Rinisë dhe Sportit, paguan rreth 180 mijë euro në vit.
“Në hapësirat e Pallatit të Rinisë kemi edhe Teatrin e Kosovës, shuma është diku rreth 14 – 15 mijë euro, me të gjitha shërbimet që ofrohen”, tha Mrikë Gashi, kryeshefe ekzekutive e Pallatit të Rinisë, raporton ATV.
Kalimi në sallën e njohur si Salla e kuqe, nuk i ka pëlqyer qysh nga fillimi drejtorit të Teatrit, Kushtrim Sheremeti.
Ky thotë se është dashur të intervenohet disa herë në të, për shkak të kushteve të vështira.
“E kemi nisë këtë punë që mos me ndal teatrin… Ka qenë shumë sfiduese, por ja kemi dal që nga marsi e kemi pas edhe një rinovim. Edhe tash e kemi një rinovim e kemi çu tavanin ma lartë dhe i kemi ndërruar ulëset. Kemi krijuar kushte por nuk është optimalja por minimalja”, tha drejtori i Teatrit Kombëtar.
Aktorët do të vazhdojnë t’i mbajnë këtu aktivitetet edhe për një kohë, meqë ende nuk kanë nisur punimet për restaurimin e Teatrit.
Madje nuk dihet as kur do të fillojnë, meqë Ministria e Kulturës është në faza të hershme të projektit.
“Në lidhje me projektin e restaurimit dhe konservimin të Teatrit Kombëtar të Kosovës ju informojmë se tashmë është hartuar projekti zbatues për restaurim dhe konservim.
MKRS-ja këtë javë planifikon të hap procedurë e prokurimit për zbatimin e projektit”, thuhet në njoftimin e Ministrisë së Kulturës.
Vendimin për kalimin e përkohshëm në hapësirat e pallatit të rinisë, MKRS-ja, e kishte marrë në korrik të 2022-ës.
Këto hapësira shfrytëzohen për ushtrime edhe nga Trupa e Baletit dhe Operës./Media Ndërtimi
Infrastrukturë
Uzbekistani njofton ndërtimin e qendrave të të dhënave të financuara nga Arabia Saudite
Në një përpjekje për të forcuar sektorin e tij të IT (teknologjisë së informacionit), Uzbekistani do të ndërtojë dy qendra të dhënash ‘të gjelbra’ në kryeqytetin e tij, Tashkent, dhe një tjetër në rajonin e Bukhara, duke përfshirë një të ndërtuar në zonën e ‘Tashkentit të Ri’ – një distrikt i ri urban. që është planifikuar të strehojë 500,000 njerëz dhe të shtrijë 200 km2.
Arti i strategjisë së vendit “Uzbekistan – 2030”, ndërtimi është një bashkëpunim me DATAVOLT me bazë në Arabinë Saudite, një kompani teknologjike që është e specializuar në zhvillimin dhe funksionimin e qendrave të të dhënave.
Skema është planifikuar në tri faza, ku e para ka një kapacitet prej 10 MW.
Faza e parë e ndërtimit pritet të kushtojë 150 milionë dollarë, me DATAVOLT që planifikon të ndajë deri në 5 miliardë dollarë në projekte me bazë në Uzbekistan deri në vitin 2030.
Faza e dytë do të përfshijë ndërtimin e një impianti 250 MW në Tashkentin e Ri.
Faza e tretë synon të zgjerojë kapacitetin deri në 250 MW në Bukhara, që ndodhet rreth 600 km në jugperëndim të Tashkentit./Media Ndërtimi
Bujqit e Pestovës bllokojnë punimet në magjistralen Prishtinë-Mitrovicë, duan rrethrrotullim
Aliu nënshkruan 10 Udhëzime Administrative që dalin nga Ligji për kadastër të pronës së paluajtshme
Rinovimi i Teatrit Kombëtar, projekti ende në fazat e hershme
Uzbekistani njofton ndërtimin e qendrave të të dhënave të financuara nga Arabia Saudite
Një hapësire komerciale shndërrohet në një qendër mësimi në Vushtrri
Züblin ndërton një magazinë në Shtutgart me mure betoni të printuara 3D
Infrastruktura jo e përshtatshme dhe komunikacioni i dendur, problematikat kryesore të sigurisë rrugore
Nike po zhvillon modelin e AI si pjesë e “ndryshimit të hapave” të dizajnit
Në tri vitet e ardhshme pritet të ndërtohet ura mbi Lumin Sitnica
Mbi 1 milion qytetarë të regjistruar deri më tani në Kosovë
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë2 days agoNë Drenas vihet gurë themeli për energji të ripërtëritshme me vlerë mbi 43 milionë euro
-
Aktuale2 days agoRreth 300 biznese dhe dhjetëra agjentë doganor nënshkruajnë peticionin për vazhdim të licencës së Terminalit Doganor në Ferizaj
-
Infrastrukturë21 hours agoRaporti i kredive me probleme për blerjen e pronave nga individët u rrit vitin e kaluar
-
Auto2 days agoKërkesa për vetura elektrike kineze po rritet
-
Auto2 days agoBizneset shprehin pakënaqësi me dinamikën e punimeve në zonën historike të Prizrenit
-
Infrastrukturë2 days agoÇifti e shndërron autobusin e shkollës në një shtëpi për të jetuar (VIDEO)
-
Infrastrukturë2 days agoPreferohen pronat në periferi të qyteteve
-
Dizajn17 hours agoNike po zhvillon modelin e AI si pjesë e “ndryshimit të hapave” të dizajnit