Connect with us

Aktuale

NPB-ja sipas Aliut, rrezikoi jetën e punëtorëve dhe banorëve në ‘Lakrishtë’, mostrat për azbest po hetohen në një laborator ndërkombëtar!

Published

on

Ndërmarrja Publike Banesore e kanë vendos në rrezik jetën e punëtorëve, ka dekaruar ministri i Infrastrukturës dhe Mjedisit, Liburn Aliu.

“Në momenti kur është trajtu gjendja nga ana e Sigurisë së Kosovës janë marr edhe mostrat janë nis në një laborator profesional jashtë vendit, sepse brenda vendi s’ka kush që e trajton një gjë të tillë”, ka thënë ministri.

Ministria e Mjedisit thotë Aliu, do t’i pres rezultatet se sa i dëmshëm ishte rrënimi i atyre objekteve më me materialin kancerogjen azbest në lagjen Lakrishtë.

“E nëse vërtetohet se ka ne, kalojmë në një situatë që tjetër, atëherë duhet të merren organet e drejtësisë për rrezikimin e jetës së punëtorëve të cilët kanë rrënuar pa pajisje adekuate.  Imagjinoni se si trajtohet punëtori nga Ndërmarrja Publike, e lërë më nga ato kompanitë private që pothuajse çdo ditë ka nga një vdekje në vendpunishte të ndërtimtarisë dhe përpiqemi me senzibilizu gjendjen, me angazhu inspektoratin dhe me rrit numrin e tyre qe t’i mbrojmë të drejtat e punëtorëve, dhe na del Ndërmarrja Publike dhe i ballafaqon me rrezikun punëtorët e tyre”, tha Aliu.

Drejtoria e Urbanizmit e Komunës së Prishtinë së bashku me Inspektoratin e Ministrisë së Mjedisit, duhet të shqyrtojë lejen e rrënimit të cilën e ka lëshuar.

“Drejtoria e Urbanizmit tash pas kësaj deklarate time e kupton që aty ka pas azbest dhe që leja e rrënimit nuk e ka parapa këtë. Prandaj duhet ta anulojnë këtë vendim. Komisioni i aksionarëve duhet të anulohet. Organet e drejtësisë duhet të funksionojnë në mbrojtje të interesit publik dhe të realizojnë hetimet e nevojshme penale”, reagoi ministri Aliu.

Objektet e rrënuara në lagjen “Lakrishtë”, në fillim të tetorit afër gjimnazit “Xhevdet Doda” janë në pronësi të Ndërmarrjes Publike Banesore e cila ka në plan të ndërtojë një objekt afaristo-banesor prej 20 katesh brenda një periudhe tre vjeçare.

Gjimnazi i shkencave natyrore “Xhevdet Doda” në Prishtinë, nuk ka mbajtur mësim me prezencë fizike për dy ditë, për shkak të rrënimit të disa objekteve me material azbesti në afërsi të shkollës.

Derisa sot u zhvillua mësim online, gjatë ditës së djeshme nuk u mbajt mësimi pasi në një njoftim të shkollës thuhej se materiali i objekteve të rrënuara, është i rrezikshëm për shëndetin e njeriut dhe duhej të bëhej vlerësim i hapësirës./ Media Ndërtimi.

Aktuale

UNOPS Kosova organizoi trajnim dy ditor për sigurinë në kantiere ndërtimi  

Published

on

UNOPS Kosova organizoi një Trajnim 2 ditor për Shëndetin, Sigurinë, Socialin dhe Mjedisin (HSSE) me pjesëmarrës nga Zyra e Bashkimit Evropian në Kosovë, Universiteti i Prishtinës.

Qëllimi kryesor i trajnimit ishte pajisja e pjesëmarrësve me konceptet kryesore të shëndetit dhe sigurisë në projektet e ndërtimit.

Vështrimet kryesore nga trajnimi:

Kuptimi gjithëpërfshirës dhe respektimi i rreptë i Rregullave të Artë të UNOPS për trajtimin e rreziqeve fatale ose të rëndësishme

Zbatimi i aftë i vlerësimeve dhe inspektimeve të plota të rrezikut në terren

Duke dhënë prioritet sigurinë dhe mirëqenien e çdo individi të përfshirë në projekt.

Ky trajnim u organizua në kuadër të projektit për ndërtimin e objekteve të reja për Fakultetin e Shkencave Matematiko-Natyrore të Universitetit të Prishtinës, i bashkëfinancuar nga Bashkimi Evropian në Kosovë dhe Universiteti i Prishtinës dhe me mbështetjen e UNOPS HSSE Unit.

Siguria është prioriteti ynë kryesor dhe ne jemi të përkushtuar të krijojmë një mjedis të sigurt pune për të gjithë./Media Ndërtimi

 

Continue Reading

Aktuale

Rama paralajmëron se Tirana do të jetë metropoli me atraktiv i Ballkanit

Published

on

Kryeministri Edi Rama i ftuar në një ceremoni në kryeqytet, foli për Tiranën dhe transformimin e saj ndër vite.

Rama tha se në 5-6 vitet e ardhshme, këto që shohim do të jenë një pjesë dhe jo shumica e asaj që do të shohim, duke theksuar se ka shumë projekte, dëshirë, ambicie dhe shpirti i sipërmarrjes është futur në një garë për ndërtuar ndërtesa jo vetëm të mira, por edhe të bukura.

Ai shton se Tirana kështu do të bëhet një destinacion edhe arkitektonik.

Sipas, Ramës gjatë viteve në vazhdim shqiptarët do të jenë banorë dhe qytetarë të njërit prej kryeqyteteve më të bukur të Evropës, duke specifikuar se Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.

“Kjo është historia e një qyteti që nuk i ka thënë të gjithë. Unë besoj që në 5-6 vitet e ardhshme, këto që shohim do të jenë një pjesë, jo shumica e atyre që do të shohim, sepse ka shumë akoma projekte, dëshirë, ambicie dhe një lloj gare që është futur në shpirtin e sipërmarrjes që të bëjmë ndërtesa jo thjeshtë të mira, por edhe të bukura, duke i dhënë Tiranës mundësinë që të bëhet një destinacion arkitektonik.

Një vend mes Ballkanit që do të disponojë një koleksion veprash të arkitekturës të mbledhura së bashku nga arkitektët më të mirë të kësaj kohe dhe do të krijojë një trashëgimi të denjë për gjeneratat e tjera.

Unë nuk dyshoj, që nëse sot në ndjejmë kënaqësinë që kemi dalë nga ai llum i tmerrshëm ku e hapëm shekullin e ri në Tiranë, nesër do të jemi banorë dhe qytetarë të njërit prej kryeqyteteve më të bukur të Evropës. Tirana do të jetë metropoli me atraktiv i Ballkanit dhe do të jetë kryeqyteti evropian i të gjithë Rajonit tonë.”, deklaroi kryeministri Rama./Media Ndërtimi

Continue Reading

Aktuale

“Brenda shtëpisë së zbrazët, ajo jeton mes kujtimeve dhe dëshmon forcën e Nënës”

Published

on

Në rrugën “Martirët Qerkezi”, në shtëpinë-muze qëndron Nëna Ferdonije. Brenda shtëpisë së zbrazët, ajo jeton mes kujtimeve dhe dëshmon forcën e Nënës. Shtëpia e familjes Qerkezi, në Gjakovë dëshmon gjenocidin dhe spastrimin etnik të Serbisë në Kosovë.

Nga aty, 25 vite më parë, forcat policore të Serbisë ia rrëmbyen dhe zhdukën të katër djemtë: Artanin, Armendin, Ardianin e Edmondin, si dhe bashkëshortin Halimin. Nga ajo shtëpi u rrëmbyen edhe Vegim Qerkezi, Shpejtim Ymeraga, Skender e Myrteza Dylhasi, dhe Shpend e Fatos Jetishi.

Në Dardaninë e Pejës, më 27 mars 1999 forcat e armatosura serbe, policë të njësive speciale dhe serb lokal, brenda tri orëve i masakruan 40 civilë shqiptarë të kësaj lagje.

Ne i kujtojmë çdoherë e nuk do t’i harrojmë kurrë.

Në këtë 25 vjetor i përkujtojmë edhe 75 të vrarët në masakrën në Klladernicë të Skënderajt, 18 të vrarët në Mamushë, dhe 10 anëtarët e familjes Rama të vrarë në Obiliq. Sot, në Fushë Kosovë përkujtohen 168 shqiptarët e vrarë nga forcat e armatosura serbe.

Me mall e dhembje, i kujtojmë sot dhe ҫdo ditë, të gjithë të vrarët dhe të zhdukurit me dhunë nga Serbia.

Sakrifica e popullit tonë është themeli i Republikës sonë të lirë.

Lavdi të gjithë të rënëve në rrugën e gjatë për çlirimin e Kosovës!

Albin Kurti, kryeministër i Kosovës. Prishtinë, 27 mars 2024./Media Ndërtimi

Continue Reading

Trending