Ndërtim
Nis rindërtimi i bunkerit ku u transmetua programi i Radio Kosva e Lirë
Në vitin 1999, Riza Berisha, në Majën e Pallanikut, doli me një mision të veçantë.
Ai mori pjesë në ndërtimin e bunkerit të radios “Kosova e Lirë”.
“E kemi hap bunkerin me mjete të thjeshta, me kazmë, me shati, kaci, me popull e ushtri”, tregon Rizah Berisha, ish-punëtor i Radios “Kosova e Lirë”
Por, bunkeri i Radios për afër tri dekada, u harrua nga institucionet e vendit.
E së fundmi, kanë filluar edhe punimet që këtij bunkeri t’i kthehet pamja që e kishte.
“Mbi 95% ju ka kthyer historikut të bunkerit të luftës, janë bërë punë të mira e të shkëlqyeshme, që do të jenë qindravjeçare”, thotë Berisha.
Ndërkohë, sipas kompanisë “Smakaj” punimet pritët të përfundojnë brenda disa ditëve.
“Është kryer bunkeri në të gjitha fazat, në përjashtim të derës që kemi me montuar, tash e kemi vetëm obeliskun dhe antenën, javën tjetër të gjitha punimet çka janë me kontratë do të përfundojnë”, thotë Naim Bytyqi, përfaqësues i kompanisë “Smakaj”
E që bunkerit t’i kthehet pamja që e kishte dikur, u angazhua i gjithë ish-ekipi i kësaj radioje.
“Kam ardh në vendin ku ka qenë bunkeri, me arkitekti Hamdi Qorri, të cilin dua ta falënderoj publikisht, e kam lut të na i bëj një projekt gratis me të cilin do të aplikojmë në Agjencinë për
Menaxhimin e Komplekseve Memoriale me shpresë që ata do ta marrin si projekt të tillë dhe do ta implementojnë”, shprehet Gazmend Elshani, ish-kameraman i radios “Kosova e Lirë”.
Bunkeri pritet të përurohet, më së largu me 21 qershor të vitit të ardhshëm.
E në këtë ditë, Nusret Pllana thotë se mund t’i rikthehet edhe për një ditë punës si moderator i luftës.
“Në ditën e fundit kam qenë ulur këtu, Martinin e kam pasur ballë për ballë dhe mi ndërronte letrat. Këtu kanë qenë mixetat, dhe operatorët Valdet Hoti dhe të tjerët. Për fat të mirë jemi të gjithë ekipi gjallë dhe do ta improvizojmë komplet emisionin e fundit”, Nusret Pllana, ish-moderator i radios “Kosova e Lirë”
Ndonëse punimet nuk kanë përfunduar, vendi ka filluar ta tërheq vëmendjen e vizitorëve.
Një nga ta,ishte ish-ushtari i UÇK-së, Afrim Hysenaj.
“Ky vend e ky bunker është zëri i parë në luftë që gjithë shqiptarëve i ka jep shpresë që Kosova është në rrugën e çlirimit”, shprehet ai.
Ndryshe, radios “Kosova e Lirë” e filloi transmetimin me 4 janar dhe punoi në kushte lufte deri me 21 qershor të vitit 1999./Media Ndërtimi
Ndërtim
Përfundojnë punimet në themelet e Arenës sportive në Milano në vlerë 180 milionë euro
Specialisti i inxhinierisë së tokës Trevi ka përfunduar punimet në ndërtimin e themeleve për Arenën e re Santa Giulia 180 milionë euro në Milano, Itali.
Salla sportive me shumë qëllime e projektuar nga arkitekti britanik David Chipperfield dhe Arup, do të presë garat e hokejit mbi akull për meshkuj për Lojërat Olimpike Dimërore 2026 në Milano dhe Kortinë.
Puna kryesore e Trevit përfshinte ndërtimin e 883 shtyllave duke përdorur teknologjinë CFA, 340 prej të cilave kanë një diametër prej 1000 mm dhe 543 të tjerat një diametër prej 1200 mm.
Zona e arenës së re ka toka të përbërë nga rërë dhe zhavorr me shtresa llumi dhe torfe; sipërfaqja e punës bëhet rreth një metër mbi tavolinën e ujit.
Ndërkohë, 100% e materialit të gërmuar të prodhuar nga punimet e gërmimit u rikuperua për përdorim në ndërtimin e rrugëve dhe mbushjet e punimeve civile.
Trevi përdori pajisje për aktivitetet e gërmimit të prodhuara nga Divizioni Soilmec i Trevi Group dhe pjesë e linjës Blue-tech. Makineria është projektuar për të reduktuar konsumin dhe emetimet e CO2 dhe për të frenuar ndotjen akustike./Media Ndërtimi
Ndërtim
Bechtel do të ndërtoj termocentralin e parë bërthamor të Polonisë
Kontraktori amerikan Bechtel dhe Westinghouse Electric Company kanë nënshkruar një marrëveshje zyrtare për partneritet në projektimin dhe ndërtimin e termocentralit të parë bërthamor të Polonisë.
Fabrika, në vendndodhjen Lubiatowo-Kopalino në Pomerani, vlerësohet të kushtojë 20 miliardë dollarë.
Konsorciumi dhe shoqëria polake Polskie Elektrownie Jądrowe pritet të nënshkruajnë një kontratë shërbimesh inxhinierike javën e ardhshme.
Qeveria polake zgjodhi teknologjinë e reaktorit Westinghouse AP1000® për programin e saj të parë të energjisë bërthamore në nëntor 2022.
Licencimi dhe puna inxhinierike tashmë është duke u zhvilluar për projektin./Media Ndërtimi
Ndërtim
Filluan punimet për ndërtimin e dy godinave të para në Portin e ‘Durrës Marina’
Nisin punimet në Portin e ‘Durrës Marina’, pjesë e një projekti të rëndësishëm në sektorin e hoteleri turizmit. Marina turistike e Durrësit është tashmë realitet dhe jo vetëm projekt në letër.
Në pjesën lindore të portit kanë nisur punimet për ndërtimin e dy godinave të para, për të cilat është dhënë leja e ndërtimit në fillim të muajit të kaluar.
Firma e ndërtimit që ka fituar të drejtën për ndërtimin e dy hoteleve të para 8 katëshe, po kryen punimet për rrethimin e kantierit dhe gërmimin e bazamentit për dy ndërtesat ne fjalë.
Leja e Ndërtimit dhënë nga Këshilli Kombëtar i Territorit: për objektin: “Godinë banimi dhe shërbimi me 1, 6, 7, 8 dhe 10 kate mbitokë, 1 kat pjesërisht parkim nëntokë dhe 1 kat parkim nëntokë” dhe “Godinë banimi dhe shërbimi 1, 6, 7 dhe 8 kate mbitokë, 1 kat pjesërisht parkim nëntokë dhe 1 kat parkim nëntokë”, Zona 02, Zona e menaxhimi A02 dhe A04, me vendndodhje në “Marina & Jahtet e Durrësit”, me subjekt zhvillues shoqërinë “Durrës Marina” SH.A.
Në projektin e Durrës Marina parashikohet të ndërtohen një sërë rezidencash luksi, ndërsa në sipërfaqen ujore parashikohet ndërtimi i kalatave për strehimin e jahteve të përmasave të ndryshme./Media Ndërtimi
Rrënohen tri furra të gëlqeres në Shtime
Përfundojnë punimet në themelet e Arenës sportive në Milano në vlerë 180 milionë euro
Historike! Kontejnerët ‘Made in Kosova’ akomodohen në projektin gjigant të ndërtimit “Stuttgart 21” të STRABAG dhe ZÜBLIN
Bechtel do të ndërtoj termocentralin e parë bërthamor të Polonisë
Pas Konventës së Bernës, 30 organizata mjedisore kërkojnë ndalimin e punimeve në aeroportin e Vlorës
Masterplani i Trojenës ka “harmoninë holistike”
Organet e pajisjeve të ndërtimit në Britani i përgjigjen pozitivisht ndryshimit neto zero
Ekspozita “Emerging Ecologies” eksploron ekologjinë e arkitekturës së mjedisit
Falimentimi i një metropoli, Birminghami pranë kolapsit financiar
Suhareka publikon projektin për stadium me 17 mijë ulëse , kërkon ndihmën nga MKRS-ja
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Kush po i pengon hetimet në rastin “Brezovica” ku u sekuestruan 75 villa
Lëndohen dy punëtor të ndërtimit pas rrëzimit të një plloçe në Kaçanik
Pa e shkatërruar natyrën, lagjja Area34 vjen me shumë kasolla në liqenin e Batllavës
Rruga A del këtë javë në tenderim, do të ketë gjashtë korsi
Këto janë 5 kompanitë ndërtimore më të mëdha në Prishtinë, prinë Marigona Hill
Rinovohen disa ndërtesa banimi në Gjakovë, shpenzojnë më pak energji elektrike
Kompania kosovare “FORMON” krijon ventilatorë të frymëmarrjes
-
Infrastrukturë2 days agoHistorike! Kontejnerët ‘Made in Kosova’ akomodohen në projektin gjigant të ndërtimit “Stuttgart 21” të STRABAG dhe ZÜBLIN
-
Ndërtim2 days agoFilluan punimet për ndërtimin e dy godinave të para në Portin e ‘Durrës Marina’
-
Infrastrukturë2 days agoSuhareka publikon projektin për stadium me 17 mijë ulëse , kërkon ndihmën nga MKRS-ja
-
Infrastrukturë2 days agoPunëtorët e Banglladeshit vijnë në Malishevë si punëtorë fizik
-
Arkitekturë2 days agoFillon në Nju Jork edicioni i 13-të i Festivalit të arkitekturës Archtober
-
Ndërtim2 days agoBechtel do të ndërtoj termocentralin e parë bërthamor të Polonisë
-
Infrastrukturë2 days agoPas Konventës së Bernës, 30 organizata mjedisore kërkojnë ndalimin e punimeve në aeroportin e Vlorës
-
Infrastrukturë2 days agoMasterplani i Trojenës ka “harmoninë holistike”