Connect with us

Auto

Vetura autonome Vern së shpejti në rrugët e Kroacisë

Published

on

Kompania e re e Mate Rimac, Verne, e prezantuar në vitin 2026, u jep shoferëve kontroll të madh brenda automjetit autonom.

Bëhet e ditur se Verne po ndërton një aplikacion për udhëtime që do t’i lejojë drejtuesit të vendosin temperaturën, ndriçimin dhe aromën e automjetit para se të arrijnë te ai.

Forma unike e Verne vjen nga dizajni i kabinës.

Kompania e dizajnoi veturën duke maksimizuar hapësirën për këmbë, për të cilën pretendohet se është më e madhe se e një Rolls-Royce, përcjell Telegrafi.

Siç raportohet, brenda veturës ka vetëm dy vende, sepse Verne zbuloi se 90 për qind e udhëtimeve përbëhej vetëm nga një ose dy persona.

Gjithashtu, modeli përmban një ekran info-argëtues, edhe pse i mungon timoni dhe pedalet.

Verne së pari do të dalë në rrugët e Zagrebit në vitin 2026, në Kroaci, përpara se të zgjerohet në Mbretërinë e Bashkuar, Gjermani dhe Lindjen e Mesme./Media Ndërtimi

Auto

Mercedes vjen me një plan të veçantë për karikimin e veturës

Published

on

Mercedes-Benz ka në mendje një lloj tjetër skenari për karikimin e veturës.

Ndërsa jeni duke shijuar një kafe në pikat e Starbucks, ju mund edhe të karikoni veturën në parking.

Nëse gjërat shkojnë sipas planit, përfundimisht do të gjeni karikues të shpejtë Mercedes në mbi 100 lokacione të Starbucks në Shtetet e Bashkuara.

Dhe gjithçka fillon në Bregun Perëndimor me Interstate 5, duke kaluar në veri dhe në jug përmes Kalifornisë, Oregonit dhe Uashingtonit, përcjell Telegrafi.

Duke marrë parasysh se Starbucks u themelua në Seattle, është një vend i përshtatshëm për fillimin e këtij partneriteti.

Bëhet e ditur se karikimi me fuqi të lartë është forca shtytëse e këtij bashkëpunimi.

“Bashkëpunimi midis dy markave kryesore si Mercedes-Benz dhe Starbucks do të përmirësojë përvojën e karikimit për të gjithë drejtuesit e EV”, tha Andrew Cornelia nga Mercedes-Benz.

“Ne parashikojmë një të ardhme ku karikimi i automjetit tuaj është po aq i lehtë sa të shijoni Starbucks-in tuaj të preferuar”, shtoi ai.

Ky partneritet fillon në Bregun Perëndimor, por është një përpjekje mbarëkombëtare që do të shohë rrjetin e karikimit të mbështetur nga Mercedes të zgjerohet gjatë 12 deri në 18 muajt e ardhshëm.

Sa i përket kohës kur karikuesi i parë Starbucks do të fillojë ose ku do të ndodhë, ky informacion nuk është bërë i ditur./Media Ndërtimi

Continue Reading

Auto

Audi A4 ‘bëhet’ A5?

Published

on

Gjenerata e re e modelit të njohur tani ka emër të ri, i cili sjell një karakter sportiv më të theksuar, por edhe veturën e parë hibride në gamë.

Që nga lansimi i tij tre dekada më parë, Audi A4 ka evoluar në një limuzinë ideale për aspiratat e biznesit dhe familjes, së bashku me një model karavan që, me versionin Allroad, përmbushi dëshirat e aventurierëve.

Tashmë me elektrifikimin ka pasur ndryshime edhe në nomenklaturën e modelit, kështu që A4 e ardhshme do të jetë model elektrik, transmeton Telegrafi.

Në të njëjtën kohë, A5 coupe dhe kabriolet hyjnë në histori, ashtu si A5 Sportback i mëparshëm. Nga ana tjetër, ka limuzina dhe karavan të cilët me rritjen e shkallës (emrave) të modeleve kanë marrë një karakter mjaft sportiv.

Ai do të ofrohet në katër variante: si A5 dhe S5 dhe si karavan  A5 dhe S5 Avant. Këto janë edhe modelet e para që do të prezantohen në platformën PPC (Premium Platform Combustion).

Më i madh se paraardhësi i tij, A5 i ri hyn në segmentin e klasës së mesme, sipas njoftimit zyrtar. Nuk ka dyshim, pamja e të dy versioneve të trupit është mbresëlënëse, me një karakter të theksuar sportiv, duke ndjekur në mënyrë progresive trendet aktuale në formën e rrotave me diametër më të madh dhe dritave LED të përshtatura në mënyrë tërheqëse.

Motorët ofrohen në një version të butë hibrid MHEV, i cili sjell një reduktim deri në 10 g CO2/km ose 0,38 l/100 km në 2.0 TDI (150 kW, me rrota të përparme/quattro) dhe deri në 17 g CO2 /km ose 0,74 l/100 km në V6 3,0 TFSI (270 kW, quattro), sipas ciklit WLTP./Media Ndërtimi

Continue Reading

Auto

Çmimet e veturave elektrike po barazohen me ato të benzinës

Published

on

Ajo që u paralajmërua në industrinë e automobilave po ndodh, por më shpejt se sa parashikimet.

Gjegjësisht, çmimet e baterive po bien me shpejtësi, gjë që ul edhe çmimet e veturave elektrike.

Faktorët që nxisin rënien prej 51 për qind të çmimeve të baterive përfshijnë rënien e çmimeve për lëndët e para si litiumi dhe kërkesa më e ulët se sa pritej për vetura elektrike. Rezultati tashmë po ndihet në Kinë – veturat elektrike tashmë kanë çmime në nivelin e makinave me benzinë ose edhe më të ulëta se ato, dhe ulje të ndjeshme të çmimeve të makinave elektrike po shkojnë edhe në kontinentin evropian. Përkatësisht, shumë automobila elektrik më të lirë do të shfaqen në treg në vitin 2025 dhe 2026.

Kërkesa globale për bateritë litium-jon në vitin 2023 u vlerësua kohët e fundit në rreth 950 gigavat orë, ndërsa kapaciteti global i prodhimit, kryesisht në Kinë, është dyfishi i kësaj shifre. Analistët parashikojnë se përpjekjet në Perëndim për të zhvilluar kapacitetin e prodhimit të baterive në përputhje me Kinën vetëm sa do të përkeqësojnë problemin e mbikapacitetit.

Ky është një lajm i mirë për konsumatorët, raporton BloombergNEF, i cili llogarit se çmimet më të ulëta do të reflektohen në modelet më të lira të makinave elektrike, prodhimi i të cilave është planifikuar për vitet e ardhshme.

Ndërsa çmimet më të ulëta për automjetet elektrike zakonisht mendohet se po rrisin kërkesën dhe për këtë arsye çojnë në një rikuperim të çmimeve globale të baterive, analiza e Bloomberg sugjeron se ka faktorë të tjerë në punë që tregojnë uljen e çmimeve për disa kohë në vijim./Media Ndërtimi

Continue Reading

Trending