Connect with us

Aktuale

Në Suharekë vendoset gurthemeli i Qendrës Rekreative për persona me Sindromin Down dhe Autizëm

Published

on

Në Suharekë është vendosur gurthemeli i Qendrës Rekreative për persona me Sindromin Down dhe me Autizëm, e financuar nga “Fondacioni Valon Vataj”.

Pjesëmarrës në këtë ceremoni ishin Kryetari i Komunës së Suharekës, Bali Muharremaj dhe Ambasadori i Shqipërisë në Kosovë, Qemajl Minxhozi.

Kryetari Muharremaj e quajti këtë projekt si një ndër projektet më të rëndësishme në Komunën e Suharekës, duke shtuar se personat me nevoja të veçanta kanë nevojë për përkrahje më të madhe.

“Me të vërtetë është duke ndodhur një risi në Komunën e Suharekës. Asnjë komunë sot nuk ka projekte që po realizohen nga afaristë, sikur po ndodh në Komunën e Suharekës. Ky projekt do të jetë i veçantë për fëmijët me nevoja të veçanta. Falënderoj bizneset që po bëjnë një punë të veçantë në të mirë të Suharekës ”

Ndërsa Valon Vataj, drejtor i Fondacionit, tha se të qenit filantrop është misioni më i rëndësishëm në jetën e tij, ndërsa premtoi se Qendra do të jetë gati më 1 qershor, që përkon edhe me ditën ndërkombëtare të fëmijëve.

“Ky projekt ka një rëndësi të veçantë për mua. Për mua të qenit filantrop është një ndër misionet më të rëndësishme në jetë, dhe unë ju premtoj se deri më 1 qershor, kur është edhe dita ndërkombëtare e fëmijëve, kjo qendër do të jetë gati, dhe ne do të vazhdojmë të e përkrahim deri në ditën kur ajo kalon në pronësi të komunës”

E Ambasadori i Shqipërisë në Kosovë, Qemajl Minxhozi, tha se me kalimin e viteve do të vërtetohet se kjo qendër është ndër projektet më të rëndësishme të Suharekës, pasi dalja në ndihmë e personave me nevoja të veçanta është ndër misionet më të shenjta.

“Personat me nevoja të veçanta e sidomos fëmijët janë kategoria më e rëndësishme e shoqërisë tonë, dhe ne duhet gjithmonë t’u dalim në ndihmë që t’ua bëjmë jetën më të lehtë. Dhe një projekt i tillë është shenjë se njerëzit e mirë nuk mungojnë, e unë i them Valonit se me kalimin e viteve, ai do t’ia dijë rëndësinë çdo herë e më shumë kësaj qendre, dhe do të ndihet krenar për punën e mirë që ka bërë për t’u dalë në ndihmë personave me nevoja të veçanta”

Qendra Rekreative për persona me Sindromin Down dhe autizëm ka një vlerë prej 500 mijë euro.

Aktuale

LDK kërkon pezullimin e vendimit për dyfishimin e tatimit në pronë

Published

on

Për t’u lehtësuar barra e qytetarëve që janë goditur nga inflacioni i lartë, Lidhja Demokratike e Kosovës, po kërkon nga Ministria e Financave që me vendim të pezullojë aplikimin e rivlerësimit të fundit të pronave në vend dhe faturat e tatimit për vitin 2023, të llogariten sipas vlerësimeve të bëra para vitit 2022.

Deputetja e LDK-së, Hykmete Bajrami ka thënë se është shqetësuese dyfishimi i çmimit në tatimi, pasi që nuk janë marrë parasysh edhe rrethanat socio-ekonomike.

Bajrami ka kërkuar nga Ministria e Financave të procedojë sa me parë në Kuvend, ligjin e ri për tatim në pronë, si dhe shtyrjen e zbatimit ndryshimin e ligjit për prona.

Ajo thotë se kjo ministri, përkatësisht Departamenti i tatimit në pronë, në bashkëpunim me komunat gjatë vitit 2023, të bëjnë rishikimin e plotë të procesit të ri-vlerësimit të pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale.

Kjo për shkak se gjatë ri-vlerësimit të pronave të bërë më 2022, janë përdorur zonat e vjetra, si dhe janë injoruar komplet nënzonat, pasi ka dështuar sistemi i Departamentit të Tatimit në Pronë.

“Është vërejtur që vlerësimi i pronave ka shumë gabime, të cilin e kanë konfirmuar edhe në shkresat zyrtare, vet Ministria e Financave drejtuar komunave të Kosovës, duke thënë që një prej mjeteve të softuerit nuk ka funksionuar dhe në fakt është injoruar komplet nën-zonimi.

Kjo nënkupton që pasuri të tëra të patundshme tatohen sot me vlerësimin e ri njëjtë sikur ato që janë në rrugën kryesore, sikurse ato që janë në rrugë tretësore. Shqetësimi yni tjetër ka qenë që nuk janë marrë parasysh rrethanat socio-ekonomike, dhe ne e dimë që prej vitit 2018 nuk ka pasur lëvizje të pagave për sektorin publik. Lëvizjet e pagave në sektorin privat për të kufizuara dhe nuk e adresojnë normën e inflacionit”, thotë ajo.

Deputetja Bajrami ka thënë po ashtu se shtrenjtimi i tatimit në pronë mbi 100 për qind, ka goditur qytetarët edhe më shumë në kohën kur inflacioni ka ndikuar në shportën e konsumatorit.

“Tani duke marr parasysh edhe inflacionin sidomos në shportën bazë të konsumatorit që e ka goditur shumë, gati qe 12 muaj qytetarët, ne kemi bërë kërkesë Ministrisë së Financave që në fakt ky rivlerësim të pezullohet, kurse faturat që i gjeneron Ministria e Financave t’i gjenerojë me vlerësime të fundit, që nënkupton që qytetarët e vendit të vazhdojnë të paguajnë tatimin në pronë në vitin 2023 të njëjtë me atë që e kanë pasur në vitin 2022.

Ndërkohë që gjatë këtij viti, ministria e Financave në bashkëpunim me krejt komunat të bëjë një rivlerësim të saktë ku do të merren parasysh edhe nën-zonat, rivlerësim i cili pastaj mund të konsiderohet që të hyjë në fuqi në vitin 2024”, thotë ajo.

Përveç kësaj, ajo thotë se LDK kërkon nga Ministria e Financave të procedojë sa më parë në Kuvend, Ligjin e ri për tatim në pronë, për t’iu lejuar fleksibilitet më të madh komunave në caktimin e normave tatimore.

“Përveç kësaj ne kemi kërkuar që të sjellët sa më shpejt ligji i cili nga tani është finalizuar dhe qëndron në sirtarin e ministrit të Financave për tatim në pronë, një ligj i ri i cili kishte me adresuar çështjen. Ajo çka është kërkesë sot e të gjitha komunave në Kosovë, është që t’iu lejohet fleksibilitet më i madh në caktimin e normave tatimore. Sot minimumi, pragu është 0.15 për qind e vlerës së tregut. Dhe komunat sikur të kishin pasur prag më të ulët dhe fleksibilitet më të madh, ndoshta këtë çështje, për këtë vit kishin mundur ta adresojnë përmes lëvizjes së normave tatimore”, pohon Bajrami.

Ndryshe, ministri i Financave, Hekuran Murati, ditë më parë i ka propozuar komunave që të gjithë tatimpaguesve t’u falen deri në 100 euro nga vlera e tatimit në pronë për këtë vit.

Megjithatë, sipas deputetes së Bajrami, kjo gjë s’mund të ndodhë sepse komunat nuk kanë të drejtë të falin tatime. Për propozimin e Muratit, thotë ajo, e hedh poshtë ministria e tij ndërkohë që ka publikuar një shkresë të Ministrisë së Financave të drejtuar një kryetari komune për këtë çështje./Media Ndërtimi

Continue Reading

Aktuale

62 objekte në rrugën “Agim Ramadani” dhe në afërsi të Parkut të Qytetit do të kyqen në “Termokos”

Published

on

Kanë filluar punimet për zgjerimin e rrjetit të ngrohjes për qendrën e qytetit, nga rruga Agim Ramadani deri tek Parku i Qytetit.

Kështu ka njoftuar nënkryetari i Prishtinës, Alban Zogaj, përmes rrjetit social Facebook.

Zogaj ka thënë se gjithsej në Ngrohtoren e qytetit do të kyqen 62 objekte, me 767 njësi banesore, me një total prej 106.145 metra katror.

Gjatë fundvitit të kaluar, punime për kyqje në ngrohtoren e qytetit ka pasur edhe në lagje tjera si në Arbëri dhe në Rrugën B./Media Ndërtimi

Continue Reading

Aktuale

Ministri Murati thotë se zyra ligjore e ministrisë i’a ka dhënë dritën e gjelbër për faljen e 100 eurove të tatimit

Published

on

Ministri i Financave, Hekuran Murati ka thënë se e ka marrë edhe dritën e gjelbërt nga Zyra Ligjore e ministrisë për të ecur tutje me planin për përfshirje në ligjin e ri edhe dispozitën për zbritjen e takimit në pronë deri në 100 euro për faturën e vitit 2023.

Murati ka thënë se një gjë të tillë kishte deklaruar qysh para një jave.

Ky vendim për faljen e 100 eurove për vitin 2023 është marrë pas reagimeve të shumta rreth rritjes së faturave të tatimit në pronë, sidomos në kryeqytet.

Atë çfarë kam thënë unë, e ka thënë edhe Departamenti Ligjor i MFPT-së:

– që dispozitën për zbritjen e tatimit në pronë deri në 100 euro për faturën e vitit 2023 do ta përfshijmë në ligjin e ri.

Meqenëse tashmë janë bërë disa komuna që kanë mbështetur këtë nismë, ne si ministri, qysh javën që vjen do të nisim procedurat fillimisht duke lëshuar projektligjin për konsultime të brendshme, e pastaj edhe për konsultime publike, dhe pas kësaj do ta dërgojmë për miratim në Qeveri./Media Ndërtimi

Continue Reading

Trending