Connect with us

Aktuale

Në pritje të epilogut pas skandalit të projektit afaristo banesor në Lakrishtë!

Published

on

A u konkretizuan ende hetimet rreth skandalit e shkeljeve ligjore e procedurale lidhur me projektin 120 milionësh afaristo-banesor të Ndërmarrja Publike Banesore SH.A. Prishtinë në Lakrishtë dhe allëshverishet që e kanë përcjellur këtë projekt?!

Jam duke pritur epilogun e këtij skandali pas hetimeve të inicuara nga Policia e Kosovës.

Nuk mjafton pezullimi i punimeve e as anulimi i ndonjë vendimi tash nga Komuna e Prishtinës madje as edhe kthimi në pikën Zero.

Ata që janë të përfshirë në këtë skandal dhe që kanë menduar se fshihen, duhet të japin përgjegjësi penale pse kanë ndodhur këto shkelje ligjore zingjirore që nga NPB-ja e deri të Komuna e Prishtinës që rrezikuan shëndetin publik të qytetarëve me skandalin e shkatërrimit pa kontroll të azbestit.

Realizimi i këtij projekti i nisur në kohë fushate zgjedhore, para tranferimit të pushteteve, do të kishte vazhduar, po të mos ishte vigjilenca e reagimi qytetar dhe i mekanizmave shtetërorë të nivelit qendror.

Veprimet e paligjshme të pandëshkuara, përseriten!

(Opinion nga gazetari i mediumit publik të Kosovës, Arsim Halili, i cili në vazhdimësi është duke raportuar për keqpërdorimet ligjore lidhur me projektin e dyshimtë afaristo-banesor të Ndërmarrjes Publike Banesore në Lakrishtë).

Policia e Kosovës, ditë më parë kishte konfirmuar se i ka nisur hetimet lidhur me projektin e dyshimtë afaristo-banesor të Ndërmarrjes Publike Banesore në Lakrishtë, ku ndodhi skandali mjedisor i shkatërrimit të materialit kancerogjen të azbestit duke rrezikuar shëndetin e banorëve.

Sipas burimeve, Njësia e Hetimeve e Policisë gjatë kësaj jave ka zhvilluar intervista me dëshmitarë lidhur me këtë projekt 120 milionësh ndaj të cilit rëndojnë akuza publike, pretendime të bazuara për shkelje ligjore e procedurale dhe dyshime për manipulime gjatë procesit të vendimarrjes që nga faza fillestare tenderuese dhe e përgatitjes së dokumentacionit e deri te lëshimi i lejeve./Media Ndërtimi.

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Aktuale

ATK inkason mbi 700 mijë euro borxhe nga bizneset

Published

on

Administrata Tatimore e Kosovës (ATK) ka njoftuar se pas një aksioni të djeshëm në disa subjekte biznesore, të cilët kanë borxhe të pa-paguara, ka inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit.

Në kuadër të këtij aksioni, sipas ATK-së, mbledhësit tatimor kanë mbyllur dhe sekuestruar prona të bizneseve për mos-pagesë tatimit, duke shtuar se të njëjtat aktivitete të mbledhjes së detyrueshme do të vazhdojnë edhe në ditët në vijim.

Përmes një njoftimi për media, Administrata Tatimore i njofton të gjithë tatimpaguesit që kanë obligime të pa-paguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit.

Gjithashtu, nga ATK-ja kanë bërë thirrje që tatimpaguesit të jenë bashkëpunues në pagesën e borxheve të tyre, si dhe të njoftohen për mundësitë që ofron Ligji për Administratën Tatimore dhe Procedurat në pagesën e borxheve tatimore./Media Ndërtimi

Continue Reading

Aktuale

Strehimoret prej bambuje një zgjidhje pas shkatërrimit të rreth 1 milionë shtëpive nga vërshimet në Pakistan

Published

on

Përmbytjet katastrofike në Pakistan kanë prekur rreth 33 milionë njerëz, shumë prej të cilëve po kërkojnë ende strehim të sigurt pas shirave që dëmtuan ose shkatrruan më shumë se 1 milion shtëpi.

Ndërsa një e treta e vendit është e zhytur nën ujë, dhe ekspertët thonë se mund të duhen deri në gjashtë muaj që uji të tërhiqet.

E për të adresuar nevojën urgjente për strehim të banorëve, arkitekti Yasmeen Lari dhe Fondacioni Heritage i Pakistanit kanë punuar gjatë gjithë kohës për të pajisur njerëzit në provincën Sindh me aftësitë dhe materiale për të ndërtuar strehimore prej bambuje.

Strehimoret, të quajtura Lari OctaGreen (LOG), mund të ndërtohen nga gjashtë ose shtatë persona brenda pak orësh.

Sipas arkitektit Lari synimi është që të ndërtohen rreth 1200 strehimore të tilla, dhe deri tani janë ngritur rreth 350 të tilla.

Ky aksion i ndërtimit të strehimoreve prej bambuje është përkrahur edhe nga rajone tjera të Pakistanit, dhe synohet të ndërtohet 1500 strehimore për muaj.

Strehimoret nuk janë të kushtueshme, janë të thjeshta dhe nuk kanë impakt negativ në mjedis.

Çmimi për ndërtimin e një strehimoreje nga bambuja kushton rreth 25 mijë rupi pakistanezë që përkthehet në rreth 110 euro./Media Ndërtimi

Continue Reading

Trending