Connect with us

Infrastrukturë

Në gjendje të rëndë Infrastruktura hekurudhore në Kosovë

Published

on

Në qarkullim është vetëm linja në relacionin Prishtinë – Pejë, përmes së cilës bëhet vetëm transporti i udhëtarëve.

Trenat e Kosovës sot nuk lidhen me asnjë linjë ndërkombëtare. Por rehabilitimi i hekurudhave në territorin e Kosovës, do t’ia mundësojë Kosovës kyçjen në korridoret e vendeve të rajonit dhe në ato pan-evropiane.

Për rehabilitimin e linjave hekurudhore, janë duke u kryer punimet në linjën Fushë Kosovë – Hani i Elezit. Kjo linjë hekurudhore është e ndarë në segmentet: Hani i Elezit – Fushë Kosovë dhe Mitrovicë – Leshak.

Zymer Zekaj, ushtrues detyre kryeshef Ekzekutiv në “Infrakos”, për Radio Kosovën tha se momentalisht janë duke u zhvilluar punimet në linjën e 10-të hekurudhore, që përfshin segmentin hekurudhor nga kufiri me Serbinë në veri të Kosovës deri në lindje në kufirin e Kosovës me Maqedoninë e Veriut.

Ndërkaq, për sa i përket modernizimit të linjës hekurudhore Prishtinë – Pejë, e cila është e vetmja linjë që bën bartjen e udhëtarëve, Zeka thotë se në këtë projekt përfshihet sinjalizimi, elektrifikimi dhe rehabilitimi i stacioneve të trenit, që janë të shkatërruara, e që kanë vlerë kulturore dhe historike. Disa nga këto stacione janë të mbrojtura nga UNESKO: Me këtë modernizim parashihet rregullimi i sinjalistikës, rregullimi i stacioneve që kanë vlerë. Një pjesë e madhe e tyre janë të mbrojtura nga UNESKO. Jemi në përgatitje të referencave edhe për linjën Klinë –Prizren.

Zekaj sqaroi se vendkalimet e licencuara nga Ministria e Infrastrukturës kanë sinjalizim të rregullt, por sipas tij, ka edhe vendkalime ilegale, që punëtorët e hekurudhave janë të detyruar t’i largojnë.Vendkalimet mbi binarë që bëhen kohë pas kohe, janë të jashtëligjshme. Ne jemi të detyruar kohë pas kohe të shkojmë t’i eliminojmë ato.

Ndërkaq, në një vizitë që ministri i Mjedisit, Planifikimit Hapësinor dhe Infrastrukturës, Liburn Aliu, që u bëri punimeve që po zhvillohen në pjesën e hekurudhës në fshatin Miradi të Epërme, tha se rehabilitimi i hekurudhës Fushë Kosovë – Hani i Elezit, është faza e parë e projektit të tërësishëm.

Aliu theksoi se modernizimi i kësaj hekurudhe përbën një hap të rëndësishëm drejt rehabilitimit të linjave hekurudhore, që është transport i gjelbër në funksion të ndikimeve të mira klimatike.

“Këto projekte janë të rëndësishme për vendin tonë edhe për qarkullim të brendshëm por, rëndësi të veçantë ka fakti që, përmes këtyre projekteve, Kosova do të mundë të kyçet në korridoret e rëndësishme të regjionit dhe në ato pan-evropiane. Përmes kësaj linje ne dalim në Shkup dhe rrjedhimisht në portin e Selanikut”, Rrejti hekurudhor i Kosovës shtrihet në një gjatësi prej 333 kilometra të cilat janë të pa elektrifikuar dhe me standarde njëdrejtimëshe.

Linja kryesore shtrihet nga kufiri verior i Kosovës në Leshak deri në Han të Elezit. Rjeti hekurudhor është i shtrirë edhe në linjat Fushë Kosovë – Pejë, Klinë – Prizren dhe Fushë Kosovë – Prishtinë – Podujevë. Shpejtësia e trenave, për shkak të kushteve teknike në linjat aktuale, mund të zhvillohet në 50 kilometra në orë, kurse me renovimin e hekurudhave, trenat do të qarkullojnë deri në 120 kilometra në orë. Ndryshe, fillimi i shtrirjes së rrjetit hekurudhor nëpër Kosovë ka filluar në vitin 1874, ku u ndërtua linja e parë hekurudhore në relacionin Hani i Elezit – Fushë Kosovë – Mitrovicë./Media Ndërtimi.

Infrastrukturë

Bizneset hoteliere dhe gastronome lirohen nga obligimi ndaj Komunës për shfrytëzimin e hapësirave publike

Published

on

Me vendim të Kryetarit, Perparim Rama, bizneset hoteliere dhe gastronome janë liruar nga obligimi ndaj Komunës për shfrytëzimin e hapësirave publike të kryeqytetit për tremujorin e fundit (prill, maj, qershor).

“U bëjmë thirrje që për tremujorin e ardhshëm (korrik, gusht, shtator), i cili shënon edhe fillimin e pjesës së dytë të sezonës verore, të aplikoni për leje shfrytëzimi në Komunën e Prishtinës, përkatësisht në Drejtorinë e Shërbimeve Publike.”, shkruan në njoftimin e Komunës./Media Ndërtimi.

Continue Reading

Infrastrukturë

Kanadaja financon skemat e rezistencës së infrastrukturës ndaj klimës

Published

on

Qeveria e Kanadasë ka lënë mënjanë fonde të reja që synojnë mbrojtjen e infrastrukturës nga efektet e ndryshimeve klimatike.

Ministrat njoftuan financimin prej 46.7 milion dollarë CA (30 milion £) për dy skema të rezistencës ndaj klimës: iniciativën për Mjedisin e Ndërtuar elastik ndaj Klimës dhe Programin e Standardeve për Mbështetjen e Rezistencës në Infrastrukturë.

Iniciativa për Mjedisin e Ndërtuar Rezistent ndaj Klimës (CRBE), e financuar nga Infrastructure Canada dhe e udhëhequr nga Këshilli Kombëtar i Kërkimeve të Kanadasë, do të ofrojë njohuri për të përshtatur infrastrukturën publike aty ku është e nevojshme, për të informuar ndryshimet në kodet e ndërtesave dhe infrastrukturës dhe për të krijuar udhëzues, standarde, mjete. , dhe zgjidhje teknike për elasticitetin e klimës. Ajo do të ketë financim prej 35 milion dollarë CA për pesë vjet. Nisma do të përfshijë bashkëpunimin në të gjithë sektorin e ndërtimit, nga projektimi dhe vendimmarrja tek ndërtimi, funksionimi, mirëmbajtja dhe rinovimi.

Programi i Standardeve për Mbështetjen e Rezistencës në Infrastrukturë (SSRIP), i udhëhequr nga Këshilli i Standardeve të Kanadasë, do të marrë fonde të reja prej 11.7 milion $ CA gjatë pesë viteve, për të ofruar standarde dhe udhëzime përkatëse që trajtojnë fushat prioritare si nxehtësia, përmbytjet dhe degradimi i ngricave të përhershme. në veri.

Programi po punon me komunitetet dhe përfituesit për të siguruar që këto projekte standardizimi të promovojnë një qasje të qëndrueshme ndaj përshtatjes ndaj ndryshimeve klimatike, të rrisin qëndrueshmërinë dhe të mbështesin vendimmarrjen e informuar për infrastrukturën dhe ndërtesat në të gjithë Kanadanë.

Infrastructure Canada tha se iniciativat do të ndihmojnë në përmirësimin e qëndrueshmërisë ndaj ndryshimeve klimatike duke informuar projektimin, rinovimin dhe përmirësimin e ndërtesave dhe infrastrukturës në të ardhmen. Mjetet dhe njohuritë teknike të zhvilluara do të ndihmojnë komunitetet të marrin vendime të informuara për klimën dhe do të reduktojnë kostot që lidhen me ndërtimin, funksionimin dhe riparimin, tha ai./Media Ndërtimi.

Continue Reading

Infrastrukturë

Komogllava e Ferizajt bëhet me infrastrukturë të re

Published

on

Punët në rregullimin e infrastrukturës rrugore po vazhdojnë në fshatin Komogllavë të Ferizajt.

“Pamë nga afër punimet në dy projekte infrastrukturore në fshatin Komogllavë, projektin për asfaltimin e rrugëve të mbetura në këtë fshat si dhe projektin për asfaltimin e rrugës dhe rregullimin e trotuarit në Lagjen Tafaliaj në Komogllavë, investime këto që përveç që rrisin standardin e infrastrukturës rrugore në këtë fshat, gjithashtu lehtësojnë jetën e banorëve, duke i ofruar siguri e infrastrukturën e nevojshme.”, deklaroi kryetari i Komunës së Ferizajt, Agim Aliu./Media Ndërtimi.

Continue Reading

Trending