Connect with us

Infrastrukturë

Ndërtimi i jashtëligjshëm që e shndërroi Gjilanin në qytet pa lumë

Published

on

“Nëse lumenjtë mbulohen, herët ose vonë, ato hakmerren…”, thotë shprehja e njohur e hidroinixhinierëve. Por a do të përballet edhe qyteti i Gjilanit me një gjë të tillë, mbetet për tu parë.

Në një projekt të nisur në vitin 2004, i cili ndryshe nga projekti fillestar, përfundoi me një plan që kishte për qëllim që lumi i vetëm i Gjilanit, ai i Mirushës, të betonohej, që mbi të të kalonin qytetarët në një shesh të improvizuar.

E sot, gati 20 vite pas ky shesh ende s’ka përfunduar. Ndonëse është bërë i kalueshëm për qytetarët një pjesë e sheshit ende qëndron ‘zbathur’, pa shtruar me kocka.

Hulumtimi i Gazetës “Enigma” zbulon se i gjithë ky projekt që buxhetit të komunës i kushtoi rreth 8 milion euro, është bërë pa pasur leje ndërtimi.

Ish-kryetari i Komunës së Gjilanit nga radhët e PDK-së, Qemajl Mustafa në një përgjigje për Gazetën “Enigma” ka dhënë detaje për ecurinë dhe procedurat që ka kaluar ky projekt ndër vite.

Mustafa ka deklaruar se ky projekt është realizuar me shpallje të tenderit në vitin 2004-2005, pak para se ai të vinte në pushtet.

“Ky projekt është përzgjedhur në rrugë konkurruese ( që do të thotë me shpallje të hapur të interesit publik) në vitin 2004/2005 që do të thotë para ardhjes time dhe të PDK në qeverisje të komunës. Autor i projektit është shtëpia projektuese “Urban plus” në Prishtinë. Kjo do të thotë që projektuesi, gjatë hartimit të projektit ka komunikuar me të gjithë sektorët relevant në komunë sepse ndryshe nuk ka mundur me e harmonizua projektin me rrethanat ekzistuese në terren”, tha ai.

Ai thotë se ndonëse pa leje ndërtimi nuk është punuar në kundërshtim me normat e urbanizimit. “Nëse nuk është lëshuar një leje formale (e që, ligjërisht, është obligative) kjo nuk do të thotë që është punuar në kundërshtim me normat e urbanizmit dhe të shërbimeve publike në trasën nëpër të cilën është implementuar projekti. Drejtorati i i urbanizmit dhe planifikimit në komunë duhet ta jep përgjigjen se a është lëshuar një leje formale ose jo. Nëse jo, pse ka mund me ndodhë një gjë e tillë”, ka pyetur Mustafa.

Hartimi i këtij projekti sipas tij,  komunës në atë kohë i ka kushtuar rreth 100 mijë euro. Ndërsa realizimi bashkë me shpronësimet e tokave është paraparë diku rreth 8 milionë euro.

“Unë konsideroj që projekti i ka kaluar të gjitha fazat deri në detalizimin e tij dhe deri në marrjen e vendimit për përzgjedhjen e tij”, tha Mustafa për “Enigmën.

Tutje ai ka theksuar se me realizimin e këtij projekti shtrati i Lumit “Mirusha” nuk është eliminuar.

“Me projektin e përzgjedhur, nuk është eliminua shtrati i lumit (i ujërave atmosferike) përkundrazi, projekti e ka lënë shtratin e hapur përgjatë gjithë qytetit sepse projekti ka paraparë, përveç ujërave atmosferike nga bora e shiu, aty duhet të rrjedhë edhe një sasi e ujit nga penda e Livoçit dhe nga ndonjë burim tjetër alternativ”, tha ai.

Sipas Mustafës Komuna e Gjilanit shtratin e Lumit “Mirusha” e ka mbuluar me vendim të Kuvendit komunal, gjë e cila është plotësisht e gabuar sipas tij sepse Kuvendi komunal nuk e ka këtë kompetencë.

“Me ligjet e ndërtimit, projekti mund të ndryshojë në ndonjë pjesë të tij por kjo mund të bëhet vetëm nga autori i tij dhe me arsyeshmëri bindëse e të argumentuar mirë. Komuna, shtratin e lumit e ka mbuluar me vendim të kuvendit të komunës e që është plotësisht e gabueshme sepse kuvendi nuk e ka këtë kompetencë. Kjo është detyrë e ekzekutivit (e zyrës së projekteve, e drejtorive dhe e prokurimit). Përndryshe, auditori i përgjithshëm krejt këto parregullsi i ka thënë shumë qartë në raportin vjetor për komunën e Gjilanit për vitet 2017 dhe 2018 dhe këto raporte janë publike. Ky auditor ka gjetur edhe tejkalime të skajshme financiare e sasiore në këtë projekt”.

Tutje ai shton se mbulimi i lumit s’ka të bëjë me ujërat e zeza dhe me kundërmimet sepse, siç thotë ai ato janë të vendosura në dy tubacionet anash shtratit të lumit (secili tubacion i merr ujerat e zeza të familjeve dhe bizneseve të njërës anë të lumit).

“Në mes është shtrati i lumit dhe anash kanë qenë trotuaret me ndriçim publik… tashmë shtrati është mbulua dhe krejt kjo hapësirë është lënë në dispozicion për bizneset dhe për qarkullim të qytetarëve”.

Tutje ai shton se me mbulimin e shtratit Gjilani e ka humbur mundësinë që të ketë një rrjedhë të ujit i cili e freskon dhe e filtron ajrin e zonës kah rrjedh uji (e veçanërisht ditëve me vapë gjatë verës) dhe e ka rrezikuar seriozisht veten e tij me vërshimet potenciale që mund të ndodhin nëse shtrati i lumit ngushtohet me kalimin e viteve.

“Aq më shumë kjo është e mundur sepse nuk është lënë mundësia e pastrimit të këtij shtrati sipas normave teknike të domosdoshme. Gjilani e ka një përvojë të keqe me vërshimet nga dekadat e kaluara sepse ato kanë ndodhur”, ka përfunduar Mustafa.

Edhe 19 vite pas – sheshi i papërfunduar./Media Ndërtimi.

Infrastrukturë

Tuneli spirale i ndërtuar në Kinë, njihet zyrtarisht si më i gjati në botë

Published

on

Një tunel spirale në Kinë, i ndërtuar nga gjigandi kinez i ndërtimit China State Construction (CSCEC), është njohur si më i gjati në botë.

Guinness World Records ka lëshuar një certifikatë për të konfirmuar statusin e tunelit Hankou në autostradën Xinxiang-Jincheng, e cila është 4,457 metra e gjatë, si pjesa më e gjatë e tunelit rrugor spirale në botë.

Autostrada Xinxiang-Jincheng përfshin 69.8 km që lidh provincat Henan dhe Shanxi nëpërmjet maleve Taihang.

Sistemi spirale i tunelit të autostradës së shpejtë përbëhet nga nëntë tunele që kalojnë nëpër vargmalin malor, me një gjatësi totale prej 28 km.

Tuneli Hanko varion në lartësi nga 784m deri në 893m, me një diferencë maksimale në lartësi ndërmjet hyrjes dhe daljes së tunelit prej 109m, dhe ka një rreze minimale prej 70m.

CSCEC përdori BIM për projektin, si dhe kodet e identifikimit për materialet në kantierin e ndërtimit për të minimizuar humbjet. Ai përdori gjithashtu sensorë IoT në të gjithë vendin e ndërtimit për të mbledhur të dhëna në kohë reale mbi vendosjen e tokës, uljen e harkut dhe matje të tjera.

Autostrada e shpejtë u hap në vitin 2022./Media Ndërtimi

Continue Reading

Infrastrukturë

Marrëveshje prej 302 milion € për ndërtimin e fabrikës hekurudhore zvicerane

Published

on

Një konsorcium i udhëhequr nga kompania zvicerane e ndërtimit CSC Costruzioni ka fituar një kontratë me vlerë 302 milionë euro (327 milionë dollarë amerikanë) për të ndërtuar një fabrikë të re hekurudhore në Zvicër.

CSC Costruzioni, një degë e Webuild, mban një aksion prej 67% në konsorciumin që do të ndërtojë projektin Nuovo Stabilimento Industriale Ferroviario (NSIF) në Ticino, Zvicër.

Konsorciumi i quajtur Consorzio Officine Ticinesi OFT do të zbatojë punimet përgatitore dhe punimet e gërmimit për FFS (Ferrovie Federali Svizzere) përpara se të ndërtojë godinën kryesore, ndërtesat teknike pranë dhe të gjitha punimet për zonat e jashtme.

Puna pritet të nisë në korrik të këtij viti, përpara përfundimit në vitin 2027./Media Ndërtimi

Continue Reading

Infrastrukturë

Korsi për autobusët dhe rehabilitimi i stacioneve në Tiranë, lidhet kontrata

Published

on

Projekti për ndërhyrjen në disa rrugë në Tiranë për të mundësuar korsi të dedikuar për autobusët si dhe rehabilitimin e disa stacioneve ka tashmë një kontratë të finalizuar.

Bashkia e Tiranës njoftoi në sistemin e prokurimeve se procedura që ka këtë objekt është fituar nga kompania “Liqeni VII” për një vlerë 95.2 milionë lekë me TVSH dhe punimet do të kryhen në harkun kohor të 9 muajve.

Referuar dokumenteve të bëra publikë në fazën e parë të prokurimit parashikohen ndërhyrje në disa segmente. Kështu projekt zbatimi i korsive të dedikuara për autobus përfshin rrugët:

– Unaza e mesme (nga kryqëzimi i “Brrylit” deri te ura “Vasil Shanto” në të dyja anët e lumit “Lana”).

– E “Kavajës” (segmenti nga sheshi “Mustafa Qemal Ataturku” – kryqëzimi me “Ibrahim Rugova”)

– “Muhamet Gjollesha” (segmenti nga ura “Vasil Shanto” – sheshi “Karl Topia”)” thuhet në dokument.

Të njëjtat dokumente parashikojnë edhe rehabilitim të stacioneve ku përfshihen 3 korridoret e linjave të transportit publik qytetës si dhe zonën përreth qendrës ku dhe përqendrimi i udhëtarëve dhe kërkesa për transit është më e madhe:

– Linja “Kinostudio Kombinat”

– Linja “Tirana e Re”

– Linja “Unaza,

“Rrugët janë kryesisht në gjendje të mirë. Ka dëmtime të riparueshme në pjesën e asfaltit në disa segmente ku aktualisht janë vend parkime për automjete.

Sipas detyrës së projektimit rrjeti i kanalizimeve te ujërave dhe bardha dhe te zeza është funksional dhe ne gjendje te mire.

Në stacionet e urbaneve mungojnë tabelat informuese për qytetarët. Në mungesë të një korsie të dedikuar autobusëve kemi vonesa në frekuencën e tyre, trafik, tejmbushje e tyre.

Gjithashtu është i nevojshëm rehabilitim i kurorave të gjelbërta përgjatë segmenteve të projektit, vend grumbullim të mbetjeve urbane dhe elementit ndarës/mbrojtës të kësaj korsie të përshtatshme për evitimin e “kërcimit të gomave” nënvizonte dokumenti./Media Ndërtimi

Continue Reading

Trending