Connect with us

Infrastrukturë

‘Na iku karriera’ – Saga e papërfunduar e ndërtimit të Teatrit të Operës dhe Baletit

Published

on

Artistët e operës dhe baletit të Kosovës nuk kanë arritur të performojnë asnjëherë në vendin e tyre, në kushte dhe skenë adekuate për këto arte.

Ideja për ndërtimin e Teatrit të Operës dhe Baletit të Kosovës nisi të institucionalizohej që nga viti 2006.

Por, siç thonë këto artiste, ndërtimi i një objekti të tillë, tashmë është shndërruar në sagë.

Besa Llugiqi, debutimin e saj në skenën operistike, rreth 11 vjet më parë e kishte shënuar në Tiranë, pavarësisht dëshirës që këtë ta bënte në Kosovë.

Ajo thotë se ka performuar edhe në vendlindje, por në kushte jonormale.

“Kam pasur rastin të këndoj edhe në Kosovë, por në kushte të tilla të improvizuara, të një skene në sallë të sportit. Nuk është aspak e lehtë për një artist që pretendon të zhvillohet artistikisht, sepse nuk ka hapësirë në vendin e vet”, thotë Besa.

Besa, dikur ishte pjesë e përhershme e trupës së Operës së Kosovës. Ajo thekson se tashmë mund të angazhohet vetëm herë pas here në këtë trup.

Që nga viti 2007 e deri më tash janë hapur katër konkurse për ndërtimin e objektit të Teatrit të Operës dhe Baletit.

Aulonë Nuhiu është pjesë e përhershme e Trupës së Baletit të Kosovës, tash e 17 vjet.

Ajo thotë se streha e balerinëve, Teatri Kombëtar i Kosovës, nuk ka ofruar asnjëherë kushte optimale për punën e balerinëve. Për më shumë, tash e 2 vjet ky teatër është në proces renovimi.

Aulona thekson se ajo dhe kolegët e saj, gjatë karrierës kanë arritur të shijojnë skena të bukura dhe me kushte të mira, vetëm në teatrot jashtë vendit.

“Unë i kam 30 vjet. Balerinët e tjerë janë në moshë edhe më të madhe. Në qoftë se ne e lejojmë veten të presim që shteti ynë të na i bëjë kushtet neve, vitet tona shkuan dhe karriera jonë iku”, thotë Aulonë Nuhiu.

Në vitin 2007, Ministria e Kulturës, Rinisë dhe Sportit, hapi konkursin për projektin ideor, kurse lokacioni për ndërtimin e tij ishte caktuar në afërsi të Fakultetit Teknik të Universitetit të Prishtinës, shkruan Radio Evropa e Lirë.

Në vitin 2009, në mënyrë ceremoniale ishte hedhur edhe guri themeltar. Dhe, puna ngeci aty.

Në vitin 2019, në kohën kur MKRS-në e drejtonte Vlora Dumoshi, pati dy konkurse për projektin ideor për Teatrin e Operës dhe Baletit.

Gjatë vitit 2020, MKRS-ja dhe Komuna e Prishtinës nuk arritën të pajtohen që objekti i këtij teatri të ndërtohej në parcelën e caktuar më herët, në afërsi të Fakultetit Teknik të Universitetit të Prishtinës.

Komuna e Prishtinës të njëjtën parcelë e përcaktoi për ndërtimin e Fakultetit të Shkencave Matematike-Natyrore. Ndërtimi i objektit të këtij fakulteti është duke vazhduar edhe sot.

Konkursi i katërt për projektin ideor të Teatrit të Operës dhe Baletit u shpall nga MKRS-ja e drejtuar aktualisht nga Hajrullah Çeku.

Tashmë, edhe hapësira për ndërtimin e Teatrit të Operës dhe Baletit është ndryshuar.

Ajo është caktuar prapa Pallatit të Rinisë dhe Sporteve, me pajtimin e Komunës së Prishtinës

Tenderi për projektin ideor u hap nga MKRS-ja në tetor të vitit 2022.

Ai u anulua me vendimin e Organit Shqyrtues të Prokurimit (OSHP), më 24 janar të këtij viti.

Bazuar në vendimin e OSHP-së, konkursi është anuluar pas ankesës së një prej tri kompanive konkurruese. OSHP-ja ka konstatuar shkelje ligjore nga ana e MKRS-së gjatë procesit të vlerësimit të projekteve konkurruese, për shkak se tri kompanitë kanë zbuluar identitetin e tyre.

Sërish konkurs për projektin ideor

Pas anulimit të atij në janarin e sivjetmë, MKRS-ja ka rihapur sërish konkurs më 13 mars të vitit 2024 dhe do të zgjasë deri më 12 prill.

Vlera e parashikuar për tenderin për projektin ideor për ndërtimin e Teatrit të Operës dhe Baletit është 2.5 milionë euro.

Artistët shpresojnë që saga e Teatrit të Operës dhe Baletit të përfundojë dhe të nisë ndërtimi i objektit.

Teatri i Operës dhe Baletit parashihet të jetë një shtëpi e përbashkët për tri institucione, Operën e Kosovës, Filarmoninë e Kosovës dhe Baletin Kombëtar të Kosovës.

Bazuar në informacionet që kanë përfaqësuesit e këtyre institucioneve, për ndërtimin dhe finalizimin e një objekti të tillë do të nevojiten 50 milionë euro./Media Ndërtimi

Infrastrukturë

Së shpejti parkim publik me energji diellore në Durrës

Published

on

Një parkim modern multifunksional po ndërtohet në Durrës, në shërbim jo vetëm të qytetarëve, por edhe në funksion të sezonit turistik.

Për të inspektuar punimet, ishte prezent në kantier Kryeministri Edi Rama i shoqëruar nga kryebashkiakja e Durrësit Emiriana Sako dhe nga drejtori i Fondit Shqiptar të Zhvillimit, Dritan Agolli. “Është një objekt i cili ndodhet në një pozicion shumë të mirë, shumë afër me qytetin.

Durrësi ka një shtim të fluksit të lëvizjes gjatë sezonit turistik dhe një nevojë të madhe për parkim dhe mendojmë që me këtë godinë, me përfundimin e saj do të japim një shërbim të mirë pasi këtu do të akomodohen 400 vende parkimi,

do të ketë poste për biçikletat, karikues elektrik për mjetet elektrike dhe nga pjesa tjetër e funksioneve të objektit kemi parashikuar edhe hapësira të tjera funksionale si zyra të cilat mund të jenë në funksion të transportit publik në qytetin e Durrësit, por edhe salla për aktivitete të ndryshme”, – u shpreh kryetarja e bashkisë së Durrësit.

Godina do të furnizohet me energji falë paneleve diellore ndërkohë që projekti është konceptuar që të funksionoj si një rampë nga hyrja, deri në katin e fundit. Kjo gjë do të bëjë të mundur uljen e sipërfaqes së qarkullimit.

“Nga pikëpamja e teknologjisë ka për të qenë e gjitha me panele fotovoltaike që do të krijojë qëndrueshmëri nga pikëpamja e eficiencës së energjisë së parkimit.

Nuk është thjesht një hapësirë parkimi, por është një hapësirë me jetë e gjallëri gjatë gjithë kohës”, – theksoi drejtori i FSHZH, Agolli. Objekti është i vendosur në një nyje strategjike të qytetit.

“Nga e djathta kemi Portin turistik që po ndërtohet dhe pjesën e portit e Durrësit ekzistues dhe në të majtë kemi godinën e hekurudhës ku ka filluar puna me shtrimin e linjës Durrës – Tiranë dhe Durrës – Aeroport dhe mendojmë se është një nyje shumë e rëndësishme strategjike dhe ky objekt është i një nevoje shumë të lartë për qytetin – tha kryebashkiakja Sako.

Ky projekt, pritet të lehtësojë trafikun në qytet sidomos gjatë sezonit veror./Media Ndërtimi

Continue Reading

Infrastrukturë

Prokuroria urdhëron ndalimin e punimeve në rrugën ‘Gëzim Sahiti’ në Ferizaj

Published

on

Pas reagimeve dhe deklaratave të organizatës AVONET dhe shqetësimeve për mos respektim të vendimit të gjykatës themelore në Prishtinë dhe gjykatës së apelit, Prokuroria Themelore në Ferizaj ka urdhëruar inspektoriatin komunal në Ferizaj që të ndalojë punimet që po zhvillohen kundërligjshëm në rrugën Gëzim Sahiti.

Reagimi i prokurorisë vie si rezulatat i takimit të përbashkët me Kryeprokurorin z. Jashari, AVONET dhe banorët e lagjes. Në takim u shtjelluan dhe u prezantuan të gjitha faktet, provat dhe gjendja faktike, e rastit në fjalë.

Prokuroria me veprimet e saja ndaloi vazhdimi e shkeljeve ligjore nga kompania e përfshirë në çështje.

Rrjeti i Organizatave Jo-Qeveritare AVONET shpreh shqetësimin e thellë lidhur me veprimet e kundërligjshme të Drejtorisë së Urbanizmit, në lidhje me zbatimin e vendimeve gjyqësore, konkretisht Aktvendimin A.nr.1365/23 të Gjykatës Themelore në Prishtinë dhe Aktvendimin AA.nr.855/23 Gjykatës së Apelit. Këto vendime kanë bërë shtyrjen e ekzekutimit të vendimit të lejes ndërtimore në rrugën Gëzim Sahiti, në Ferizaj.

Këto veprime të kundërligjshme janë duke u bërë në një amulli totale të krijuar nga Drejtoria e Urbanizmit dhe Mjedisit në Komunën e Ferizajt. Për AVONET kjo amulli e krijuar është manifestim i paditurisë ose kapjes së Komunës së Ferizajt nga mafia e betonit.

AVONET ka parashtruar kërkesa për qasje në dokumente publike në Gjykatën Supreme dhe në Gjykatën Themelore në Prishtinë ku ka kërkuar sqarime në lidhje me rastin e krijuar nga zyrtarët e Komunës së Ferizajt. Nga këto institucione kemi pranuar informacione zyrtare se vendimi gjyqësor në lidhje me rastin në fjalë ende nuk është ekspedituar (dërguar) në gjykatën e shkallës së I-rë gjegjësisht Gjykata Themelore në Prishtinë nuk e ka pranuar ende këtë vendim gjyqësor.

Nga përgjigjjet e Komunës së Ferizajt shohim se zyrtarisht organet komunale nuk kanë marr asnjë veprim, në drejtim të fillimit të punimeve në objektin banesor në rrugën Gëzim Sahiti. Kurse nga gjendja faktike në terren shohim se punimet zhvillohen pa u penguar fare, madje punëkryerësit deklarohen se kanë leje pune nga Komuna e Ferizajt. Për këtë kemi njoftuar edhe organet e rendit siç është Prokuroria Themelore në Ferizaj dhe Policia e Kosovës, por deri më tani nuk kemi parë asnjë veprim nga organet në fjalë. AVONET vlerson se me këtë mosveprim po rrezikohet rëndë siguria juridike e qytetarëve.

Continue Reading

Infrastrukturë

Rruga Kijevë – Dollc, jepen zotime se do të kryhen brenda afatit

Published

on

Kryeministri i Kosovës, Albin Kurti ka marrë pjesë në inaugurimin e nisjes së punimeve të projektit “Zgjerimi i rrugës nacionale N9-Segmenti Kijevë-Dollc”, më 19.04.2024.

Me këtë rast, ai tha se punimet e kësaj rruge do të kenë edhe mbikëqyrës të punëve të kryera.

Ndërsa zëvendësministri i Infrastrukturës, Hysen Durmishi njoftoi që janë tri llote të punimeve të kësaj rruge.

Ai tha se afati për llotin më të madh është 260 ditë, por u shpreh i bindur se punimet do të realizohen para këtyre afateve.

“E nisëm me Podujevën për të vazhduar me Mitrovicën me ritëm të lartë dhe tani po e fillojmë ndërtimin e rrugës në drejtim të Pejës. Janë tri llote. Afati më i gjatë është 260 ditë për llotin me të madh, por unë jam i bindur që do të realizohen para këtij afati të gjitha llotët”- tha ai.

Kurti dhe Durmishi u pyeten edhe lidhur me ankesat e qytetarëve që për shkak të punimeve do të mbyllen disa biznese.

Durmishi tha se devijimi i rrugës ka filluar shumë më herët.

Komplet elaborimin e studimit ua kam dhënë përfaqësuesve të bizneseve”- tha ai.

Ndërsa, kryeministri Kurti tha se kjo çështje do të diskutohet dhe se nuk dëshirojnë ta dëmtojnë askënd për shkak të këtyre punimeve.

Po ashtu, ministri i Infrastrukturës, Liburn Aliu tha se po i kushtohet rendësi që shpronësimet të kryhen në kohë në mënyrë që të mos krijojnë probleme tjera.

“Në dallim të projekteve të mëhershme ajo që i kemi kushtuar rendësi është që shpronësimet të kryhen në kohë dhe të mos kemi problem me shpronësime, të cilat pastaj na krijojnë pengesa në projekt. Ky projekt është duke u realizuar në mbikëqyrjen e një kompanie. Të gjitha këto na sigurojnë që punimet të kryhen në kohë”- tha Aliu.

Ai ka njoftuar më 25.03.2024 se është nënshkruar kontrata për fillimin e ndërtimit të rrugës Prishtinë – Pejë, segmenti Kijevë-Dollc.

Kjo kontratë, siç ka bërë të ditur ministri, kap vlerën 21 milionë euro dhe se rruga do të jetë me katër korsi./Media Ndërtimi

Continue Reading

Trending