Connect with us

Aktuale

Mungesa e fuqisë punëtore, bizneset angazhojnë punëtorë të dalë në pension

Published

on

Mungesa e punëtorëve në Kosovë si pasojë e migrimit të të rinjve, po i detyron bizneset që të marrin punëtorë madje edhe të pensionuar. Kështu ka thënë për Radio Kosovën, kryetari i Sindikatës së Pavarur të Sektorit Privat, Jusuf Azemi.

Ai tutje ka thënë  se qeveria nuk po krijon kushte për të rinjtë në Kosovë,  punëtorët e kanë humbur vullnetin dhe sigurinë dhe i vetmi orientim që shohin është të dalin sa më parë jashtë.

Azemi për Radio Kosovën ka thënë se në shumë kompani që ka vizituar ka parë duke punuar persona që tashmë kanë kaluar në pension, kjo si shkak i ikjes jashtë vendit të të rinjve.

“Është bërë një ngritje e pagave simbolike e për të cilën ne nuk jemi të kënaqur, sepse me ngritjen e çmimeve tani në gjendjen që jemi, kjo paga minimale duhet të jetë minimumi 500 euro. Kompanitë po i rrisin tani për shkak të mungesës së punëtorëve dhe po mundohen  t’i joshim punëtorët sadopak që të kenë një siguri për punët që i kryejnë” ka thënë Azemi.

Tutje ai ka shtuar se që nga paslufta asnjë qeveri nuk i ka kushtuar kujdes të mjaftueshëm implementimit të ligjit që kanë të bëjnë me raportet mes punëdhënësit e punëmarrësit.

“I kemi bërë thirrje Qeverisë së Kosovës që ta bëjmë një mini-program, që të dalim bashkërisht dhe t’u ofrojmë kushte punëtorëve të sektorit privat në Kosovë  e që paga minimale të jetë 500 euro dhe njëkohësisht të ketë mbikëqyrje të rreptë  nga inspektorati dhe sindikata. Kompanitë tani për tani edhe nëse 1 mijë euro ua ofrojnë punëtorëve, ata e kanë humbur vullnetin dhe sigurinë dhe i vetmi orientim që shohin, është të dalin sa më parë jashtë”. Ka shtuar Azemi./Media Ndërtimi

Aktuale

Asociacioni i Arkitektëve reagon për projektligjin e pagave në sektorin publik

Published

on

Të nderuar arkitektë te Republikës se Kosovës, duke u bazuar në standardet ndërkombëtare për Klasifikimin e profesioneve si listë hierarkike e kodifikuar për përcaktimin e profesioneve ISCO 88 dhe ISCO -08 dhe ne Ligjin për Profesione të Rregulluara te Republikës se Kosovës LIGJI Nr. 05/L-066,

Lidhur me Projektligjin për Pagat në Sektorin Publik, ne Asociacioni I Arkitektëve të Kosovës /a-a-k/ shprehë kënaqësinë qe ky Projektligj ka marrë rrugën e mbarë dhe duke shfrytëzuar të drejtën e komenteve shtesë të këtij Projekt Ligji, specifikisht në fushën – Profesionin e Arkitektit, shprehim shqetësimin tonë dhe nevojën për te kontribuar në trajtimin meritorë te profesionit të Arkitektit.

Bazuar në normat ligjore ekzistuese, me këtë Projektligj trajtimi I profesionit të arkitektit nuk është adekuat / ekuivalent, për të mos thëne që trajtimi është diskriminues.

Prandaj, bazuar në parimin themelor të sistemit të pagave,Neni.4, Parimi I barazisë dhe mos-diskriminimit, respektivisht për punë të barabartë të ketë pagë të barabartë, profesioni i arkitekturës në këtë projektligj nuk është i pozicionuar drejtë si:

– sistem i përgjithshëm i ndarë si profesionet tjera në këtë projektligj,

-klasë e pagës – nivelin e pozicionimit në hierarkinë e përgjithshme të funksioneve në shkallën e pagës që i korrespondon një koeficient i caktuar dhe që përbëhet nga një grup funksionesh, pozitash apo gradash me nivel të njëjtë apo pothuajse të njëjtë kompleksiteti, dhe

– koeficient te pagës – shprehjen numerike që korrespondon me klasën dhe grupin e pagës.

Trajtimi i barabarte me, profesione ekuivalente, është trajtuar – zgjedhur dhe me Ligjin mbi “Profesionet e Rregulluara” Ligji Nr. 05/L-066, ku Profesionet e specifikuara ekuivalente janë si më poshtë :

1.1. Mjekut; 1.2. Stomatologut; 1.3. Farmacistit; 1.4. Infermierit; 1.5. Mamisë; 1.6. Fizioterapeutit; 1.7. Veterinerit; 1.8. Arkitektit; 1.9. Inxhinierit të të gjitha fushave; 1.10. Mësimdhënësit e të gjitha niveleve të arsimit para universitar; 1.11. Edukatorit; 1.12. Psikologut; 1.13. Punëtorit social; 1.14. Pedagogut; 1.15. Ekonomistit; 1.16. Juristit.

Ku është shqetësimi i Asociacionit te Arkitektëve dhe çfarë konsiderojmë te drejtë, të barabartë dhe insistojmë:

Profesioni I Arkitekti ne Projektligj është futur / sistemuar në:

SHTOJCEN-Nr.10-NËNPUNËSI I SHËRBIMIT CIVIL, NËNPUNËSI I ADMINISTRATËS SË SHËRBIMIT PUBLIK DHE NËNPUNËSI TEKNIK DHE MBËSHTETËS, Nr.22-me emërim pozitë: SPECIALIST. Grupi – G, Klasa – G21, me Koeficient – 7, ne fusha te përgjithësuara.

Për Asociacionin e Arkitekteve te Kosovës ky koeficient ne këtë projektligj gjithsesi se nuk është trajtim – rangim I barabartë me Profesionet simotra.

Andaj, kërkojmë dhe insistojmë me ngulm që Arkitekti –SPECIALIST, bazuar dhe në SHTOJCAT-Nr.9 dhe Nr-10,të trajtohet dhe rangohet si më poshtë:

SHTOJCA NR. 10 – NËNPUNËS I SHËRBIMIT CIVIL, NËNPUNËSI I ADMINISTRATËS SË SHËRBIMIT PUBLIK DHE NËNPUNËSI TEKNIK DHE MBËSHTETËS

*Arkitekt – Specialist* – Pozitat në fushën e planifikimit hapësinor, inxhinierisë, arkitekturës, urbanizmit dhe gjeodezisë, kimi, fizikë, biologji dhe fusha të tjera të ngjashme.

*Pozita e Arkitektit specialist insistojmë që të gradohet në tri-3 nivele me koeficiente si më poshtë:

*Arkitekt – Specialist – 3 /AS-i lartë/ me mbi 10 vite përvojë pune në të njëjtën lami, me K** – 12.2* Në: Ministri / Komunë/ Institucione publik /Ndërmarrje Publike, Planifikim, Urbanizëm, Arkitekturë, Dizajn, Enterier, Trashëgimi, Ndërtim, Mbikëqyrje dhe të ngjashme.

*Arkitekt – Specialist – 2 /AS i mesëm/ me mbi 5 vite përvoje pune në të njëjtën lami, me K – 8.4 *Në: Ministri / Komunë/ Institucione publike / Ndërmarrje Publike, Planifikim, Urbanizëm, Arkitekturë, Dizajn, Enterier, Trashëgimi, Ndërtim, Mbikëqyrje dhe të ngjashme, dhe

*Arkitekt – Specialist – 1 /AS i ulët/ deri në 5 vite përvoje pune në laminë përkatëse. me K – 7.4*; Në: Ministri / Komunë / Institucione publike / Ndërmarrje Publike. Planifikim, Urbanizëm, Arkitekturë, Dizajn, Enterier, Trashëgimi, Ndërtim, Mbikëqyrje dhe të ngjashme.

Pas deponimit te reagimit tonë si kryesi ne adresën/faqen zyrtare të Ministrisë së  Punëve të brendshme (Administrates Publike), bashkangjitur gjeni vegëzen me përmbajtjen e reagimit.

file:///C:/Users/Admin/Downloads/Asociacioni…a-a-k%20KOMENTET%20NE%20PL%20E%20PAGAVE%20(1).pdf

Continue Reading

Aktuale

Shteti italian ofron 5 mijë euro për renovimin ose blerjen e shtëpisë për këdo që vendos të jetojë në këtë fshat

Published

on

Fshati Roseto Valfortore, në provincën e Foggia, është një nga më të bukurit në Itali por pavarësisht kësaj, në dekadat e fundit ai ka pësuar një shpopullim gradual.

Për të mos e lënë fshatin nën mëshirën e fatit, Bashkia Roseto Valfortore ka ofruar një kontribut ekonomik prej 5000 euro për ata që vendosin të shpërngulen në zonën piktoreske.

Roseto Valfortore sot ka një popullsi prej pak më shumë se 1000 banorë. Me kalimin e kohës ai ka pësuar një braktisje graduale dhe iniciativa e bashkisë ka si qëllim që të inkurajojë si familjet ashtu edhe biznesit që ta ripopullojnë fshatin, raportojnë mediat në vend.

Për të nxitur ardhjet, Bashkia ka akorduar 50 mijë euro të cilat do t’u shpërndahen atyre që vendosin të shpërngulen në fshatin e vogël ose me punë ose me një vendbanim të ri.

Kushdo që dëshiron të kalojë në Roseto Valfortore mund të përfitojë nga kontributi prej 5000 eurosh.

Fondet do të shpërndahen sipas rendit kronologjik të paraqitjes së aplikimit. Mund të aplikojnë si ata që dëshirojnë të shpërngulen në fshat por edhe ata që duan të hapin një biznes.

Bashkia do t’u japë përparësi familjeve në të cilat të paktën njëri prej anëtarëve është shtetas Rosetan. Kontributi ekonomik i njëhershëm dhe i pakthyeshëm synon rinovimin ose blerjen e një shtëpie. /Media Ndërtimi

Continue Reading

Aktuale

Tata Motors lanson veturën elektrike e cila kushton 10 mijë dollarë

Published

on

Tata Motors, një prodhues automobilistik me bazë në Indi, ka lansuar një automjet të ri të vogël tërësisht elektrik hatchback që fillon nga vetëm 10 mijë dollarë.

Tregu indian i automjeteve ka mbetur prapa kolegëve të tij kur bëhet fjalë për elektrifikimin.

Kjo është për shkak të shumë faktorëve, por jo më i rëndësishmi nga të cilët është fakti se vendi ka ligje të forta mbrojtëse kur bëhet fjalë për industrinë e tij të automjeteve dhe e bën të vështirë për prodhuesit e huaj të automjeteve të nxjerrin automjete të reja në vend pa i prodhuar ato atje.

Tesla ka tentuar disa herë të lansojë produkte në Indi, por politika i ka penguar ata ta bëjnë këtë pa ndërtuar më parë një fabrikë në vend.

Kjo do të thotë që India duhet të mbështetet kryesisht në industrinë e saj të automobilave për të elektrizuar automjetet e saj të pasagjerëve dhe për të adresuar emetimet nga industria e saj e transportit.

Tata Motors, prodhuesi më i madh indian i automjeteve, ka nxjerrë në treg disa automjete elektrike dhe ka vendosur rreth 45,000 prej tyre në rrugët indiane.

Tani kompania po lançon një makinë të re elektrike më të lirë që mund të përshpejtojë shumë adoptimin e EV-ve në Indi.

Sot, prodhuesi i automjeteve po lanson Tiago.ev dhe titulli kryesor është se makina elektrike fillon me vetëm 10 mijë dollarë.

Në listën e mëposhtme janë të gjitha variantet e Tiago.ev të Tata Motors me një çmim fillestar prej 8.49 Lakh, që është ekuivalenti me rreth 10,000 dollarë, derisa secili variant ka çmim të ndryshëm, në varësi të specifikave./Media Ndërtimi

Continue Reading

Trending