Connect with us

Infrastrukturë

Ministrisë së Infrastrukturës i janë dashur një vit kohë për ta përmbyllur një pjesë të kontratës për mirëmbajtjen e rrugëve nacionale dhe rajonale

Published

on

Ministrisë së Infrastrukturës që drejtohet nga ministri i Albin Kurtit, Liburn Aliu, i janë dashur një vit për ta përmbyllur një pjesë të kontratës për mirëmbajtjen investive të rrugëve nacionale dhe rajonale të Kosovës.

Të mërkurën është nënshkruar vetëm Loti i tretë i tenderit të dedikuar për vitin 2022, pavarësisht se tash kanë kaluar thuajse tre muaj të vitit 2023.

Atë e ka fituar Grup i Operatorëve Ekonomikë: Rahovica Comerce SH.P.K.; Linda dhe kap shumën e 668 mijë eurove, shkruan Gazeta Insajderi.

Por, e gjithë procedura për këtë prokurim publik kishte nisur më 21 prilli të vitit të kaluar kur ishte bërë njoftimi për këtë kontratë.

Aty njoftohej se tenderi do të peshonte 3 milionë e 596 mijë e 710 euro do të jepej në tre lote.

Kompania që do ta fitonte Lotin e parë do të mirëmbante 694 kilometra, ajo që do ta fitonte Lotin e 2 do të merrej me 918 kilometra të tjera, dhe pastaj lotit të tretë do t’i mbeteshin edhe 574 kilometra, shkruan Gazeta Insajderi.

Nga momenti kur ishin zbuluar detajet për kompanitë që do të konkurronin për këtë tender, ishin dashur dhjetë muaj që të shpallej fituesi.

Më 22 shkurt të këtij viti, në faqen zyrtare të Komisionit Rregullativ të Prokurimit Publik, ishte publikuar njoftimi për dhenie të kontratës.

Sipas saj, Lotin e parë që peshonte mbi 783 mijë euro e kishte fituar Grup i Operatorëve Ekonomikë: Bujar Shabani B.I.; VIA EGNATIA SH.P.K.; BAGERI – 1 SH.P.K..

Lotin e dytë që kishte vlerën e mbi 1 milion eurove e kishte fituar Grup i Operatorëve Ekonomik: RSM Company SH.P.K.; KOSOVA ASFALT SH.P.K., derisa Lotin e tretë Grup i Operatorëve Ekonomikë: Rahovica Comerce SH.P.K.; Linda, shkruan Gazeta Insajderi.

Më 23 shkurt në KRPP u bë publik njoftimi për anulimin e Lotit 1 dhe 2 të kontratës për për mirëmbajtjen investive të rrugëve nacionale dhe rajonale të Kosovës.

Kjo pasi një urdhër i lëshuar nga Organi Shqyrtues i Prokurimit kërkon anulimin e njoftimit për dhënie të kontratës, shkruan Gazeta Insajderi.

Ky vendim ka ardhur pas në gjykatën e tenderëve gjenden dy ankesa të cilat i kanë çuar kompanitë që kanë aplikuar për tenderin në fjalë, por që nuk janë shpallur fituese.

Sipas OSHP-së, ankesat janë ende në proces, dhe meqë nuk ka një vendim final për to, Loti 1 dhe 2 i kontratës duhet të anulohen, shkruan Gazeta Insajderi.

Në prill të vitit të kaluar Ministria e Infrastrukturës që drejtohet nga një figurë e fuqishme politike e Lëvizjes Vetëvendosje, Liburn Aliu kishte shpallur tenderin milionësh për angazhimin e firmave që do të mirëmbanin rrugët regjionale e atyre nacionale deri në vitin 2025.

Vlera e parashikuar që atë ditë ishte mbi 30 milionë euro.

Procedurat do të vazhdonin për muaj të tërë derisa në tetor të vitit 2022 u nënshkrua kontrata e parë dhe e dyta, për të vazhduar edhe me dy kontrata të tjera në dhjetor të vitit të kaluar.

Por, që nga nënshkrimi i kontratave pakënaqësitë me këtë tender milionësh kanë nisur nga kompanitë që nuk e fituan atë. Kanë ngritur pretendime për korrupsion. Në ankesat e tyre kanë përfshirë edhe dokumente e fotografi për të mbështetur pretendimet e tyre.

Për këtë tender deri tash në Organin Shqyrtues të Prokurimit janë deponuar dy ankesa nga dy kompani. Pretendimet e tyre nisin prej asaj që një kompanie iu pranua oferta ani pse nuk e posedonte dëshminë që kishte kapacitete financiare në bankë, aq sa kërkohej me kritere, që menaxherin e projektit e prezantojnë me përvojë 15 vjeçare kur ka diplomuar 12 vite më parë, e deri te ato që edhe pse e kërkon ligji, disa pronarë firmash nuk kanë dorëzuar dokumentet që nuk janë dënuar nga Gjykata – por prapë oferta u është pranuar. Përfundojnë deri te sjellja e dëshmive për falsifikim, fatura fiktive e pranim i pajisjeve me dokumente të dyshimta.

Si një kompani ndërtimi e mesme me mbi 150 punonjës dhe staf me rrogë, e përbërë nga punonjës energjikë duke përfshirë përgjegjësit dhe menaxherët e ndërtimit/projektit në fushën e ndërtimit të guaskës (ndërtim objektesh dhe inxhinieri civile), ne kemi punuar për disa vite pothuajse ekskluzivisht si një nënkontraktor për grupe të tilla si Züblin, Strabag, Wolfer und Göbel, Karl Wildermuth, Stäpler dhe Bendl.

Ky besim i ndërsjellë ka çuar dhe do të vazhdojë të çojë në një numër të madh të projekteve të përbashkëta të realizuara dhe ende për t’u realizuar në shkallë të mesme dhe të madhe në ndërtimin e ndërtesave dhe inxhinierinë civile në të gjithë Gjermaninë jugore.

Aktualisht, projektet më prestigjioze përfshijnë kantierin e ndërtimit për linjën hekurudhore të lehtë të aeroportit U6/panairin tregtar, ku ndërtuam guaskën e tunelit në ndërtim të hapur përgjatë Flughafenstraße (aeroporti i Shtutgartit). Kjo është në funksion që nga dhjetori i vitit 2021, siç shihet edhe nga mediat.

Megjithatë, një nga projektet tona aktuale në S21, gjithashtu në Aeroportin e Shtutgartit, është i pagabueshëm. Këtu, qasja qendrore, aksesi kryesor i mëvonshëm i ndalesës së re ICE në aeroportin/panairin tregtar të Shtutgartit, po ndërtohet së bashku me forcën tonë në oborrin e panairit.

Modeli ynë është partneriteti, ku gjatë bashkëpunimeve ndjekim parimet e punës në të cilën përfitojnë të gjitha palet e përfshira në projektet tona.

Kjo na mundëson të kemi sukses në realizimin e projekteve shumë komplekse me avantazhe në kohë, kosto dhe cilësi. Projektet tona të ndërtimit hartohen duke u konsultuar me partnerët tanë, pasi që konsiderojmë se ky veprim siguron kontrollin e kostove dhe besnikëerinë e bashkëpunimit.

Duke vendosur besimin në radhë të parë gjatë punëve kontraktuale, me ekipin tonë ndërtojmë komplekse gjigante të ndërtimit, ura, tunele dhe cdo njësi tjetër të strehimit. Me kapacitein e punëtorëve dhe teknikën të cilën e posedojmë, qëllimet dhe vizionet tuaja u japim kuptim dhe formë projekteve duke u kordinuar.

Kompania tashmë më projektet ndërtuese ka fituar njohje në Gjermani për ndërmarrjen e realizimit e punëve të mëdha ndërtuese, bërjen e ndryshimit për klientët, punonjësit dhe komunitetin në industrinë e ndërtimit.

Vizioni ynë është të ofrojmë projekte dhe bashkëpunime me vlerën më të lartë të shërbimeve globale të ndërtimit dhe ekspertizës teknike. Ne si kompani jemi zgjeruar në shumë segmente të tregut të ndërtimit gjersa po vazhdojmë të jemi në avantazhin e industrisë së ndërtimit.

Portofoli ynë mbulon projekte duke filluar nga ndërtimi  i objekteve të banimit, zyrave të korporatave, objektet kërkimore etj.

Ne jemi të përgatitur mirë dhe duke zotëruar teknologjinë aktuale së bashku me punëtorët tanë vazhdojmë të jemi të përkushtuar për suksesin e projektit tuaj të ndërtimit.

Mos hezitoni të na konaktoni. Ne jemi të gatshëm të bashkëpunojmë që përmes ndërtimit të lidhim ura të mirëqenies njerëzore.

 

Infrastrukturë

Ndërtimi, paraja gri dhe boja e zezë

Published

on

A e kanë shkaktuar “paratë e krimit” rritjen e çmimit të pronave në Shqipëri?

Përgjigja përfundimtare është “JO”.

A është sektori ndërtimit një flluskë financiare?

Përgjigja përfundimtare është “JO”.

A është financuar ndërtimi nga para GRI?

Përgjigja përfundimtare është “PO”.

Duke analizuar tregues si kursi i këmbimit të lekut, inflacioni, interesat e kredive, oferta, lejet e ndërtimit të miratuara, kërkesa, të ardhurat, rritja dhe stabiliteti makroekonomik kupton se tregu i pasurive të patundshme është tërësisht në normalitetin e vet dhe nuk ka ndodhur asnjë çudi nga magjia e zezë e parave të krimit apo spekulime që mund të çojnë në flluskë financiare, shkruan Monitor.al

Është fakt se krahasuar me 4 vite më parë çmimi apartamenteve është rritur nga 25% deri në 40% në zonat e lakmuara. Si shpjegohet kjo rritje kaq e lartë dhe e shpejtë?

Po t’i marrim elementët një e nga një na rezulton se në 3 vitet e fundit kemi:

Rritje në fuqisë blerëse të lekut me 23%. Në vitin 2020 kursi mesatar i këmbimit euro/lek ishte 123. Ndërsa në vitin 2024 kemi një kurs mesatar prej 100 lek për euro. Dihet se transaksionet e pasurive në Shqipëri bëhen kryesisht me euro. Kjo do të thotë se një apartament që në 2020 kushtonte 100 mijë euro për të duheshin 12.3 milion lekë. Ndërsa sot i njëjti apartament kushton 10 milion lekë ose 23 mijë euro më pak. Me rritjen e çmimit në euro shitësit e pasurive kanë menduar të “marrin” diçka nga fitimi i blerësit për shkak të kursit të këmbimit. E thënë ndryshe çmimi në lek i pasurive nuk ka ndryshuar aq shumë sa duket në euro.

Inflacioni mesatar për periudhën 2020 – 2023 është 3.8%.

Kostot e ndërtimit janë rritur 13.3% krahasuar me 2020.

Për vitin 2023 vetëm rritja e inflacionit dhe kostove të ndërtimit japin një efekt rritës prej 18.1% në çmimet e pasurive. Bashkë me efektin e kursit të këmbimit efekti shumator shkon në 41%, aq sa në zonat e preferuara.

PBB për frymë është rritur me 4.43% për 3 vjet, por PPP për frymë është rritur 35% (nëse pranojmë teorinë e zbrazjes së vendit për shkak të emigrimit). Ky është një faktor që bën presion në kahun e rritjes së kërkesës dhe për pasojë të çmimeve.

Kredia bankare (disbursimet vjetore) për blerje pasurie është rritur nga 210 milion euro në vitin 2020 (26.5 miliard lekë me kursin mesatar 123 lek/euro) në 414 milion euro në vitin 2023 (48,5 miliard lekë me kursin mesatar 117 lek/euro). Kjo do të thotë se kemi një dyfishim të kërkesës për efekt të kredisë bankare. Sipas Bankës së Shqipërisë 60% e blerjeve të vrojtuara prej saj për 2023 janë financuar nga kredia bankare. Kjo do të thotë se kemi një shtim të kërkesës që ndikon në kahjen e rritjes së çmimeve.

Blerja e pronave nga të huajt (jo rezidentët) për 2023 ka rezultuar në 26% të totalit. Tjetër faktor që ndikon në rritjen e kërkesës dhe presionit ndaj çmimeve me kah rritjen.

Po të analizojmë nga krahu i ofertës vërejmë se mesatarja vjetore e lejeve të ndërtimit për banesa për vitet 2020 – 2023 është 1.7 milion metra katrore me një rënie 25% në 2023 krahasuar me 2022.

Duke shtuar këtu faktin se mbi 30% e ndërtimeve të reja e përfitojnë pronarët e truallit që përgjithësisht e mbajnë për vete, sasia e metrave që dalin në treg është edhe më e vogël se lejet që jepen.

Po të kemi parasysh se 30% e lejeve të ndërtimit janë dhënë në Tiranë dhe se për shkak të migracionit të brendshëm Tirana rritet me 15 mijë vetë çdo vit duket se oferta dhe kërkesa janë në ekuilibër.

Pa asnjë diskutim që në Shqipëri ka para informale dhe të zeza. Paraja jashtë bankave vlerësohet në 4 miliard euro. Informaliteti në ekonomi vlerësohet në rreth 30% ose në vlerë nominale rreth 6 miliard euro në vit. Vetëm bujqësia që jep rreth 20% të PBB (3.6 miliard euro) është thuajse tërësisht informale. Dhe duke pranuar faktin se fshati po zbrazet me shpejtësi me kahje jashtë ose drejt qyteteve është mëse evidente kërkesa e shtuar për banesa në qytet e shoqëruar me blerje cash për shkak të informalitetit në bujqësi. Pa asnjë dyshim që ndërtimi ka shumë peshë në ekonominë informale, por vjen e dyta pas bujqësisë dhe mbledh para informale nga gjithë sektorët e tjerë si tregtia, shërbimet etj.

Nëse pranojmë pretendimet se tregu vjetor imobiliar në Shqipëri është 3.7 miliard euro dhe e krahasojmë me ekonominë gri që vlerësohet në 6 miliard euro në vit, me blerje nga jo rezidentët që vlerësohet në 26% ose rreth 1 miliard euro dhe kredia e re që për psh 2023 ishte rreth 500 milion euro duket se tregu imobiliar nuk ka shumë nevojë dhe nuk është ndikuar nga para e zezë e drogës dhe krimit.

Kjo analizë më shtyn të bëj thirrje për të ndaluan praktikën e hedhjes bojë të zezë mbi Shqipërinë dhe shqiptarët si komb dhe shtet trafikantësh. Aq më shumë të marrësh për model shtetet ku paraja kriminale krijohet (BE) dhe të anatemosh kombin dhe shtetin tënd se i pranon këto para mendoj se nuk ka të bëj me injorancën në fushën e tregjeve, por me një ligësi njerëzore.

Personalisht bëj pjesë tek ata ekonomistë që besojnë se ekonomia dhe paraja informale bëjnë më shumë dëme se mirë pasi cenojnë konkurencën e ndershme dhe reduktojnë ndjeshëm aksesin në paranë e bardhë që zotërohet nga bankat. Për ta kuptuar efektin negativ të informalitetit në ekonomi mjafton të kujtojmë se kredia për ekonominë është rreth 30% e PBB ndërkohë kur në Evropë është rreth 100%. Vetëm ky tregues thotë se sistemi bankar ka kapacitet për të kredituar ekonominë me edhe rreth 6 miliard euro.

Nëse e adresojmë problemin e informalitetit drejt do gjejmë edhe zgjidhjet që me vullnet të fortë politik mund të realizohen. Doktorët do thoshin se një diagnozë e gabuar jep kurë të gabuar dhe përkeqësim në vend të shërimit./Media Ndërtimi

Continue Reading

Infrastrukturë

Hekurudha Prishtinë-Durrës, shndërron Kosovën në një vend kryesor të transitit

Published

on

Ministri i Mjedisit, Planifikimit Hapësinor dhe Infrastrukturës, Liburn Aliu tregon se cili do të jetë fati i projektit për hekurudhën Prishtinë-Durrës. Derisa ka dhënë më shumë detaje për përfitimet që do të ketë Kosova nga ky projekt madhor ndër shqiptar.

Ministri Aliu në një intervistë për KosovaPress ka treguar si po realizohen projektet infrastrukturore për zgjerimin e rrugës Prishtinë-Podujevë, projektin për Bujanoc, dhe rrugën tjetër për Pejë.

Ndërsa, ai thotë se projekti për hekurudhën Prishtinë-Durrës, e shndërron Kosovën në një vend kryesor të transitit dhe një pikë shpërndarëse të mallrave.

Ministri Aliu shprehet se janë duke punuar të përfundojë çështja e fizibilitettit në mënyrë që të realizohet sa më shpejtë projekti për hekurudhën Prishtinë-Durrës.

Ndërsa, tregon edhe për projektet infrastrukturore që janë duke u kryer në nivel vendi, atë për Llap, Dukagjin dhe Luginë.

Ndërkaq, ai thekson se janë duke punuar të menaxhojnë ujin që shkaktohet nga vërshime, për të cilën thotë, se në këtë mënyrë do të tejkalohet situata e thatesirave e cila Kosovën e pret pashmangshëm.

Në anën tjetër, kryeministri i Shqipërisë, Edi Rama gjatë qëndrimit në Kosovë, ka thënë se po punohet për projektin e hekurudhës Prishtinë-Durrës për opsionet më të mira. Ndërsa, ka shtuar se janë duke pritur studimin e fizibilitetit.

Continue Reading

Infrastrukturë

Jetesa bëhet gjithnjë e më e papërballueshme në Azi dhe Europë

Published

on

Për shumë njerëz, mendimi për të lëvizur anembanë globit për punë është emocionues dhe tronditës. Të qenit emigrant vjen me një sërë sfidash unike, por vitet e fundit një çështje ka dalë në plan të parë më shumë se të tjerat: globalisht, kostoja e jetesës po rritet dhe shumë nga qytetet më ndërkombëtare në botë po bwhen gjithnjë e më të shtrenjta.

Kjo është veçanërisht e vërtetë për punëtorët ndërkombëtarë në Azinë Lindore dhe Europën Perëndimore, me analistët që tregojnë kostot e larta për strehim, transport dhe mallra si pengesa të mundshme për të huajt që banojnë në këto qytete.

Firma konsulente Mercer kohët e fundit analizoi çmimin krahasues të mallrave, shërbimeve dhe banesave në 226 qytete në gjashtë kontinente për të përcaktuar se ku punëtorët e huaj kanë nevojë për paga më të larta për të përballuar koston lokale të jetesës.

Bazeli është një nga disa qytete zvicerane që renditet ndër komunat më të shtrenjta për emigrantët. Bazeli është epiqendra e industrisë kimike zvicerane dhe shtëpia e disa kompanive të mëdha farmaceutike. Ndërsa renditja e përgjithshme e qytetit mbeti e njëjtë në sondazhin e këtij viti si në vitin 2023, kostoja e qirasë është rritur 4%, sipas analizës së Mercer.

Për të dytin vit radhazi, Gjeneva ishte qyteti i katërt më i shtrenjtë në renditjen e Mercer. Qyteti i dytë më i madh i Zvicrës është shtëpia e disa organizatave të mëdha ndërkombëtare, duke përfshirë Kryqin e Kuq, Organizatën Botërore të Shëndetësisë dhe Organizatën Botërore të Tregtisë. Kostoja e jetesës në qytetin shumë ndërkombëtar është në rritje, me qiratë që rriten me 4% midis 2023 – shit dhe 2024-ws./Media Ndërtimi

Continue Reading

Trending