Connect with us

Aktuale

LDK kërkon pezullimin e vendimit për dyfishimin e tatimit në pronë

Published

on

Për t’u lehtësuar barra e qytetarëve që janë goditur nga inflacioni i lartë, Lidhja Demokratike e Kosovës, po kërkon nga Ministria e Financave që me vendim të pezullojë aplikimin e rivlerësimit të fundit të pronave në vend dhe faturat e tatimit për vitin 2023, të llogariten sipas vlerësimeve të bëra para vitit 2022.

Deputetja e LDK-së, Hykmete Bajrami ka thënë se është shqetësuese dyfishimi i çmimit në tatimi, pasi që nuk janë marrë parasysh edhe rrethanat socio-ekonomike.

Bajrami ka kërkuar nga Ministria e Financave të procedojë sa me parë në Kuvend, ligjin e ri për tatim në pronë, si dhe shtyrjen e zbatimit ndryshimin e ligjit për prona.

Ajo thotë se kjo ministri, përkatësisht Departamenti i tatimit në pronë, në bashkëpunim me komunat gjatë vitit 2023, të bëjnë rishikimin e plotë të procesit të ri-vlerësimit të pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale.

Kjo për shkak se gjatë ri-vlerësimit të pronave të bërë më 2022, janë përdorur zonat e vjetra, si dhe janë injoruar komplet nënzonat, pasi ka dështuar sistemi i Departamentit të Tatimit në Pronë.

“Është vërejtur që vlerësimi i pronave ka shumë gabime, të cilin e kanë konfirmuar edhe në shkresat zyrtare, vet Ministria e Financave drejtuar komunave të Kosovës, duke thënë që një prej mjeteve të softuerit nuk ka funksionuar dhe në fakt është injoruar komplet nën-zonimi.

Kjo nënkupton që pasuri të tëra të patundshme tatohen sot me vlerësimin e ri njëjtë sikur ato që janë në rrugën kryesore, sikurse ato që janë në rrugë tretësore. Shqetësimi yni tjetër ka qenë që nuk janë marrë parasysh rrethanat socio-ekonomike, dhe ne e dimë që prej vitit 2018 nuk ka pasur lëvizje të pagave për sektorin publik. Lëvizjet e pagave në sektorin privat për të kufizuara dhe nuk e adresojnë normën e inflacionit”, thotë ajo.

Deputetja Bajrami ka thënë po ashtu se shtrenjtimi i tatimit në pronë mbi 100 për qind, ka goditur qytetarët edhe më shumë në kohën kur inflacioni ka ndikuar në shportën e konsumatorit.

“Tani duke marr parasysh edhe inflacionin sidomos në shportën bazë të konsumatorit që e ka goditur shumë, gati qe 12 muaj qytetarët, ne kemi bërë kërkesë Ministrisë së Financave që në fakt ky rivlerësim të pezullohet, kurse faturat që i gjeneron Ministria e Financave t’i gjenerojë me vlerësime të fundit, që nënkupton që qytetarët e vendit të vazhdojnë të paguajnë tatimin në pronë në vitin 2023 të njëjtë me atë që e kanë pasur në vitin 2022.

Ndërkohë që gjatë këtij viti, ministria e Financave në bashkëpunim me krejt komunat të bëjë një rivlerësim të saktë ku do të merren parasysh edhe nën-zonat, rivlerësim i cili pastaj mund të konsiderohet që të hyjë në fuqi në vitin 2024”, thotë ajo.

Përveç kësaj, ajo thotë se LDK kërkon nga Ministria e Financave të procedojë sa më parë në Kuvend, Ligjin e ri për tatim në pronë, për t’iu lejuar fleksibilitet më të madh komunave në caktimin e normave tatimore.

“Përveç kësaj ne kemi kërkuar që të sjellët sa më shpejt ligji i cili nga tani është finalizuar dhe qëndron në sirtarin e ministrit të Financave për tatim në pronë, një ligj i ri i cili kishte me adresuar çështjen. Ajo çka është kërkesë sot e të gjitha komunave në Kosovë, është që t’iu lejohet fleksibilitet më i madh në caktimin e normave tatimore. Sot minimumi, pragu është 0.15 për qind e vlerës së tregut. Dhe komunat sikur të kishin pasur prag më të ulët dhe fleksibilitet më të madh, ndoshta këtë çështje, për këtë vit kishin mundur ta adresojnë përmes lëvizjes së normave tatimore”, pohon Bajrami.

Ndryshe, ministri i Financave, Hekuran Murati, ditë më parë i ka propozuar komunave që të gjithë tatimpaguesve t’u falen deri në 100 euro nga vlera e tatimit në pronë për këtë vit.

Megjithatë, sipas deputetes së Bajrami, kjo gjë s’mund të ndodhë sepse komunat nuk kanë të drejtë të falin tatime. Për propozimin e Muratit, thotë ajo, e hedh poshtë ministria e tij ndërkohë që ka publikuar një shkresë të Ministrisë së Financave të drejtuar një kryetari komune për këtë çështje./Media Ndërtimi

Aktuale

‘Architects for Gaza’ planifikon të ofrojë arsim falas për studentët e arkitekturës në Gaza

Published

on

Grupi i arkitekturës Architects for Gaza ka hapur Universitetin Global të Gazës për të ofruar arsim falas për studentët e arkitekturës të ndikuar nga konflikti Izrael-Hamas.

Architects for Gaza (AFG), i cili udhëhiqet nga arkitektët dhe pedagogët e Universitetit të Westminster, Nasser Golzari dhe Yara Sharif, zbuluan se po themelonte Universitetin Global të Gazës në fillim të këtij muaji.

AFG planifikon të përdorë Universitetin Global Gaza si një platformë për të ofruar arsim falas për studentët e arkitekturës në Gaza, të cilët nuk mund të vazhdojnë studimet e tyre për shkak të konfliktit të vazhdueshëm.

Ai pason shumë nga universitetet që u shkatërruan ose dëmtuan në Rripin e Gazës, duke përfshirë Universitetin Israa, i cili u hodh në erë në një shpërthim në janar.

“Universiteti Global i Gazës është një thirrje për mbështetje akademike”

Në njoftimin e saj për themelimin e Universitetit Global Gaza, AFG kërkoi që profesionistët dhe edukatorët e arkitekturës të ofrojnë ndihmë me financimin dhe dhënien e mësimeve.

“Universiteti Global i Gazës është një thirrje për mbështetje akademike për studentët dhe stafin akademik në Gaza,” i tha Sharif Dezeen.

“Ai fton akademikët, profesionistët dhe studentët të tregojnë interes për parimin dhe shpreson të ofrojë një ndihmë për studentët e specialiteteve të ndryshme dhe të lehtësojë përfundimin e studimeve të tyre.”

Sharif dhe Golzari themeluan AFG në nëntor të vitit të kaluar mes sulmeve të vazhdueshme në Gaza nga Izraeli, të cilat u kryen pas një sulmi të madh nga militantët e Hamasit ndaj Izraelit më 7 tetor 2023.

Grupi publikoi një deklaratë në internet duke bërë thirrje për veprim të menjëhershëm për rindërtimin e Gazës, e cila u nënshkrua nga mbi 1200 njerëz.

Në deklaratë, AFG dënoi “dhunën hapësinore-vrasëse” dhe kërkoi një armëpushim të përhershëm në Gaza.

Më 30 janar u raportua se të paktën gjysma e ndërtesave në Gaza ishin shkatërruar ose dëmtuar në konflikt.

Pjesa më e madhe e popullsisë në Rripin e Gazës është detyruar të largohet nga shtëpitë e tyre. Rreth 1.7 milionë palestinezë po strehohen në strehimore emergjente ose vende informale.

Krahas krijimit të Universitetit Global të Gazës, AFG po zhvillon strategji të tjera për të ndihmuar në rindërtimin e Gazës, duke përfshirë një klinikë shëndetësore të lëvizshme dhe një prototip të vetë-ndërtuar që përdor armaturën, argjilën dhe rrënojat./Media Ndërtimi

Continue Reading

Aktuale

Inspektohen kantieret e ndërtimit në Gjakovë 

Published

on

Grupet e inspektorëve të ATK-së dhe Inspektoratit të Punës, shoqëruar nga Zëvendësministri Agon Dobruna, Drejtori i Përgjithshëm i ATK-së, Ilir Murtezaj, dhe Kryeinspektori i IP-së, Z. Hekuran Nikçi, kanë vizituar biznese në sektorët e gastronomisë 🍽️ dhe ndërtimtarisë 🏗️.

Inspektimet e përbashkëta do të vazhdojnë edhe në ditët në vijim. Kështu që, ftojmë punëdhënësit 🏢 që të deklarojnë punëtorët e tyre, ndërsa punëtorët i ftojmë që të lajmërojnë punëdhënësin 🗂️ e tyre në rast se ky i fundit ka të angazhuar punëtorë të paformalizuar dhe pa kontrata pune.

Si mund të veproni në këtë rast?

Për të verifikuar nëse jeni i deklaruar në ATK, ju mund të vizitoni vegëzën në vijim:

https://apps.atk-ks.org/regemployer ku mund të raportoni punëdhënësin tuaj në rast se figuroni si i padeklaruar.

Nëse nuk keni kontratë pune 📋, mund të kontaktoni pa pagesë në numrin📱 080077577 ose në e-mail adresën 📧: inspektorati.punes@rks-gov.net./Media Ndërtimi

Continue Reading

Aktuale

Peci: I rikthyem mbi 600 metra katrorë në shërbim të titullarit: Ministrisë së Bujqësisë!

Published

on

Ministri i Bujqësisë, Faton Peci ka vizituar hapësirat e objektit të Ministrisë së Bujqësisë në Lagjen  Ulpiana në Prishtinë, ku thotë se janë rikthyer mbi 600 metra katror në shërbim të institucionit të cilin e drejton.

“Së shpejti do të fillojmë me procesin e renovimit.

Mbetem optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin dhe njëherit të mundësohet zbatimi i vendimit tim si Ministër i marrë me datë 22.08.2023.”, deklaroi ministri Peci./Media Ndërtimi

Continue Reading

Trending