Përderisa Java e Dizajnit të Milanos fillon, qyteti italian shndërrohet në terrenin e një prej festimeve më të gjera të dizajnit global, me rrugët dhe vendet e tij të mbushura me ngjarje kulturore, ekspozita, instalime në shkallë të gjerë, bisedime dhe konferenca. Në Rho Fiera, edicioni i 62-të i Salone del Mobile.Milano mbledh së bashku stilistë, arkitektë, prodhues dhe figura kryesore të botës së dizajnit, duke shfaqur mbi 1950 ekspozues të cilët do të qëndrojnë të hapur për 6 ditët e ardhshme. Për më tepër, në të gjithë qytetin Fuorisalone hap vendndodhje në të gjithë qytetin me një program kulturor tërheqës dhe të larmishëm.

Për këtë edicion të Salone del Mobile, programi përfshin ekspozita të fokusuara si EuroCucina së bashku me mbi 1900 ekspozues. Panairi fokusohet në rehatinë, mirëqenien dhe qëndrueshmërinë, duke shfaqur instalime zhytëse si “Dhomat e të menduarit” të David Lynch. Paraqitjet i japin përparësi rrugëve me në qendër njeriun, duke integruar neuroshkencën për të përmirësuar përvojën e vizitorëve. Instalimet nga Formafantasma dhe të tjerë provokojnë reflektim, ndërsa bisedat e kuruara nga Annalisa Rosso shfaqin figura të njohura si Francis Kéré dhe Jeanne Gang, duke diskutuar mbi inteligjencën artificiale dhe dizajnin e mikpritjes.

Ndërsa Java e Dizajnit në Milano 2024 shpaloset, ajo ofron një konvergjencë të gjallë të kreativitetit dhe inovacionit. Nga Salone del Mobile deri te vendet e vendosura dhe xhevahiret e fshehura në të gjithë qytetin, ai shërben si një mundësi për arkitektët që të eksplorojnë zëra të ndryshëm dhe dialog ndërdisiplinor. Gjeni udhëzuesin tonë të Javës së Dizajnit të Milanos për vendndodhjet dhe ngjarjet kryesore, eksploroni udhëzuesin tonë të qytetit të arkitekturës së Milanos për të eksploruar arkitekturën e kryeqytetit të modës të Italisë dhe qëndroni të informuar për ngjarje të tjera të rëndësishme të arkitekturës në 2024./Media Ndërtimi

Nike së fundmi zbuloi koleksionin e saj të ri për Lojërat e ardhshme Olimpike të Parisit 2024, të cilat do të zhvillohen midis 26 korrikut dhe 11 gushtit 2024. Ajo që është interesante për këto këpucë është se ato janë dizajnuar me inteligjencë artificiale.

Koleksioni quhet “Nike Blueprint Pack” dhe përbëhet nga pesë modele: Alphafly 3, Pegasus 41, Air Zoom Maxfly 2, G.T. Hustle 3, dhe Mercurial Superfly.

Teknologjia më e fundit e kompanisë synon të ofrojë zgjidhje më të mira, më të shpejta dhe më efikase për atletët. Ai përfshin gjithashtu njësinë e tyre të parë të skalitur dhe të dukshme Air Zoom në këpucën e re të vrapimit Pegasus Premium. Paketa do të jetë në dispozicion më 3 korrik 2024.

Nën zhurmën e çarshisë së Shkupit, Semra Rashiti me një qetësi të thellë në atelienë e saj, përmes kaligrafisë germëzon porositë e personalizuara për klientët e saj.

Semra diplomon këtë vit për arkitekturë në Universitetin e Shkupit, megjithëse pranon se që nga fëmijëria ka pasur pasion artin.

Në një bisedë për Radion Evropa e Lirë, ajo tregon se zgjodhi të studionte për arkitekturë, pas komenteve dekurajuese se nga arti nuk mund të jetohet.

Kur pandemia e koronavirusit goditi Maqedoninë e Veriut më 2020, Semra nisi të merrej me kaligrafi, që e mësoi përmes kurseve online. Atëbotë, kujton ajo, i kishte vënë synim vetes që të pikturonte çdo ditë nga gjashtë deri në tetë orë, në mënyrë që, siç shprehet, arti të mos ia braktis shpirtin.

Në këtë kohë, kaligrafia – arti i të shkruarit bukur – kaliti te Semra durimin përmes lidhjes së mahnitshme të artistikes dhe rrugëtimit shpirtëror. Ajo thotë se arkitektura glifit durimin, sa i përket respektimit të dimensioneve precize, ndërkaq arti mundësinë e shprehjes pa kufizime dhe të dyja këto, ajo thotë se janë të gërshetuara përmes kaligrafisë.

“Kaligrafia është përdorur më herët si bukurshkrim. Tani, në kohën moderne kjo bëhet përmes teknologjisë. Por, unë këtu në dyqanin tim, atelienë ku punoj, bëj punë dore dhe kjo i shton vlerën. Bukurshkrimi arrihet jo vetëm përmes dorës sime, se si i vizatoj shkronjat, por këtu kanë hise edhe mjetet, pasi ato kontribuojnë që shkrimi të dalë i bukur”, thotë Semra.

Semra thotë se ka porosi të shumta, pasi dhuratat me shkrim të personalizuar, që punohen me durim të madh, sipas saj, i “bëjnë ballë kohës”.

“Realisht, shkrimi, kaligrafia është ajo që kërkohet më së shumti. Personalizimi i dhuratave me shënimin e emrit, kërkohet më së shumti, qoftë nga banorët apo vizitorët e huaj, pra turistët që vijnë në qytetin tonë”.

“Po ashtu, kërkesë ka për shënimin e ndonjë date të caktuar që është e rëndësishme për blerësin ose për atë që pranon dhuratën”, tregon ajo.

E pyetur se kush janë vizitorët më të shpeshtë të ateliesë së saj, Semra përgjigjet se janë ata që e duan të bukurën “dhe të bukurën e duam të gjithë”.

Semra është e befasuar për të mirë nga reagimet në rrjetet sociale lidhur me punën e saj, ku krahas kërkesave për të pikturuar në pëlhurë, letër dhe qelq, vajzat e reja i kërkojnë që t’iu bëjë vizatime në duar para dasmës, për festën që njihet si “Nata e kanës”.

Ajo thotë se ka shumë turistë “që më kanë gjetur në Instagram dhe interesohen për pjesën e kaligrafisë, por edhe të vizatimeve” të tjera.

Semra thotë se me punë arriti të dëshmojë se nga arti mund të gjenerohen të ardhura, gjithmonë nëse kjo bëhet me pasion.

“Patjetër që mund të jetohet nga arti nëse bëhet me shumë dashur dhe pasion dhe që arti të mos përdoret vetëm si hobi, por të trajtohet si punë”.

Në Maqedoni të Veriut, thotë Semra Rashiti, nuk ka një shkollë të licencuar për mësimin e kaligrafisë. Andaj, thotë ajo, atelieja që ka në çarshinë e Shkupit mbetet e hapur për të gjithë ata të rinj që duan të mësojnë këtë lloj arti./Media Ndërtimi