Aktuale

Miratohet Projektligji për pronën publike

Published

on

Me 71 vota për, Kuvendi miratoi shqyrtimin e parë të Projektligjit për pronën publike.

Ky projektligj nuk kaloi në fillim të seancës për shkak të mosvotimit nga opozita dhe mungesës së deputetëve nga pozita, raporton Kallxo.com.

Deputetja nga radhët e Partisë Demokratike të Kosovës, Ganimete Musliu, kritikoi mos pjesëmarrjen e deputetëve të Lëvizjes Vetëvendosje në seancë.

“Është mire që si Vetëvendosje t’i reduktoni udhëtimet zyrtare dhe t’i ftoni deputetët ta mbajnë përgjegjësinë për çka ua kanë dhënë qytetarët besimin dhe t’i kaloni projektligjet”, ka thënë Musliu.

Në memorandumin shpjegues të këtij projektligji thuhet se një ndër prioritetet kryesore të Qeverisë së Kosovës është sigurimi i të drejtave pronësore duke fuqizuar bazën ligjore.

“Përmes hartimit të këtij projektligji Qeveria do të përcaktoj dhe rregulloj të drejtën pronësore publike dhe të drejtat e tjera pasurore të Republikës së Kosovës dhe të njësive të vetëqeverisjes lokale; do të përcaktojë parimet e administrimit me pronën publike në pikëpamje të disponimit, shfrytëzimit, menaxhimit, mbrojtjes, mbikqyrjes, vlerësimit dhe evidentimit të sendeve dhe të mirave tjera në pronësi publike; dhe synon të themeloj një institucioni kompetent për mbikqyrjen dhe administrimin e pronës publike nga organet e pushtetit qendror”, theksohet në memronadum shpjegues të projektligjit./Media Ndërtimi.

Trending

Exit mobile version