Connect with us

Turizëm

Kryetari i Vlorës thirrje kosovarëve: Shqipëria ka çmimet e lira për pushime

Published

on

Kryetari i bashkisë së Vlorës, Dritan Leli, i ka bërë thirrje shqiptarëve nga Kosova që të vizitojnë bregdetin e Vlorës për këtë sezon veror.

Në një intervistë në Abc, Leli tha se Vlora është vendi që përfshin të gjitha fashat e çmimeve dhe se ofron mundësinë për të bërë pushime të lira, pa shpenzuar shumë para.

Ndërsa theksoi se çmimet në Shqipëri janë më lirë se jashtë vendit.

“Do ishte mirë të kishte më tepër lëvizje. I bëj thirrje qytetarëve nga Kosova të vijnë në Vlorë. Do të doja shumë që Vlora të flasë shqip. Sigurisht kam vërejtjet e mia për restorantet dhe hotelet pavarësisht çmimeve të larta që mund të ketë tek tuk, pushimet këtu bëhen më lirë se kudo tjetër. Ka hotele për ata që duan të harxhojnë shumë dhe për ata që duan të harxhojnë pak.

Që nga nesër do shkoj te hotelet që ofrojnë çmime të lira për ti promovuar.

Vlora është shumë e shtrenjtë për ata që dua të harxhojnë dhe e lirë për ata që duan të kursejnë. Vlora është vendi ideal që ka të gjitha fashat e çmimeve. Çmimet në Shqipëri janë më lirë se kudo tjetër”, u shpreh Leli.

Ndër të tjera Leli u ndal edhe te pastërtia e detit në Vlorë. Ai tha se në Vlorë nuk janë raportuar raste të infeskioneve nga plazhi, duke pohuar se deti atje është i pastër.

“Vlora është një vend që absolutisht ka problem, por pas përfundimit të një investimi shumë të mirë janë bërë shumë përmirësime në kanalizimet e qytetit. Unë personalisht me familjen time bëj plazh këtu në Lungomare.

Nuk janë raportuar raste infeksioni nga plazhet e Vlorës. Vlora është vendi që i ka të gjitha plazhet, me rërë e me gurë, ka Adriatikun dhe Jonin”, tha Leli./Media Ndërtimi.

Infrastrukturë

Ulqini drejt zhvillimit të qëndrueshëm turistik

Published

on

Bregdeti i Ulqinit cilësohet si vendi më i preferuar turistik në Malin e Zi. Plazhet me një vijë bregdetare shumë të gjatë dhe me biodiveroistet të pasur ofrojnë vlera të veçanta turistike. Në një intervistë dhënë Zërit të Amerikës, kryetari i Organizatës Turistike të Ulqinit, Qazim Hoxhiqi tha se planifikimi i ndërtimit të urës mbi lumin Buna, e cila do të lidhte Ulqinin me Velipojën, do të zhvillonte turizmin ndërshtetëror duke zvogëluar distancat mes dy vendeve turistike.

Bregdeti i Ulqinit cilësohet si vendi më i preferuar turistik në Malin e Zi. Plazhet me një vijë bregdetare shumë të gjatë dhe me biodiveroistet të pasur ofrojnë vlera të veçanta turistike.

Planifikimi i ndërtimit të urës mbi lumin Buna, e cila do të lidhte Ulqinin me Velipojën, sipas kryetarit të Organizatës Turistike, Qazim Hoxhiqi, do të zhvillonte turizmin ndërshtetëror duke zvogëluar distancat mes dy vendeve turistike

“Ndërlidhja mes dy vendeve shkurton distancën në disa minuta të Plazhit të Madh që është destinacion i rëndësishëm jo vetëm për turistët në rajon por edhe më gjerë. Ura ofron mundësi më të shpejta dhe nuk ka nevojë të kalohet nëpër disa pika kufitare ku ka flukse të mëdha,” thotë zoti Hoxhiqi.

Parakusht i rëndësishëm në zhvillimin e qëndrueshëm të turizmit, sipas zotit Hoxhiqi është edhe vjelja e taksës, e cila në këtë komunë realizohet online duke rritur dukshëm kapacitetet e saja.

“Vitin e kaluar kemi realizuar një aplikacion online, ku jemi të parët si komunë në Malin e Zi që është në funksion. Kjo mënyrë e vjeljes së taksës, vitin e kaluar kishte një sukses të madh ku 10-15% të taksapagueseve e kanë përdorur këtë aplikacion, ndërsa këtë vit besojmë dhe punojmë për të realizuar 40-50 % të pagesave”, thotë Hoxhiqi.

Në bregdetin e Ulqinit turizmi sportiv është mjaft i popullarizuar dhe sipas zotit Hoxhiq “Plazhi i Madh” është ndër dhjetë plazhet më të mira në botë për sportin “kitesurf”.

Zoti Hoxhiqi vlerëson se falë angazhimit dhe menaxhimit bashkëkohorë, Ulqini është shndërruar në një qendër të njohur turistike duke i ndjekur gjithnjë e më shumë trendët globale të turizmit./Media Ndërtimi

Continue Reading

Turizëm

“Shqipëria, Princesha e re e Lindjes”

Published

on

Kështu e quan Shqipërinë revista franceze “Paris Vous Aimes Magazine”, teksa promovon në faqet e saj destinacionet e Shqipërisë Turistike si Kanionet e Osumit, plazhin e bukur të Dhërmiut, Gjirokastrën, Butrintin, Kalanë Krujës, Liqenet e Shkodrës, e mjaft atraksione nga jugu në veri të Shqipërisë.

Shqipëria e të gjitha shijeve turistike vjen për publikun francez dhe ata që udhëtojnë përmes aeroportit Charles de Gaulle të Parisit.

Continue Reading

Turizëm

National Geographic ua rekomandon turistëve Prizrenin e Pejën: Turizmi natyror ka marrë hov

Published

on

Revista e njohur mujore amerikane, National Geographic ka publikuar sot një artikull për Kosovën. Teksti mban titullin “Si ta planifikoni një fundjavë në Kosovën jugore, ku skena më e re e aventurës në Europë po lulëzon”.

Eksploroni këtë vend ballkanik kryesisht të palavdëruar dhe skenën e tij në zhvillim të udhëtimeve aventureske, me manastire dhe minare në pragun e kanioneve të fuqishme malore në jugperëndim të vendit. Kjo është thirrja në fillim të tekstit.

Një energji rinore përshkon Kosovën. Vendi më i ri i Europës është gjithashtu shtëpia e popullsisë më të re të rajonit, me 55% nën 30 vjeç. Në 20 vjetët që nga Lufta e Kosovës e 1998 deri në 1999, e cila kulmoi me shpalljen e pavarësisë së vendit në vitin 2008, fshatrat e epokës osmane janë rindërtuar, kështjellat bizantine janë restauruar dhe turizmi natyror ka marrë hov, me aktivitete të përqendruara në vargmalet malore që Kosova ndan me fqinjët e saj ballkanikë.

Prizreni, qendra kulturore e vendit gjatë periudhës së sundimit osman (1455-1912), mbetet qyteti më simpatik i Kosovës. 90 minuta me veturë në veri, tërheqja e Peja më e vogël tërheqëse qëndron në vendndodhjen e saj rrëzë Kanionit të Rugovës. E gdhendur gjatë mijëvjeçarëve nga një akullnajë që tërhiqet, gryka ka qenë qendrore për rilindjen e qytetit si një qendër aventure.

Këto qytete të kundërta ofrojnë një shije të plotë të vendit – një nga të vetmet të Europës me shumicë myslimane – brenda mundësive të lehta të kryeqytetit, Prishtinës. Eurot shtrihen më larg këtu se kudo tjetër në Europë, dhe ndërkohë që infrastruktura turistike e Kosovës është ende në zhvillim, një rrjet i besueshëm autobusësh e bën lëvizjen të lehtë./Media Ndërtimi

Continue Reading

Trending