Connect with us

Ambienti

Kosovës i kërkohet ndalimi i përdorimit të qeseve të plastikës

Published

on

 

Në një tryezë që u mbajt sot në Prishtinë, nga Koalicioni 27- grup i organizatave të shoqërisë civile u rekomandua që të merren vendime për uljen e emetimeve të gazrave serë, përdorimin e burimeve të ripërtërishme të energjisë, kufizimin ose ndalimin e plotë të përdorimit të qeseve plastike, mbrojtjen rigoroze të akumulacioneve që shfrytëzohen për ujë të pijshëm, si dhe për menaxhimin e ndryshimeve klimatike.

Rekomandimet u bënë gjatë publikimit të raportit “Shkatërrimi ekologjik – Koha të veprojmë”, që paraqet gjendjen e mjedisit në Kosovë në raport me kërkesat e Bashkimit Evropian në kapitullin 27  “Mjedisi dhe ndryshimet klimatike”.

Raporti, që u tha se është i pari i llojit të tillë i përgatitur në Kosovë, mbulon pesë tematika kryesore: ndotjen e ujit, ndotjen e ajrit, mbrojtjen e natyrës, mbrojtjen e pyjeve dhe ndryshimet klimatike. Gjetjet e këtij raporti tregojnë se mbrojta e mjedisit nuk ka qenë prioritet i asnjërës prej Qeverive dhe se ka shumë sfida dhe ngecje serioze në secilën fushë.

“Meqenëse Kosova aspiron anëtarësimin e saj në Bashkimin Evropian dhe është nënshkruese e Marrëveshjes së Stabilizim Asociimit dhe Marrëveshjes së Gjelbër, ajo do të duhej të merrte përsipër edhe obligimet që dalin nga këto marrëveshje. Këto kritere kanë të bëjnë kryesisht me reforma dhe përafrim të legjislacionit me acquis të Bashkimit Evropian dhe ndërmarrjen e masave për të ngritur kapacitet e institucioneve përgjegjëse për mbrojtjen e mjedisit”, tha gjatë publikimit të raportit Krenare Salihu nga Koalicioni 27.

Në kapitullin për ndotjen e ujit, theksohet se ka mungesë të mbrojtjes adekuate të liqeneve artificiale, lumenjtë e Kosovës janë në një gjendje të mjerueshme për shkak të ndotjes që shkaktohet kryesisht nga derdhja e ujërave të zeza dhe mungesa e impianteve të trajtimit, si dhe mbeturinat industriale dhe ato të ngurta.

Në kapitullin për ndotjen e ajrit konstatohet se Kosova vuan nga ndotja enorme e ajrit, posaçërisht gjatë dimrit, duke paraqitur edhe problem shëndetësor për qytetarët.

Në kapitullin për mbrojtjen e natyrës, thuhet se Kosova ka biodiversitet mjaft të pasur, me një llojllojshmëri të mirë të florës dhe faunës.

Edhe pse ligjërisht ka të shpallur një sipërfaqe të madhe të zonave të mbrojtura (11. 53% e territorit të saj), mbrojtja e tyre dhe e pasurisë llojore të organizmave të gjallë që jetojnë aty, mbetet ende sfiduese.

Në kapitullin për pylltari theksohet se ndonëse sipas ligjit, pyjet konsiderohen si pasuri kombëtare me rol të rëndësishëm jetësor, në praktikë ato nuk po konsiderohen të tilla, ku si rezultat kemi dëmtime enorme.

Në kapitullin për ndryshimet klimatike konstatohet se rruga për të arritur caqet e përcaktuara nga Bashkimi Evropian për uljen e emetimit të gazrave serë, duket shumë sfiduese për një shtet të cilit i mungojnë kapacitetet institucionale, strategjia për energjinë dhe ligji për ndryshimet klimatike.

“Mungesa e kapaciteteve institucionale dhe mosmiratimi i këtyre dy dokumenteve strategjike, e lë Kosovën në situatë të mjegullt, ngase ende nuk është e qartë nëse Kosova do të jetë e gatshme që përfundimisht të heqë dorë nga përdorimi i thëngjillit, apo në një skenar tjetër, cilat do të ishin alternativat për të diversifikuar burimet e saj të energjisë”, thuhet ndër të tjera në raport./Media Ndërtimi

 

Ambienti

Bashkimi Evropian dhe Suedia dhurojnë pajisje për mbrojtjen e pyjeve

Published

on

Për të mbështetur luftimin e prerjeve ilegale në Kosovë, programi i pylltarisë i FAO-s, i bashkëfinancuar nga BE-ja dhe Suedia, i dorëzoi Agjencisë Pyjore të Kosovës pajisje të ndryshme terreni.

Gjashtë automjete pick-up me kamera dhe pajisje GPS të integruara për inspektime në pyje, pajisje GPS për mbledhjen e të dhënave në terren, kamera kurth dhe dylbi nate për zbulimin e aktiviteteve të paligjshme pyjore iu dorëzuan Agjencisë në një ceremoni të organizuar në vendgjuetinë me rëndësi të veçantë “Blinaja”.

Në fjalimin e tij në këtë ceremoni, Ministri i Bujqësisë, Pylltarisë dhe Zhvillimit Rural, Faton Peci, falënderoi Zyrën e BE-së në Kosovë, Ambasadën e Suedisë në Prishtinë dhe FAO-n për mbështetjen e Agjencisë Pyjore të Kosovës në adresimin e mangësive në kapacitetet njerëzore dhe teknike për luftimin e aktiviteteve ilegale në pyje.

“Paralelisht me avancimin e politikave dhe legjislacionit, rëndësi të veçantë ka sigurimi i mekanizmave logjistikë që ndihmojnë menaxhimin më të mirë të sektorit të pylltarisë. Pyjet mbulojnë mbi 40 për qind të territorit të Kosovës, prandaj janë pasuri kombëtare dhe duhet t’i mbrojmë, ndërsa vetë duhet të ndihemi vetëm si shfrytëzues të përkohshëm të këtyre pyjeve”, tha ministri Peci.

Ambasadori i Suedisë në Kosovë, Jonas Westerlund, përsëriti se mbrojtja e mjedisit, duke përfshirë menaxhimin dhe mbrojtjen e burimeve natyrore, duhet të jetë prioritet më i lartë i Qeverisë.

“Suedia e ka mbështetur sektorin e pylltarisë në Kosovë për shumë vite, mirëpo nuk kemi parë aq përparim, përkundër mbështetjes përmbajtësore nga Suedia, por edhe nga zyra e BE-së në Kosovë. Miratimi i ligjit të ri për pyjet dhe të strategjisë është parakusht për zbatimin me sukses të këtij Programi dhe për të arritur përparim në këtë sektor. Ne presim rezultate në këtë fushë, që është e një rëndësie vendimtare për menaxhimin në mënyrë të qëndrueshme të burimeve pyjore dhe për mbrojtjen e biodiversitetit”, tha ambasadori Westerlund.

Pas dorëzimit të automjeteve dhe pajisjeve, programi për menaxhimin e qëndrueshëm të pyjeve do të organizojë aktivitete të ngritjes së kapaciteteve të personelit të Agjencisë Pyjore të Kosovës për përdorimin e duhur të këtyre pajisjeve./Media Ndërtimi

Continue Reading

Ambienti

“Xhepi Urban” në lagjen Arbëria të Prishtinës i domosdoshëm për sigurinë e qytetarëve, ka një kosto prej mbi 250 mijë euro

Published

on

Ditë më parë në lagjen Arbëria të Prishtinës, filluan punimet për ndërtimin e parkut, të quajtur si “Xhepi i Urban”.

Në një përgjigje për Ndërtimi.info, Drejtoresha e Drejtorisë së Parqeve në Komunën e Prishtinës, Donika Çetta, thotë se ndërtimi i këtij parku ka qenë domosdoshmëri, shkaku i rrezikut nga rrëshqitja e dheut.

“Më datë 22.11.2022 kanë filluar punimet për revitalizimin e hapësirave publike/ndërtimin e “Xhepit Urban”, në lagjen Arbëria 3, në Prishtinë.

Lokacioni gjendet në lagjen Arbëria, qasja bëhet nga rruga Vicianum në rrugën “Ahmet Krasniqi” (përballë ambasadës së Austrisë) e cila është pronë komunale dhe do të ju ofrojë qytetarëve qasje në të dy anët e rrugëve. Ndërtimi i këtij parku ka qenë domosdoshmëri për sigurinë e banorëve pasi është zonë me potencial të rrëshqitjes së dheut dhe duhet trajtuar”.

Çetta shtoi se në këtë park përveq sipërfaqeve gjelbëruese do të ketë edhe shtigje për këmbësor dhe shkallë ndërlidhëse me rrugë, ndërsa kosto e përgjithshme e ndërtimit të këtij parku pritet të jetë mbi 250 mijë euro.

“Lokacioni ka një sipërfaqe prej 1,093 m² .Hapësirat që i përmban ky park janë:

–          Sipërfaqe gjelbëruese

–          Shtigjet – pushimoret për këmbësorë

–          Shkallët – që ndërlidhin rrugët

Ndërtimi i “Xhepit Urban”, do të bëhet me qëllim të revitalizimit, krijimit të hapësirave të reja të gjelbëra, rritjes së funksionalitetit dhe përdorimit të hapësirave publike në atë lokacion, si projekt i iniciuar nga Drejtoria e Menaxhimit të Hapësirave Publike dhe Parqeve e Komunës së Prishtinës.

Kostoja totale e projektit është 277,327.55€ dhe sipas planit dinamik pritet të përfundojë në periudhën kohore prej 90 ditësh”.

Ajo foli edhe për vendimin e Qeverisë që paratë  e pashfrytëzuara nga Kryeqyteti të shkojnë në fondin e Qeverisë, ku tha se një vendim ndër të tjera dëmton edhe projektet e planifikuara nga Drejtoria e Parqeve.

“ Ashtu siç edhe ka thënë Kryetari i Kryeqytetit Z. Përparim Rama, nëse ky Projektligj për Buxhetin e vitit 2023 miratohet në formën aktuale do të dëmtojë rëndë zhvillimin e projekteve të Kryeqytetit gjë e cila do të ndikojë edhe në projektet e Drejtorisë së Menaxhimit të Hapësirave Publike dhe Parqeve”

Projekti për ndërtimin e “Xhepit Urban” në lagjen Arbëria ka një afat prej 90 ditësh./Media Ndërtimi

 

 

 

Continue Reading

Ambienti

“Fitore për banorët”, hiqet licenca për prodhim energjie në një nga hidrocentralet e Dibrës

Published

on

Gjykata e Lartë la sot në fuqi vendimin e Gjykatës së Apelit që i ka hequr firmës private “Seka hydropower” licencën për prodhim energjie nga hidrocentrali “Zais”.

“Ne i kishim pritshmëritë sepse kishim të njëjtin vendim në Shkallë të Parë dhe në Apel”, – tha për Citizens Channel Dorina Asllanaj, avokatja e banorëve të Zall-Gjoçaj.

Komuniteti i Zall-Gjoçajt në Mat, prej katër vitesh kundërshton hidrocentralet “Sekë” dhe “Zais” që fusin në tuba lumin Flim dhe Urakë.

Banorët e pritën më gëzim vendimin e Gjykatës së Lartë. “E morëm vesh fitoren. Ma i gëzum nuk kam si me u ndje!”, – thotë Adem Xhokola përmes telefonit. Edhe sot, ai së bashku me Hasan Pashën dhe Abdi Toçin rrugëtuan katër orë me makinë dhe dy orë në këmbë për të qenë të pranishëm teksa merrej vendimin nga Gjykata e Lartë.

“Mundi, djersa dhe sakrifica e katër viteve po japin rezultat. Duhet të këmbëngulësh, të mos dorëzohesh dhe të vazhdosh betejën që të arrish diçka. Ne këtë kemi bërë dhe po arrihet rezultati”, – thotë një tjetër aktivist Dhimitër Koleci, i cili ka lindur dhe është rritur në Zall-Gjoçaj.

“Jemi shumë të gëzuar, jemi shumë te emocionuar”, – përfundon ai.

“Seka Hydropower Sh.p.k” iu drejtua me anë të një rekursi Gjykatës së Lartë, duke pretenduar se i janë shkelur të drejtat proceduriale gjatë shqyrtimit të çështjes mbi hidrocentralin “Zais”.

Avokatja Asllanaj shpjegon se rekursi përdoret si mekanizëm nga njëra palë në rastet kur pretendohet se Gjykata e Shkallës së parë dhe e Apelit nuk i kanë dhënë mundësitë të barabarta që të paraqesë prova dhe që të dëgjohesh.

“Gjykata e Lartë ka vendosur mospranimin e rekursit duke lënë në fuqi dy vendimet”, – shtjellon më tej Dorina Asllanaj.

Zall-Gjoçaj u bashkua me Lurën në vitin 2018 duke formuar Parkun Kombëtar me sipërfaqen më të madhe në Shqipëri, “Lurë-Mali i Dejës”. Në po atë vit, firmës private iu dha leja për ndërtimin e dy hidrocentraleve, ku njëri prej tyre do të ndërtohej në zemër të parkut Kombëtar.

Aktivistë dhe banorë filluan rezistencën e tyre dhe kanë ngritur tre padi. Njëra prej padive ka kaluar të gjitha shkallët e gjyqësorit dhe ka mbajtur në fuqi vendimin e marrë në muajin janar të vitit 2021, që i hiqte licencën për prodhim energjie hidrocentralit që ndodhej brenda Parkut Kombëtar.

Sipas ligjit nr. 81/2017 në zonat e shpallura “Park Kombëtar”, kategoria II nuk lejohet të ndërtohen linja të prodhimit të energjisë si hidrocentralet.

Në janar të vitit 2022, pas rishikimit të zonave të mbrojtura, territori ku është ngritur sot diga në Zall- Gjoçaj u hoq nga parku “Lurë – Mali i Dejës” dhe nuk është më pjesë e Parkut Kombëtar./Media Ndërtimi.

Continue Reading

Trending