Connect with us

Trashëgimia

Kosova arrin marrëveshje me Izraelin për shkëmbimin e dokumentacioneve arkivore

Published

on

Marrëveshja mes Agjencisë Shtetërore të Arkivave të Kosovës dhe Yad Vashem, Autoritetit të Përkujtimit të Martirëve dhe Heronjve të Holokaustit parasheh shkëmbimin e përvojave në restaurimin e materialeve dhe përmirësimin e kualitetit dhe kushteve të arkivimit në institucione, shkëmbimin e dokumentacioneve arkivore që kanë të bëjnë me fatin e hebrenjve në Evropë gjatë Luftës së Dytë Botërore dhe bashkëpunim në fushën e studimeve shkencore, publikimeve, konferencave dhe ekspozitave të përbashkëta.

Qeveria e Kosovës respektivisht Ministria e Kulturës do të vazhdoj angazhimin për të fuqizuar bashkëpunimin kulturor me shtetet e rajonit dhe Italinë, Austrinë, Holandën, Portugalinë, Katarin dhe të tjera.

Gjatë konferencës Ministri Çeku dhe detaje edhe për thirrjet e hapura për mbështetje në fushën e kulturës dhe trashëgimisë kulturore.

Thirrja për mbështetje financiare të skenës së pavarur është në fazën e shqyrtimit të aplikimeve, rezultatet do të shpallen javëve në vijim ndërsa shumë e parashikuar për këtë thirrje është 2.3 milion euro.

Dy thirrje të tjera të hapura të Ministrisë së Kulturës janë ajo për blerje të veprave të artit nga artistë vendorë (300 mijë euro për vitin 2022) dhe ajo për bursa për të rinjtë e Kosovës, në fushat e kulturës, trashëgimisë kulturore dhe sport (gjithsej 30 bursa).

Në fund të konferencës ai njoftoi opinionin në lidhje me procesin e ndërtimit të Teatrit të Operës dhe Baletit i cili ka kaluar fazën e ndarjes së lokacionit nga Kuvendi i Komunës së Prishtinës dhe së shpejti pritet të bëhet shpallja e konkursit ndërkombëtar për projektim./Media Ndërtimi.

Trashëgimia

Të rinjtë kosovarë mësuan teknika mbi restaurimin dhe riciklimin e mobileve të vjetra

Published

on

I organizuar nga Manifesta 14 Prishtina përmes programit HeritageLab, në këtë kamp një grup pjesëmarrësish mësuan teknika mbi restaurimin dhe reciklimin e mobiljeve të vjetra të ish- Bibliotekës Hivzi Sulejmani.

Tutje, krijimet e tyre do të ripërdoren në ndërtesën e njëjtë por me funksion të ri si Qendra për Praktikë Rrëfyese, një institucion i ri ndërdisiplinor./Media Ndërtimi.

Continue Reading

Trashëgimia

‘Nuk kam asgjë rreth renovimit të shtëpisë së Xhafer Devës nëse ka vlerë arkitekturore’

Published

on

Ambasadori i Gjermanisë në Kosovë, Jorn Rohde, ka deklaruar në emisionin “Kallxo Përnime” se nuk e ka problem që Kosova ta ruajë shtëpinë e Xhafer Devës.Por, sipas tij, nëse nuk vendoset si figurë kontraverse historike, atëherë nuk është mënyra e duhur për të shkuar përpara.

“Unë e kam thënë, nuk kam asgjë rreth renovimit të shtëpisë nëse ka vlerë arkitekturore, dhe nuk kam asgjë kundër renovimit të shtëpisë së Xhafer Devës, i cili është një figurë historike. Unë as nuk e kam njohur personin në fjalë, kam lexuar pak për të.

Ju duhet ta vendosni historinë në kontekst. Ju e dini që gjermanët kanë bërë gjëra të tmerrshme në të kaluarën edhe në Ballkan, masakra dhe ballafaqimi me të kaluarën është një çështje shumë e vështirë. Duhet të shkohet përmes ripajtimit, duhet të pranohet diçka dhe Xhafer Deva është një figurë historike. Ai ishte, siç thashë në Twitter, ai ishte bashkëpunëtor me regjimin nazist. Ai ishte i punësuar nga forcat e armatosura gjermane që nga 1941”, u shpreh Rohde.

“Nëse paralajmëroni diçka dhe nuk e vendosni menjëherë një figurë kontraverse historike në kontekst, atëherë kjo nuk është mënyra e duhur për të shkuar përpara. Më fal, por do të shkruaja prapë për të. Nëse thoni në Gjermani se shtëpia e Hermann Goering do të renovohet, do të ishte një lajm i madh, nga këtu do të kishim një konotacion pozitiv, ky ishte lajmi origjinal ‘Lajm i madh – Më në fund po renovohet shtëpia e Xhafer Devës’.

Nëse shkruani se do të ketë një ekspozitë për figurën, po kjo nuk ishte vendosur në kontekst, dhe unë e kritikova këtë pikë. Ata duhet ta renovojnë atë”, tha ambasadori gjerman.

Xhafer Deva nga Mitrovica njihet si bashkëpunëtor i nazistëve gjermanë. Ai ishte organizator i themelimit të organizatës “Lidhjes shqiptare të Prizrenit” dhe konsiderohet si ideatori i themelimit të divizionit ushtarak SS “Skanderbeg”.

Deva shërbeu si ministër i Punëve të Brendshme të Shqipërisë gjatë viteve 1943-1944, kur vendi ishte nën kontrollin e regjimit nazist të Adolf Hitlerit.

Restaurimi i këtij monumenti ka nisur më 2018, pas një zjarri që e kishte kapluar më 2015.  Por, restaurimi u ndërpre për të rinisur në fillim të këtij muaji. MKRS postoi në Facebook disa fotografi të ministrit Çeku i cili inspektoi shtëpinë e Devës me rastin e fillimit të restaurimit./Media Ndërtimi.

Continue Reading

Trashëgimia

“Hartëzimi i lëvizjeve subkulturore në Prishtinë, Tiranë dhe Shkup”, publikohet të enjten

Published

on

Të enjten më 23 qershor në ora 18.00, do të publikohet hulumtimi “Hartëzimi i lëvizjeve subkulturore në Prishtinë, Tiranë dhe Shkup”, që përbëhet nga tre libërtha të veçanta që nxjerrin në pah hulumtimin e bërë në këto qytete.

Ky hulumtim është zhvilluar nga Departamenti i Edukimit dhe Ndërmjetësimit të Manifesta 14 së bashku me Termokiss e me grupe të ndryshme të artistëve, aktivistëve, organizatorëve, hulumtuesve e historianëve të rajonit.

Eventi përcillet me muzikë live prej bendit ‘Veteranët e Venedikut’ e do të mbahet në plato të Pallatit të Rinisë dhe Sporteve.

Autorët dhe hulumtuesit e Prishtina: Hapësira Ngushëllimi dhe Subvervsioni do të jenë të pranishëm për të folur për punën e tyre./Media Ndërtimi.

Continue Reading

Trending