Aktuale
Komunat do të ndalin shumë projekte si pasojë e krizës nga koronavirusi
Published
4 years agoon
![](https://ndertimi.info/wp-content/uploads/2019/11/prishtina.jpg)
Komunat e Kosovës kanë shënuar rënie të madhe të të hyrave vetjake gjatë kohës kur Kosova po përballet me pandeminë e koronavirusit.
Tridhjetë e tetë komunat e Kosovës, për vitin 2020 kanë planifikuar të hyra vetjake në vlerë rreth 83 milionë eurosh, por që kjo do të jetë e paarritshme, sipas një hulumtimi që ka bërë Instituti për Studime të Avancuara (GAP).
Në bazë të raportimeve që komunat e Kosovës kanë bërë në Ministrinë e Financave dhe Transfereve në muajin mars dhe prill, thuhet të kenë arkëtuar afër 10 milionë euro më pak krahasuar me periudhën e njëjtë të vitit të kaluar.
Bekim Salihu, hulumtues në GAP, tha për Radion Evropa e Lirë se ky hulumtim ka vënë në pah se pandemia ka goditur rëndë të hyrat në komunat e Kosovës.
“Vlerësimi i bërë nga GAP tregon që në të gjitha komunat e Kosovës ka rënie të mëdhe të të hyrave komunale dhe kjo në disa komuna ndryshon nga 45 për qind deri në 90 për qind. Kjo përkthyer në shifra i bie që vetëm gjatë muajit mars dhe në muajin prill, komunat kanë humbur 9,3 milionë euro të hyra vetanake”, tha Salihu.
Komunat, sipas hulumtimit të GAP-it, do të dalin të dëmtuara në të hyra vetanake veçmas nga kategoria e tatimit në pronë, nga gjobat policore në rrugët lokale, nga vendimet e gjykatave dhe nga shfrytëzimi i hapësirave publike nga ana e gastronomisë.
124 projekte kapitale do të shtyhen si pasojë e pandemisë
Rënia e të hyrave në komunat e Kosovës do të përcillet me pamundësi të realizimit të disa projekteve kapitale.
Nga hulumtimi i zhvilluar, thotë Salihu, së paku në 16 komuna, 124 projekte kapitale do të shtyhen si pasojë e gjendjes së krijuar nga pandemia COVID-19.
“Do të jetë një vit problematik sa i përket investime publike për shkak se të hyrat nuk do të bien vetëm tek niveli lokal, por edhe tek ai qendror dhe kjo do të ndikojë edhe në nivelin lokal”, thotë Salihu.
Nga parashikimet që janë bërë nga Qeveria në detyrë e Kosovës është thënë se buxheti i shtetit mund të ketë deri në 200 milionë euro më pak të hyra të cilat mblidhen nga Administrata Tatimore e Kosovës dhe Doganat.
Një punëtor dezinfekton një shportë ushqimesh në një supermarket në Prishtinë. 17 prill, 2020.
Qeveria e Kosovës, në pakon e parë emergjente fiskale pati ndarë 10 milionë euro për komunat e Kosovës që do të shfrytëzohen për tejkalimin e pasojave të krijuara nga masat e ndërmarra në parandalimin e sëmundjes COVID-19, që shkaktohet nga koronavirusi.
Por, që kjo vlerë thotë Salihu, është e pamjaftueshme për të sanuar pasojat e pandemisë.
Niveli qendror të ndihmojë atë lokal
Drejtori ekzekutiv i Asociacionit të Komunave të Kosovës, Sazan Ibrahimi, tha për Radion Evropa e Lirë se masat e marra për parandalimin e COVID-19 do të ndikojnë në mosinkasimin e të hyrave vetanke, që përbejnë një pjesë substanciale të buxhetit të komunave.
“Pandemia do të jetë një faktor që do të shkaktojë që këto të hyra (rreth 83 milionë euro të planifikuara në 2020) të mos mbledhin në nivelin e lartë. Ne shpresojmë që në bashkëpunim me nivelin qendror, projektet kapitale që kanë qenë të planifikuara në buxhetin e komunave, të kompensohen”, thotë Ibrahimi.
Një dyqan i mbyllur në Prishtinë për shkak të pandemisë.
Kosova pa të dhëna të sakta për dëmet ekonomike nga COVID-19
Mosinkasimi i të hyrave komunale, shton Ibrahimi, do të ndikojë në jetën e qytetarëve të këtyre komunave, ku nuk do të mund të realizohen projektet kapitale të cilat kryesisht kanë pasur të bëjnë me përmirësimin e infrastrukturës.
“Çdo investim në komunat që e kanë planifikuar për këtë vit e kanë pasur për qëllim që të ketë ndikim në përmirësimin e jetës së qytetarëve, si projektet që kanë të bëjnë me rrugë, ujësjellës, kanalizim e të tjera”, thotë Ibrahimi, duke shtuar, se kryetarët e komunave janë zotuar që këto projekte që nuk realizohen në këtë vit, do të realizohen në vitin e ardhshëm.
Pushteti lokal në Kosovë ka luajtur rol aktiv në ndërmarrjen e masave në parandalimin e përhapjes së koronavirusit.
Të gjitha komunat e Kosovës kanë aktivizuar shtabet lokale të krizave dhe kanë krijuar grupet operative në terren.
You may like
-
Pal Lekaj reagon ndaj deklaratave të Durmishti për dosjen ku dyshohet të ketë abuzime
-
Struktura e shtëpisë Shehzade në Prizren
-
Druri si mjet për dizajnimin e banjove
-
A po zbehen kompetencat e AKP-së në asetet shoqërore, Ekzekutivi sjell projektligj me kritere të reja për të drejtën banesore
-
Iluzioni optik që e bën kafenenë të duket sikur film vizatimor (FOTO)
-
Një kuzhinë moderne me zbukurime nga bakri dhe çeliku
Aktuale
Deodorantë, shishe uji plastike…: Çfarë nuk duhet të lini në vetura në ditët e nxehta?
Published
1 month agoon
July 25, 2024![](https://ndertimi.info/wp-content/uploads/2024/07/air-freshener-hanging-on-rear-600nw-1639535368.webp)
Dielli dhe nxehtësia kanë një efekt shkatërrues në disa gjëra që përdorim dhe nuk është e mençur t’i lëmë në vetura.
Duket e arsyeshme të mbani një shishe me ujë në veturën tuaj gjatë një vale të nxehtë. Megjithatë, bisfenoli A dhe ftalat në plastikë, kimikate që veprojnë si lidhës dhe e bëjnë plastikën fleksibël, po shkaktojnë shqetësim tek ekspertët që studiojnë efektet e tyre në shëndetin e njeriut. Lënia e ujit në shishe plastike në një makinë të nxehtë mund të bëjë që këto substanca të lëshohen në ujë, shkruan The Sunday Times.
Nxehtësia e madhe në vetura mund të dëmtojë bateritë e të gjitha pajisjeve që i përdorin, që nga kompjuteri, celularët… Ka edhe shishe me krem kundër diellit, të cilat nuk duhet t’i lini në diell (një paradoks interesant, apo jo?) sepse në disa raste mund të shpërthejnë. Më pas janë të gjitha spërkatjet, nga deodoranti tek llaku i flokëve. Kur temperatura arrin rreth 48 gradë Celsius, presioni në rezervuar rritet mjaftueshëm për të shkaktuar një shpërthim, thonë ekspertët. Kornizat plastike të syzeve të diellit mund të shtrembërohen dhe zbardhen, dhe lentet mund të shtrembërohen.
Disa ilaçe, si antibiotikët, duhen mbajtur në frigorifer. Ilaçet në përgjithësi nuk e tolerojnë nxehtësinë dhe disa prej tyre do të bëhen të papërdorshme pas ekspozimit ndaj temperaturave jashtëzakonisht të larta. Nëse përdorni injeksione adrenaline, dobia e tyre zhduket në automjetet e nxehta. E cila, natyrisht, është çështje jete ose vdekjeje.
Buzëkuqi do të shkrihet në temperatura të larta.
Është dokumentuar se kanaçet e gazrave mund të shpërthejnë kur ekspozohen ndaj nxehtësisë ekstreme. Edhe lëngu i portokallit mund të shpërthejë nëse lihet në makinë për një kohë të gjatë, dhe kjo do të thotë një brendshme ngjitëse…
Lënia e çakmakut të disponueshëm në makina në ditët e nxehta nuk është një ide e zgjuar. Shpërthimi i tyre mund të shkaktojë dëme të mëdha dhe madje të thyejë xhamin e përparmë./Media Ndërtimi
![](https://ndertimi.info/wp-content/uploads/2024/07/897a60d3-c6be-4cd9-a951-f16fd70892e0-1333x1000-1.jpg)
Me ceremoni të mërkurën është bërë hapja e Odës së Minierave të Kosovës që u konsiderua një hap tejet i rëndësishëm për zhvillimin ekonomik, raporton Ekonomia Online.
Themeluesi, Mentor Demi, ka thënë se kjo ceremoni është një hap shumë i rëndësishëm në drejtim të zhvillimit të industrisë së minierave në Kosovë.
Alaudin Kodra, anëtar i Bordit në Odën e Minierave të Kosovës, ka thënë se gjeologjia e Kosovës, është e pasur dhe pikërisht kjo ka qenë një nga arsyet e fillimit të tij për punuar në Kosovë.
“Ligji minerar është ligj i mrekullueshëm i cilësisë së lartë për dallim nga. Pjesa perëndimore e Kosovës është një vazhdimësi e gjeologjisë së Shqipërisë. Kosovës i duhen kompani serioze, dua të iu urojë gjithë të mirat të keni suksese”, ka thënë nder tjera Kodra.
Zëvendësministri i Industrisë, Sipërmarrjes dhe Tregtisë, Mentor Arifaj, ka thënë se kontributi i madh për të ardhur deri te hapja e Odës është për tu vlerësuar.
“Do ta luajë një rol ndërmjet një katalizatori i akterëve të shumtë dhe investitorëve potencial qoftë vendor apo ndërkombëtarë. Oda do ta luajë një rol të rëndësishëm në kuptimin e avancimit duke përfshirë njësi të ndryshme në arenën ndërkombëtare në sektorin e minierave”, ka thënë ai.
Nurten Deva, Rektor i Universitetit Isa Boletini, ka thënë se zhvillimi i industrisë minerare ka një rol të rëndësishëm në zhvillimin ekonomik.
“E përgëzojë zotëri Demin për guximin që ka ndërmarrë një hap të tillë për themelimin e një odë nga privatët. Nuk e kanë pas mbështetjen e duhur për të arritur vizionin në planet e tyre strategjike”, ka thënë Deva. Andor Lips, Drejtori jo-ekzekutiv në Western Tethyan Resources, ka thënë se Osat kanë shumë të rëndësishme si një lloj urë lidhëse në mes të investitorëve të huaj dhe institucioneve shtetërore./Media Ndërtimi
Aktuale
Gjykata e Apelit anulon vendimin për ndërtimin e hidrocentralit të Poçemit në Vjosë
Published
2 months agoon
July 24, 2024![](https://ndertimi.info/wp-content/uploads/2024/07/3.-Vjosa-at-Pocem-c-Gregor-Subic.jpg)
Pas 10 vitesh nëpër procese gjyqsore, banorët e Mallakastrës fituan të parën betejë ligjore për çështjet mjedisore në vendin tonë. Gjykata Administrative e Apelit në Tiranë anuloi të mërkurën vendimin për ndërtimin e hidrocentralit Poçem në lumin Vjosa. Gjykata i dha të drejtë banorëve dhe organizatave mjedisore, duke konfirmuar aktvendimin e plotë të shkallës së parë dhe argumentet e tij në mbështetje të pretendimeve të paditësve.
Vendimi shënon fitoren përfundimtare të çështjes së parë mjedisore të trajtuar nga Gjykata në Shqipëri.
Beteja ligjore ka nisur në dhjetor të vitit 2016 nga EcoAlbania, EuroNatur dhe Riverwatch, së bashku me 38 banorë të fshatit Kutë në Mallakastër. Ata kundërshtuan ndërtimin e hidrocentralit të Poçemit, duke pretenduar se “procedurat e ndjekura për dhënien e kontratës koncensionare si dhe procesi i konsultimeve me publikun, ishin zhvilluar në shkelje të legjislacionit shqiptar dhe të konventave ndërkombëtare”.
Banorët dhe organizatat fituan betejën e parë në maj të 2017, kur Gjykata Administrative e Shkallës së Parë vendosi në favor të tyre.
Palët e paditura janë Ministria e Mjedisit, Agjencia Kombëtare e Mjedisit, Avokati i Shtetit (në emër të Ministrisë së Energjisë) dhe shoqëria koncesionare (Kovlu Energy), të cilat apeluan vendimin e Gjykatës Administrative të Shkallës së Parë.
Pas 8 vitesh Gjykata e Apelit ka vendosur të rrëzojë padinë e tyre dhe të lërë në fuqi vendimin e Gjykatës Administrative të Shkallës së Parë.
Ndërkohë që vijonte kjo betje ligjore, banorë dhe organizata mjedisore si EcoAlbania nisën fushatën në mbrojtje të lumit Vjosa “Të shpëtojmë zemrën blu të Evropës”.
Pas një beteje të gjatë, në Mars 2023, lumi Vjosa dhe degët e tij Drino, Bënça, Shushica dhe Kardhiqi, u shpallën Park Kombëtar duke ofruar mbrojtje ligjore edhe nga 45 hidrocentralet e planifikura për t’u ndërtuar në gjithë basenin e Vjosës.
Drejtues i Eco Albania Olsi Nika në një reagim për mediat tha se “edhe pse ky vendim vjen në një tjetër realitet, pas shpalljes së Parkut Kombëtar të Vjosës, ne e konsiderojmë si një arritje për komunitetin, aktivistët dhe avokatët e angazhuar në mbrojtjen e lumit Vjosa, të cilët e kanë ndjekur këtë çështje me rigorozitet dhe vendosmëri”.
Hidrocentrali i Poçemit, ishte aktpadia e parë e një çështjeje mjedisore në Gjykatën Administrative në Shqipëri. Ajo i hapi rrugën shumë çështjeve të tjera mjedisore të ngritura nga organizatat dhe banorët për të kërkuar të drejtën për ruajtjen e pasurive natyrore të vendit.
Avokati i çështjes Vladimir Meçi tha se vendimi përfundimtar përbën një arritje në ndërtimin e praktikës gjyqësore administrative që lidhet me te drejtën mjedisore në Shqipëri.
“E gjithë ecuria e çështjes së kundërshtimit të ndërtimit të HEC-it të Poçemit në rrugë gjyqësore, është një model pioner për të gjithë ata që kanë qenë pjesë e tij, përfshirë Organizatat, komunitetin, ne avokatët por edhe vetë gjykatën”, tha Meçi./Mediqa Ndërtimi
![](https://ndertimi.info/wp-content/uploads/2024/07/1721676570_shkoder-80x80.jpg)
“Kulla s’asht cool”-qytetarët e Shkodrës po protestojnë kundër ndërtimit të objektit 35 katesh
![](https://ndertimi.info/wp-content/uploads/2024/07/ndertim-rusi-80x80.jpg)
Si Vladimir Putin krijoi një ‘flluskë’ të pasurive të paluajtshme
![](https://ndertimi.info/wp-content/uploads/2024/07/449843230_858707342817912_8980863323005389981_n-768x432-1-80x80.jpg)
Kinezët dhe turqit “gëzojnë” koncesionin e bakrit në Shqipëri
![](https://ndertimi.info/wp-content/uploads/2024/07/air-freshener-hanging-on-rear-600nw-1639535368-80x80.webp)
Deodorantë, shishe uji plastike…: Çfarë nuk duhet të lini në vetura në ditët e nxehta?
![](https://ndertimi.info/wp-content/uploads/2024/07/Kennedy-Space-Center-United-States-1024x683-1-80x80.webp)
Një autostradë dixhitale do të ndërtohet mes Tokës dhe Hënës
![](https://ndertimi.info/wp-content/uploads/2024/07/20240724-100940-DX235RTF7TunnellingExcavatorpic1red-80x80.png)
Develon prezanton ekskavatorin tunelues DX235RTF-7
![](https://ndertimi.info/wp-content/uploads/2024/07/20240723-200833-liebherrlogistikzentrumoberopfingen96dpi-80x80.jpg)
Liebherr blen 119 hektarë në SHBA për të ndërtuar një qendër logjistike
![](https://ndertimi.info/wp-content/uploads/2024/07/322A9899-80x80.webp)
Epiroc përballet me sfida në tregun e ndërtimit
![](https://ndertimi.info/wp-content/uploads/2024/07/20221208-101857-AdobeStock298588860-80x80.jpeg)
India do të shpenzojë 132 miliardë dollarë në infrastrukturë
![](https://ndertimi.info/wp-content/uploads/2024/07/bulevardi-6-80x80.jpg)
Bulevardi i palmave dhe agrumeve në Vlorë, 3.4 milion euro për projektin
![](https://ndertimi.info/wp-content/uploads/2022/09/rhrhr.png)
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
![](https://ndertimi.info/wp-content/uploads/2020/05/88175343_2685516351566261_8458769155523346432_n-80x80.jpg)
Në Kosovë po prodhohen shtëpi të gatshme me beton të parafabrikuar [video]
![](https://ndertimi.info/wp-content/uploads/2021/09/Post-1-80x80.jpg)
Agroturizmi më i madh në Ballkan ndërtohet në Suharekë
![](https://ndertimi.info/wp-content/uploads/2022/09/m2.png)
Këto janë 5 kompanitë ndërtimore më të mëdha në Prishtinë, prinë Marigona Hill
![](https://ndertimi.info/wp-content/uploads/2022/12/2ee-1.png)
Kush po i pengon hetimet në rastin “Brezovica” ku u sekuestruan 75 villa
![](https://ndertimi.info/wp-content/uploads/2022/07/291368139_10166508543725437_3432133904018593708_n.jpg)
Pa e shkatërruar natyrën, lagjja Area34 vjen me shumë kasolla në liqenin e Batllavës
![](https://ndertimi.info/wp-content/uploads/2022/05/ggs.jpg)
Lëndohen dy punëtor të ndërtimit pas rrëzimit të një plloçe në Kaçanik
![](https://ndertimi.info/wp-content/uploads/2022/04/wsfsr.png)
Rruga A del këtë javë në tenderim, do të ketë gjashtë korsi
![](https://ndertimi.info/wp-content/uploads/2020/03/91036644_3104003359662927_6127414324039254016_o-80x80.jpg)
Kompania kosovare “FORMON” krijon ventilatorë të frymëmarrjes
![](https://ndertimi.info/wp-content/uploads/2022/12/Ballina.png)
You must be logged in to post a comment Login